Ntâu tsưr ziv uô nox yiêz ntơưv Lai Châu tâu uô txix chor pênhr nhiêx cuiv paz trâu nôngx mênhx

Tix lâus Lý A Phử ziv chuôz zis nhoz jok Hợp 1, xar Dào San, huyện Phong Thổ (Lai Châu) tiv muôx chôngz mê nhuôv thiêz tsik muôx pênhr nhiêx chiê huôv tsar uô nox viv li ntâu shông đrav ntêx cux zos chuôz zis pluôs. Shông 2000, tix lâus chuôz zis tưz kir txêik nhiêx hâur zênhx hangx tsênhv chêi xar hôiv lok zus muôk lưx sha mê nhuôv. Txix chor pênhr nhiêx kir txêik muôx 100 triệu đêiv, đros trâu têx nhiêx txiêx chuôz zis cxênhx txuôs tâu, tix lâus chuôz zis zuôr 10 tuk muôk lưx nôngz, hâur co muôx 1 tuk lâus muôk lưx lok zus thiêz zos yênhx ziv chuôz zis xuz thơưx ciês hâur xar tu zus muôk lưx. Tix lâus Phử puz pâuz: Đhâu xar muôx 3 shông tu zus, chor muôk lưx nôngz tưz zus nzir tâu muôx 5 tuk mê nhuôv, tas nro chor muôx lưx ndê muôx 15 tuk. Đros co, chuôz zis cux tưz txiêr tâu oz gơưv cuz muôk lưx, muôs tâu muôx 10 triệu đêiv. Kror uô tâu xuz thơưx no tưz paz trâu chuôz zis tror sir jos tu zus chor muôk lưx no chiê muôs cuz thiêz sir jos cov hla đhâu cêr pluôs, chiê uô bluô nux xưk li nhiv no:“Chiê huôv tsar tsưr ziv tu zus muôk lưx no mak tsưr tsix Hôiv Nôngx mênhx cux tưz paz trâu hôiv viên uô ntơưr txêik pênhr hâur zênhx hangx tsênhv chêi xar hôiv. Chiê muôx nzir chor pênhr nhiêx uô nox, nhiv kruôr đhâu cur chuôz zis cux tưz kir txêik nzir 100 triệu đêiv hâur zênhx hangx tsênhv chêi xar hôiv chiê huôv tsar chuôz zis paz muôk lưx”.

Shông 2022, tix lâus Cháy Xênhv Zax ziv chuôz zis nhoz jok Thèn Pả, xar Tả Lèng, huyện Tam Đường (Lai Châu) cux tâu kir txêik chor pênhr nhiêx txix cuiv paz trâu nôngx mênhx. Đros chor nhiêx pênhr muôx 50 triệu đêiv xuz thơưx, tix lâus chuôz zis tưz yưv pênhr chiê kho đuô têx tsêr guôx thiêz zuôr iz tuk nênhl lok zus chiê sha mê nhuôv. Khov sir jos tu zus, cxax yuôx phax moz cxix cxuô, txos nhiv no cux tưz huôv tsar jông:“Shông 2022 cur chuôz zis tưz kir txêik txix Cuiv paz uô kôngz tâu muôx 50 triệu đêiv chiê zuôr iz tuk nênhl lok zus chiê sha mê nhuôv. Txix tuk niêv nênhl no, nhiv no tưz zus tâu nzir iz tuk mê nhuôv lơưv. Cur zuôr tror tu zus chiê zus nzir cov muôx chôngz nênhl đuô, paz trâu huôv tsar kinh têr chuôz zis”.

Zos tsưr tsix hôiv tâu Zênhx hangx Tsênhv chêi xar hôiv chiê sơưr bê paz trâu pêx xênhv txêik pênhr, cux xưk li paz trâu pêx xênhv txêik pênhr nhiêx txix cuiv paz trâu pêx xênhv no, cxuô cấp Hôiv nôngx mênhx nhoz Lai Châu tưz uô tâu jông zuk li pưk txux. Đhâu thâuv muôz txêik lok sik sơưr bê chiê kir txêik, chor Hôiv nôngx mênhx ntơưv thax tsav qơư tsênhv tso nênhs muk paz ciês trâu pox nhuôs sơưr đơưk têx kỹ thuật tu, cux xưk li sêiz kaz jông chor pênhr nhiêx kir txêik chiê chor pênhr nhiêx no tâu sir zôngv jông thiêz huv zos. Tix laus Phàn A Ếm, Chủ tịch Hôiv Nôngx mênhx xar Tả Lèng, huyện Tam Đường puz pâuz: Tas nro xar muôx 9 chi hôiv, đros muôx 700 ntâu hôiv viên. Shông 2022, txix 1 tiv đêiv chor pênhr nhiêx cuiv paz trâu nôngx mênhx, thax tsav qơư tưz muôz trâu 20 ziv chuôz zis kir txêik chiê uô têx tsưr ziv tu zus tưv muôs grêix thiêz zus nênhl sha mê nhuôv. Chor tsưr ziv uô nox tưz paz trâu pox nhuôs sơưr đơưk muôx nzir phênhv sâu, muôx nzir hâux lưv uô, txix co paz thơưz phongz yaox pêx xênhv sik tưr huôv tsar uô nox, sik côngv siêz, sik paz chiê hla đhâu cêr pluôs:“Hâur shông 2022, tâu tsưr tix hôiv thênhv siêz paz, Hôiv nôngx mênhx xar tưz tâu paz chiê uô oz dưv anr. Iz dưv anr zos tu zus tưv muôs grêix thiêz iz dưv anr zos tu zus nênhl sha mê nhuôv thiêz nhiv no oz dưv anr no tsênhv tâu uô lo six jông”.

Thôngz sâu hâur 2 shông đhâu, yênhx puô ziv chuôz zis pluôs nhoz tox siêz Lai Châu tưz tâu txêik pênhr đhâu Cuiv paz trâu nôngx mênhx cxuô cấp chiê huôv tsar kinh têr. Ntâu tsưr ziv pêx xênhv sik côngv, sik paz chiê huôv tsar kinh têr cux tưz jux juk tâu kriz uô. Txix co, paz trâu pêx xênhv sơưr đơưk muôx nzir phênhv sâu, hlôngr yiêz luz nênhx thiêz sir jos chiê hla đhâu cêr pluôs truôx đrênhk./.

Khắc Kiên-Lik Thox cxêik nhênhv