59 cxênhz ntâu poz huv tsiêz muk txos trâu têx chuôz zis pluôs thiêz chuôz zis muôx côngz têz qơưk nhoz Yên Bái

Têx hnuz no, txix tỉnh txos cxuô thax tsav qơư ntơưv Yên Bái puôr lênhx uô ntâu hâux lưv muk seiz shuôs, muôz huv thiêz phôngv tsiêz trâu chor nênhs muôx côngz têz qơưk, chuôz zis pluôs, lênhx nênhs muôx luz nênhx txov nhêv.

Trơưk li thôngz sâu, tas nro tỉnh Yên Bái zuôr trâul txos 95.400 ntâu poz huv chiê muôz puz trâu têx chuôz zis pluôs, lênhx nênhs muôx luz nênhx txov nhêv, nênhs muôx côngz têz qơưk, nênhs tâu têz qơưk paz, công nhân lox tôngv pluôs....đros thiêz chor nhiêx muôx nhos 28 tyv đeiv ntâu. Chênhr viv li, đros trâu têz qơưk têx cêr paz max, tỉnh Yên Bái tưz muôx luk hu lơưk chor nênhs siêz jông, tsưr tsix, lênhx nênhs, doanh nghiệp hâur thiêz đrâuv luôs 2 chas thax tsav sik đros txoz cxơưx tsiêz trâu nênhs pluôs thiêz chor nênhs muôx côngz têz qơưk.

Hâur co, cxix luôs têx tsêr nhiêx nhoz Yên Bái li: Tsêr nhiêx Kôngz nuv thiêz huôv tsar tox siêz ntơưv Yên Bái; tsêr nhiêx Bắc Yên Bái; tsêr nhiêx yưv pênhr uô thiêz huôv tsar Việt Nam nhoz Yên Bái tưz muôz zuôr xar 5 cxênhz poz huv đros thiêz nhiêx txiêx 2,3 tyv đeiv. Zơưv Nguyễn Mạnh Hồng, Giám đốc tsêr nhiêx Bắc Yên Bái heik pâuz: “Hâur têx shông đhâu, iz chas uô jông têx nuv zok muôz, hâux lưv txiv ngaz xã hội tâu taz viv moz siêz txos, niêx shông iz chas sik đros gôngr paz lơưr cui tinhv, chor canr bôv, lox tôngv tsênhv paz nzir 5 hnuz nhiêx hli thiêz cơ quan lês car uô đreiv têx hâux lưv uz no cux muôz mê njik nhiêx txiêx chiê đros txoz cxơưx trâu chor chuôz zis pluôs, lênhx nênhs muôx côngz têz qơưk, nênhs txov nhêv…. Lar heik, thâuv txos tsiêz taz viv muôz 500 tsov đeiv chiê paz têx chuôz zis pluôs thiêz chuôz zis muôx côngz têz qơưk hâur thax tsav”.

Tiv zix, hâur six hơưv tsiêz no, iz chas cxuô cấp li 59 cxênhz ntâu poz huv, xav kror đruôz đraz tsiv grê nhos 500-700 cxênhz đeiv iz poz, cxuô thax tsav qơư, taz viv nhoz Yên Bái cux muôz nhiêx txiêx, vênhv tôngv sơưr đơưk hâur xã hội sik đros paz, taz por têx chuôz zis pluôs, chuôz zis muôx côngz têz qơưk  puôr lênhx muôx tsiêz đros luôs lưv tus nox cxix cxuô.

Tỉnh cux chox kriê cxuô thax tsav qơư muôz zênhx max têx nhiêx hli hâur niêx luz hlik trâu nênhs muôx côngz têz qơưk thiêz nênhs tâu têz qơưk paz max. Đros trâu co, tsưr tsix qênhz shuôs, thôngz sâu têx chuôz zis, lênhx nênhs zôngx ziv trâul yeiz, zuôr trâul tâu paz kôngz krâur hâur six hơưv tsiêz chiê paz zênhx max.

Ntơưv huyện Lục Yên, đhâu qênhz shuôs muôx 460 ntâu chuôz zis, 1.200 ntâu lênhx nênhs zôngx ziv trâul yeiz hâur six hơưv tsiêz, huyện tưz chiv chir muôz nhiêx txiêx chiê zuôr cxur puz trâu 100% chuôz zis heik sâuv, iz lênhx nênhs tâu 15 cir cxur.

Pos Hoàng Thị Thủy, Tsar phongx Lox tôngv saz pênhz thiêz xã hội huyện Lục Yên heik pâuz: “Huyện tưz qênhz shuôs têx chuôz zis zôngx ziv zuôr trâul yeiz hâur six hơưv tsiêz chiê phênhz pheiz zuôr xar 19 cxênhz tênhr cxur trâu têx chuôz zis co. Lok têx lênhx lox tôngv hâur thax tsav, đhâu qênhz shuôs cux iz zav chor taz viv têx heik pâuz, tsi muôx doanh nghiệp, công ty tưs chiê lox tôngv so hâux lưv tiv tsi muôx nuv uô hâur ntu no. Thiêz têx nhiêx chor doanh nghiệp muôz paz trâu nênhs lox tôngv hâur thax tsav huyện nox tsiêz cux ntâu”.

Trơưk li Ủy ban Mặt trận Tổ quốc Việt Nam tỉnh Yên Bái, tas nro 59 cxênhz ntâu poz huv tưz tâu choz trâu nênhs pluôs thiêz têx lênhx nênhs muôx côngz têz qơưk, taz por cxuô ziv chuôz zis puôr lênhx muôx tsiêz nox cxix cxuô, sor si./.

(Thừa Xuân-Riê Lâux cxeik, nhênhv)

Tuz lênhv Sơn La têx luôs hâux lưv uô paz trâu shuv xênhz muôx cêr txov nhêv tuôx trâu tsêr cơưv

          Đros trâu cán bộ tuz lênhv đrôngl Sơn La muk sêiz shuôk, muk sêiz shuôk Chiêu Thanh Trúc, hêir nênhs poz ziz, shuv xênhz cơưv lớp 5, nhoz Phươngx Chiềng An, đrôngl Sơn La, tỉnh Sơn La. Shuv xênhz Trúc niêv txir zos chuôz zis pluôs, tsik muôx hâux lưv uô, luz nênhx txov nhêv njuôr. Đros ntơư, Trúc lênhx txir cux trâus muôx moz gênhk.

          Pâuz tâu Trúc niêv txir zos chuôz zis pluôs, muôx luz nênhx txov nhêv, Ban tuz lênhv đrôngl Sơn La tưz muk njiz thơưx sêiz car tsêr cơưv Lò Văn Giá, zos qơư shuv xênhz Trúc cơưv ntơưr chiê paz shuv xênhz Trúc tuôx cơưv tâu ntơưr. Đros trâu têx cêr paz hâur cxuô lênhx cưk kriê tsêr cơưv ntơưr thiêz cán bộ tuz lênhv đrôngl Sơn La; hâur ntâu shông đhâu, shuv xênhz Trúc tưz sir jos cơưv ntâu ntơưr coz, zos iz lênhx shuv xênhz mnôngs luk: Shuv xênhz Trúc shir phaz lul hêik pâuz: “Tâu chor txir nzơưv tuz lênhv paz max, cur jông siêz hênhr tưz tưz muk đhâu iz phênhv tưs têx phiv liv, cur zuôr sir jos truôx siêz cơưv cov tiêr ntơưr thiêx pâux nzir tâu chor txir nzơưv tuz lênhv thiêz cưk kriê hâur tsêr cơưv paz”

          Uô uô luôs hâux lưv paz têx shuv xênhz txov nhêv tuôx trâu tsêr cơưv ntơưr, xav txos trâu nhiv no, tuz lênhv đrôngl Sơn La tưz paz tâu trâu 5 lênhx tuz nxêik shuv xênhz muôx luz nênhx txov nhêv tuôx cơưv trâu tsêr cơưv Lò Văn Giá, iz lênhx iz luz hli paz 25 cxênhz nhiêx hâur 5 shông siz lơư liês. Trung tá Khuất Minh Tuấn, Chính trị viên phó, Ban tuz lênhv đrôngl Sơn La shir phaz lul hêik pâuz: “Hâur ntu zuôr txos no, Đảng uỷ, Ban tuz lênhv đrôngl Sơn La tsênhv zuôr tror fuô uô luôs hâux lưv tso tơưv chiê paz têx tuz nxêik shuv xênhz muôx luz nênhx txov nhêv cov iz thênhv jux juk muk đhâu têx cêr txov nhêv”

          Txix Ban tuz lênhv đrôngl Sơn La luôs hâux lưv paz cxuô lênhx shuv xênhz muôx luz nênhx txov nhêv, tưz pov muôx ntâu lênhx nênhs siêz jông, tsưr tsix hâur thax tsav đrôngl Sơn La cux tuôx muôz nhiêx paz trâu têx shuv xênhz muôx luz nênhx txov nhêv hâur iz cxiê tsêr cơưv đrôngl Sơn La. Thiêz xav txos trâu nhiv no, tưz muôx 110 shuv xênhz muôx luz nênhx txov nhêv tâu sđ paz tuôx tâu trâu tsêr cơưv. Zơưv Hà Trung Chiến, Bí thư đrôngl thành phố Sơn La  hêik pâuz: “Ban Thường vụ thành uỷ đrôngl thành phố pov tâu Ban tuz lênhv đrôngl thành phố uô, zos iz luôs hâux lưv jông, paz tâu trâu cxuô lênhx shuv xênhz muk đhâu têx cêr txov nhêv, muôx luz nênhx truôx tuk tsâu sor”

          Tuz lênhx đrôngl thành phố Sơn La luôs hâux lưv uô paz chor shuv xênhz muôx cêr txov nhêv tuôx trâu tsêr cơưv, zos iz tsov iêr chi cax chiê têx lênhx nênhs, tsưr tsix siêz jông cơưv shâuv, uô trơưk. Thiêz ntơư cux zos iz luôs hâux lưv chiê Ban tuz lênhv đrôngl thành phố Sơn La uô truôx luôs hâux lưv tsưx phưv têz qơưs hâur thax tsav qơư nhoz./.

(Tsu cxêik nhênhv-Trấn Long)

Tsôngv box Hmôngz Sơn La luôs hâux lưv uô shaz Hmôngz

Tsôngv box….! Heir nênhs Hmôngz luôs hâux lưv uô shaz muôx txix thâuv nzor lok. Tsôngv box uô shaz phênhv ntâu chiê tâu hlơưr trâu têx lênhx tưz tâu tas siv nênhx thiêz thor pos zơưs, pox côngz zơưv côngz đros por hưv por zơưv trâu chuôz zis, têx tuz nhuôs tsi muôx moz gênhk, njiz ntâu têx jông, cêr vav mênhx hâur luz nênhx. Tsôngv box Hmôngz uô shaz li chas? Thiêz luôs hâux lưv no tâu tuôr tsês, por hưv chiê li chas? Lơưr no zâuv sđ đros mnôngs jax sâu đrav kaz chiê pâuz tsênhz đuô:

Nhạc nền Mông….

Txix thâuv nzor lok, pêz Hmôngz tưz muôx txux chi txơưx xar tơưv tsưr ziv uô shaz chiê tâu zôngv uô nênhz uô zêis hâur luz nênhx niêx hnuz. Shaz tâu tsôngv box Hmôngz tiz jông bax uô chiê hlơưr trâu pos zơưs, têx lâul tâu tas siv nênhx hâur hnuz ntênhs, txi côngv, lar heik zos hâur têx hnuz tsiêz. Pos Muôk Xênhv Vax, iz lênhx lâul nênhs nhoz jok Câuk Nhưx, xã Long Hẹ, huyện Thuận Châu, tỉnh Sơn La heik pâuz:

Băng tiếng Mông:

Luôs hâux lưv uô shaz cux zos zav iz nuv lok six phiv liv uô cơưk thiêz tsuv uô ntâu ntu. Trơưk li niêv lâul Caz Xênhv Shôngx, nhoz xã Long Hẹ, huyện Thuận Châu, tỉnh Sơn La, xar cov uô tâu têx shaz jông zôngv, hlơưr chis cuz mak tsuv mul lơưk têx tơưr ntông tsư tsư kaz hâur har jôngr, pêz Hmôngz hu uô shaz fix thiêz chor blôngx shaz blâuv ntơưv têx têz lok uô:

Băng tiếng Mông:

Iz chas têx hmôngr shaz, car shaz cux zos iz kro lok six zov chênhr thâuv tưs tưz zuôr tsuv muôx. Chiê uô car shaz, pêz tsuv mul zok nriêr têx tus shôngz muôx iz shôngk, jông gâux, tsi lor njik, ndax ntơư txiêr zuôr têx zak lok uô, taz sik thâuv fuô car shaz zuôr muôz kror tơưr thiêz hlưz por tsês, tsuôk zuôr kror đruôz đraz xưz. Trơưk li nênhs Hmôngz, pox uô chiê zơưv uô tsês: Thâuv fuô têx car shaz mak tsuv chiê zar njik trâu zar njik, pâuk trâu pâuk tsi tso siz shơưk uô cê, zos tso tâu siz shơưk uô cê, têx shaz uô tâu zuôr hlơưr tsi cuz jông.

Chiê uô tâu têx shaz jông zôngv hlơưr trâu pos zơưs, têx lâul tâu tas siv nênhx hâur hnuz tsiêz, pêz nênhs Hmôngz zuôr txiêr iz zar tos trax shôngz lox thiêz khênhx, ntêr đuô chor car shaz, nquôr đêx txiêk cov pur trâu luz kror tos trax, đhâu ntơư li muôz chor car shaz lol trâuk đêx hâur kror tos trax cov ntuz, tsês iz kro ntơưv jê têk tuôr xưz. Thâuv uô shaz sơưr đơưk tsuv ndo njôngr chiê hâur pâuk uô car shaz thiêz fmông hmôngr shaz trâu zar njik, đhâu thâuv blơưv uô tâu têx shaz, jiêz kra kruôr thiêx hlơưr chis cuz jông. Taz sik thâuv uô mak tsi tâu chiê lênhx tưs lok sik têx keiz buô hla đhâu hlo, txix ciês thâuv muk txiêr zar shôngz lok txos trâu thâuv fuô car shaz, blơưv uô tâu shaz thiêz jiêz kra kruôr. Zos tiêk tsi tiz jông seiz chiê keiz ok lol sik lênhx nênhs hla đhâu zak shôngz lok sik têx shaz mak zuôr hlơưr tsi cuz, tas côngk đas jos uô xưz, zôngv tsi tâu. Niêv lâul Caz Xênhv Shôngx heik pâuz nzir:

Băng tiếng Mông:

Nhạc nền Mông….

Luôs hâux lưv uô shaz chiê tâu hlơưr trâu pos zơưs, têx lâul, uô nênhz zêis txos nhiv no cux tsênhv tâu tsôngv box Hmôngz nhoz Sơn La tuôr tsês, uô đreiv kriê trâu chor tuz nhuôs tsi chiê pôngz plox. Tsi tiêk zôngv hâur luz nênhx xênhz huôx li ntơư, nhiv no tsôngv box Hmôngz nhoz iz cxiê jêx jok lơưr tsênhv uô pêz Hmôngz têx shaz co muôs trâu luôs lưv tus, hâur ciêz đrôngs chiê muôx nzir phênhv sâu tâu. Thiêz co cux zos iz hâur têx tsưr ziv chiê tsôngv box por hưv, tuôr tsês zuk heir nênhs li txux chi, nuv uô thâuv nzor tsi chiê pôngz plox./.

(Lầu Chia-Riê Lâux cxeik, nhênhv)