“Qơư khov truôx khor” trâu têx jêx jos tox siêz Lai Châu

Tsuôk đhâu 30 phênhz six hơưv txix thâuv cxix luôk loa thôngz xor mông xã tso thôngz pov thax tsav jôngr nhoz buôk xã Tả Lèng (huyện Tam Đường) thiêz xã San Thàng (TP Lai Châu) pov cuz jôngr, zuôr xar 100 lênhx dân quân xã Tả Lèng tưz tuôx ntơưv qơư truôx siêz uô jênhv vưv. Đhâu 2 six hơưv sir jos tuô hluôr tơưs, lưx lươngv dân quân ntơưv tiv phaz tưz đros lưx lươngv txơưr tuô tâu txuz hluôr tơưs por vêv taz por trâu har jôngr chos yiêz sâuv thax tsav. Tix lâuk Lù A Lử, Trung đội dân quân cơ động xã Tả Lèng, huyện Tam Đường pheiz kênh: “Đrâuv côngz xưv kriê cxaz, truôx siêz tơưv txênhz pêz tsênhv huiz tôngv têx dân quân uô côngz xưv dân vận, paz tsôngv box luôx cêr, krêz thôngz njưk đêx, cxaz chuôz tuô hluôr tơưs cuz jôngr thâuv pox nhuôk hlơưr têz uô cuz jôngr. Cheix ntux lok nas chuôz zis tưs trâus tox poz mak pêz cux huiz tôngv tas nro dân quân cxaz chuôz gôngr côngv hnuz côngz, paz tsôngv box txar qơư nhoz co taz por đuô”

          Tas nro tỉnh Lai Châu nhiv no muôx 234 qơư dân quân tự vệ, đros zuôr xar 13 cxênhz lênhx nênhs, tsav 2,6% dân số tas nro tỉnh; hâur co lưx lươngv dân quân muôx 106 qơư, đros biên chế quân số 10 cxênhz ntâu lênhx. Khov yax six tâu bax yênhx tưv cêr chei, Đảng li lý tưởng, viv li txos nhiv no chor dân quân li tsơưr lươngv chính trị tâu taz por, đảng viên chuôz ndê txos 12%.

          Thượng tá Hoàng Văn Kỳ, Phưv tham mưu trưởng, Bộ chỉ huy Quân sự tỉnh Lai Châu puz pâuz: lưx lươngv dân quân tỉnh 2/3 zos đoàn viên, hluôk nênhs viv li cấp ủy, chính quyênx tiv phaz tưz phuôx huiz tâu chinhz yênhx hluôk nênhs hâur cxuô huôx tôngv. Hâur shông 2023, lưx lươngv dân quân nhoz tiv phaz sik côngv đros têx lưx lươngv txơưr tsưr tsix tâu zuôr xar 150 jiês heik kriê zaoz zux cêr chei, đros zuôr xar 6 cxênhz jiês lênhx nênhs cxaz chuôz; zuôr xar 1 cxênhz 500 lênhx nênhs cxaz chuôz seiz car ntus đriv; gôngr phênhv zuôr xar 3 cxênhz hnuz côngz chos ntông; cxaz chuôz zuôr xar 500 hnuz côngz phax cuz tox cuz jôngr; khưx phưx têx ntux têz uô ruôr hiêv, nriêr zok bôngk…“Lưx lươngv dân quân tưz tâu Đảng ủy, Bộ chỉ huiz quân sự tỉnh yênhx lix thiêz cxiv tsa tsưr tsix biên chế lơưr yênhx taz viv txix cấp jêx jos txos cấp xã, cấp huyện. Đrâuv côngz xưv kriê cxaz, truôx siêz tơưv txênhz, hâur têx shôngk đhâu Bộ chỉ huiz quân sự tỉnh tưz huiz tôngv lưx lươngv dân quân cxaz chuôz nriêr chơưv nanv muôx chêx cuk. Têx shông zuôr txos, Đảng ủy Bộ chỉ huiz Quân sự tỉnh zuôr tror heik tỉnh ủy thiêz UB tỉnh lênhs tov, chox kriê tas nro txix cấp xã txos cấp huyện lơưr trơưk tsaz yênhx, sik côngv đros têx lưx lươngv li công an, qênhz jôngr uô jông côngz xưv truôx siêz tơưv txênhz thiêz côngz xưv nriêr chơưv nanv”.

          Phuôx huiz bộ đội zơưv Hloz Hôx li têx siêz jông, lưx lươngv dân quân, tiv zix zos dân quân nênhs mênhx cxưx tsơưs nênhs nhoz Lai Châu tưz yênhx lưx lươngv uô ntêx nyuôk ntơưv têx jêx jos tox siêz. Tsi taz yax six kriê cxaz, truôx siêz tơưv txênhz lơưr jênhv vưv, dân quân nhoz tiv phaz tsênhv zos lưx lươngv uô ntêx nyuôk hâur cxuô huôx tôngv, phongz yaox, truôx siêz jênhv thiêz uô tiêr têx luôk hâux lưv lax uô tâu. Txix co yênhx qơư khov truôx tul ntơưv têx jêx jos, gôngr phênhv coaz tsôngv lok ngaz tul txiv ngaz jêx jos, por vêv tsưr qênhx ntus đriv thiêz huôv tsar KTXH ntơưv tiv phaz./.

Khắc Kiên-Txâur Vax cxeik nhênhv

Sir zôngv ntâuz tax vor thêir iz cxiê zav tsoz chos

Hâur têx shông đhâu, thâuv uô liêx têz, chos iz cxiê zav tsoz chos nkruôz li: Poz cưk, tuôv cuôz xênhz, txir lưk suôr, jâuz krưr, jâuz ntus hâur pâuk, điz, tâuz, yuôx đrox njuôz...., tsôngv pêx xênhv ntơưv qơư tưz zôngv ntâuz tax lok vor thêir.

Vor thêir li co paz cxênhx txuôs tâu đêx zưs, huv đros trâu têx thax tsav, suôv qơư khênhr tsi yuô muôx đêx ntơư. Vor thêir ntâuz tax txo grêk tsơưs đêx tsi yuô xâu, ar nông, tsoz chos hloz lox jông; iz chas co uô trâu ar nxênhr, lar heik zos hâur ntu cheix ntux kruôr, txix ntơư uô jâuz tâuv, kôngz lôngk hloz lox siz luôs, sâu tâu nju đuô. Iz chas têx li heik sâuv, vor thêir ntâuz tax cux paz txo grêk tsơưs tsi yuô muôx đrox, tsi tas ntâu côngz đas jos đoz nthuô têx đrox, txo grêk tsơưs nhiêx txiêx zuôr yuôx tsuôs tuô đrox, chênhr viv li tsi yuô zuôr ntâu yuôx tsuôs, tsi yuô kiêk nênhs vuôz tsuôz tênhx qơư, tsoz chos hloz lox sei.... Iz têx muôx liv thiêz jông co, vor thêir ntâuz tax cux tsi yuô muôx caz tho nox uô ruôr hiêv têx tsoz chos.

Taz sik, iz chas têx li heik sâuv, thâuv sir zôngv ntâuz tax zos tsi uô jông trơưk têx cui tinhv mak zuôr uô ruôr hiêv txos tsoz chos, muôx têx uô kôngz tuôs. Chênhr zos li heik co thâuv sir zôngv tsuv uô trơưk têx li đrav kaz:

Hâur chor liêx têz chos tês tsoz chos nkruôz vor thêir ntâuz tax, zos muôx ntux nas lox, đhâu lok nas tas yar cuz hênhr mak zuôr uô têx tsoz chos ntơư zôngx ziv trâul njưk, tuôs viv đêx xâu tsi tâuk, chas lưx.....

Nhoz têx tỉnh faz Bắc zôngv ntâuz tax vor thêir zuz liês chiv châux yiêz, sơưr đơưk tsuv seiz đruôz hnuz yar cuz sor li chas chiê kho têx ntâuz tax vor thêir huv đros, li tsi uô ruôr hiêv txos zuz liês, uô zuz liês lưx hâur pâuk. Têx hnuz ntux lax nziêk, yar cuz sor sơưr tsôngv pêx xênhv sơưr đơưk tsuv krêz mê njik ntâuz tax trâu chor zuz liês.

Chor ntâuz tax đhâu thâuv sir zôngv, zos tsi jông zôngv lơưv mak sơưr đơưk tsuv khơưk sâu hur si tso trâu iz kro, tsi tâu muôz por tsês chuôs tsi ntơưv têx. Lar heik tsi tâu muôz phâuk hâur ar lok sik hlơưr por tsês. Ntâuz tax đhâu muôz hlơưr zuôr uô tsi jông txos đal jos, uô muôx iz cxiê zav moz nhoz têx nhuôs zâu. Zos muôz phâuk hâur ar, đhâu yênhx puô shông chor ntâuz tax co cux tsi lưx, viv li uô tsi jông txos têx ar liêx têz, vuôz tsuôz kiêk nênhs tênhx qơư./.

KT-Riê Lâux cxeik, nhênhv