Gra huv txos trâu shuv xênhz thiêz tsôngv pêx xênhv heir nênhs tsơưs tỉnh Laox Cai

  Đoanx côngz xưv zos zơưv Đỗ Tiến Sỹ, Uỷ viên Trung ương Đảng, Tổng Giám đốc Đêix nta suôz VN; zơưv Hầu A Lềnh, Uỷ viên Trung ương Đảng, Bộ trưởng, sêiz car uỷ Ban mênhx cxưx; zơưv Trần Minh Hùng, Phưv Tổng Giám đốc Đêix nta suôz VN đros đoanx côngz xưv tưz muôx njêx muôs thiêz muk sêiz shuôk cxuô lênhx cưk kriê tsêr cơưv Nội trú cxênhx oz thiêz cxênhx pêz thị xã Sa Pa thiêz njiz tsôngv px cxuô xã, phươngx hâur thax tsav tsênhv qơư.

          Ntơưv oz thax tsav hêik sâu, ntâu poz huv thiêz nhiêx txiêx đros trâu iz cxiê chuôz zênhx li: Cuô mik, máy ntê tơưk, chuôz zênhx chơưv kho moz thiêz yênhx puô luz máy tính, grê nhiêx zos tas 1,7 tỷ đêiv, tưz muôz puz trâu shuv xênhz thiêz quiv cxơưz cxiz cơưv, tsôngv px muôx luz nênhx txov nhêv hâur thax tsav thị xã Sa Pa.

          Bộ trưởng Bộ trưởng, sêiz car uỷ Ban mênhx cxưx Hầu A Lềnh hêik pâuz,ndax trâu tsiêz Tsor shông 2022, txơưr đuô têx shông uô ntêx, viv muôx ntâu chuôz zis pluôs thiêz muôx caz moz Covid-19 uô ruôr hiêv, ziv uô trâu tsôngv px trâus njiz ntâu phiv liv. “Luôs hâux lưv muk sêiz shuôk thiêz muôz huv puz trâu tsôngv px hâur ntu ndax trâu tsiêz shông no, zos iz luôs hâux lưv uô muôx liv, paz cxơưz cxiz tsôngv px tok iz luz tsiêz lov jêv, shir phaz zos Đêiv Đảng, chính phủ, têz qơưs chiê cxuô lênhx tsôngv px sđ muôx tsiêz nox cxix cxuô”

          Zơưv Trần Minh Hùng Phưv Tổng Giám đốc Đêix nta suôz VN phêiz kênh, shông 2021, txơưv caz moz Covid-19 huôv xênhz uô phiv liv, taz sik Đêix nta suôz VN cux uô tâu truôx ntâu luôs hâux lưv jông, muôx liv trâu sđ. Ciês hâur shôngk shông, hur si cxuô lênhx cán bộ uô hâux lưv nhoz Đêix nta suôz VN tưz siz chos côngv paz tâu 300 triệu nhiêx trâu quiv phax tir their caz moz Covid-19, chiê cxơưz cxiz thiêz hâur iz hnuz, Đêix nta suôz VN tưz muôx txos 300 xor xưv, jax sâu hêik txos cxuô lênhx lực lươngx uô truôx jông cxuô faz tsưr ziv tir their caz moz Covid-19. Zơưv Trần Minh Hùng Phưv Tổng Giám đốc Đêix nta suôz VN xav tênhv: “Pêz cux xar njôngr cov tâu đros uô têx luôs hâux lưv muôx liv trâu xã hội. Hâur shông 2022, pêz zuôr đros cxuô doanh nghiệp sik côngv têk cxiv kho xã hội cov ziv hnuz ziv huôv tsar truôx jông”

          Đros đoanx côngz xưv muk sêiz shuôk, muôz huv puz trâu tsôngv px hâur thax tsav thị xã Sa Pa, cux tsênhv muôx iz cxiê phôngx Ban đros trâu Đêix VN li cơ quan iz suôv faz Bắc, tsênhv qơư thôngz xor mông thiêz têx doanh nghiệp Công ty nhoz saz Uỷ ban Trung ương MTTQVN./.

                                      Tsu cxêik nhênhv-An Kiên-VOV Tây Bắc

Sơn La bax uô luôs hâux lưv lênhk tok chor công nhân lok nox tsiêz truôx tuk

Đhâu qênhz shuôs, TP Sơn La zuôr muôx nhos 2 cxênhz lênhx nênhs zuôr lok tsêr hâur six hơưv tsiêz. Txơưv tiêk tsi chôngz, taz sik muôx têx zôngx ziv gra tâu têx caz moz lok siz cik hâur thax tsav qơư. Chênhr zos li co, đros trâu cxuô faz tsưr ziv tưz cxiv uô, TP Sơn La tưz fuô kriê cxuô xã, phường thiêz jêx jok cxơưz tiês yax kriê, txeik tok chor công nhân tror lok tsêr nox tsiêz truôx tuk, tsi uô trâu sơưr đơưk cxơưx, tsi uô muôx yưv têx tsi jông, cuz nxor. Lar heik, gra siêz cxix luôs y tế ntơưv qơư thiêz têx jêx jok li pưs txux, đros trâu tsôngv pêx xênhv têx tsưr ziv jênhv pâuz, sik đros chênhr uô jông trơưk têx cui tinhv phax tir thêir moz gênhk. Zơưv Trần Công Chính, Phưv Chủ tịch Ủy ban TP Sơn La, tỉnh Sơn La heik pâuz: “Pêz chox kriê cxuô xã, phường cxiv kho têx chei, cui tinhv, hâur co muôx têx tsênhv tsênhz zos, chor jêx jok, tổ Covid côngv thôngx zuôr buôk ti heik têx lênhx nênhs nhiv kruôr muk trâu luôs 2 chas thax tsav qơư tror lok co tsuv uô krez heik pâuz lol zuk đas jos thâuv lok txos ntuô hâur qơư nhoz, heik cov lơưr seiz njuôk shuôs moz Covid-19, chiê nzor muôx tsưr ziv phax phôngz, chơưv kho moz gênhk. Tiv 2 zos cxix luôs y tế ntơưv qơư sir jos uô jông hâux lưv seiz car, sox seiz têx txơưr txar cik txos chor nênhs muk trâu têx qơư muôx moz, luôs 2 chas thax tsav đrâuv tror lok; kriê, tsoz phưz, zos pov muôx lênhx nênhs tưs trâul moz mak zênhx max yơưz phơưz têx lênhx tâu nhoz jê, muôz cêv kuôk ciês thiêz chơưv kho moz”.

Six hơưv đhâu, huyện Mai Sơn tưz muôx ntâu tus chôngz lênhx trâul moz Covid-19 hâur côngv thôngx thiêz muôx têx qơư moz huôv xênhz. Tas nro huyện muôx 22 xã, thị trấn mak 2 xã zos Nà Bó thiêz Phiêng Cằm, moz tsênhv taz tov huôv xênhz lok six phiv liv; 5 xã zos moz huôv xênhz phiv liv. Cux seiz moz huôv xênhz txơưr txar li chas, cxuô thax tsav qơư tưz cxiv tsa tsưr ziv tsênhv tsênhz phax tir thêir moz trơưk li Bộ y tế kriê thiêz hâur tỉnh, hâur huyện cui tinhv. Zơưv Phạm Bá Tính, Chủ tịch Ủy ban xã Cò Nòi, huyện Mai Sơn, tỉnh Sơn La heik: “Nhiv no, pêz tưz cxiv tsa tsưr ziv phax tir thêir trơưk li moz gênhk têx huôv xênhz txơưr txar, cov tsôngv box sơưr đơưk tâu lok nox tsiêz, cux iz zav li hâur six hơưv uô ntêx, hâur thiêz đhâu tsiêz. Moz siêz yax kriê, heik tsôngv lax pêx xênhv uô jông trơưk Bộ Y tế têx cui tinhv kriê zos: Tsi so muôz xaz phôngx lok sik đêx cuô yuôx nzuôr têk, chox ntâuz bos kror ndâux, tsi siz zâuv nhoz chôngz nênhs uô cê…. Thiêz uô trơưk tsưr ziv, iz chuôz zis tsuv muôx txâuk qơư cêv kuôk chor nênhs trâul tâu xav tiêk trâul moz, têx lênhx tâu nhoz jê đros lênhx nênhs moz. Chiê uô tâu têx li heik co, tsuv muôx têx chuôz zis pêx xênhv uô jông trơưk cui tinhv lok sâuv krêz heik pâuz đas jos”.

Xav txix hli 10 shông 2021 txos nhiv no, tỉnh Sơn La tưz muôx 2.100 ntâu lênhx nênhs trâul moz Covid-19 nhoz 100% huyện, TP. Nhiv no tas nro tỉnh muôx zuôr xar 900 lênhx nênhs tsênhv nhoz chơưv kho moz gênhk, hâur co, 200 ntâu lênhx tâu nhoz chơưv kho moz hâur vax tsêr. Sơn La cux tưz lênhk txeik tâu zuôr xar 2 tsov côngz yuôx vắc xin, têx lênhx nênhs txix 18 shông tror zar sâuv tâu cxax yuôx vắc xin phax phôngz moz Covid-19 côngz tiv iz tax 100%, côngz tiv 2 tax 60%. Trơưk li zơưv Nguyễn Tiến Dũng, Giám đốc Tsênhv qơư qênhz njuôk shuôs moz gênhk tỉnh Sơn La, ngênhx Y tế tưz đros hâu nov cxuô thax tsav qơư hâur tỉnh bax cxiv uô tsưr ziv phax tir thêir moz gênhk hâur six hơưv tsiêz: “Sơn La sir jos chox kriê, thôngx ziv, uô txix cấp tỉnh txos trâu cxuô jêx jok. Hu zâuv cxuô pênhr jos, tas nro tsôngv box sơưr đơưk sik đros uô luôs hâux lưv phax tir thêir moz. Pêz sir jos qênhz pov nzor, uô iz qơư, iz thax tsav jux juk, qênhz pov moz txix seiz njuôk shuôs chiê  chơưv kho, cêv kuôk. Đros trâu têx li heik co, pêz zuôr sir jos uô li chas  cov tsi chiê muôx ntâu tus chôngz lênhx trâul moz”.

Cux trơưk li zơưv Nguyễn Tiến Dũng, chiê uô jông hâux lưv phax tar moz gênhk hâur six hơưv tsiêz têz qơưk, tỉnh Sơn La cux tror tuôr truôx têx tổ Covid côngv thôngx chiê đros qênhz shuôs, seiz car jông têx lênhx pêx xênhv muk lol hâur thax tsav qơư; fuô kriê cxuô huyện cxiv uô têx qơư y tế ntơưv têx, muôx trơưr lênhx nênhs nhoz uô hâux lưv seiz njuôk shuôs, phax tar moz, lar heik zos ntơưv têx tsêr kho moz, qơư uô hâux lưv, hâur ciêz đrôngs, qơư tsav yêz./.

                                (Lê Hạnh-Riê Lâux cxeik, nhênhv)