Sơn La sir jos phax tar cuz tox cuz jôngr ntơưv ntâu kror qơư phiv liv

Chêix ntux kruôr gis cux zos six hơưv pêx xênhv nhoz tox siêz tsik so suô hlơưr têx liêx têz chiê chos kôngz lôngk. Viv li, chiê pêx xênhv uô truôx jông lơưr têx cui tênhv thâuv hlơưr têz zos kror lok six zov chênhr chiê txo grêk tsơưs cuz tox cuz jôngr. Zơưv Yênhv Xênhv Muôk, nhoz xar Har Tsor, huyện Bắc Yên, tỉnh Sơn La hêik:

Har Tsor muôx nhos 9.300 héc ta har jôngr, thax tsav muôx jôngr vor zos 60% ntâu. Uô ntêx txos chêix tux kruôr gis, lưx lươngv kiểm lâm tưz sik côngv đros chinhr quyền xar rêik têx fiêx hêik pâuz cuz tox cuz jôngr ntơưiv têx qơư zôngx ziv trâus cuz siêz, muôx chôngz nênhs muk lok đhâu; thôngx cxix đros têx jêx jok muôz tsênhv njiêz por vêv jôngr tso trâu hâur têx cêr chêi jêx jok. Zơưv Dua Xênhv Hơưx, Chủ tịch Ủy ban xar Har Tsor hêik: “Đros yax kriê mak xar tưz tsưr txix cir jênhv nhoz chor ziv chuôz zis đros ban sêiz car jêx jok thiêz ủy ban xar lok phax atrr cuz tox cuz jôngr, uô truôx jông côngz xưv por vêv, sêiz car jôngr sâuv thax tsav”.

Ntơưv huyện Mường La, tỉnh Sơn La ntu no jôngr tsênhv nhoz trâu phênhv tsuv pahxx tar 5, zos phênhv lok six phiv liv. Ntâu tsưr ziv tưz tâu chor lưx lươngv muôx vax huôv tso tơưv. Zơưv  Lê Tuấn Anh, Giám đốc qơư tuôr tsês chiê têx đox tsuôs, chiv xênhz Mường La, Sơn La puz pâuz: “Pêz tưz cxiv tsa têx tsưr ziv phax cuz tuô cuz jôngr; sik côngv đros thax tsav qơư yênhx lix đôiv phax cuz tuô cuz jôngr. Thôngx cxix, tso nênhs muk qênhz yuôx tsik so ntơưv têx qơư phiv liv, zôngx ziv muôx yưv cuz tôx cuz jôngr, cux xưk li ntơưv têx qơư muôx chôngz nênhs muk lok hâur har jôngr…”

Ntâu thax tsav qơư ntơưv Sơn La cux tâu hêik pâuz zôngx ziv muôx yưv cuz tox cuz jôngr nhoz phênhv 4-zos phênhv phiv liv xưk li Sốp Cộp, Yên Châu, Sông Mã. Zơưv Vũ Văn Hải, Hạt trưởng Hạt Kiểm lâm huyện Sông Mã, tỉnh Sơn La hêik: “Pêz sir jos uô côngz xưv phax tar cuz tox cuz jôngr; yênhx lix, uô truôx jông chor ban chox kriê xar, tôv đôiv phax tar cuz tox cuz jôngr ntơưv têx jêx jok; tsik so qênhz yuôx têx qơư zôngx ziv trâus cuz tox cuz jôngr, luôx têx đrox nhov kruôr, luôx cêr thêir hluôr tơưl chis cuz jôngr”.

Lơưr zơưv Nguyễn Thành Công, Phưv Chủ tịch Ủy ban tỉnh Sơn La, chor tsưr ziv phax cuz tuô cuz jôngr tâu thax tsav qơư kriz uô cxix cxuô, hâur co tsêx trung uô tsưr ziv “4 ntơưv qơư”, thôngx cxix xưv lik truôx jông chor nênhs chiê hluôr tơưl chis cuz trâu têx har jôngr: “Txơưv lênhx tưs hâur ntu no tsuv qênhz yuôx, xưv lik truôx, tsik chiê pêx xênhv sir zôngv hluôr tơưl hâur har jôngr, zuôr uô hluôr tơưl chis txêik cuz trâu har jôngr thiêz trâus hiêv ntâu. Thôngx cxix, chuôz cxaz lưx lươngv kiểm lâm sêiz jor yênhx hnuz hmo ntơưv têx qơư hêik pâuz cuz tox cuz jôngr nhoz cấp 5, chiê qênhz yuôx, sêiz kaz, ntâuk gri lok kriz uô ciês têx tsưr ziv phax tar zos chiê muôx yưv cuz tox cuz jôngr”.

Lơưr Tsênhv qơư Njuôk xav ntux yar ntux nas Têz qơưk, txix nhiv no txos iz đraz hli 5, yar ntux cuz sor muôx yưv ntơưv ntâu qơư; jêx tưv ntơưv thax tsav Bắc Bộ siêz đuô pir li cxiê shông txix 0,5 txos 1 tưv; lok ntux nas mak thax tsav Bắc Bộ zuôr tsơưx đuô txix 10-30%. Yar ntux cuz sor đros trâu muôx ntux lok nas tsơưs, zuôr zos kror zôngx ziv muôx yưv tơưs cuz thiêz cuz tox cuz jôngr ntơưv ntâu thax tsav qơư./.

Lê Hạnh-Lik Thox cxêik nhênhv

Lào Cai: Chuôz tsar seiz car, tsưv ziv phax tar moz Covid-19

Txix hnuz xiêz 8/4 txos nhiv no tror muôx moz Covid-19 huôv xênhz ntơưv tsêr cơưv cxênhx 2 thị trấn Khánh Yên, huyện Văn Bàn, tỉnh Lào Cai, tưz muôx tas nro 75 lênhx nênhs trâus moz. Nhiv no tsênhv yuôr 50 ntâu lênhx chiv chir cêv kuôk, phênhv ntâu zos shux xênhz.

          Ciês thâuv pov muôx moz huôv xênhz, tsênhv qơư y tế huyện Văn Bàn tưz đros tsêr cơưv cêv kuôk, phax tar moz, txu grês tsơưs tiv zix uô zênhr shar txos hâux lưv kriê thiêz cơưv ntơưr. Zơưv Lự Văn Thiêu, Phưv giám đốc Tsênhv qơư puz pâuz: “Tsênhv qơư y tế tưz bax cxuô zav yuôx, chuôz zênhx thiêz lênhx nênhs, seiz car ciês hâur têx hnuz kaz ciêz chiê taz por côngz xưv phax tar moz”.

          Đrâuv Văn Bàn, ntơưv huyện Bảo Yên cux pov muôx lênhx nênhs trâus moz yiêz. Jênhv pov njuôs xav moz zuôr tror huôv xênhz nhoz ntâu qơư, UB tỉnh Lào Cai tưz muôx ntâuz ntơưr ciêr chênhr chox kriê tas nro têx nganhx, tiv phaz chuôz tsar qênhz yuôx, seiz car, phax tar moz.

          Lơưr zơưv Lục Hậu Giang, Phưv giám đốc Sở y tế tỉnh Lào Cai, tsênhv muôx iz pưv phênhv tsôngv box tso siêz tsi uô trơưk tsưr ziv phax tar moz, tsi tâu cxax yuôx phax moz cxix cxuô zos qir tiv uô moz huôv xênhz. Taz sik đros hâux lưv cêv kuôk, yưr lir qơư huôv xênhz moz, jênhv vưv cxax yuôx vắc xin phax moz cux tâu tsov cưv xuz thơưx viv nhiv no co zos tsưr ziv phax moz jông tiv zix: “Phênhv ntâu têx lênhx nênhs puôr lênhx tâu cxax yuôx cxix cxuô. Taz sik, đros mê nhuôk txix 5 txos 11 shông cxax côngz tiv 2 nhiv kruôr tax 93%; côngz tiv 3 đros mê nhuôk txix 11 txos 17 shông tax 80%, lik zơưx zos tiv muôx tsi txâuk yuôx vắc xin txix ciês hâur shôngk shông. Nganhx y tế tror thix ziv Bộ y tế lok zoz qơưx cxax yuôx vắc xin trâu tsôngv box sâuv thax tsav chiê cxơưz tiês tror cxax yuôx lơưr Bộ y tế li heik kriê”./.

An Kiên-Txâur Vax cxeik nhênhv