Lào Cai moz siêz txos chor canr bôv jok đhâu muôz iz cxiê jok lok uô iz jok

Pos Hoàng Thị Hằng, Bí thư Chi bộ, tsar jok Khe Chàm, xã Đông Cuông, tỉnh Lào Cai têx hnuz no cux tsênhv sir jos đros tổ côngz xưv muk trâu cxuô thax tsav tsôngv box nhoz, ziv chuôz zis chiê seiz shuôs tsôngv pêx xênhv luz nênhx xênhz huôx, cêr uô nox uô hâuk thiêz yax kriê Đảng, Têz qơưk têx tsưr ziv, tsênhv chei txos trâu pêx xênhv, lar heik zos tsưr ziv muôz iz cxiê jok lok uô cê hâur hli 6. Trơưk li tsưr ziv, zuôr muôz jok Khe Chàm thiêz jok Trung Tâm lok uô cê, tsar ndê muôx zuôr xar 500 chuôz zis pêx xênhv, thax tsav qơư đar 400 ntâu ha.

“Thâuv muôz iz cxiê jok lok uô cê li heik sâuv, tsar jok luôs hâux lưv seiz car thax tsav qơư nhoz thiêz lês uô têx hâux lưv zuôr lok six phiv liv, chênhr zos li heik co, tsar jok tsuv zos lênhx moz siêz lês uô hâux lưv zok muôz, iz chas ntơư sir jos gra siêz txux chi uô lơưr công nghệ thôngz xor mông, uô hâux lưv trơưk têx tsưr ziv yiêz. Pêz vav chiê siêz cxuô cấp, cxuô ngênhx moz siêz muôz jông six hơưv tsưr tsix kriê cxaz nzir têx txux chi, tsưr ziv yuôr trâus chiê chor tsar jok, bí thư chi bộ tror lês uô tâu truôx cxuô luôs hâux lưv zok muôz”.

Đông Cuông zos xã tâu yênhx lix txix muôz chor xã An Bình, Quang Minh, Đông An thiêz Đông Cuông hâur huyện Văn Yên, tỉnh Yên Bái kuz lok uô cê. Cêr muk lol trâu têx thax tsav tsôngv box nhoz muôx kênh qơư kuôk đêz 2, 3 cêik ndê trôngz, hla đhâu đêx. Chênhr viv li, thâuv jok lox đar đuô, chor canr bôv ntơưv qơư cux chôngz đuô. Pos Phù Thị Thuần, Bí thư Chi bộ jok Tà, xã Đông Cuông heik:

“Đhâu muôz iz cxiê jok lok uô cê, đros thiêz chor canr bôv, xuz thơưx tsuv muôx txux chi, pênhr xưv uô hâux lưv. Iz chas lok sâuv seiz car jêx jok, canr bôv jok tsuv muôx tsưr ziv yax kriê, vênhv tôngv tsôngv lax pêx xênhv; đơưk têx cuz nxor, tsi jông muôx yưv hâur thax tsav qơư; pâuz uô hâux lưv lơưr tsưr ziv yiêz thiêz hux jos đros cxuô tsưr tsix đoanx thêv chiê fuô uô jông cxuô luôs hâux lưv zok muôz”.

Trơưk li tsưr ziv tsênhv tâu tỉnh Lào Cai fuô uô, chor jêx jok hâur tas nro tỉnh zuôr txo grêk txix 2.906 jok yuôr 1.624 jok, bâuv li 44% ntâu. Đros trâu co cux txo grêk zuôr xar 4 cxênhz lênhx nênhs tsi lês car uô đreiv têx hâux lưv uz no thiêz zuôr xar 13 cxênhz lênhx nênhs uô hâux lưv hâur jêx jok.

Ntơưv xã Đông Cuông, chor jok zuôr txo grêk txix 26 yuôr 14 jok. Luôs hâux lưv co tâu ntơưv qơư fuô uô trơưk li Chính phủ, hâur tỉnh cui tinhv thiêz huv đros seiz car tsênhv tsênhz.

Xav tinhv chor canr bôv jok zos têx lênhx sưv đros pêx xênhv đuô hur si; buôk ti yax xa Đảng, têz qơưk têx tsưr ziv, chei fuô kriê txos trâu tsôngv niêv txir lax pêx xênhv, viv li ntơưv qơư lok six moz siêz txos luôs hâux lưv xeir lênhx nênhs, choz hâux lưv thiêz kriê cxaz txux chi tsưr ziv uô hâux lưv trâu têx lênhx nênhs co. Pos Hà Thị Hương Mai, Phưv Chủ tịch Ủy ban xã Đông Cuông, tỉnh Lào Cai heik pâuz:

“Hâux lưv xeir tsov, phênhz cán bộ jêx jok tâu xã qênhz shuôs txix têx cui tinhv li đrav kaz: Tsuv muôx txâuk txux chi tsưr ziv lês uô têx hâux lưv zok muôz, uô jông trơưk Đảng, têz qơưk têx tsưr ziv, tsênhv chei thiêz ntơưv qơư cui tinhv; muôx pênhr xưv, tsưr ziv lês uô tâu têx hâux lưv phưx vưv tsôngv lax px , vênhv tôngv sđ thiêz đơưk uô tâu têx phiv liv, tsi jông yưv siv hâur thax tsav qơư. Co cux zos têx lênhx muôx suôz bê, tâu tsôngv px sđ njênhs njôngr, nhiêv txos; moz siêz lês uô jông hâux lưv zok muôz viv tsôngv niêv txir lax px. Muôx txux chi lês uô hâux lưv lơưr tsưr ziv yiêz hâur ntu têz qơưk huôv tsar nhiv no”.

Canr bôv ntơưv qơư zos têx lênhx zov chênhr. Canr bôv hâur thax tsav muôx jos mak cxix luôs chính trị thiêx truôx khor. Chênhr zos li heik co, Lào Cai moz siêz txos xeir tsov têx lênhx muôx txux chi siêz, tsưr ziv jông, lês uô tâu têx hâux lưv zok muôz viv tsôngv lax pêx xênhv thâuv muôz iz cxiê jok lok uô cê, chiê lês uô tâu truôx cxuô luôs hâux lưv ntơưv qơư./.

Trịnh Xuân-Riê Lâux cxeik, nhênhv

Tuôr jông cêr shir phaz hâur chuôz zis ntu công nghệ huôv tsar

          Niêv lâuk Hoàng Thị Hiếu chuôz zis, zos iz cán bộ công chức nhoz phường Tô Hiệu, tỉnh Sơn La, muôx iz ntu đhâu thâuv uô hâux lưv tas, cxuô lênhx nênhs hâur chuôz zis ho iz lênhs tuôr iz luz điện thoại chiê seiz. Niêv lâuk oz niêv txir mak seiz têx xor xưv, yuôr chor mê nhuôk mak seiz têx video muôx sâuv mạng…

          “Muôx têx hnuz cur chuôz zis nox mor, iz lênhs nhiês tuôr nhiês iz luz điện thoại, mê nhuôk mak uô si, seiz video sâuv mạng. Jux jus viv hâux lưv ntâu, thâuv lok tsêr cux tsi yuôr six hơưv chiê sik thav, sik đros uô si. Cur pov mạng xã hội cux muôx têx kror jông taz sik zos zôngv tsi huv đros mak cux zuôr uô trâu cxuô lênhx nênhs cxênhz jê hâur chuôz zis tsi coaz xênhz, tsi siz jê lơưv thiêz”

          Tsi taz muôx niêv lâuk Hiếu chuôz zis, niêv lâuk Nguyễn Thị Hương chuôz zis, zos iz tuz luôv nhoz ciêz xiêz 7/11, phường Tô Hiệu, tỉnh Sơn La cux muôx ntu xưk li ntơưv. Muôs luôv tov ciêz yênhx hnuz viv li niêv lâuk Hương zôngv điện thoại yênhx hnuz chiê uô hâux lưv. Cêr cor cav co thâuv lok txos tsêr cux six fênhx tsi tso tsês.

          “ Ntâu hnuz nox mor tas lênhx tưs cux nhiês tuôr nhiês iz luz điện thoại. Muôx têx thâuv siz jâuv uô cê taz sik cux tsi sik thav mak đros lênhx nênhs txơưr thav sâuv mạng xã hội ntâu đuô. Jux jus zuk pov cxuô lênhx nênhs hâur chuôz zis chuôk li tsi xar sik thav, sik pheiz kênh têx hâux lưv muôx hâur niêx hnuz thiêz”.

          Jênhv pov têx trâus zênhr shar txix hâux lưv zôngv chuôz zênhx điện tử, ntâu chuôz zis hluôk nênhs tưz cxiv tsa têx tsưr ziv txơưr chiê huv đros đuô hâur luz nênhx.

          Niêv lâuk Hiếu chuôz is cui tênhv tsi zôngv điện thoại thâuv nox hmo thiêz tsês tsơưs tiv zix iz six hơưv hâur iz hnuz chiê sik thav, nhênhv ntơưr thiêz đros mê nhuôk cơưv ntơưr.

          Niêv lâuk Hương chuôz zis jê ntơưv no cux tuôr truôx cêr cor cav tsi zôngv mạng xã hội đhâu thâuv 9 six tsâus ntux chiê tsês six hơưv sik pheiz kênh têx hâux lưv muôx hâur niêx hnuz.

          “ Cur cux xar chuôz zis muôx ntâu six hơưv chiê sik thav, sik đros pheiz kênh têx hâux lưv muôx hâur niêx hnuz, đros mê nhuôk cơưv ntơưr thiêz tsov cưv ntâu đuô txos niêv txir, viv liv cur chuôz zis cux jux jus tso tsês tsi zôngv điện thoại ntâu đhâu thâuv nox hmo tas chiê tsês six hơưv sik thav”

          “Thâuv lok tsêr mak tsơưs zôngv điện thoại đuô, cux pov têx mê nhuôk li siêz xar tâu muôz siêz, nênhs hloz mak tsês six hơưv shâuv thiv thao chiê muôx đas jos jông đuô”.

          Têx hlôngr yiêz mê li tso tsês điện thoại đhâu thâuv nox hmo tas, tsês six hơưv chiê cxuô lênhx nênhs hâur chuôz zis sik thav, sik pheiz kênh têx hâux lưv muôx hâur niêx hnuz, sik đros cxaz chuôz têx huôx tôngv cxuô tsênhv jux jus chuôz cxaz cêr shir phaz hâur chuôz zis. Viv lơưr kaz ciês mak hâux lưv sik thav, sik pheiz kênh, tsov cưv txos cxuô lênhx nênhs cxênhz jê hâur chuôz zis thiêx li zos kror paz chuôz cxaz cêr sik côngv jông hâur cxuô lênhx nênhs hâur iz chuôz zis. Thauv chuôz zos tưs cux shir phaz, sik côngv jông, co chênhr zos kror coaz tsôngv chiê cxiv tsa iz xã hội huôv tsar, iz têz qơưk bluô nux, vav mênhx./.

(Thanh Thuỷ-Txâur Vax cxeik nhênhv)