Taz por trôx tuk zav nox hâur six hơưv tsiêz nhoz tox siêz

Nhạc nền

Chiê phưx vưv ciêz đrôngs tsiêz, ntâu qơư muôs hax huv nhoz thị trấn Si Ma Cai, huyện Si Ma Cai, tỉnh Lào Cai tưz bax zuôr yiêz ntâu hax huv li: Nduôr thax, đêx hâuk….tas yênhx puô tsov đeiv nhiêx. Hâur co, 100% zos hax huv Việt Nam pâuz tsênhz qơư. Tix lâus Vũ Đình Dương, tsưr qơư muôs huv nhoz thị trấn Si Ma Cai heik pâuz: “Huv zuôr txix chor qơư lox, tâu qênhz yuôx shuôs truôx tuk zav nox hur si. Shông no muôx ntâu zav thiêz cxix cxuô đuô. Shông no đhâu moz gênhk uô ruôr hiêv mak muôs têx huv cux tsênhv phiv liv cơưk”.

Đros thiêz 800 qơư tsiv uô, zuôr muôs têx zav nox, hâu nov thiêz cxuô ngênhx muôx vax huôv huyện Bắc Hà tsênhv sir jos cxơưz tiês uô luôs hâux lưv heik pâuz, yax kriê, paz pêx xênhv gra siêz tsưr ziv uô lơưr chei têz qơưk têx cui tinhv hâur tsiv uô, zuôr muôs zav nox. Pos Dương Thị Nguyệt, Phưv Giám đốc Tsênhv qơư Y tế huyện Bắc Hà, tỉnh Lào Cai heik: “Đoanx qênhz yuôx lênhx ngênhx huyện tưz qir qênhz yuôx hâur six hơưv tsiêz, ntênhs hội chiê taz por truôx tuk; iz chas ntơư, yax kriê trâu pêx xênhv pâuz tsênhz thiêz txar jav têx zav nox tsi jông”.

Hâur ntu no, têx đoanx qênhz yuôx lênhx ngênhx tỉnh Lào Cai cux tsênhv sir jos uô luôs hâux lưv qênhz yuôx, seiz kaz truôx tuk zav nox ntơưv 9 huyện, thị  xã, TP. Zênhx max qênhz pov, xưv bluô ntov jông têx uô cxâuv , zuôr muôs zav nox chuôr, tsi jông; taz por lênhx nênhs sir zôngv li vax huôv; phax tar kâus tưx zav nox. Zơưv Nguyễn Hải Sơn, Chi cục tsar Chi cục truôx tuk zav nox tỉnh Lào Cai heik pâuz: “Ntâu tsưr zuôr muôs huv tsênhv tsi  yuô tâu moz siêz txos hax sir zôngv, lar heik zos chor  huv zuôr tas hax ntơư, chênhr  viv li pêz đoanx qênhz yuôx cux paz heik zênhx max trâu cov  lơưr ndo njôngr seiz shuôs. Chor huv zuôr txix Trung Quốc lok li: Co tơư keiz, co tơư ok, tsi muôx cxix têx ntâuz ntơưr thiêz tsi pâuz tsênhz qơư, pêz tưz heik cov muôz hlơưr por tsês thiêz xưv bluo uô cxâuv chei, cui tinhv”.

Luôs hâux lưv qênhz yuôx, seiz kaz lok truôx tuk zav nox tâu chor ngênhx muôx vax huôv thiêz cxuô thax tsav qơư uô tsi so txos iz đraz hli 3/2023. Taz sik, têx qơư tsiv uô, zuôr muôs huv, lar heik zos lênhx nênhs sir zôngv cux tsuv gra siêz tsưr ziv jênhv pâuz hâur xeir zuôr têx zav nox pâuz tsênhz qơư, tsi tas hax sir zôngv, taz por truôx tuk trâu đas jos./.

(VOVTB-Riê Lâux cxeik, nhênhv)

Cxiv tsa qơư tir thêir tros châuz hâur thax tsav ntus đriv Điện Biên

Đơn vị Công binh, Bộ tuz lênhv tỉnh Điện Biên, zos đơn vị zok nriêr bôngk, cxuô zav cuz tơưs hâur ntu tir ntâuk tros châuz đrav ntêx, tsik tâu tơưs nhoz thax tsav ntus đriv tỉnh Điện Biên. Txix têx faz tsưr ziv zok nriêr bôngk thiêz ruôr bôngk cux chênhr zos iz luôs hâux lưv tsuv uô cov tâu truôx thiêx tsik muôx yưv têx tsik jông. Trung uý Lê Văn Sơn, tsar đội trưởng, đơn vị công binh, Bộ tuz lênhv tỉnh Điện Biên hêik pâuz: “Cur tưz kriê cxuô lênhx tuz lênhv cơưv shâuv cxuô faz tsưr ziv yiêz chiê zok nriêr thiêz ruôr bôngk, zok nriêr cxuô zav cuz tơưs hâur ntu tir ntâuk tros châuz đrav ntêx tsênhv tsik tâu tơưs hâur nhoz tsav tỉnhbĐiện Biên”

          Pos Cao Thị Tuyết Lan, Bí thư huyện uỷ tỉnh Điện Biên cux hêik pâuz tiêk: Huyện ntus đriv Điện Biên, zos qơư zôngx ziv đrêiv tir ntâuk tros châuz, tsưx phưv têz qơưs. Chênhr zos li hêik ntơư, hâur jiês cơưv shâuv tir ntâuk trox châuz cấp huyện, xã shông 2022 nhiv kruôr  tâu kriz cơưv trâu thax tsav qơư co. Ntơư cux chênhr zos hâu nov ntơưv qơư uô truôx luôs hâux lưv chox car tuz lênhv tir thêir yưv tsik chiê muôx yưv têx nênhs fêv. “Txix jiês cơưv shâuv cxuô faz tsưr ziv tir thêr têx nênhs fêv ntơưv huyện, cán bộ, Đảng viên tưz gra siêz tsưr ziv, txux chi, pâuz tâu têx tsik jông thâuv muôx yưv hâur thax tsav huyện. Txix ntơư, cxuô đơn vị xã cux pâuz uô tâu trơưk”

          Đại tá Lại Mạnh Hùng, phưv tsar, Bộ tuz lênhv tỉnh Điện Biên cux hêik pâuz tiêk: Cxuô lênhx tuz lênhv cux xav tâu truôx qơư đrêiv tir thêir têx nênhs fêv tsik chiê muôx yưv hâur thax tsav thiêz zok nriêr chơưv paz lênhx nênhs, cxuô faz tsưr ziv tir thêir nas chuô, tir thêir tuô hluôr tơưk tsik chiê cuz jôngr ntông; tsik so qênhz yuôx cxuô luôs hâux lưv uô thiêz tror cxiv uô têx côngz trênhx tir thêir truôx jông. “Pêz cxiv uô cxuô qơư truôx jông tir thêir têx nênhs fêv, tir thêir tsik chiê muôx yưv tros châuz hâur thax tsav tỉnh. Đros ntơư, cxuô lênhx tuz lênhv cux sik đros côngv têk đros trâu Bộ quốc phôngx thiêz tsik so cơưv shâuv cxuô faz tsưr ziv yiêz chiê tsưx phưv truôx thax tsav qơư huv đros hâur ntu nhiv no”

          Uô truôx jông tuz lênhv lâuk đrav ntêx luôs hâux lưv tso tơưv, cxuô lênhx cán bộ tuz lênhv tỉnh Điện Biên tsênhv taz tov gra siêz tsưr ziv, txux chiê, iz thênhv jux juk muk đhâu têx phiv liv, tsưx phưv truôx thax tsav ntus đriv tỉnh Điện Biên pêz têz qơưs./.

Tsu cxêik nhênhv-Vũ Lợi