Tsôngv box Poz Ziz Na Son Điện Biên tsâu sor, muôx luz nênhx hlôngr yiêz khov tsoz chos tâuv cuôz xênhz

Ntâu shông uô đreiv têx blêx sâuv 2 cxênhz ntâu xưv phaz liêx têz, taz sik hlêis sâu tsi tâu nju; tâu canr bôv xã yax kriê; 3 shông lok no, tix lâus Lò Văn Thiện nhoz jok Sư Lư, xã Na Son, huyện Điện Biên Đông, tỉnh Điện Biên tưz muôz tas nro chor liêx têz heik sâuv hlôngr chos tâuv cuôz xênhz. Txos cheix sâu, chor tâuv cuôz xênhz nhôngk muôs ntơưv qơư cux tâu 17 cxênhz đeiv iz cir, tâu gri đuô blêx, poz cưk txix 3-4 jiês. Tix lâus Lò Văn Thiện heik:

“Chos tâuv cuôz xênhz, lêix uô ar chos cux iz zav li uô chos poz cưk, blêx, taz sik kinh tế siêz, tâuv cuôz xênhz muôs hâur ciêz đrôngs tâu gri đuô, paz chuôz zis truôx tuk, cxuz cêr yeiz pluôs”.

Thâuv ntêx, tsôngv box Na Son chos tâuv cuôz xênhz phênhv ntâu zos lơưr nhiêk chos nhiêk iz kro mê njik xưz, viv li khơưz sâu tsi tâu nju. Txix thâuv hâu nov ntơưv qơư muôx tsưr ziv huôv tsar uô zav tsoz chos no lơưr tsaz yênhx “iz xã iz xiv huv”; heik tsôngv box krêz đar liêx têz chos, tâuv cuôz xênhz Na Son txos nhiv no tưz tâu côngk nhav zos ntơưv qơư li xiv huv jông OCOP, viv li uô tâu trơưk tsưr ziv thiêz cux muôs tâu gri đuô. Zơưv Lò Văn Xương, Chủ tịch Ủy ban xã Na Son heik pâuz:

“Txos iz jiês no thâuv hlôngr yiêz tsoz chos, tsiêx tu zus hâur thax tsav xã Na Son, lar heik zos tâuv cuôz xênhz, pir li uô blêx, pêz pov hâur thax tsav jông huôv tsar chos zav tsoz chos co. Chor tuz luôv, tsôngv box nhoz jê iz ndis li TP Điện Biên Phủ, phênhv ntâu zos tsi txâuk lơưr zuôr. Zuôr txos no, heik chor cơ quan muôx vax huôv tror đros xã njuôk hov, cêv kuôk thax tsav chos taz por trơưk li tsưr ziv tso tơưv”. 

Nhiv no tas nro xã Na Son tưz muôx 30 ha ntâu liêx têz chos tâuv cuôz xênhz, 200 chuôz zis pêx xênhv nhoz 5 jok, phênhv ntâu zos heir nênhs Poz Ziz cxaz chuôz. Xav kror đruôz đraz iz ha tâu nhos 15 puôk, phênhv sâu tâu txix têx tâuv cuôz xênhv tưz thiêz tsênhv paz ntâu chuôz zis pêx xênhv jux juk hla đhâu cêr pluôs, txo grêk chor chuôz zis pluôs hâur huyện txos tas shông 2021 yuôr 45%. Zơưv Nguyễn Thanh Lâm, Phưv tsar phongx kôngz nuv thiêz huôv tsar tox siêz huyện Điện Biên Đông, tỉnh Điện Biên heik pâuz:

“Hâur six hơưv zuôr txos, trơưk li ngênhx kôngz nuv huyện luôs hâux lưv nhênhz chơưv trâu huyện krêz đar liêx têz chos thiêz njuôk hov tsênhv tsênhz thax tsav chos chiê kriê pêx xênhv huôv tsar uô truôx zav kôngz no”.

Txix têx muôx jông thiêz tâu chor tuz luôv nhoz ntâu thax tsav qơư nhiêv txos, zok nriêr zuôr, hâu nov ntơưv qơư thiêz ngênhx kôngz nuv Điện Biên Đông nhiv no tsênhv njuôk hov thax tsav chiê huôv tsar chos tâuv cuôz xênhz yênhx zav tsoz chos chênhr, paz tsôngv pêx xênhv hâur thax tsav huôv tsar uô nox uô hnar, cxuz cêr yeiz pluôs truôx./.

(Vũ Lợi-Riê Lâux cxeik, nhênhv)