Faz tsưr ziv tưs trâu 500 luz tsêr vênhx huôv mê, greiv, puôk tsuôx nhoz

Lào Cai?

         Yênhx puôk luz tsêr vênhx huôv mê, greiv, puôk tsuôx, đhâu 2 shông qênhz yuôx tsi cux xav tênhv tâu tsưr ziv car chêx. No zos njiêz luv tâu heik tơưv ntơưv Hội đồng tỉnh Lào Cai li jiês khiêz phêv tiv 13 đraz shông 2023. Lơưr teiv plor Lý Thị Mụi, huyện Văn Bàn, hâux lưv têx cấp tsuv tsov cưv zos yưv pênhr krêz đar têx tsêr vênhx huôv jêx jos, tuêv dân phố thâuv sik côngv têx jêx jos; thôngx cxix, muôx tsưr ziv muôs têx tsêr vênhx huôv kuz tsi sir zôngv txos chiê chuôz cxaz nhiêx txiêx cxiv tsa tsêr vênhx huôv yiêz. Vênhv thix no tưz muôx jiês tâu heik tơưv ntơưv jiês khiêz phêv tiv 2 shông 2021:

          “Taz sik, đhâu zuôr xar 2 shông, Sở vênhx huôv thiv thao tror muôx ntâuz ntơưr thix ziv têx huyện, thị xã, thành phố seiz car têx tsêr vênhx huôv, thix ziv muôs. Tsênhz mênhx ntơưv têx tiv phaz, njiêz luv no tưz tâu uô tiêr txix shông 2021. Viv li, thix ziv đồng chí giám đốc Sở vênhx huôv thiv thao heik tsênhz mênhx đuô lok njiêz luv no”.

          Teiv plor Lý Thị Mụi cux thix ziv lênhx nênhs sơưr thơưx nganhx vênhx huôv tỉnh Lào Cai puz pâuz thâuv tưs zuôr tso tơưv ntâuz ntơưr heik kriê muôs tsêr vênhx huôv tsi zôngv txos chiê têx tiv phaz muôx tsưr ziv krêz uô. Têz lok vênhv thix no, pos Đinh Minh Hà, giám đốc Sở vênhx huôv thiv thao tỉnh Lào Cai puz pâuz, txơưv phêv liv lok nhiêx txiêx thâuv tỉnh li muôx nhiêx txiêx paz txưv, ar têz tsơưs, txos nhiv no nhiv kruôr muôx 40 ntâu tsêr vênhx huôv nhoz 5/9 huyện, thị xã, thành phố tâu muôz siêz, kho đuô, cxiv yiêz huv đros. Pos Đinh Thị Hà puz pâuz:

          “Cur thâuv jênhv jênhv vưv zos Giám đốc Sở vênhx huôv thiv thao tưz chox kriê qênhz yuôx đuô chiê pâuz tsênhz chor tsêr vênhx huôv tsi zôngv txos thâuv sik côngv têx jêx jos, cux xưk li têx huyện li hâux lưv muôv muôs tsêr vênhx huôv tsi zôngv txos chiê tror nhênhz chơưv, sik côngv đros têx chiz coaz muôx lênhx coaz seiz shuôk, thix ziv UB tỉnh muôx tsưr ziv car chêx”

          Pos Đinh Minh Hà tâu uô Giám đốc Sở vênhx huôv thiv thao tỉnh Lào Cai lok hâur hlik hli 6/2022 đhâu zuôr xar 2 shông uô Bí thư huyện ủy Si Ma Cai. Pos Hà thôngz xor mông cxaz, hâur shôngk shông 2023, Ban vênhx huôv xã hội, Hội đồng tỉnh Lào Cai cux uô iz jiês seiz car muôx njiêz luv no. Đhâu co, thix ziv Sở vênhx huôv thiêz thiv thao tror sik côngv đros têx huyện, thị xã, thành phố tror qênhz yuôx đuô têx tsêr vênhx huôv côngv thôngx tsi taz por:

          “ Lơưr tsưr ziv, hâur quý III shông 2023, thâuv têx huyện môx số laov seiz car thiêz pov cov tsênhz mênhx, pêz zuôr thôgnz sâu pov cov trâu UB tỉnh, thôngx cxix sik côngv đros têx chiz coaz muôx lênhx coaz heik UB tỉnh tso tơưv ntâuz ntơưr chox kriê cấp huyện tror cxiv tsa tsưr ziv lơưr trơưk cui tênhv”.

          Tror heik tơưv đhâu jiês têz nus, teiv plor Lý Thị Mụi thix ziv Sở vênhx huôv thiv thao tỉnh Lào Cai tsuv cxơưz tiês uô chiê nzor muôx tsưr ziv muôs têx tsêr vênhx huôv tsi zôngv txos hâur quý III li tưz heik uô ntêx. Phuôx plov suôv câuv jiês têz nus, zơưv Vũ Xuân Cường, Phưv Bí thư Tỉnh ủy, Chủ tịch HĐ tỉnh Lào Cai thix ziv Sở vênhx huôv thiv thao tsuv zuôr chênhz zênhv, car chêx txos qơư cử tri têx ziv chênhv thix ziv, tsi zos heik tơưv vênhv thix co, tsi so heik qênhz yuôx mak tsi tso tơưv tsưr ziv tưs chiê uô:

          “HĐ li Nghị quyết tưz heik lơưv, xã, jêx jos li têx côngz tsinhx zos Ub cấp huyện seiz car tsuv muôx tsưr ziv muôs zos nhoz cấp huyện. Tiv zix, têx côngz tsinhx no phênhv ntâu nhoz sâuv ar côngz, ar tsôngv box gôngr côngv. Nhiv no, muôs tsêr mak zôngx ziv, taz sik yưr lir ar li chas cux thix ziv nganhx vênhx huôv thiêz nhiêx txiêx nzor muôx tsưr ziv heik kriê uô tsênhv mênhx”./.

(An Kiên-Txâur Vax cxeik nhênhv)

Nênhs lox tôngv Việt Nam phênhv nhiêx tsuv thêv bảo hiểm xar hôiv shông 2023

Phênhv nhiêx bảo hiểm xar hôiv tsuv thêv tâu thêv lơưr nênhs lox tôngv li nhiêx hli. Nênhs lox tôngv thiêz nênhs sir zôngv lox tôngv chor nhiêx thêv trâu bảo hiểm xar hôiv sik txơưr khov lơưr yênhx hov nênhs.

Nênhs lox tôngv Việt Nam li chor nhiêx thêv trâu bảo hiểm xar hôiv trơưk nhiêx hli xưk li đrav kaz:

Phênhv thêv nhiêx BHXH trâu cuiv so lâul, trâus tuôs: Nênhs sir zôngv lox tôngv thêv bâuv 14%; hok nênhs lox tôngv mak thêv 8%;

Cuiv moz gênhs, xênhz zus nhuôs: Nênhs sir zôngv lox tôngvthêv 3%; nênhs lox tôngv mak tsik thêv;

Bảo hiểm tsik muôx hâux lưv uô: Tas nro nênhs sir zôngv lox tôngv, nênhs lox tôngv puôr lênhx thêv 1%;

Bảo hiểm y têr” Nênhs sir zôngv lox tôngv thêv 3%, nênhs lox tôngv thêv 1,5%.

Cuiv txiêz nanv lox tôngv, muôx moz gênhs tiv hâux lưv uô: Nênhs sir zôngv lox tôngv thêv 0,5%, nênhs lox tôngv mak tsik thêv.

Li co, tas nro phênhv thêv trâu BHXH nênhs sir zôngv lox tôngv tsuv thêv zos 21,5% thiêz nênhs lox tôngv tsuv thêv zos 10,5% nhiêx hli thêv trâu BHXH.

Phênhv nhiêx tsuv thêv trâu BHXH siêz tiv zix shông 2023:

Lơưr cui tênhv ntơưv Ntu 3, Grê 89, Chêi Bảo hiểm xar hôiv shông 2014 lok nhiêx hli tsuv thêv nhiêx bảo hiểm xar hôiv hêik mênhx:

“Zos nhiêx hli cui tênhv ntơưv Ntu 1 thiêz Ntu 2 Grê no siêz đuô 20 jiês phênhv nhiêx hli kik tiv zix mak nhiêx hli thêv trâu bảo hiểm xar hôiv bâuv 20 jiês phênhv nhiêx hli kik tiv zix”.

Li co, nhiêx hli tsuv thêv trâu bảo hiểm xar hôiv ntâu tiv zix bâuv 20 jiês phênhv nhiêx hli kik tiv zix. Txix 1/7/2023 nhiêx hli kik tiv zix tâu kho đuô ndê muôx 1.800.000 đêiv iz hli zuôr chuôz ndê nhiêx tsuv thêv trâu bảo hiểm xar hôiv. Tsênhv tsênhz:

Txix 1/1/2023 txos 30/6/2023:

Phênhv nhiêx hli kik tiv zix zos 1.490.000 đêiv iz hli mak kror nhiêx hli tsuv thêv trâu bảo hiểm xar hôiv ntâu tiv zix zos: 20 x 1.490.000 = 29.800.000 đêiv iz hli.

Txix 1/7/2023 tror muk:

Phênhv nhiêx hli kik tiv zix zos 1.800.000 đêiv iz hli. Viv li, phênhv nhiêx hli tsuv thêv trâu BHXH ntâu tiv zix zos 20 x 1.800.000 = 36.000.000 đêiv iz hli.

Chor taz viv doanh nghiệp tsuv kho đuô phênhv nhiêx hli kik tiv zix txix hnuz 1/7/2023 chiê kho đuô phênhv nhiêx hli thêv trâu BHXH cov huv đros./.

Thu Thùy-Lik Thox cxêik nhênhv