Tsêr uô jâuz mor nox nhoz tox siêz paz cxơưz cxiz shux xênhz tuôx cơưv ntơưr

            Ciêz xuz thơưx đhâu jiês so Tsiêz têz qơưk, phênhv chôngz shux xênhz Tsêr cơưv Phôv thôngz mênhx cxưx niêv txir zus mor Cxênhx iz Nậm Manh, xar Nậm Manh, huyện Nậm Nhùn (Lai Châu) tưz tuôx tsêr cơưv chiê cơưv ntơưr. Thâuv cưk kriê ntơưr thiêz shux xênhz ntơưv têx lớp cơưv tsênhv taz tov kriê thiêz cơưv ntơưr, mak ntơưv tsêr uô jâuz mor nox trâu shux xênhz niêv txir zus mor nox, chor nênhs uô jâuz mor ho bax têx jâuz njuôz, cxôngr grêix chiê uô pluôs nox trâu chor shux xênhz mjpz jâur tsêr cơưv. Xưk li cxuô hnuz, pluôs nox hnuz no muôx grêix ndu đros tâuv pax, jâuz krưr lok zos jâuz poz ciz thiêz cuô jâuz tâu uô trâu shux xênhz nox thâu cơưv so ntơưr. Niêv tix Lò Thị Phin, nênhs uô jâuz mor hâur tsêr cơưv ntơưr puz pâuz: “Piz jênhv têx zav nox mak pêz tsuv qênhz shuôk sêz chor zav nox co jông li chak, puôk hur jông thiêz muôz iz kror mê khơưk tsês ciês, chiê uô cov jông paz trâu chor nhuôv nox tsik trâus tưx. Zos pov kror tưs tsik hur jông mak pêz zuôr hêik ciês trâu Ban sêiz car Tsêr cơưv pâuz”.

             Suôv câuv tiết cơưv uô kaz ciês zar têis cik, cux zos thâuv chor shux xênhz têx jâuz mor tâu uô siêr. Shux xênhz chor jâuz mor tâu chiê trâu hâur yênhx têik muôx qơư trâu mor, grêix, jâuz ciz thiêz cuô jâuz hur si. Chiê cov chor shux xênhz nox txâuk têx jâuz mor thiêz txâuk tsơưr pưr, đrâuv chor jâuz mor nox co, chor nênhs uô jâuz mor cux bax têx jâuz mor trâu shux xênhz nox nzir zos nox tsik tâu tsâu. May Xênhv Zax, shux xênhz lớp 5C hêik pâuz: “Nhoz ntơưv tsêr cơưv mak cur tâu chor cưk kriê ntơưr chiê nox mor đros grêix, jâuz thiêz cuô jâuz viv li nox lok six kaz. Nhoz tsêr mak tsik muôx ntâu grêix nox li ntơưv tsêr cơưv ntơưr. Têis cik pêz tâu chor cưk kriê ntơưr muôz nduôr mos lok sik nduôr bao chiê nox viv li cur thiêz chor fôngx zưs sơưr đơưk lok six nhiêv tuôx tsêr cơưv cơưv ntơưr”.

           Shông cơưv no, Tsêr cơưv Phôv thôngx mênhx cxưx niêv txir zus mor Cxênhx iz Nậm Manh muôx zuôr xar 500 lênhx shux xênhz; hâur co muôx 330 ntâu lênhx shux xênhz nox nhoz hâur tsêr cơưv. Chiê chor shux xênhz pluôs nox muôx txâuk tsơưr pưr, ngaz tuk vêv xênhz zav nox, đrâuv 3 lênhx nênhs uô jâuz mor nox, tsêr cơưv tưz phêiz côngz trâu nhân viên thiêz cưk kriê ntơưr sêiz car paz lơưr yênhx pluôs trơưk six hơưv uô hâux lưv. Cưk kriê ntơưr Lê Đình Chuyền, Nênhs sêiz car Tsêr cơưv Phôv thôngz mênhx cxưx niêv txir zus mor Cxênhx iz Nậm Manh puz pâuz: “Tsêr cơưv tưz xêir tsov taz viv cungz têx hax huv zav nox jông, muôx txơưx jênhv thiêz txâuk njênhs. Đhâu thâuv nriêr tâu qơư cungz lơưv, tsêr cơưv phêiz côngz trâu chor nênhs hâur tôv hành chính tsik so sêiz shuôk thiêz hêik pâuz hâur yênhx hnuz”.

            Shông cơưv 2024-2025, huyện ntus đriv Nậm Nhùn muôx 28 taz viv tsêr cơưv ntơưr txix cxênhx nhuôv zâu txos cxênhx oz, muôx 380 ntâu lớp, 9.700 lênhx shux xênhz; hâur co muôx 12 tsêr cơưv Phôv thôngz mênhx cxưx niêv txir zus mor, đros muôx 3.600 ntâu lênhx shux xênhz. Pos Nguyễn Thị Thu Thủy, Phưv Trưởng phòng Zoz zux huyện Nậm Nhùn, tỉnh Lai Châu puz pâuz: “Têx taz viv tưz kriz uô truôx jông côngz xưv njuôk shuôk, tsês chiê têx zav nox lơưr cui tênhv, hêik pâuz cxuô zav hâur pluôs nox yênhx hnuz trâu shux xênhz niêv txir thiêz shux xênhz pâuz cov tsênhz mênhx, paz gra siêz côngv thôngx li sêiz kaz hâur uô chor zav nox trâu shux xênhz nhoz hâur tsêr cơưv niêv txir zus mor”.

            Uô jông ngaz tuk zav nox ntơưv tsêr uô jâuz mor nox trâu shux xênhz nhoz hâur tsêr cơưv niêv txir zus mor ntơưv thax tsav tox siêz tưz tsik zos paz por vêv đas jos trâu shux xênhz, mak tsênhv paz gra siêz tsơưr lươngv zoz zux thiêz cxơưz cxiz chor shux xênhz tuôx cơưv ntơưr. Taz sik, chiê paz cov truôx jông trâu huôv tsar zoz zux nhoz tox siêz li Lai Châu, lok six tsuv muôx cxuô cấp chinhr quyền thiêz tas nro côngv thôngx sik côngv têk đros paz, đhâu co gôngr phênhv paz trâu chor shux xênhz nhoz tox siêz, thax tsav mênhx cxưx tsơưs nênhs tâu cơưv ntơưr cxix cxuô đuô, muôx luz nênhx  truôx jông./.

Khắc Kiên-Lik Thox cxêik nhênhv

Têx cử nhân hluôk nhoz Gia Lai txưv zênhv muk uô tuz lênhv por vêv Têz qơưk

          Uô ntêx thâuv muk uô tuz lênhv, Lê Thi Hồng Ngọc (xênhz shông 2000, nhoz xã Diên Phú, TP Pleiku) txưv haox nhênhv ntơưr thor muk uô tuz lênhv trâu tas nro chuôz zis mnôngs. Tưz cơưv tiêr Tsêr cơưv đại học Luật TP HCM đros đeiv bằng khá thiêz muôx hâux lưv uô truôx, taz sik Ngọc cux truôx siêz uô ntơưr txưv zênhv thor muk uô nghĩa vụ quân sự. “Cur tâu xênhz zus thiêz hloz lox hâur iz chuôz zis muôx txir uô bộ đội pênhz phax, cur pâuz tsênhz cur txir li têx cêr khưr. Taz sik cux lok six txưv haox thâuv cơưv tiêr đại học, tâu cur chuôz zis tôngv vênhx xar uô ntơưr thor muk uô tuz lênhv chiê gôngr iz phênhv đas jos hâur côngz xưv por vêv têz qơưk”.

          Cux li ntơưv, Lê Thanh Mai (xênhz shông 2000, nhoz phường yên Thế, TP Pleiku) cux hloz lox hâur iz chuôz zis uô bộ đội, muôx chinhz yênhx, txơưx jênhv thiêz siêz nhiêv têz nhiêv qơư truôx. Thanh Mai tso tsês hâux lưv uô truôx đros 2 đeiv bằng đại học nganhx y dược, txưv zênhv sơưr cêr muk uô tuz lênhv. “Cur pov lok six txưv haox thâuv cxaz chuôz nghĩa vụ quân sự jiês no. Hâur ntu uô tuz lênhv cur xar gôngr côngv zuk li đas jos chiê gôngr phênhv uô jông đuô thiêz bộ đội zơưv Hloz Hôx li cêr chax chês jông”.

          Tiv zix, hâur iz chuôz zis uô kôngz nhoz xã Ia Piar, huyện Phú Thiện, Gia Lai, lênhx hluôk tuz nênhs Jarai-Ksor Thanh (xênhz shông 2000) nhiv kruôr cơưv tiêr Tsêr cơưv Luật- Đại học Huế cux truôx siêz sơưr cêr muk uô nghĩa vụ quân sự jiês no: “Cur cơưv tiêr Đại học Luật taz sik đros siêz xar tâu phưx vưv hâur lưx lươngv vũ trang viv li cur txưv zênhv uô ntơưr thor cxaz chuôz nghĩa vụ Công an shông 2025 chiê gôngr zuk li đas jos phưx vưv tsôngv box, por vêv têz qơưk, cur pov lok six jông siêz thiêz txưv haox”.

          Shông 2025, tỉnh Gia Lai muôx 2 cxênhz 869 lênhx hluôk nênhs sơưr cêr muk uô tuz lênhv, hâur co muôx 2 cxênhz 400 lênhx cxaz chuôz quân đội thiêz 469 lênhx hâur lưx lươngv công an. Ntâu lênhx hluôk nênhs muôx yênhx tưv đại học taz sik cux txưv zênhv sơưr cêr muk uô tuz lênhv tưz tso pov cxênhx hluôk nênhs li siêz nhiêv têz nhiêv qơư, xar gôngr côngv đas jos thiêz txơưx jênhv đros têz qơưk./.

VOVTN-Txâur Vax cxeik nhênhv