Sir jos kriê ntơưr nhoz thax tsav tox siêz

Thâuv txos hâur chêix ntux no nhoz thax tsav ntus đriv Pha Long, tỉnh Lào Cai, lênhx shux xênhz Ly Thị Phương cux tsênhv yênhx hnuz sir jos tuôx cơưv ntơưr trơưk li siêz xar njôngr:

“Niêv txir muk uô nox đêz, cur nhoz tsêr đros pos zơưs. Cur xar cơưv ntơưr hâur iz luz tsêr cơưv nôiv trú lox đar, muôx têx ntông, pax, ntâuz ntơưr. Cur tsênhv xar cơưv ntơưv hâur tsêr cơưv muôx mêir tính thiêz”.

Kror siêz xar co zuôr sêi đrơưv zos yênhx tsênhv tsênhz. Luz tsêr cơưv nội trú ntâu cấp cơưv Pha Long zuôr tâu cxiv uô muôx 28 qar cơưv ntơưr thiêz chor qơư txơưr yiêz jôngz. Tiv zix, côngz trinhx tâu cxiv uô liêz-njuôz, hêik txos tsôngv box Hmôngz chor tsôngk yo cxôngx nzor. No zos kror paz trâu chor uô niêv, uô txir muôx cêr shir phaz lox. Niêv tix Chấu Thị Lê, nhoz xar Pha Long puz pâuz:

“Cur cux lok six shir phaz thâuv pâuz tiêk Đảng, Têz qơưk cxiv uô nzir iz luz tsêr cơưv nội trú thiêz. Muôx luz tsêr cơưv yiêz no têx tuz nhuôv zuôr tâu cơưv ntơưr jê tsêr đuô, muk uô nox đêz lo cur cux tso siêz đuô lơưv”.

Kror co cux zos chor cưk kriê ntơưr li xar njôngr thiêz sir jos. Cưk kriê ntơưr Lù Dì Séng, Hiệu trưởng Tsêr cơưv phôv thông Mênhx cxưx Niêv txir zus mor Cxênhx iz thiêz Cxênhx oz Dìn Chin, pâuz tâu txos kror tsênhv tsênhz: co zos tsik zos lênhx shux xênhz tưs nhoz tox siêz cux txâuk cxuô kror chiê tâu sơưv kror paz nhoz hâur tsêr cơưv niêv txir zus mor li nhiv no. Luz tsêr cơưv nội trú yiêz zuôr zos iz luz tsêr cxuô, paz trâu chor nhuôv tâu uô nênhx, cơưv ntơưr siz bâus đuô:

“Ntâu ziv chuôz zis shux xênhz niêv txir tsik nhoz tsêr, muk uô nox đêz. Zos zuôr txos no muôx tâu iz luz tsêr cơưv nội trú yiêz tâu cxiv uô mak zuôr paz zôngx ziv trâu chor nhuôv, tiv zix zos zuôr paz trâu lơưr tâu uô nênhx, cơưv ntơưr siz bâus đuô pir đros tsêr cơưv niêv txir zus mor nhiv no”.

Thiêz têx vav njôngr co tsênhv tâu chinhr quyền ntơưv qơư sir jos kriz uô. Zơưv Nguyễn Văn Hà, Phưv chủ tịch Ủy ban xar Pha Long, tỉnh Lào Cai khav tênhv:

“Nhiv no, xã cux tưz sik côngv đros Ban sêiz car Dưv anr chiê kriz uô cxuô kror thiêz bax cov txâuk cxuô kror trâu tsêr cơưv chiê muôx tâu tsêr cơưv nội trú lok kriê ntơưr hâur shông zuôr txos”.

9 luz tsêr cơưv ntơưr tâu cxiv uô ntơưv Lào Cai jiês no zuôr zos chor qơư khov vav thiêz paz trâu pêx xênhv nhoz truôx qơư, paz tsưx phưv truôx thax tsav ntus đriv têz qơưk./.

An Kiên-Lik Thox cxêik nhênhv

BHYT ntơưv Lai Châu-Tsênhv chei muôx liv trâu luz nênhx

Hâur ntu cxiv tsa cxix luôs truôx tuk xã hội, tsênhv chei BHYT-zov chênhr trâu tsoz phưz, por hưv đas jos trâu pêx xênhv thiêz tsênhv khav tinhv têx uô tâu jông. Nhoz tỉnh tox siêz ntus đriv Lai Châu, tsênhv chei no tưz jux juk fuô uô tâu truôx jông, paz trâu px thax tsav tox siêz muôx luz nênhx tsâu sor

Trơưk li BHXH tỉnh Lai Châu, txos kaz hli 10/2025, tas nro tỉnh muôx zuôr xar 446 cxênhz lênhx nênhs cxaz chuôz BHYT. Txơưv tsơưs đuô pir li shông uô ntêx, taz sik chor shux xênhz cux zuôr ntâu, tax xar muôx 93%, zos 105 cxênhz ntâu lênhx nhuôv shux xênhz tâu muôz ntơưr BHYT-no zos iz kro lok six jông nhoz tox siêz tsênhv yuôr ntâu txov nhêv.

Shông 2025, Lai Châu cux fuô uô thôngz têx mông BHYT sâuv điện tử VNeID, paz pêx xênhv zôngx ziv krêz seiz, đas cir njuôk shuôs, kho moz gênhk thiêz sox seiz têx muôx liv trâu zuk. No zos iz kro zov chênhr hâur hlôngr yiêz sôr ngênhx y tế, paz uô tsênhz mênhx têx mông, txo grêk tsơưs ntâuz ntơưr thiêz uô tâu jông luôs hâux lưv phưx vưv nênhs moz.

Khov tsênhv chei ziv hnuz ziv uô tâu jông huv đros tsôngv lax pêx xênhv, chor nênhs zuôr ntơưr BHYT ntơưv Lai Châu nhiv no tax 86% jênh sôr, paz txo grêk tsơưs têx phiv liv lok nhiêx txiêx trâu chor chuôz zis pluôs, chuôz zis zuôr xar pluôs thiêz tsôngv box heir nênhs tsơưs. Txơưv li ntơư, taz sik tỉnh cux tsênhv njiz trâus têx phiv liv li: Iz cxiê lênhx pêx xênhv tsi zuôr ntơưr BHYT tsi so hâur niêx shông, nhoz tox siêz đêz đrôngs fuô uô tsi yuô tâu thêv nhiêx đhâu điện tử.

Txix têx tsênhv tsênhz ntơư, ngênhx BHXH Lai Châu tsênhv sir jos seiz kaz têx nhiêx thêv seiz njuôk shuôs, kho moz gênhk, taz por trơưk cui tinhv, iz chas ntơư uô jông luôs hâux lưv yax kriê, paz pêx xênhv pâuz tsênhz đuô lok têx jông thiêz muôx liv thâuv zuôr ntơưr BHYT.

Txix tsênhv chei uô hâur ntâuz ntơưr txos trâu tsênhv chei uô lơưr hâur luz nênhx zos iz hâux lưv lok six sir jos. Thiêz ntơưv Lai Châu, BHYT tsênhv iz kro zov chênhr paz tsôngv pêx xênhv-txơưv nhoz tox siêz đêz đrôngs cux tâu tsoz phưz đas jos hur si. Đros trâu hâu nov, ngênhx bảo hiểm têx sir jos thiêz tsôngv lax pêx xênhv jông siêz, thôngx ziv, tas nro cxuô lênhx cxuô tus pêx xênhv muôx ntơưr BHYT zuôr nzor uô tâu truôx jông, tsi chiê lênhx nênhs tưs trâus pôngz kaz, tsi tâu seiz njuôk shuôs đas jos./.

Khắc Kiên-Riê Lâux cxeik, nhênhv