Kinh têr-xã hôiv huôv tsar, tox siêz hlôngr yiêz yênhx hnuz

          Tuôx txos thax tsav qơư chos ciêv fix ntâu tiv zix Văn Yên, tỉnh Yên Bái têx hnuz no, pov tsênhz tsôngv box tox siêz nhoz no li têx luz tsêr yiêz cxiv uô jông, đros thiêz muôx cxix cxuô têx chuôz zênhx yiêz.

          Têx trôngz ciêv fix (yênhx tỷ đeiv) tsênhv ziv hnuz ziv tâu krêz đar cxaz; pox nhuôs mênhx cxưx Cho, Hmôngz li têx ar têz xưk li tsik tso tsês khôngz hlo. Nhiv no, ciêv fix tâu chos nhoz tas nro têx xã, thị trấn sâuv thax tsav huyện Văn Yên, đros mênhv chêx zos 50 cxênhz ntâu hecta. Chor ciêv fix tâu sâu iz shông tax 7 cxênhz tênhr tơưr kruôr, 66 cxênhz tênhr blôngx, 60 cxênhz yiv đruôz ntông; chox lok trâu tsôngv box hâur huyện phênhv sâu 600 tỷ đeiv ntâu iz shôngk. Zơưv Hoàng Văn Thảo, nhoz xã Đại Sơn, huyện Văn Yên puz pâuz: “Thâuv ntêx tsi muôx tsoz ciêv fix mak phênhv ntâu zos uô txâuk nox xưz. Khov chos ciêv fix, 2,3 shôngk no luz nênhx hlôngr yiêz ntâu, nhiv no muôx tsêr, muôx yêz jông muk lok, tâu nox kaz, hnar jông”.

          Muk txos Trấn Yên, huyện nôngx cxênhz yiêz xuz thơưx nhoz thax tsav Tây Bắc, têx têz jâuz caz njuôz jông chos trơưk ntus đêx, sâuv têx ntar trôngz. Njiê lok saz muôx têx trôngz mak pov têx shôngz njuôs Bát độ njuôz jông đar 3 cxênhz ntâu hecta, tsi tiêk paz cxuôv nyeiz thiv pluôk mak tsênhv paz têx chuôz zis mênhx cxưx Hmôngz, Tày uô bluô nux. Muk txos huyện tox siêz Mù Cang Chải cux pov tsênhz têx hlôngr yiêz jông, tsênhz mênhx zos têx nôngz tsoz chos yiêz tâu chos sâuv têx tox trôngz lok sik têx liêx têz tso lok nyar lengx kis. Co zos pax yuô bleiv Pháp, txir juôx Tai nung, sâm Ngọc Linh...Thiêz têx têz txir ntông txi txir lok six jông, tso pov têx hlôngr yiêz hâur huôv tsar kinh têr kôngz nuv nhoz huyện 30a tsênhv yuôr ntâu phêv liv no. Zơưv Phạm Tiến Lâm, Tsar phongx kôngz nuv huyện Mù Cang Chải pheiz kênh: “Huyện Mù Cang Chải muôx tas nro mênhv chêx zos zuôr xar 1cxênhz 200 cêik cêr ndis, đros 3 thax tsav qiv hơưv sik txơưr. Tsov lơưr yênhx thax tsav qơư, pêz tưz heik chiê hlôngr yiêz tsoz chos, tsiêx tu zus cov huv đros. Đros co, uô tỉnh li tsưr ziv zos hlôngr yiêz nganhx kôngz nuv mak pez heik thiêz côngv đros têx nganhx muôx txơưx jênhv, taz sik nhênhz chơưv, xeir têx tsoz chos huv đros”.

          Tsi taz kinh têr huôv tsar, chor chuôz zis pluôs tâu txu grês 4% iz shôngk, têx huyện pluôs txu grês 7-8% mak nhoz tox siêz Yên Bái tsênhv muôx têx hlôngr yiêz lok vênhx huôv, xã hội. Cxiv tsa tsêr cơưv shir phaz hâur sir jos hlôngr yiêz, hlôngr yiêz zaoz zux zos iz luôk hâux lưv uô tâu li hêik co. Txơưv txos nhiv no Yên Bái tsênhv zos tỉnh pluôs, taz sik têx yênhx tix hâur huôv tsar KTXH lơưr Nghị quyết 37 zos têx chiê Yên Bái ntâuk grê, zuôr chênhz zênhv chiê uô muôx chêx cuk Nghị quyết 11, đhâu co đros tas nro thax tsav qơư kis thiêz tox siêz faz Bắc muôx têx trus huôv tsar truôx vênhs hâur ntu zuôr txos.

          Zơưv Trần Thanh Chương, Phưv giám đốc Sở tsưr ziv thiêz yưv pênhr tỉnh Yên Bái puz pâuz: Ntâu pênhr jos tưz thiêz tsênhv tâu tỉnh yưv pênhr trâu têx thax tsav phêv liv chiê paz huôv tsar cov cxuô hâur têx tiv phaz; hâur co tsov cưv đuô trâu 2 huyện pluôs zos Trạm Tấu thiêz Mù Cang Chải, đros 4 cxênhz 400 tỷ đeiv yưv pênhr, paz txưv hâur ntu 2021 txos shông 2025. “Tỉnh paz cxuô zav jông tiv zix chiê cxơưz tiês yưv pênhr lok cơ sở cxuô zav, cxơưz tiês huôv tsar KTXH, hâur co tsov lơưr têx tiv phaz li têx muôx jos; tiv zix zos huôv tsar ju lix, gôngr phênhv muôz hâux lưv uô, chuôz cxaz phênhv sâu trâu nênhs lox tôngv, muôz siêz tsơưr lươngv luz nênhx trâu tsôngv box. Cxơưz tiês côngz xưv yax mông vênhv tôngv, krêz đar têx trâur nuv krêz uô muôx chêx cuk chiê krêz đar tsôngv box li tsưr ziv uô thiêz chinhz yênhx chuv tôngv hla đhâu cêr pluôk”./.

(Đinh Tuấn-Txâur Vax cxeik nhênhv)

Bí thư Đảng ủy thiêz têx tsaz yênhx, hâux lưv uô “tsi zuôr nhiêx” viv tsôngv pêx xênhv

Krêz uô đar, luôv xuôz jêz xi măng têx cêr muk lol hâur jêx jok cov hur si zos iz hâur 39 tsưr ziv, tsaz yênhx tâu Đảng ủy xã Ngọc Chiến, huyện Mường La, tỉnh Sơn La nzor fuô uô, muôz qơư chuôz jos chiê tsôngv niêv txir lax pêx xênhv huôv tsar uô nox, uô ju lix, cxiv tsa jêx jok jông jav.

Txox cêr tưs tâu krêz uô zos Bí thư Đảng ủy xã Bùi Tiến Sỹ đros canr bôv xã seiz car jok puôr lênhx muôx njêx muôs chiê tôngv zênhx thiêz đros pêx xênhv uô hur si. Niêv lâul Cà Thị Thóc, nhoz jok Mường Chiến 2 shir phaz heik: “Hnuz no hur si sơưr đơưk hâur jok tuôx uô cêr, hur si tsôngv niêv txir cưr tix nênhx tsa hâur jok sik đros paz hnuz côngz đas jos uô. Uô ntêx thâuv zuôr uô cêr, canr bôv nus pêx xênhv: Zuôr krêz uô cêr đar cov jông muk lol, sơưr đơưk pok jông siêz uô? Tsôngv pêx xênhv lênhx tưs cux shir phaz têz tiêk, sơưr dơưk jông siêz uô hur si”.

95 cêik cêr đros thiêz 45 cêik cêr ntêr tưz tâu luôv xuôz jêz xi măng đu lus, 4,5 cêik hâur jêx jok tưz tâu krêz uô đar. Taz sik tsi tiêk côngz trênhx tưs xã Ngọc Chiến fuô uô cux tâu zôngx ziv. Muôx kênh jok njiz phiv liv hâur vênhv tôngv, têx luz jok pêx xênhv ho tsuv ruôr ntâu côngz trênhx, uô tuôr xuôv têx nhiêx txiêx, ntâu chuôz zis tsi yuô xar uô…. Chênhr viv li, xã Ngọc Chiến tổ côngz xưv tiv 7 tưz sir jos muk yênhx jok, đros pêx xênhv nhoz chiê vênhv tôngv, nriêr pâuz lok pêx xênhv li tsưr ziv, siêz xar.

Têx côngz trênhx tưz tâu cxiv uô khor truôx li: Trôngx vas, yar tiêx, qơư tơưv trôngx, qơư trâu đêx hâur jok Phày tâu tsông, ruôr por tsês chiê krêz uô cêr đar jông muk lol, uô ntâu luz jok txơưr đuô cơưv shâuv thiêz uô trơưk. Bí thư Đảng ủy xã Bùi Tiến Sỹ heik: “Iz zos cui tinhv, tsuv uô cov truôx, txix thường trực txos trâu tsôngv niêv txir lax pêx xênhv, uô jông hâux lưv yax kriê vênhv tôngv. Chênhr viv li, canr bôv tsi so muk jêx jok đros pêx xênhv nhoz, chuôs njiz pêx xênhv chiê pâuz tâu tsôngv niêv txir lax pêx xênhv têx tsưr ziv, siêz xar; chor canr bôv tưz xar tâu tsưr ziv uô, tsưr ziv fuô kriê, huv đros trâu pêx xênhv luz nênhx xênhz huôx niêx hnuz”.

Đros trâu tsaz yênhx krêz uô đar têx cêr muk lol jêx jok, ntâu tsaz yênhx li: Chaz tênhv tơưk pov cêr jêx jok; cxiv uô qơư xênhz huôx jêx jok; cxiv uô kho đuô têx luz tsêr đaz tuôs, phax tar siz zuôr nzor, heik kriê têx đuôz thiêz lênhx nênhs Ngọc Chiến reik đros huôv tsar ju lix côngv thôngx xã Ngọc Chiến….tâu kriz uô txix pêx xênhv li tsưr ziv, đas jos côngv paz, têz qơưk tsi tas nhiêx txiêx uô.

Zơưv Lò Văn Phát, Chủ tịch Hôiv nênhs lâul hnuz nhôngs siêz xã Ngọc Chiến heik pâuz: Têx tsaz yênhx, hâux lưv uô heik sâuv zos têx mak canr bôv, đảng viên xã Ngọc Chiến xar njôngr kuôk no ntâu shông lok. Đhâu thâuv Chánh văn phongx Huyện ủy Mường La Bùi Tiến Sỹ tâu tso lok uô Bí thư Đảng ủy xã txix hli 11/2019, hur tiz si thiêx tâu uô trơưk xã li Nghị quyết huôv tsar kinh tế-xã hội. “Đôngx chir bí thư muôx txux chi jông, moz siêz lês uô têx hâux lưv viv tsôngv lax pêx xênhv. Chuôz tsar canr bôv lok hâur thax tsav qơư lês uô têx hâux lưv hâur xã zos tỉnh, Đảng thiêz têz qơưk li tsưr ziv uô huv đros. Zơưv Bí thư lok six moz siêz lês jông têx hâux lưv zok muôz viv tsôngv lax pêx xênhv, thâuv tâu yêik lol uô hâux lưv ntơưv no, xã tưz muôx ntâu hlôngr yiêz, zuôr txos no zuôr ziv huôv tsar jông đuô thiêz, tsôngv niêv txir lax pêx xênhv njênhs njôngr trâu têx uô tâu li co”.

Chiê fuô uô têx tsaz yênhx, tsưr ziv yiêz, Bí thư Đảng ủy xã Bùi Tiến Sỹ tưz đros Ban thường vụ, BCH xã seiz lax, thôngx ziv tso tơưv Nghị quyết thiêz quyết tinhv yênhx lix 15 tổ côngz xưv muk yênhx jêx jok. Tsi thav zos kaz ciêz, tsi zos hnuz tiv 7 thiêz hnuz ciêz, hur tiz si cxuô cxuô hnuz, txơưv hmo ntux, đruôz hnuz thâuv muôx hâux lưv txos mak canr bôv xã puôr lênhx muôx njêx muôs hur si ntơưv qơư chiê paz pêx xênhv: “Thâuv muk hâur jêx jok zuôr uô tâu 3 hâux lưv. Tiv iz zos uô trâu pêx xênhv thiêz canr bôv muôx cêr sik thôngx siêz. Tiv 2 zos sưv jê đros pêx xênhv, mnôngs pêx xênhv heik, tiv zix zos pêx xênhv krêz siêz, heik pâuz lơưr têx tsưr ziv xar thiêz đhâu ntơư pâuz tsênhz lok pêx xênhv zuôr trâul txos đaz tsi, xar  hlôngr yiêz uô li chas thiêz pêx xênhv muôx têx uô tâu têx hâux lưv tưs. Tiv 3 zos cxuô tsưr ziv, hâux lưv buôk ti uô tâu lơưr hâur luz nênhx niêx hnuz, huv đros pêx xênhv, pêx xênhv tâu sơưv”.

Đros trâu yênhx lix têx tổ côngz xưv muk jêx jok paz tsôngv pêx xênhv, iz tsưr tsix, đoanx thêv tâu Đảng ủy choz têx luôs hâux lưv tsênhv tsênhz. Iz chas co, chor hluôk nênhs lênhk nhav hâux lưv, uô trâu thax tsav qơư nhoz jông jav, huôv tsar ju lix; Ủy ban Mặt trận Tổ quốc xã vênhv tôngv pêx xênhv yênhx lix HTX shôngz, car thênhx; Hôiv pox niêv hu zâuv chor pox niêv vir ndâuk sik đros chos pax trơưk 2 saz ntus cêr; Hôiv Nôngx mênhx xã xar tsưr ziv tsiv uô têx nôngz kôngz jông reik đros trâu zus njêl chiê muôx tâu têx kror jông hâur huôv tsar ju lix thiêz uô nox uô hâuk……./.

(VOVTB-Riê Lâux cxeik, nhênhv)