“Jok shir phaz” nhoz tox siêz Yên Bái

Xav jênhv xar cov pêx xênhv hâur jok muôx luz nênhx shir phaz mak uô ntêx tsuv hlôngr yiêz tâu pêx xênhv li siêz xar hâur huôv tsar kinh têr, zơưv Phà Xênhv Phàng, Bí thư Chi bộ uô tsar jok Tà Xùa, xar Bản Công, huyện Trạm Tấu tưz nriêr pâuz thiêz yưv pênhr cxiv uô iz tsưr ziv tu zus ol, buô đuz muôx yênhx puô tuk iz jas. Khov sir jos cơưv shâuv, sir zôngv kỹ thuật yiêz trâu uô nox, viv li zơưv Phà chor tsiêx cxu hloz lox, huôv tsar jông, paz sâu tâu kinh têr siêz, tâu pox nhuôs njênhs njôngr, cơưv shâuv thiêz uô trơưk. Zơưv Phà hêik: “Hâur jok no zuôr muôx tsưr ziv chiê  tu zus ol thiêz buô, zuôr yưv pênhr cxiv uô tsêr guôx, kriz đar thax tsav qơư tu zus”.

Txos nhiv no, jok Tà Xùa tưz muôx yênhx châuv tsưr ziv uô kinh têr paz muôx tâu phênhv sâu yênhx puô triệu đêiv iz shông. Iz zav li tix lâus Xềnh Xênhv Phàng chuôz zis li tsưr ziv uô nox tu zus muôx 20 tuk buô greix thiêz 3 tuk mâuv buô: “Cur xar cxiv tsa tsưr ziv uô kinh têr truôx tuk trâu zuk thiêz chuôz zis, sir jos cov ntu tov ntêx no huôv tsar uô cpv tâu ntâu đuô”.

Zơưv Zax Xênhv Muôk, chuyên viên Phòng Vênhx huôv-Yax mông huyện Trạm Tấu puz pâuz: Shông 2022, huyện Trạm Tấu tso tơưv tsưr ziv gra siêz luôx hâux lưv lok pêx xênhv luz nênhx shir phaz ndê muôx 52%, ndê 2,18% pir li shông 2021. Hâux lưv cxiv tsa tâu chor jêx jok shir phaz xưk li ntơưv Tà Xùa zuôr zos kror paz zov chênhr chiê huyện tox siêz uô tiêr li tsưr ziv tưz tso tơưv: “Lok cxiv tsa jêx jok shir phaz, hâur 10 luôs hâux lưv mak pêz huyện tsêx trung trau chor luôs hâux lưv tsênhv tsênhz li: huôv tsar kinh têr, huôv tsar têx tsưr ziv uô kinh têr; lok huôv tsar zoz thôngz; lok hnuz nhôngs uô nênhx siêz thiêz tsoz phưz đas jos…”.

Tâu huyện Mù Cang Chải xêir tsov chiê cxiv tsa tsưr ziv “Jok shir phaz” chiê paz gra siêz cêr uô nênhx shir phaz trâu pêx xênhv, jok Trống Là, xar Hồ Bốn, huyện Mù Cang Chải sir jos cov uô tiêr tâu nzor têx luôs hâux lưv li: 100% chor chuôz zis tâu sir zôngv đêx hur huv vêv xênhz; jok muôx qơư trâu têx vuôz tsuôz, thax tsav tsênhv qơư muôx têx thungz trâu têx vuôz tsuôz; tsêr guôx tu zus taz por vêv xênhz; 100% chor nhuôs tsik tâu muôx 6 shông hâur jok tâu cxax cxix cxuô têx yuôx vắc xin; nênhs lâul txix 60 shông tror sâur puôr lênhx cxaz chuôz trâu Hôiv nênhs lâul thiêz tâu njuôk shuôk đas jos tsik so lơưr six hơưv. Hâur jok muôx txix 5-10 tsưr ziv huôv tsar uô kinh têr uô tâu truôx jông, paz muôx tâu phênhv sâu truôx; 40-50% chor ziv chuôz zis muôx phênhv sâu txix 100 triệu đêiv iz shông tror sâur; chor chuôz zis pluôs tâu txo grêk tsơưs đuô 12%....

Zơưv Lìm Văn Hòa, Trưởng Ban côngz xưv Mặt trận jok Trống Là puz pâuz: Chiê uô tâu tsưr ziv no, Ban chox kriê cxiv tsa tsưr ziv “Jok shir phaz” jok Trống Là tsik so hêik trâu cấp ủy, chinhr quyền xar tsov cưv đơưk kho cov ndar six hơưv pêx xênhv li têx tsưr ziv, siêz xar: “Pêz cux hêik chor chuôz zis tsik so cơưv shâuv thiêz nhênhz chơưv txix chor jêx jok, chor xar tưz uô tâu jông chiê uô trơưk. Đhâu ntâuk gri zos tiêk uô tax tâu jông mak txix nhiv no txos kaz shông pêz zuôr tso tơưv uô tiêr zos jok shir phaz”.

Tsưr ziv “Jok shir phaz” tsênhv tâu piz kriz uô ntơưv iz cxiê jêx jok nhoz chor huyện tox siêz Mù Cang Chải, Trạm Tấu thiêz zuôr tâu kriz uô đêz đar hâur ntu zuôr txos. Chiê  cxiv tsa tâu yênhx côngz tsưr ziv no, đrâuv pox nhuôs nhoz tox siêz, chor canr bôv jêx jok li sir jos, têx huyện cux tsik so tso canr bộ muk paz trâu pêx xênhv hâur yênhx hnuz kaz ciêz. Pos Đào Thị Thu Thủy, Trưởng Ban Tuyên  giáo Huyện ủy Mù Cang Chải puz pâuz: “Canr bộ, đảng viên muk paz trâu pêx xênhv, đros pêx xênhv đơưk kho têx phiv liv ciês ntơưv thax tsav qơư, paz pêx xênhv hlôngr yiêz đuô siêz xar thiêz jênhv pâuz hâur uô nox, txo grêk cêr yêiz pluôs thiêz paz gra siêz luz nênhx cxuô zav trâu pêx xênhv”./.

(Đinh Tuấn-Lik Thox cxêik nhênhv)