Tsôngv box Thái nhoz tox siêz Sơn La têx greix kruôr bax trâu Tsiêz têz qơưs

          Thâuv ntêx, tsôngv box Thái Tây Bắc luz nênhx njiz ntâu phêv liv, kôngz krâur, zav nox muôx tsi txâuk. Greix nhus, greix buô kruôr…tâu seiz zos zav nox kaz tsiv grê, tsuôk tâu pox nhuôk uô hâur ntu nox tsiêz, chiê nox jux jus, tiêv kruô tuôx nox tsiêz. Zơưv Tòng Văn Hịa, nênhs Thái nhoz jos Mòng, xã Hua La, TP Sơn La, tỉnh Sơn La puz pâuz:

          “Tsi xưk li nhiv no, thâuv ntêx greix kruôr zos zav nox muôx tsi ntâu. Chuôz zis pluôk, txov nhêv phênhv ntâu yênhx shông tsi muôx greix kruôr nox, viv tsi muôx nhiêx txiêk zuôr greix lok uô greix kruôr. Têx chuôz zis bluô nux lok sik muôx nhux muôx buô tuô mak thiêx li uô tâu, thâuv ntêx chuôz zis bluô nux mak iz jos tsuôk muôx 4-5 ziv. Pox nhuôk zuôr uô greix kruôr chiê nox jux jus, lok six kaz thiêz tâu seiz zos zav nox kaz nto bê”.

          Nhiv no mak nhoz ntâu jêx jos hâur tsôngv box Thái, li nhoz jos Mòng- iz luz jos uô ju lix côngv thôngx nhoz xã Hua La, đrôngl Sơn La, jos muôx kror đêx cxơưr cuz sor hâur yênhx shông, đros iz shông muôx yênhx cxênhz jiês kruô tuôx đa đêx, uô si. Đrâuv nox têx zav nox mênhx cxưx kaz li mor trax, keiz cxiêz, njês cxiêz, muôx iz zav nox thâuv tưs cux muôx đros đreiv thiêz tâu pox nhuôk chiv chir uô zos greix kruôr.

          Lơưr pos Tòng Thị Vinh, tsưr qơư uô mor nox hâuk zav nox mênhx cxưx Thái ntơưv jos Mòng li chênhz zênhv: chiê uô tâu greix kruôr kaz, txơưv zos greix nhus, greix tưv lok sik greix buô….six hơưv muôz trâu têx zav uô tsư kaz, njêr…uô ntêx thâuv moz đei cux zos muôx nhos 30 phênhz txos iz six hơưv. Đrâuv têx zav li kêx jov, hmôngr hor txoz, kiêr, tâux đuz, súp, mix chênhr, mê njik chơưr….tsuv muôx iz xaz txoz uô cov greix tsư kaz. No zos zav xaz txoz tsuôk muôx nhoz tox siêz Tây Bắc, tâu pox nhuôk têx mênhx cxưx tsơưs nênhs lok six nhiêv txos thiêz zôngv uô nox hâur niêx hnuz. Xaz txoz muôz ciz tas thiêx li tuôr cov tsư kaz:

          “Greix tưv, greix nhus, greix buô, greix nênhk puôr lênhx uô tâu greix kruôr. Xar uô tâu greix kaz uô ntêx tsuv txơưx xeir zav greix kaz chiê uô. Greix muôz cxôngr uô yênhx đeiv ntêr chiê thâuv nox zôngx ziv đê. Tơưk trâur chiê cxiêz greix cux tsuv zos tơưk cuz tsi sei, tsi nqo pa thiêz kho tsi so cov cxiêz huv đros. Muôz cxiêz muôx nhos 2 hnuz txơưv muôz lok chuz siêr thiêz muôz tso hâur vaz cov kruôr. Đhâu co mav muôz tso hâur hnaz thiêz tso sâuv tưv txiêk nox yênhx shông cux tâu”.

          Nênhs Thái Tây Bắc li greix kruôr tưz tâu ntâu lênhx nênhs pâuz txos, yênhx zav hax huv tâu tsôngv kruô nhoz cxuô qơư nhiêv nox. Pox nhuôk khov co cux muôx cxaz hâux lưv uô, phênhv sâu txix uô, cungz xiv huv greix kruôr. Li chuôz zis pos Tòng Thị Vinh, nhoz jos Mòng, xã Hua La, TP Sơn La, xav hâur ntu tsiêz, shông tưs cux muôs tâu lok six ntâu greix kruôr:

          “Txix thâuv uô tsêr nox hâuk, txơưx uô greix kruôr mak kruô tuôx nox chôngz đuô. Phênhv ntâu lênhx tưs cux nhiêv nox đros mor blâuv. Taz sik, muôx têx tul nhiêv nox greix tưv, muôx têx tul ho nhiêv nox greix nhus, greix buô. Tsi taz nox hâuk, ntâu lênhx tsênhv zuôr muk uô huv khơưk muôz trâu nênhs cxênhz jê. Ntu zuôr txos tsiêz cux muôs tâu 2-3 puôk cir greix kruôr, txix co chuôz zis muôx phênhv sâu ngaz tul đuô, muôx nox muôx tsês đuô”.

Jos Lầu, phường Chiềng Lề, TP Sơn La nto bê đros hâux lưv tsiv uô, cungz xiv huv greix kruôr kaz. Jos muôx 340 ziv chuôz zis mak muôx 20 ziv uô thiêz muôv muôs greix kruôr, hnhur nzưv. Li qơư uô greix kruôr Hoa Xuân, fênhx yax iz hnuz zuôr 200-300 cir greix tưv chiê uô greix kruôr, hnhur nzưv. Têx hnuz zuôr txos tsiêz, zoz qơưx sir zôngv chuôz ndê siêz, fênhx pheiz zuôr 400-500 cir greix tưv nhôngs iz hnuz chiê uô, đros zuôr xar 10 lênhx nênhs sik đros uô chiê hnuz tưs cux muôx greix phưx vưv tsôngv kruô nhoz jê, nhoz đêz uô ntêx hâur thiêz đhâu thâuv nox tsiêz tas. Zơuv Tòng Ngọc Hoa, Tsar jos Lầu, tsưr qơư uô greix kruôr Hoa Xuân tưz uô greix kruôr tâu 20 shông ntâu puz pâuz:

“Đros pêz qơư uô greix nhus kruôr mak zuôr greix uô cux zos greix muôx nhoz tiv phaz, txix têx qơư feik tuô taz por, muôx cxix cxuô ntâuz ntơưr đăng cir muôv muôs. Lok xiv huv greix kruôr nhiv no tưz tâu côngz jênhv xiv huv OCOP tỉnh Sơn La txix shông 2019 thiêz txos shông 2022 đhâu thâuv Hội đồng tror chấm đuô tưz tâu côngz jênhv thênhv siêz đuô. Niêv ciêz phênhv ntâu zos Hà Nội thiêz têx tỉnh faz Bắc, iz cxiê tỉnh thành nhoz faz Trung thiêz TP HCM”

Six hơưv no, tuôx txos tox siêz Sơn La, đrâuv tâu ndis seiz têx qơư uô si nto bê jông jav, tsôngv kruô tsênhv tâu xeir zuôr, tâu nox têx zav nox kaz tâu tsôngv box têx mênhx cxưx nhoz no uô, hâur co muôx tsôngv box Thái li zav nox kaz greix kruôr./.

Tòng Anh-Txâur Vax cxeik nhênhv

Muôx chôngz lênhx kruô tuôx sêiz shuôk ntênhk hội pax txir đuôx Điện Biên Phủ

shông 2024

Txơưv ntux tsênhv lok mê njik nas, taz sik txix ciês thâuv têis cik sơưr nzor, tưz muôx yênhx cxênhz lênhx px thiêz tsôngv kruô tuôx trâu qơư kriz uô ntênhk hội pax txir đuôx. Tuôx trâu ntơưv no, iz chas đros côngv cêr lov jêv, tsôngv px thiêz tsôngv kruô cux tsênhv tâu hâuk siv pêz  hêir nênhs Hmôngz hâur thax tsav tỉnh Điện Biên têx chơưr; grêix hâu, sêiz shuôk ciêz muôs jâuz, txir ntông, nôngz kôngz cxuô zav. Pos Quán Thị Luyến thiêz pos Đặng Thị Hương Giang, zos oz lênhx kruô tuôx đros côngv ntênhk hội shir phaz lul hêik pâuz:

(Tuôx trâu ntơưv no, cur pâuz tâu cêr côngv siêz ntơưv oz têz qơưs Việt Nam-Nhật Bản thiêz sêiz pov têx pax txir đuôx hâur thax tsav Điện Biên tơưs yiêz, chuôs li tưz uô trâu têx tox trôngz câuv har ziv jông jav hlôngr yiêz ntâu)

(Txơưv ntux lok mê njik nas, sđ muk lok cux mêx njik phiv liv, taz sik txơưv lênhx tưs cux shir phaz lul. Lar hêik zos tâu sêiz shuôk Nhật Bản têx txux chi, vênhx huôv jông).

Ntênhk hội pax txir đuôx-Điện Biên Phủ shông 2024 muôx njiêz luk “Muk sêiz shuôk têx pax txir đuôx tơưs yiêz jông jav hâur thax tsav”. Ntơư cux zos hâu nov tỉnh Điện Biên luôs hâux lưv kriz uô hâur shông 2024 chiê hơưv tok chiv nhênhv 70 shông tir ntâuk zênhx tros châuz Điện Biên Phủ thiêz shông du lix têz qơưs 2024. Trơưk li zơưv Đào Hoài Nam, Phưv Chủ tịch uỷ ban thành phố Điện Biên Phủ, Tsar Ban tsưr tsix kriz ntênhk hội pax txir đuôx cux hêik pâuz tiêk: Hnuz qir kriz ntênhk hội,tưz muôx yênhx cxênhz lênhx kruô tuôx sêiz shuôk têx tiêx trôngz pax txir đuôx tơưs yiêz jông jav. Ntơư cux zos iz cêr shir phaz trâu hâu nov thiêz tsôngv px tỉnh Điện Biên

(Muôx chôngz lênhx kruô tuôx trâu tiêx trôngz pax txir đuôx thâuv têis cik sơưr nzor, shir phaz lul cxêik đuôz, sêiz shuôk cxuô qơư muôs hax huv, cxuô zav nox huv đros tsôngv kruô siêz nhiêv).

Tsưr tsix ntênhk hội pax txir đuôx tơưs yiêz, cux tsênhv kriz nthuôr uô ntâu cêr lov jêv, tưr uô zav nox, tưr chuz chơưr Hmôngz, hâu grêix, tưr gruôv gox đêx huv đros tsôngv kruô siêz nhiêv thiêz tsênhv tâu sêiz pov Nhật Bản têxễtux chi, vênhx huôv jông./.     

                                              Tsu cxêik nhênhv-Vũ Lợi-TTTB