Tây Bắc sir jos uô lơưr siêz xar lok huôv tsar

Zos tsênhv qơư txuôk đros kinh têr nhoz Việt Nam thiêz têx têz qơưk ASEAN đros thax tsav Tây Nam-Trung Quốc, shông 2022, phiv liv txix saz Trung Quốc li tsênhv chêi phax tar caz moz tưz uô trâu hâux lưv muôs tơưv saz đrâuv têz qơưk đhâu Lào Cai trâus txo grêk tsơưs, tas nro tsiv gri đhâu têx hax huv tas nro shông tsuôk tax tâu muôx 2,3 tiv ntâu USD, tsuôk bâuv iz đraz tsưr ziv tưz tso tơưv.

Đros têx phiv liv, Lào Cai tưz sir jos uô, cê kriz trôngx, paz trâu têx doanh nghiệp huôx tôngv, cê uô jông phax tar caz moz Covid-19 ntơưv trôngx đriv taz por trâu chor hax huv tâu zuôr muôs muk lok đhâu trôngx đriv sêi, sưv đros trâu tsênhv chêi Zero Covid saz Trung Quốc. Thiêz sêiz shuôk, cxaz chuôz ntâu xor xưv lox li Jiês cơưv trực tuyến nhoz Bí thư 4 tỉnh ntus đriv saz Việt Nam đros tỉnh Vân Nam-Trung Quốc. Thôngx cxix, tỉnh Lào Cai tsênhv muôx ntâu jiês uô hâux lưv đros hâu nov Trung ương, chor bôv, nganhx cik txos huôx tôngv zuôr muôs tơưv saz đrâuv têz qơưk. Chủ  tịch Ủy ban tỉnh Lào Cai-zơưv Trịnh Xuân Trường puz pâuz: “Shông 2023, Lào Cai sir jos cov tsiv gri muôs tơưv saz đrâuv têz qơưk tâu muôx 5 tiv USD hâur qênhx shênhx têx tsênhv chêi saz têz qơưk Trung Quốc zuôr zôngx ziv đuô. Đros trâu hâux lưv Lào Cai tưz thiêz tsênhv chox kriê cxiv tsa Trôngx đriv sôr; Uô truôx jông đuô Ban sêiz car thax tsav qơư kinh têr, uô truôx jông tas nro lok txơưx jênhv, jênhv vưv đros trâu yưv pênhr uô cxuô zav thiêz txuôk đros trâu têx doanh nghiệp saz Vân Nam mak thiêx zuôr paz thơưz tâu tsiv gri muôs tơưv saz đrâuv têz qơưk”.

Ntơưv tỉnh Điện Biên, Dự án yưv pênhr cxiv tsa thiêz kriz đar Qơư tsar đrêk yêz za Điện Biên Phủ zos iz hâur têx dự án zov chênhr chiê tok hơưv thiêz phưx vưv chiv nhênhv 70 shông ntâu zênhx Điện Biên Phủ; thôngx cxix cux muôx tsiv gri lok six zov chênhr hâur hâux lưv taz por ngaz tuk-côx phax, paz thơưz huôv tsar kinh têr-xar hôiv, paz hâux lưv uô, gra siêz pêx xênhv sâuv thax tsav li luz nênhx. Zơưv Lê Thành Đô, Chủ tịch Ủy ban tỉnh Điện Biên puz pâuz: “Txos nhiv no mak côngz xưv lok thax tsav tưz tâu tỉnh Điện Biên uô tâu tiêr, choz zok trâu tsưr yưv pênhr. Chor hâux lưv uô hâur dự án li: zok nriêr têx tsuôv tav, chuôz lov tơưs; cxiv tsa nja vax thêir ngaz tuk; cxiv tsa txox cêr trâu yêz za za muk thiêz yêz za lok đrêk, qơư đrêk yêz za cux tưz tâu kriz uô. Đros sir jos uô li no mak njuôk xav têx luôs hâux lưv zuôr tâu uô tiêr trâu kaz hli 8/2023”.

Ntơưv Yên Bái, hâur hli 11 shông 2022, tsiv gri muôs tơưv saz đrâuv têz qơưk tax tâu muôx 274 triệu USD, ndê muôx 32% ntâu pir li six chênhz tsêiz no.

Công ty TNHH một thành viên đá trắng Bảo Lai, nhoz sâuv thax tsav huyện Yên Bình. Đhâu 2 shông kriz uô hâux lưv tsik truôx tiv phiv liv txix caz moz Covid-19 thiêz shông 2022 njiz trâus phiv liv tsik tsơưs txix ciêz đrôngs sâuv ntiêx têz, doanh nghiệp no tưz tror kho đuô tsưr ziv uô nox, kinh doanh, iz chas tror sik thav đros têx tos sik côngv hâur uô nox cxôngx nzor, iz chas sir jos zok nriêr chor nênhs đros sik côngv uô nox yiêz. Txix hâur shôngk shông txos nhiv no, công ty têx hax huv uô tâu muôx 11.000 ntâu tấn hmôngr poz jêz, 60.000 tấn hạt nhựa; phênhv sâu tâu muôx 600 tiv đêiv ntâu. zơưv Võ Tiến Dũng, Giám đốc Công ty TNHH một thành viên đá trắng Bảo Lai puz pâuz: “Txơưv tiêk kinh têr ntiêx têz muôx ntâu txơưr txar taz sik pêz chor hux thôngx zuôr hax huv cux taz por. 3 luz hli kaz shông pêz cux uô tax tâu trơưk li tập đoàn cux xưk li hôiv đồng quản trị choz zok”.

Hlôngr yiêz đuô tas nro tsưr ziv uô kôngz nuv, têx tỉnh Tây Bắc tsênhv uô tâu lok six ntâu kror. Sơn La zos luz tỉnh uô tâu li hêik co thâuv tâu xav tiêk zos thax tsav qơư muôx ntâu ntông nox txir tiv zix Việt Nam. Thiêz nhiv no, Sơn La tưz muôx 80.000 ntâu héc ta ntông nox txir, thax tsav chos sơưr tiv oz tas nro têz qơưk; hâur co, zuôr xar 22.500 héc ta thax tsav tsoz chos sir zôngv tsưr ziv uô kôngz nuv jông thiêz têx ploz tsênhr iz zav li co; muôx 24 kror hax huv nhoz tỉnh Sơn La tâu Cục sở hữu trí tuệ cungz ntơưr por vêv, hâur co muôx 2 hax huv tâu por vêv ntơưv Châu Âu thiêz Thái Lan. Zơưv Nguyễn Thành Công, Phưv Chủ tịch Ủy ban tỉnh Sơn La puz pâuz: “Sơn La tưz thiêz tsênhv zaz zâuv chor tsêr mêir uô chiê paz đơưk kho tâu têx phiv liv lok chêix chiv, chiê cê uô cê muôs hâur têz qơưk thiêz muôs tơưv saz đrâuv têz qơưk; thôngx cxix, hlôngr yiêz đuô tsưr ziv hêik pâuz têx hax huv, tiv zix zos muôz chor hax huv co tso trâu sâuv sàn thương mại điện tử. Thiêz tiv zix zos tror uô lơưr tsưr ziv hur, tax ploz tsênhr, cungz mã thax tsav chos chiê muôs tơưv tâu trâu saz đrâuv têz qơưk”.

Shông 2022, chuôs li chor qơư du lịch nhoz Tây Bắc tưz tror muôx chôngz kruô tuôx ndis shuôk; ntâu ntênhk hôiv vênhx huôv, du lịch cux tror tâu tsưr tsix đhâu oz shông tso tsês. Zơưv Trần Quang Kháng, Phưv Giám đốc Sở Vênhx huôv, Thể thao thiêz Du lịch tỉnh Lai Châu puz pâuz: Hâur thiêz đhâu ntu njiz phiv liv tiv caz moz Covid-19, tỉnh Lai Châu tưz sir jos uô cov sưv đros, tsik so hlôngr yiêz cxuô zav, tsơưr lươngv dịch vụ, thox cxov pênhr jos, sir jos hlôngr yiêz sôr, sir jos kriz uô sêi têx côngz trinhx, dự án lok du lịch. Thax tsav qơư tưz tsưr tsix ntâu xor xưv piêr pâuz lok du lịch li: Hnuz hôiv Vênhx huôv Mênhx cxưx Hmôngz tas nro têz qơưk; Ciêz vênhx huôv-du lịch shông 2022; Ciêz vênhx huôv-du lịch ntơưv thành phố  Hồ Chí Minh… paz muôx tâu iz kror yiêz jông, jux juk khav tênhv tâu côngz bê trâu du lịch Lai Châu sâuv bản đồ du lịch Việt Nam: “Pêz tror sik côngv đros Tổng cục Du lịch chox chor doanh nghiệp lữ hành nhoz têx tỉnh tuôx nriêr pâuz chiê paz muôx tâu têx hax huv du lịch yiêz mak Lai Châu muôx liv li: kriz uô du lịch ndis shuôk, nriêr pâuz têx trôngz siêz nhoz Lai Châu; du lịch têx chiv xênhz pak đêx; du lịch kôngz nuv đros trâu piêr pâuz lok têx hax huv kôngz nuv jông muôx ntơưv tỉnh”.

Sir jos hlôngr yiêz, kriz uô têx tsưr ziv cov huv đros thiêz truôx jông, têx tỉnh Tây Bắc tsênhv sir jos chiê huôv tsar truôx đrênhk, jux juk tơưv tâu đhâu thax tsav pluôs hâur têz qơưk./.

(TTTB-Lik Thox cxêik nhênhv)