Luz nênhx yiêz ntơưv qơư tir ntâuk tros châuz Pha Đin

Tơư têk trâu chor qơư tros châuz tso bôngk lok zos tsuôv tav lok trâus sâuv hâur trôngz, pêz chor bôv đôiv li qơư nhoz gâuv ntơưv têx cik trôngz, zơưv Sái Hừ Xênhv Lâux, 92 shông nhoz jok Hua Sa B, xar Toả Tình, huyện Tuần Giáo, tỉnh Điện Biên puz pâuz: Ntu thâuv co, tros châuz chor yêz za tso bôngk lok tuô yênhx hnuz hmo, pêx xênhv lok six nyêi, taz sik cux sir jos paz trâu chor bôv đôiv, dân công chiê paz trâu thax tsav qơư ntâuk tros châuz. “Tros châuz Pháp tso bôngl lok tuô yênhx hnuz hmo, tiv zix zos ntơưv chor ntu cêr khrâuk lêv chiê tir thêir pêz chor yêz cov muk lok tsik tâu đhâu. Txos thâuv tsâuk ntux, dân quân, bôv đôiv ho tror kaz kho cêr cov muk lok tâu thôngz. Ntu thâuv co pêx xênhv nhoz no txov nhêv hênhr, taz sik tsôngv pêx xênhv cux tsik so muôz kêiz, buô, jâuz cxuô zav paz trâu bôv đôiv. Nhiv no luz nênhx tưz hlôngr yiêz ntâu, muôx Đảng, Têz qơưk paz, txơưv tsik tâu bluô nux, taz sik pêx xênhv li kinh têr cux tưz muôx đuô thâuv ntêx”.

Ntu cêr muk đhâu trôngz Pha Đin nto bê nhiv no tưz tsik pov muôx ntâu kror trâus tros châuz tuô ruôr hiêv thâuv ntêx thiêz tsik yuô txov nhêv li têx shông uô ntêx. Ntu cêr lox 6 kuz muk đhâu xar Tỏa Tình txơưv cux tsênhv yuôr iz cxiê ntu khrâuk lêv hênhr, taz sik cux tsik so tâu cxiv kho đuô, taz por trâu pêx xênhv muk lok thiêz huôv tsar kinh têr. Têx cêr muk lok tưz kriz uô đar đuô taz por trâu cxuô zav yêz muk lok tâu zôngx ziv thiêz ngaz tuk. Txix co paz zôngx ziv đuô trâu zuôr muôs hax huv txix tỉnh Điện Biên txuôk đros têx tỉnh qơư kik.

Zơưv Dùa Xênhv Lâux, Chủ tịch Ủy ban xar Tỏa Tình, huyện Tuần Giáo puz pâuz: Khov phuôx huiz tâu kror liv txix ntu cêr zoz thôngz zov chênhr no, têx jêx jok, luz nênhx kinh têr nhoz xar Tỏa Tình tưz muôx ntâu hlôngr yiêz, huôv tsar đuô thâuv ntêx.

Cêr muk lok zôngx ziv đuô, têx hax huv kôngz nuv txix pêx xênhv nhoz ntơưv no li yênhx puô héc ta cà phê, txir tuôz ziz, điz Hmôngz tưz tsik cxơưx txos qơư muôs, chor yêz lox tưz tuôx paz sâu zuôr tâu trâu pêx xênhv chiê thâux chox muk muôs trâu têx tỉnh qơư kik. Đros co, ntu cêr no tsênhv zos kror qơư jông jav tâu chor nênhs nhoz ntơưv thax tsav qơư kriz uô trâu tsôngv kruô tuôx huôv tsar uô du lịch, ndis shuôk uô si. Khov huôv tsar truôx du lịch, ndis shuôk têz qơưs, têx hax huv kôngz nuv jông thiêz pêx xênhv li sir jos khưr uô nox, chor chuôz zis pluôs hâur xar tưz tâu  txo grêk tsơưs iz shông txix 1-2%, phênhv sâu xav lênhx nênhs tâu muôx 10 triệu đêiv iz shông: “Têx shông đhâu pêx xênhv nhoz Tỏa Tình lok six sir jos hlôngr yiêz đuô tsoz chos, tsiêx tu zus muôx tsiv gri kinh têr siêz, viv li pox nhuôs luz nênhx cux muôx ntâu hlôngr yiêz. Pox nhuôs lok six thôngx ziv đros hâux lưv huôv tsar kinh têr xar hôiv đros thiêz sir jos por vêv têx qơưk di tích lịch sử sâuv thax tsav. Tỏa Tình muôx qiv hơưv huv đros, viv li kriz uô têx qơư du lịch trâu tsôngv kruô tuôx ndis shuôk uô si zos iz kror muôx liv lox paz trâu thax tsav qơư  hla đhâu yêiz pluôs. Cấp ủy chính quyền ntơưv qơư cux tưz tsêx trung yax kriê pêx xênhv tsuv por vêv, huôv tsar jôngr, tuôr chiê jôngr chiê uô kinh têr du lịch jôngr”.

Zơưv Hồ Xênhv Muôk, Phưv Chủ tịch Ủy ban huyện Tuấn Giáo, tỉnh Điện Biên puz pâuz: Nhi no ntu cêr hla đhâu trôngz Pha Đin tưz tsik zos ntu cêr zov chênhr tuôx trâu tỉnh Điện Biên hêik cxuô, huyện Tuần Giáo hêik taz xưz mak tsênhv zos kror qơư jông jav, nto bê lok du lịch zaz zâuv chôngz lênhx kruô tuôx ndis shuôk, uô si hâur yênhx shông. Xav jênhv kror liv co, uô lơưr tỉnh têx tsưr ziv, Đảng bôv, Chinhr quyền cxuô mênhx cxưx hâur huyện Tuần Giáo tsênhv sir jos huôv tsar por vêv jôngr ntơưv no chiê paz trâu huôv tsar du lịch têx chiv xênhz: “Đros Tuần Giáo mak ntu cêr muk đhâu trôngz Pha Đin no lok six zov chênhr, cê zos di tích lịch sử, cê zos ntu cêr thâux xa têx hax huv, muk lok thiêz lok six huv đros trâu huôv tsar du lịch chiv xênhz, huôv tsar jôngr. Đảng bộ huyện cux tưz muôx Nghị quyết lok huôv tsar kinh têr cux li huôv tsar du lịch ntơưv thax tsav trôngz Pha Đin. Đuô li, huyện cux tsov cưv txos zaz zâuv chor nênhs yưv pênhr tuôx nhênhz chơưv, nriêr pâuz đros thax tsav đar muôx 21 héc ta chiê uô du lịch sâuv hâur trôngz. Thax tsav qơư lok six vav tiêk chor nênhs yưv pênhr zuôr tuôx paz yưv pênhr uô chiê paz trâu thax tsav qơư hla tâu đhâu cêr pluôs”./.

(Vũ Lợi-Lik Thox cxêik nhênhv)

Tsôngv box paz tâu trâu luôs hâux lưv phax tar zax zênhz 

Nhoz uô nênhx ntơưv jos Ta Khoang, xã Chiềng Pha, huyện Thuận Châu, tỉnh Sơn La, niêv lâuk Cà Thị Thân cux xưk li ntâu ziv chuôz zis tsôngv box mênhx cxưx Poz Ziz hâur jos pâuz tsênhz lok zax zênhz li têx txux hiêv. Ntâu shông tov ntêx, zax zênhz muôx hâur jos, uô ntâu ziv chuôz zis njiz ntâu phêv liv, viv li mak luz nênhx tsi so yeiz pluôk. Đros chính quyênx, lưx lươngv công an tiv phaz li sir jos, pox nhuôs nhoz no tưz sik côngv siêz cxuôv por tsês zax zênhz hâur côngv thôngx: “Cur tưz chuv tôngv, sir jos đros cấp ủy, chính quyênx tiv phaz thiêz lưx lươngv công an xã yax mông txos tsôngv pox nhuôs, lênhx nênhs cxênhz jê uô jông Đangv li chủ trương, têz qơưk li cêr chei, tiv zix zos têx tiv nanv xã hội, tix co gôngr phênhv txu grês têx tiv nanv xã hội, tiv zix zos zax zênhz”.

          Đrâuv hâux lưv tuôr truôx, muôz siêz 100 paz chiv chir coar lik txiv ngaz jêx jos li tsơưr lươngv huôx tôngv; 100% chuôz zis, tsêr cơưv, công ty, doanh nghiệp, HTX nhoz xã Chiềng Pha, huyện Thuận Châu tưz cir ntơưr cxiv tsa xã uô ntêx nyuôk hâur phongz yaox “ Tas nro tsôngv box por vêv txiv ngaz têz qơưk”; cxiv tsa trâur nuv “ Xã ngaz tul lok txiv ngaz, tsi muôx nênhs phamv cxâuv, tiv nanv xã hôiv”; thôngx cxix poz lênhx nênhs muôx têx uô cxâuv, nênhs muôx zênhs zax zênhz chiv zênhs yênhx côngz tror lok đros côngv thôngx uô nênhx, tsi phênhz pêx, tsi coangz xênhz txos lơưr. Zơưv Lò Văn Hoan, Chủ tịch UB xã Chiềng Pha, huyện Thuận Châu puz pâuz, txix shông 2020 txos nhiv no, xã tưz paz trâu 20 ntâu lênhx nênhs tas six hơưv cơư tux tror lok tsêr, chiv zênhs zax zênhz yênhx côngz, sir jos uô têx hâux lưv jông tâu txeik pênhr chiê huôv tsar cêr uô nox, ngaz tul luz nênhx: “Têx lênhx nênhs tâu tror lok đros côngv thôngx uô nênhx txix 5 shông tov ntêx nhiv no phênhv ntâu lơưr uô jông cêr chei. Têx lênhx nênhs tror lok đros côngv thôngx nhoz uô nênhx mak pêz pheiz côngz trâu chor chiv chir coar lik seiz shuôk, trâu tsả jos, công an viên hâur jos, công an xã paz lơưr ngaz tul luz nênhx; pêz cux muôx tsưr ziv paz txeik pênhr chiê lơưr huôv tsar cêr uô nox, pir li chos cà phê, txir thanh long plơưr liêz, chos tsoz chos lur hnuz chiê phưx vưv luz nênhx...”

          Txix hâur shôngk shông txos nhiv no, huyện Thuận Châu, tỉnh Sơn La tror coar lik 900 ntâu lênhx nênhs muôx zênhs zax zênhz, uô ntâuz ntơưr zaoz zux yax six trâu 120 lênhx, chox muk chiv zênhs zax zênhz 91 lênhx. Đros co, têx lưx lươngv muôx txơưx jênhv tưz pov, ntês tâu 100 ntâu txuz, 120 ntâu lênhx nênhs phamv cxâuv thiêz uô cxâuv cêr chei lok zax zênhz. Hâur co, muôx ntâu txuz ruôr tâu yênhx côngz khov txos tsôngv box paz heik kriê. Thượng tá Nguyễn Đình Khiêm, Phưv tsar Công an huyện Thuận Châu, tỉnh Sơn La puz pâuz: “Hloz Hôx cux tưz heik “zos tsôngv box paz pêz ntâu mak muôx tâu ntâu yênhx côngz, paz tsơưs mak yênhx côngz tsơưs, paz tas nro mak yênhx côngz tas nro”, muôx têx txuz án, txuz hâux lưv zos tsi khov txos tsôngv box lok sik tsôngv box tsi paz cungz xor mông mak pêz zuôr uô tsi tiêr jênhv vưv, hâur co muôx côngz xưv zaoz zux, heik kriê têx lênhx nênhs trâus cơư tux lok sik zaoz zux ntơưv côngv thôngx, thax tsav qơư tsôngv box nhoz tưz paz pêz lok six ntâu hâur côngz xưv coar lik, seiz shuôk têx lênhx nênhs no”.

          Zơưv Đinh Mạnh Hùng, Phưv Chủ tịch UB huyện, Phưv tsar ban Chox kriê côngz xưv phax tar thiêz seiz car zax zênhz huyện Thuận Châu ntu 2021-2025 pheiz kênh: Nhiv no nênhs phamv cxâuv lok zax zênhz nhoz tiv phaz tsênhv phêv liv, tiv zix zos đros luz nênhx KTXH huôv tsar, hâur ntu zuôr txos muôx cxaz ntâu zav zax zênhz yiêz sâuv thax tsav đros ntâu tsưr ziv, huôx tôngv riêz nênhs đuô. Huyện Thuận Châu chox kriê têx lưx lươngv muôx txơưx jênhv muôx, hâur co muôx lưx lươngv Công an chuôz tsar uô têx tsưr ziv nghiệp vụ, chêx chôngk tơưv txênhz đros têx zav nênhs phamv cxâuv, gôngr phênhv cxiv tsa Thuận Châu ngaz tul, huôv tsar./.

Trấn Long-Txâur Vax cxeik nhênhv