“Tsêr sor siêz công đoanx”-qơư khov truôx trâu nênhs lox tôngv muôx luz nênhx txov nhêv nhoz Lào Cai

Đhâu coz nas chuô lox kuôk no zuôr xar 4 hlik, tix lâus Trần Đình Thế, uô hâux lưv tsar yêz hâur qơư txeik tok kruô tuôx so muk lok, nhoz jok 11, thị trấn Bát Xát, huyện Bát Xát, tỉnh Lào Cai chuôz zis trâul đêx nas uô ruôr hiêv. 40 tsov đeiv zos têx nhiêx txiêx Công đoanx thiêz chor nênhs cxênhz jê, têx lênhx đros uô hâux lưv uô cê sik đros paz tưz paz chuôz zis cxiv uô tâu iz luz tsêr khor truôx li hnuz no: “Thâuv co cur chuôz zis tưz tsi muôx qơư nhoz qơư nox hlo, 3 lênhx nhuôv lok puôr lênhx tsênhv zâu, tus zâu ciês nhiv kruôr muôx 4 shông ntâu, lok six txov nhêv. Tâu công ty thiêz Công đoanx ngênhx Công thương paz max, chuôz zis tưz hla đhâu phiv liv, pêz uô tsâuk lok six ntâu cơưs”.

Đros thiêz niêv lâul Ngô Thị Doanh, nhoz jok 2, phường Duyên Hải, TP Lào Cai, đhâu 10 tơưv shông ntiêr tsêr nhoz txos nhiv no nhiv kruôr cxiv uô tâu vax tsêr khor truôx, khov tsưr tsix Công đoanx paz: “Vax tsêr đar pho uô đaz tsi cux zôngx ziv đuô. Thâuv ntêx cê tsuv cxơưx nhiêx ntiêr tsêr, nhiêx trâu mê nhuôv muk cơưv, xênhz huôx nox nhoz muk lol viv li lok six txov nhêv, tsêr ntiêr nhoz mak mê grêiv cux car zuôr đaz tsi ntâu, tax txos thâuv lok nhoz tsêr yiêz thiêx jux juk bax zuôr têx chuôz zênhx uz no phưx vưv xênhz huôx”.

Trơưk li zơưv Hoàng Tuấn Hải, Chủ tịch Công đoanx ngênhx Công thương tỉnh Lào Cai, ngênhx Công thương muôx chor Đoanx viên Công đoanx lok six chôngz, phênhv ntâu zos nênhs lox tôngv nhoz 60 doanh nghiệp hâur thax tsav, ntâu lênhx muôx luz nênhx txov nhêv. Co cux zos tsưr tsix Công đoanx txơưx jênhv, hâux lưv txoz cxơưx trâu sơưr đơưk: “Pêz tsưr ziv zos tas nro lox tôngv puôr lênhx tâu sơưv tsưr tsix Công đoanx têx chei paz, đhâu ntơư nênhs lox tôngv chiê siêz, njênhs njôngr trâu tsưr tsix công đoanx; uô jông cxuô cơ quan, taz viv luôs hâux lưv zok muôz”.

Uô jông lơưr tsưr ziv “paz thax tsav qơư, viv nênhs lox tôngv”, txix hâur shôngk shông txos nhiv no, cxuô cấp Công đoanx hâur Lào Cai tưz paz zuôr xar 40 chuôz zis Đoanx viên muôx luz nênhx lok six txov nhêv cxiv uô vax tsêr nhoz.

Lơưr zơưv Đặng Đình Chung, Chủ tịch Liên đoanx Lox tôngv tỉnh Lào Cai, ciês hâur hli 7/2024, 15 Công đoanx nhoz Liên đoanx Lox tôngv tỉnh Lào Cai đros 1.200 ntâu Công đoanx ntơưv qơư tsưr tsix uô têx hâux lưv, tsaz yênhx muôx liv chiê hơưv tok chiv nhênhv 95 shông Hnuz yênhx lix Công đoanx Việt Nam: “Liên đoanx lox tôngv tỉnh Lào Cai iz jiês no tưz quyết tinhv kruôs 30 lênhx pox niêv Đoanx viên Công đoanx uô tâu hâux lưv jông hâur tas nro tỉnh; kruôs 30 lênhx công nhân zos Đảng viên uô tâu jông cxuô luôs hâux lưv nhoz têx doanh nghiệp muôx tsưr tsix Công đoanx; tsưr tsix sik tưr thik nriêr pâuz Nghị quyết Đại hội Công đoanx Việt Nam thiêz Đại hội Công đoanx tỉnh Lào Cai. Iz chas ntơư, pêz cux cxiv tsa ntâu tsênhv njiêz, tsaz yênhx chiê ndo txiêx njis txos chor Đoanx viên Công đoanx hâur thax tsav têx côngz đas jos”./.

An Kiên-Riê Lâux cxeik, nhênhv

Tir tar chor nênhs fêv nhiês zuôr muôs vưv qiv tsi trơưk chei têz qơưs

Hâur chuyên án tsês chiê, muôv muôs tsi trơưk chei vưv qiv nhiv kruôr trâus Tuêv Cảnh sát hình sự Công an TP Cẩm Phả, tỉnh Quảng Ninh ruôr yênhx côngz, chuôz zênhx sâu tâu zos 4 traz fov lur, 55 muôk txưr thiêz ntâu chuôz zênhx fov txơưr. Lênhx nênhs tuôr hâu zos Đỗ Ngọc Điệp (Xênhz shông 1996, nhoz xã Dũng Tiến, huyện Vĩnh Bảo, TP Hải Phòng) heik jênhv: “Pêz muôx ntâu lênhx muôs trâur nuv fov đros ntâu zav muôk txưr txơưr. Cur zuôr iz traz ZB5 đhâu tsưr ziv thêv COD nhiêx txiêx. 2,3 hnuz tov kaz cur zuôr cxaz ZB5 đros grê zos 1,8 tsov đeiv, kim hỏa đros grê 900 cxênhz đeiv lok uô lơưr traz cur zuôr xuz thơưx. Hâur hlik hli 5, cur tror zuôr cxaz 2 traz thiêz, cur chiv chir uô txơưv trâus lưx lươngv chiz coaz muôx txơưx jênhv lok qênhz yuôx hành chính thiêz trâus sâu tsês”

          Tsi taz sir zôngv mạng xã hội telegram tâu tso nhoz saz đrâuv têz qơưk chiê giao dịch, têx lênhx nênhs phamv cxâuv tsênhv sir zôngv nick chuôr, cài chế độ chiv chir cxuôv por tsês tin nhắn. Đrâuv co, têx trang mạng xã hội zuôr muôs vưv qiv, chuôz zênhx, clip heik kriê tsưr ziv đhok vưv qiv quân dụng cux pov ziv hnuz ziv ntâu. Chiê thâux gra, têx lênhx nênhs no liv zôngv têx taz viv bưu chính li hâux lưv tsi qênhz yuôx jông hax huv, đhâu co xa đros têx hax huv trâus txưr hâur têx zav hax huv lênhx nênhs zuôr. Thâuv muôx nhân viên xa huv thôngz pov, têx lênhx nênhs no hlôngr qơư jênhv huv lok sik ntiêr lênhx nênhs muk paz jênhv chiê chox lok jeik tsês, đhâu co muôs trâu têx lênhx nênhs muôx zoz qơưx. Đại úy Nguyễn Văn Hiếu, Tuêv cảnh sát hình sự Công an TP Cẩm Phả puz pâuz: “Đhâu côngz xưv tơưv txênhz, seiz car lênhx nênhs muôx lênhx coaz txos phax tar nênhs phamv cxâuv lok vưv qiv, chuôz zênhx cuz tơưs, paz txưv, pêz ntâuk grê phênhv ntâu têx lênhx nênhs no khênhr zos nênhs tưz muôx jiês uô cxâuv cêr chei, hnuz nhôngs tsênhv hluôk…”

          Chiê chuv tôngv phax tar têx lênhx nênhs liv zôngv jix vuv bưu chính muôv muôs, thâux gra vưv qiv sâuv thax tsav, lưx lươngv công an tưz sik côngv đros taz viv bưu chính chuôz tsar côngz xưv seiz car têz qơưk đros hâux lưv thâux, jênhv hax huv; thôngx cxix uô ntâu tsưr ziv uô tsênhz mênhx têx nênhs phamv cxâuv li têx tsưr ziv, pov, ntês cxov thiêz yưr lir jông têx hâux lưv uô cxâuv cêr chei. Txix hâur shôngk shông 2024 txos nhiv no, Công an tỉnh Quảng Ninh tưz pov, ntês cxov thiêz yưr lir 47 txuz, 62 lênhx nênhs tsês chiê, thâux gra, sir zôngv tsi trơưk chei vưv qiv, chuôz zênhx cuz tơưs đhâu bưu chính. Thiếu tá Phạm Quang Tọa, Phưv tuêv tsar Tuêv cảnh sát hình sự công an TP Cẩm Phả, tỉnh Quảng Ninh jênhv tênhv: “Chei vưv qiv, chuôz zênhx cuz tơưs tâu uô zuôr khưx phưx qênhx shênhx no thiêz têx chiz coaz muôx txơưx jênhv zuôr muôx cơ sở pháp lý chiê yưr lir txos qơư têx lênhx nênhs phamv cxâuv li têx uô cxâuv”.

          Uô ntêx thâuv Dự thảo Chei seiz car, sir zôngv vưv qiv, chuôz zênhx cuz tơưs thiêz chuôz zênhx paz txưv tâu thôngz đhâu, đrâuv lưx lươngv Công an li hâux lưv tơưv txênhz, tsênhv zuôr trâus muôx tas nro cxix luôk chính trị thiêz têx cxênhx nênhs tsôngv box sik côngv đros phax tar, chiê pov nzor têx lênhx nênhs uô, tsês chiê, sir zôngv tsi trơưk chei vưv qiv, chuôz zênhx cuz tơưs, paz txưv chiê yưr lir txos qơư txix ciês sâuv thax tsav./.

VOVĐB-Txâur Vax cxeik nhênhv