Đăk Yo-Qơư chi cax luk lok hâux lưv tuôr tsês, phuôx huiz têx cưr lok chax chês nhoz Kon Tum

          Tas cik hnuz thưr 7 yênhx ciêz, ban nhạc muôx 15 lênhx hluôk nênhs mênhx cxưx Ba Nar, nhánh Rơ Ngao nhoz jos Đăk Yo, xã Hơ Moong, huyện Sa Thầy ho chêx chôngk shâuv. Phênhv ntâu têx lênhx nênhs hâur ban nhạc puôr lênhx txơưx zôngv đinh pút, ntâuk đruôs tôngx nxêz tôngx, trax tơ rưng....Tiv zix li A Não, 20 shông tưz txơưx zôngv tas têx cưr lok no:

          “Pêz chiv chir sahauv tưz zuôr xar tâu 2 shông. Pêz shâuv mak lov jêv hênhr. Ntâuk trax tơ rưng đroz, ntâuk cưr lok poz jêz đror lok six jông mnôngs. Viv nhiêv pêz thiêx li shâuv zav cưr lok no”

          Tuêv tsar ban nhạc hluôk jos Đăk Yo A Chiêng, 21 shông puz pâuz ntu yênhx lix ban nhạc kuôk nor zuôr xar 3 shôngk cux njiz lok six ntâu phêv liv. Nriêr tâu lênhx nênhs txơưx lok cưr lok cux lax, heik lơưr cxaz chuôz mak ziv phêv liv đuô. Nênhs mak muk cơưv ntơưr, nênhs ho max uô liêx têz tsi xar cxaz chuôz. Taz sik khov moz siêz đros cưr lok chax chês, tâu pox nhuôs hâur jos cxơưz cxiz, ban nhạc tâu yênhx lix đros thiêz lênhx hluôk tiv zix zos 16 shông, lênhx hloz tiv zix zos 25 shông thiêz puôr lênhx tsi tâu tâu đhâu lớp thox cxov tưs lok cưr lok:

          “Cur cux xưk li ntâu lênhx nênhs txơưr, cur cux tsi pâuz ntâuk cưr lok. Chiv chir shâuv xưz. Zar hnuz keix tưs cur cux tuôx no chiê shâuv. Zav cưr lok no zuk ntâuk mak chor hluôk txơưr zuôr chiv chir uô lơưr, pov zuk ntâuk mak lơưr lok six nhiêv, tov kaz no lơưr zuôr tror tuôr tsês”.

          Khov sir jos shâuv đros thiêz têx cêr moz siêz, txos nhiv no ban nhạc hluôk jos Đăk Yo tưz ntâuk tâu muôx nhos 100 jax. Hâur co muôx zuôr xar 50 bản nhạc zos têx jax trâur lâuk mak nênhs Ba Nar nhánh Rơ Ngao khênhr zôngv hâur têx ntênhs lox li: ntênhs nox mor blêx yiêz, hơưv tsêr Rông yiêz....A Luyến, nhạc công ntâuk trax tơ rưng puz pâuz, chiê muôx tâu li nhiv no pêz tưz sik seiz lax thiêz truôx siêz shâuv. Thâuv thôngx ziv mak pheiz côngz cxuô lênhx nênhs chiv chir shâuv zav cưr lok zuk nhiêv, txos thâuv txơưx mak sik đros ntâuk:

          “Zos jax tưs lax shâuv mak khênhr pôngz 4-5 hnuz. Jax lur thiêx zôngx ziv ntâuk mak 2-3 hnuz txơưv tâu. Hâur ciêz mak 2 hnuz thưr 6 thiêz thứ 7. Zos muôx ntênhs phêv lok sik hnuz tưs coaz tsôngv mak shâuv ntâu đuô. Cur pov zuk vênhx huôv chax chês lok six jông”.

          Chuôz cxaz siêz nhiêv txos cưr lok chax chês, ban nhạc hluôk jos Đăk Yo tâu tsôngv box cxuô jêx jos thôngx ziv. Ban nhạc li yênhx côngz zos iz hâux lưv paz hluôk nênhs jos Đăk Yo yênhx lix têx tuêv hluôk nênhs hâur jos đros 14 lênhx nênhs puôr lênhx zos shux xênhz thiêz lênhx zâu tiv zix nhiv kruôr muôx 10 shông. Zơưv Trần Công Thanh, Phưv chủ tịch UB xã Hơ Moong, huyện Sa Thầy khav tênhv no zos iz hâux lưv jông, phuôx huiz tsôngv box Ba Nar nhánh Rơ Ngao li têx tsiv grê chax chês jông:

          “Xã cux muôx 2-3 nghệ nhân taz sik têx nghệ nhân nhiv no tưz lâuk tas. Têx mê nhuôs nhoz no chêx chôngk shâuv vênhx huôv đruôs tôngx nxêz tôngx mak lok six jông chiê tuôr tsês phuôx huiz tiv phaz vênhx huôv mênhx cxưx jông”.

          Cxaz chuôz đros chinhz yênhx txưv zênhv, ban nhạc hluôk nênhs mênhx cxưx Ba Nar nhánh Rơ Ngao nhoz jos Đăk Yo, xã Hơ Moong, huyện Sa Thầy, tỉnh Kon Tum tsênhv gôngr phênhv tuôr tsês, phuôx huiz tâu tsiv grê cưr lok chax chês hâur tsôngv box luz nênhx niêx hnuz. Têx jax cưr lok jông heik txos cêr gâux cêr đrâus, txos chuôz zis thiêz siêz nhiêv têz nhiêv qơư yax six tâu ntâuk uô lov jêv ntưk hâur jos Đăk Yo tsênhv gôngr phênhv uô tsôngv box nhoz no luz nênhx vênhx huôv ziv jông đuô./.

(TTTN-Txâur Vax cxeik nhênhv)

Pax lâus Sơn La tơưs yiêz, muôx chôngz lênhx kruô tuôx sêiz shuôk

          Hâur chêix pax lâus tơưs yiêz, uô trâu têx tox trôngz câuv har nhoz tox siêz Sơn La hlôngr yiêz, jông jav; ndo txos jax đaz nênhs tus nxêik Ban thiêz tus tuz Khum; Viv nxêik Ban thiêz tus tuz Khum uô gâux uô đrâus jông cơưs. Txơưv lênhx nênhs poz ziz tưs, cux zênhx hnor chor lâuk uô niêv uô txir thav jax đaz nênhs hêik txos tus nxêik Ban zos iz tus nxêik jông gâux hênhr, taz sik ho muôx  iz tus tuz hluôk txơưr, chox niêv thiêz txir tuôx krêiz thiêz zuôr chox muk uô nhaz; taz sik, viv nxêik Ban đros tus tuz Khum uô gâux đrâus jông hênhr chiê khiêr tơưv ntơưv chuôz zis muk nriêr tus tuz hluôk khum, tus nxêik co thiêx txiê uô tsoz ntông pax lâus thiêz txos trâu chêix ntux yiêz, pax lâus thiêx tơưs yiêz jông  gâux chuôs lênhx nxêik co. Yuôr tuz hluôk Khum, cux muk zok nriêr nxêik Ban, thâuv muk txos tos cêr, tsik muôx đas jos thiêx txiê uô nôngs câuz civ zax kuôx hâur chêix pax lâus tơưs yiêz. Pos Quàng Thị Xuân, nhoz Xã Chiềng Đen, đrôngl Sơn La, tỉnh Sơn La phêiz kênh:

          “Pêz hêir nênhs poz ziz mak, txơưv lênhx tưs cux pâuz jax đaz nênhs hêik txos pax lâus. Hâur iz shông txos chêix pax lâus tơưs, pêz tsôngv pox niêv vir ndâuk sđ cux hnar têx tsôngk tiêz, tsôngk yo jông jav chiê muk trâu têx qơư pax lâus tơưs yiêz cxêik đuôz tsês sêiz đaz muôs”

          Pax lâus, txơưv shông tưs cux li, thâuv txos hli 3, pax lâus tơưs yiêz, tưz uô trâu têx tox trôngz, câuv har jông jav, hlôngr yiêz tas ntâu. Thiêz hâur têx hnuz no, zos tsôngv kruô tuôx uô si, sêiz shuôk têz qơưs đhâu cxuô txox cêr hâur thax tsav đrôngl Sơn La, cux zênhx pov njôngr têx pax lâus tơưs yiêz jông jav huv đros tsôngv kruô sđ siêz nhiêv. Pos Ngô Thu Uyên, iz lênhx kruô nhoz Hà Nam tuôx ndis shuôk têz qơưs shir phaz lul hêik pâuz:

          “Cur hmôngr jông hênhr tâu tuôx trâu Sơn La, ndax trâu  chêix pax lâus tơưs. Thiêz pêz cux ndis uô si tâus cxuô txox cêr hâur đrôngl Sơn La chiê cxêik đuôz đros têx pax lâus tơưs yiêz”

          Hâur ntâu shông đhâu lok no, tsoz chos pax lâus cux tâu chos trâu oz saz ntus cêr muk lok hâur thax tsav đrôngl; thiêz cux tâu hâu nov đrôngl Sơn La moz siêz txos luôs hâux lưv tsưx phưv tsoz chos ntông pax lâus. Pos Đỗ Thị Phương Dung, zos công nhân tu tsưx phưv cxuô zav tsoz chos đrôngl Sơn La hêik pâuz nzir:

          “Hâur chêix pax lâus tơư, muôx chôngz lênhx px tuôx trâu ntơưv no cxêik đuôz. Tsoz chos pax lâus tsuv tâu tsưx phưv, fông qir, txiêr chês, tsuôs yuôx thiêx hlar huôv hloz jông”

          Thâuv tsik tâu muôx caz moz Covid-19 huôv xênhz uô phiv liv, hâur luz chêix no, tưz muôx chôngz lênhx kruô tuôx ndis uô si, sêiz shuôk têz qơưs txos đrôngl Sơn La thiêz đros côngv hnuz kriz ntênhk hội pax lâus tơưs yiêz. Txơưv shông no, tsênhv muôx caz moz Covid-19 huôv xênhz uô phiv liv, taz sik têx pax lâus tsênhv taz tov tơưs yiêz, chuôs li cxơưz cxiz tsôngv kruô tuôx ndis uô si, sêiz shuôk têz qơưs trâu thax tsav faz Bắc pêz têz qơưs./.

                                      Tsu cxêik nhênhv-Lê Hạnh VOV Tây Bắc