Têx txir ntông tsơưr lươngv siêz nhoz Sơn La, “iz kro jông” tok chor nênhs yưv pênhr tsiv uô

Tsênhv qơư tsiv uô txir ntông Doveco Sơn La (nhoz Công ty zav nox muôs trâu luôs 2 chas têz qơưk Đồng Giao) ntơưv huyện Mai Sơn đhâu iz shông ntâu cxiv tsa zuôr qir uô tâu tiêr thiêz uô hâux lưv trâu kaz hli 5 no. Co zos iz hâur têx dưv anr lox, yưv pênhr uô luôs hâux lưv tsiv uô têx txir ntông tỉnh Sơn La hu zâuv yưv pênhr cxiv uô hâur 2 shông đhâu. Zơưv Nguyễn Thanh Tùng, Giám đốc chi nhánh Sơn La heik pâuz: Dưv anr Tsênhv qơư tsiv uô txir ntông Doveco Sơn La zos qơư jông tsiv uô têx txir ntông txix sik côngv têk chos, tu, sâu zuôr têx xiv huv txos tsiv uô, zuôr muôs huv hâur thax tsav thiêz đrâuv luôs 2 chas têz qơưk. Đros thiêz qơư lox đar iz shông uô tâu 50 cxênhz ntâu tênhr hax huv, xav hur si pênhr yưv uô tas muôx nhos 400 tyv đeiv, thâuv tsêr meir no uô hâux lưv zuôr sâu zuôr 500 cxênhz tênhr têx txir ntông cxuô zav iz shông, li: Txir mo môngk, txir lưk hmaz, txir bơ…., đhâu ntơư, paz muôz hâux lưv uô, cxaz nzir phênhv sâu tâu trâu yênhx puô lênhx lox tôngv ntơưv qơư: “Thâuv qơư chos truôx tuk, tsêr meir tsiv uô thiêz tỉnh li têx chei jông mak pêz zuôr uô ntêr luôs hâux lưv no. Pêz cux uô tsâus ntâu txos tỉnh Sơn La tưz muôz jông six hơưv chiê pêz muôx têx fuô uô tâu yênhx côngz dưv anr no, vav chiê siêz pêz zuôr paz iz phênhv trâu tỉnh Sơn La li cêr huôv tsar kinh tế”.

Seiz pov têx muôx jông hâur thax tsav qơư thiêz tâu cấp ủy, hâu nov hâur thax tsav cxiz txix têx tsênhv chei huv đros, tsi tsơưs doanh nghiệp nhoz Sơn La tưz sir jos yưv pênhr trâu luôs hâux lưv huôv tsar uô kôngz thiêz cxaz chuôz muôs têx xiv huv trâu luôs 2 chas têz qơưk đrâuv. Công ty muôv muôs thiêz dịch vụ Trường Mai nhoz huyện Mai Sơn têx shông jê lok no, thâuv chor txir ntông hâur thax tsav muôx ntâu thiêz jông, tâu ciêz đrôngs hâur têz qơưk thiêz sâuv ntiêx têz nhiêv zuôr txos ntâu, tưz sik đros côngv têk paz heik kriê thiêz sâu zuôr muôs têx xiv huv txir ntông trâu luôs 2 chas têz qơưk đrâuv. Pos Nguyễn Bích Ngọc, Giám đốc Công ty heik pâuz, shông 2021, công ty tưz muôs zuôr xar 8 cxênhz tênhr têx txir ntông cxuô zav. Tsưr ziv hâur shông no cux zos muôs bâuv li co thiêz, lok sik ntâu đuô hâur shông uô ntêx, chor txir ntông co phênhv ntâu zos txir mo môngk, txir lưv tsiz shôngz, txir thanh long….. “Txix hâur chiv cheix, pêz tưz bax tsưr ziv muôs têx txir ntông muôx ntơưr côngk nhav thax tsav chos thiêz tsiv uô…chiê taz por muôs tâu trâu luôs 2 chas têz qơưk đrâuv. Đhâu co, pêz cux bax lênhx nênhs chiê muôx txâuk nênhs lês uô têx luôs hâux lưv li: Sâu zuôr, tsiv uô cov trơưk li cui tinhv chiê muôs tâu trâu luôs 2 chas thax tsav. Iz kro thiêz zos pêz doanh nghiệp tưz sir jos khưx phưx têx phiv liv lok moz gênhk, uô li chas chiê tas nro pêz têx hax huv muôx têx muôs tâu đhâu tas trâu luôs 2 chas têz qơưk”.

Thôngz sâu hâur 3 shông tror lok no, Sơn La tưz cir ntơưr yiêz, uô yiêz têx chei yưv pênhr, ntơưr đas cir yưv pênhr trâu 116 dưv anr, xav hur si têx pênhr đas cir yưv uô xuz thơưx zos 10 cxênhz tyv đeiv ntâu. Hâur co muôx ntâu tập đoàn kinh tế lox cxaz chuôz trâu hâux lưv tsiv uô têx kôngz chênhr hâur tỉnh, li: Tập đoàn TH yưv pênhr uô tsêr meir tsiv uô têx txir ntông nhôngk thiêz yuôx đrox njuôz nhoz huyện Vân Hồ; Công ty zav nox muôs trâu luôs 2 chas têz qơưk Đồng Giao cxiv tsa Tsênhv qơư tsiv uô têx txir ntông DOVECO Sơn La ntơưv huyện Mai Sơn….. Trơưk li zơưv Nguyễn Thành Công, Phưv Chủ tịch Ủy ban tỉnh Sơn La, đhâu hu zâuv yưv pênhr uô hâur têx shông đhâu tưz paz cxiz ntơưv qơư tsaz yênhx cxuz cêr yeiz pluôs, cxiv tsa jêx jok yiêz thiêz uô hlôngr yiêz ngênhx kôngz nuv.  “Luôs hâux lưv hu zâuv yưv pênhr uô hâur ngênhx kôngz nuv tưz paz uô hlôngr yiêz tỉnh têx tsưr ziv, côngz trênhx cxuô zav; tiv 2 zos cxiz tỉnh Sơn La li công nghiệp tsiv uô kôngz nuv; tiv 3 zos muôz jông qơư, tsưr ziv sik côngv têk siz paz nhoz tsôngv pêx xênhv, HTX, doanh nghiệp, têx tsêr meir lox tsiv uô thiêz thax tsav ciêz đrôngs pêz tưz muôx tâu, uô yênhx têx qơư zuôr muôs lok six jông. Iz kro thiêz zos txix hu zâuv yưv pênhr uô, tưz paz muôz hâux lưv uô, gra siêz txux chi tsưr ziv uô hâux lưv thiêz tsar ndê phênhv sâu tâu trâu tsôngv pêx xênhv, txix ntơư paz cxiz huôv tsar kinh tế-Xã hội heik taz thiêz truôx tuk chính trị-xã hội trâu tas nro tỉnh heik cxuô”.

Txix 80 cxênhz ntâu ha liêx têz têx tsoz chos ntông nox txir nhiv no, Sơn La tsênhv cxiz luôs hâux lưv hlôngr yiêz têx tsoz chos chênhr trơưk yênhx suôv qơư, yênhx thax tsav, chiê yênhx thax tsav chos truôx tuk têx kôngz heik sâuv trâu chor tsêr meir muôx nhiv no thiêz tsêr meir tsênhv fuô uô cxiv tsa cov uô tâu hâux lưv tsiv uô têx txir ntông./.

(Thu Thùy-Riê Lâux cxeik, nhênhv)

Xor thêir pak njêl, cưx đêx cưx ha, phax tar trâus pôngz đêx trâu chor nhuôs zâu

Xar Lâm Thượng zos iz hâur chor xar muôx ntâu pak njêl, cưx đêx cưx ha nhoz huyện Lục Yên, tỉnh Yên Bái. Viv li yênhx shông puôr lênhx muôx yưv chor jiês trâus pôngz đêx.

Lơưr thôngz sâu, txix shông 2015 txos nhiv no, chor txuz trâus pôngz đêx tưz uô 5 lênhx nhuôs zâu trâus tuôs. Chiê taz por ngaz tuk trâu chor nhuôs zâu, uô ntêx chêix so sor shông no, xar tưz kriz uô chor tsưr ziv phax tar trâus pôngz đêx, txiêz nanv trâus saz txos trâu tas nro chor jêx jok. Qênhz yuôx chor qơư phiv liv chiê rêik fiêx hêik pâuz, xor thêir…. Zơưv Hoàng Khí Phách, Phưv Chủ tịch Ủy ban xar Lâm Thượng, huyện Lục Yên puz pâuz: “Chiê taz por ngaz tuk, phax tar trâus pôngz đêx, txiêz nanv trâus saz trâu chor nhuôs zâu, uô ntêx chêix so sor xar tưz nriêr pâuz txos têx qơư phiv liv trâu chor nhuôs zâu chiê rêik fiêx hêik pâuz, xor vax thêir iz ndis têx pak đêx, cưx đêx, cưx ha. Thôngx cxix sir jos yax kriê txos trâu chor nênhs sêiz jor têx mê nhuôv pâuz chiê tsês ntâu six hơưv đuô sêiz shuôk, txoz cxơưx trâu chor nhuôs zâu cov muôx tâu iz chêix so sor ngaz tuk, lov jêv”.

Tân Lĩnh zos xar nhoz iz saz ntus đêx Sông Chảy, muôx ntâu pak đêx, cưx đêx…đros qênhz yuôx jông têx qơư phiv liv chiê muôx tâu tsưr ziv taz por cov ngaz tuk, yênhx shông xar tsưr tsix chor lớp kriê uô luôv đêx trâu chor nhuôs zâu. Pos Hoàng Thị Thanh Vân, Bí thư Đảng ủy, Chủ tịch Ủy Ban xar Tân Lĩnh, huyện Lục Yên hêik: “Xar Tân Lĩnh tsưr tsix kriz lớp kriê uô luôv đêx trâu chor nhuôs zâu thiêz zos xar kriz tâu ntâu lớp. Qơư kriê uô luôv đêx zos chox muk kriê trâu ntơưv thị trấn Yên Thế cov muôx tâu pak đêx chiê uô luôv đêx, taz por muôx nênhs kriê cov chor nhuôs pâuz uô luôv đêx”.

Côngz xưv phax tar trâus pôngz đêx, txiêz nanv trâus saz trâu chor nhuôs zâu nhoz huyện Lục Yên, tỉnh Yên Bái tsik so tâu tsov cưv txos hâur têx shông đhâu, taz sik tiv ntâu qir tiv yênhx shông nhoz huyện cux tsênhv muôx yưv chor txuz trâus pôngz đêx, tiv zix zos hâur chêix so sor.

Lơưr thôngz sâu, xav txix shông 2019 txos nhiv no, huyện Lục Yên tưz muôx 11 lênhx nhuôs zâu trâus tuôs tiv trâus pôngz đêx. Uô ntêx chêix so sor, thax tsav qơư tưz qênhz yuôx đuô tas nro chor pak njêl, pak đêx, cưx đêx, cưx ha…sâuv thax tsav. Đhâu qênhz yuôx mak muôx zuôr xar 3.000 ziv chuôz zis muôx pak njêl; 140 qơư zos pak đêx, cưx đêx, cưx ha lok six phiv liv, zôngx ziv njiz trâus pôngz đêx nhoz têx nhuôs zâu.

Đhâu qênhz yuôx, huyện Lục Yên tưz hêik tas nro 24 xar, thị trấn tsưr tsix uô hâu thêir vor trâu têx kror đêx, bể đêx, xor vax thêir, rêik fiêx hêik pâuz ntơưv têx pak njêl, cưx đêx, cưx ha, têx côngz trinhx cxiv tsa…zuôr zôngx ziv muôx yưv trâus pôngz đêx nhoz têx nhuôs zâu. Têx cơ quan, taz viv cik txos sir jos sik côngv đros cxuô thax tsav qơư kriz uô têx tsưr ziv phax, tar trâus pôngz đêx thiêz txiêz nanv trâus saz trâu chor nhuôs zâu.

Huyện cux chox kriê, kruôz kriê chor tsêr cơưv kriê uô cê, yax kriê têx tsênhv njiêz, tsưr ziv phax tar trâus pôngz đêx, txiêz nanv trâus saz nhoz chor nhuôs zâu trâu hâur chor jiês kriê txux chi, tsưr ziv uô nênhx, six hơưv xênhz huôx lớp, têx huôx tôngv đrâuv lớp cơưv chiê shux xênhz muôx tâu txux chi, tsưr ziv phax tar trâus pôngz đêx, txiêz nanv trâus saz. No cux zos iz tsênhv njiêz yax kriê tsuv tâu kriz uô hâur têx jiês cơưv đros shux xênhz niêv txir hâur shông cơưv, uô ntêx chêix so sor.

Pos Nông Thu Hà, Phưv Chủ tịch Ủy ban huyện Lục Yên, tỉnh Yên Bái puz pâuz: “Huyện hêik chor xar, thị trấn tror kriz uô truôx jông trung ương, tỉnh, huyện li têx ntâuz ntơưr chox kriê lok phax tar txiêz nanv trâus saz thiêz trâus pôngz đêx trâu chor nhuôs zâu, shux xênhz. Xav jênhv hâux lưv no zos kror tsuv uô tsik so, tsênhv njiêz thiêz zos iz  hâur têx hâux lưv chiê njuôk xav uô tiêr têx jênhv vưv tâu choz ntơưv thax tsav qơư. Đros têx taz viv cik txos, Ủy ban huyện tưz choz jênhv vưv lok six tsênhv tsênhz chiê kriz uô lơưr chox kriê cov uô tâu truôx jông tiv zix”.

Uô lơưr Thủ tướng Chính phủ li công tênhv lok sir jos uô jông côngz xưv phax, tar trâus pôngz đêx trâu chor nhuôs zâu, cxuô thax tsav qơư ntơưv Yên Bái huiz tôngv tas nro cxiv luôs chinhr triv đros uô, kriz uô cxix cxuô têx tsưr ziv, tsênhz mênhx, huv đros trâu cxuô thax tsav qơư chiê taz por ngaz  tuk trâu chor nhuôs zâu, tiv zix zos hâur chêix so sor zuôr txos no./.

(Trịnh Xuân-Lik Thox cxêik nhênhv)