Tsôngv pêx xênhv Sơn La vav chiê siêz trâu iz shông yiêz khưr sâu tâu ntâu kôngz lôngk

Tix lâus Lê Công Hoàn nhoz jok C5, xã Chiềng Khoong, huyện Sông Mã (Sơn La) chuôz zis muôx 3 ha liêx têz chos têx tsoz chos nox txir li: Txir lưv tsiz sôngz, txir mo môngk, txir lưk pax….. Têx hnuz tsiêz têz qơưk Jax shông no, iz hnuz chuôz zis puôr lênhx muôs yênhx puô, muôx kêmh hnuz zos yênhx cxênhz luz txir lưk pax trâu ciêz đrôngs.

Shông uô ntêx, xav hur si tix lâus chuôz zis têx txir ntông muôs hâur ciêz đrôngs muôx nhos 50 tênhr txir nhôngk thiêz zuôr xar 20 tênhr txir lưv tsiz sôngz jiêz kra kruôr, sâu tâu yênhx tyv đeiv nhiêx. Phênhv sâu tâu no tsi tiêk paz chuôz zis zuôr tâu têx chuôz zênhx jông phưx vưv xênhz huôx, tsênhv cxênhx txuôs tâu nhiêx txiêx txoz cxơưx trâu chor tuz nhuôs muk cơưv ntâuz ntơưr thiêz. Nzênh shông yiêz-Jax shông 2024, cux iz zav li ntâu chuôz zis txơưr đuô, tix lâus tsi vav đaz tsi ntâu, tsuôk xar cov iz shông ntux paz, uô tâu nox tâu hâuk, têx txir ntông txi jông, kôngz lôngk uô tâu trơưk tsưr ziv xar xưz:“Đhâu sâu tas têx kôngz iz chiv li shông nhiv kruôr đhâu, tsôngv box sơưr đơưk lok six jông siêz, shir phaz. Ntâu chuôz zis hâur jok tưz uô tâu vax tsêr jông lok nhoz. Txos tsiêz, tsôngv box lok six shir phaz, xar cov tror khưr, uô tâu têx kôngz jông xưk li shông đhâu chiê muôx luz nênhx tsâu sor, vav mênhx đuô”.

Tix lâus Lò Văn Công nhoz xã Nà Nghịu, huyện Sông Mã shông no nhiv kruôr muôx 30 shông, taz sik tưz muôx suôz bê to zos lênhx nênhs bluô nux, yênhx tsov iêr chi cax hâur phôngz yaox hluôk nênhs huôv tsar uô nox uô hâuk coz hâur huyện. Iz chas yưv pênhr tu 10 ha tsoz chos nox txir cxuô zav, nhiv no tix lâus chuôz zis tsênhv tu zus 2 cxênhz tus vuôz ciz, iz shông zus 2 fâuv keiz, iz fâuv puôr lênhx muôx yênhx cxênhz tus; muôx kênh ntu ndê txos 4 cxênhz tus iz fâuv. Iz chas muôx phênhv sâu tâu truôx tuk, kror uô tix lâus shir phaz đuô hur si zos, tix lâus tưz pâuz tâu tsưr ziv huôv tsar uô nox, co zos sir jos khưr, moz siêz mak zênhx muôx têx uô tâu trơưk siêz xar, huôv tsar uô tâu bluô nux sâuv chênhr zuk li qơư nhoz:“Xar cov luz nênhx hlôngr yiêz, tsâu sor mak tsuv sir jos khưr. Thâuv ntêx cur cux tsi muôx tsưr ziv uô nox, huôv tsar tu zus tsiêx cxu, cur seiz sâuv mạng xã hội, pov luôs lưv tus uô tâu, cur cux cơưv shâuv, uô trơưk; txos nhiv no cur cux huôv tsar tu zus tsiêx cxu tâu 5 shông lơưv. Trơưk li cur xar, chor hluôk nênhs hâur jok phênhv ntâu lênhx tưs cux muôx ar liêx têz, zos zuk muôx tsưr ziv huôv tsar uô kinh tế txix chos kôngz mak zôngx ziv, zov chênhr sêiz pok xar uô xưz”.

Ntơưv xã Mường Sang, huyện Mộc Châu (Sơn La)-shông no zos shông tiv 3 Đảng bộ, hâu nov thiêz tsôngv pêx xênhv ntơưv qơư jông siêz, shir phaz viv xã uô tâu jông luôs hâux lưv cxiv tsa jêx jok yiêz. Zơưv   Hoàng Văn Hiệp, Phưv Chủ tịch Ủy ban xã heik pâuz: Ntu côngk nhav xã uô tâu hâux lưv cxiv tsa jêx jok yiêz shông 2016, xav kror đruôz đraz iz lênhx nênhs hâur xã muôx phênhv sâu tâu tax 20 tsov đeiv iz shông, têx chuôz zis pluôs txo grêk yuôr xar muôx 1%. Hâux lưv tso tơưv txos shông 2025, Mường Sang sir jos cov uô tâu jông đuô luôs hâux lưv cxiv tsa jêx jok yiêz, jông jav, xav kror đruôz đraz iz lênhx nênhs muôx phênhv sâu tâu txix 54 tsov đeiv iz shông…. Txơưv tsênhv yuôr ntâu txov nhêv, taz sik txix cấp ủy, hâu nov ntơưv qơư têx cêr paz thiêz tsôngv pêx xênhv sik thôngx siêz, njênhs njôngr tiêk têx luôs hâux lưv tso tơưv zuôr nzor uô tâu tiêr trơưk tsưr ziv:“Shông yiêz cux xar njôngr cov muôx ntux yar ntux nas paz trâu sđ têx kôngz lôngk, cxuô lênhx cxuô tus muôx jông đas jos, sik đros cxiv tsa xã Mường Sang ziv hnuz ziv huôv tsar, đros por hưv suôz bê zos xã uô tâu jông hâux lưv cxiv tsa jêx jok yiêz, ndar txos shông 2025 zos xã uô ntêx nyuôs uô tâu jông luôs hâux lưv heik sâuv thiêz yênhx iz phường hâur thị xã Mộc Châu lok shông 2025”./.

Thu Thùy-Riê Lâux cxeik, nhênhv