Krêz uô đêz đar phongz yaox tas nro sik đros cơưv shâuv công nghệ số nhoz Sơn La

            Hâur ntâu shông đhâu, qơư tuôr tsês vênhx huôv phường Chiềng An, tỉnh Sơn La zos têx lênhx nênhs muôx hnuz nhôngs siêz thiêz têx pox niêv nhoz tiv phaz li qơư xênhz huôx shưv jê. Lơưr tuôx xênhz huôx hâur yênhx ciêz tsi taz chiê sik njiz, sik đros tuôr tsês têx tsiv grê vênhx huôv chax chês jông mak tsênhv zos qơư cơưv shâuv, pâuz tâu têx công nghệ thôngz xor mông yiêz. Pos Lù Thị Tươi, zos iz lênhx hâur qơư tuôr tsês vênhx huôv nhoz phường Chiềng Anpheiz kênh: “Đros nênhs muôx hnuz nhôngs siêz, pox niêv nhoz tuêv 2, phường Chiềng An mak pêz yax six sik đros cơưv shâuv chênhz zênhv lok công nghệ số, đros hâux lưv hlôngr yiêz số mak pêz cux xav tênhv tsuv cơưv jux jus. Nênhs muôx hnuz nhôngs siêz li pêz mak pâuz tâu têx hlôngr yiêz số cux zos iz kror phêv liv taz sik tsi zos shâuv tsi tâu, viv li tsuv sir jos cơưv shâuv đuô”.

          Zos iz hâur têx tiv phaz uô ntêx nyuôk hâur phongz yaox sik đros cơưv shâuv công nghệ số, phường Tô Hiệu, tỉnh Sơn La tưz krêz uô ntâu trâur nuv jông, li iz tuêv jênh phố muôx iz thư viện số côngv thôngx, lok sik tuêv hlôngr yiêz số côngv thôngx, đros têx tsưr tsix đoanx thêv sik côngv paz max, uô ntêx nyuôk zos têx cấp hội pox niêv, đoàn viên hluôk nênhs. Têx hluôk nênhs chênhr zos têx lênhx nênhs paz heik kriê txix têx zôngx ziv txos têx lax uô đuô, paz nênhs muôx hnuz nhôngs siêz txơưx uô sâuv điện thoại. Niêv lâuk Lò Mai Hương, đoàn viên hluôk nênhs phường Tô Hiệu, tỉnh Sơn La puz pâuz: “ Pêz muk txos yênhx thax tsav qơư, yênhx ziv chuôz zis yax mông trâu đoàn viên hluôk nênhs thiêz pox nhuôk pâuz lok hlôngr yiêz số, li sir zôngv ứng dụng sâuv điện thoại li Smart Banking, ứng dụng VneID…đhâu co gôngr phênhv yax mông txos pox nhuôk thiêz đoàn viên hluôk nênhs muôz siêz pênhr xưv sir zôngv công nghệ số thiêz gôngr phênhv lok huôv tsar xã hội số”.

          Tsi taz zos iz phongz yaox sik đros cơưv shâuv, sđ sik đros cơưv shâuv công nghệ số tưz chox lok ntâu tsiv grê tsênhv tsênhz trâu tsôngv box nhoz Sơn La, gôngr phênhv muôz siêz pênhr xưv sir zôngv công nghệ thiêz paz muôx têx hlôngr yiêz lox hâur hâux lưv thôngz xor mông thiêz car chêx hâux lưv hâur niêx hnuz. Niêv lâuk Nguyễn Thị Hoài Thu, nhoz phường Tô Hiệu, tỉnh Sơn La pheiz kênh:

          “ Hlôngr yiêz số chox lok lok six ntâu têx liv zix hâur pêz luz nênhx, jông tiv zix zos thâuv muk zuôr muôs hax huv lok sik xar nriêr pâuz têx xor mông, yênhx tưv zuk xar cơưv shâuv mak tsuôk krêz ciês điện thoại txơưv nriêr tâu. Thôngx cxix txix tsêr cơưv li têx xor mông, pêz cux pâuz tâu mê nhuôk li hâux lưv cơưv ntơưr txix ciês sâuv zuk luz điện thoại di động”.

          Hla trâu mênhx cxưx li ntu hlôngr yiêz, phongz yaox tas nro tsôngv box sđ sik đros cơưv shâuv công nghệ số tsi taz zos hâux lưv zaoz zux mak tsênhv muôx pưs txux coaz tsôngv hâur huôv tsar KTXH. Hâux lưv krêz uô đêz đar phongz yaox no đros muôx têx tsưr tsix, đoanx thêv, tiv zix zos têx cấp hội pox niêv, hluôk nênhs li cxaz chuôz, njênhs njôngr zuôr gôngr phênhv uô zênhx liv têx tsưr ziv huôv tsar KTXH mak Đại hội Đảng bộ tỉnh Sơn La jiês tiv 16, six cxiv 2025-2030 tưz tso tơưv./.

Thanh Thuỷ- Txâur Vax cxeik nhênhv

Uô jông cêr chax chês nhiêv têz qơưk, sik thôngx siêz tas nro tsôngv box chiê têz qơưk huôv tsar, vav mênhx

           Sik thôngx siêz tas nro tsôngv box zos iz cêr nênhx jông, zos Đảng tsưr ziv zov chênhr; zos đas jos lox quyết định uô tiêr luôs hâux lưv cxiv tsa thiêz tsưx phưv têz qơưk. Cêr truôx khor sik thôngx siêz tas nro tsôngv box zos Đảng chox car, chox kriê cxuô lênhx cxuô tus muôx cêr siz hluz, siz paz, siz cxơưz sik đros huôv tsar; zos Đảng thiêz tsôngv pêx xênhv cêr thôngx siêz truôx, tsôngv lax pêx xênhv njênhs njôngr trâu Đảng, têz qơưk; zos sik thôngx siêz hâur Đảng, cxuô lênhx cxuô tus, cxuô heir nênhs Việt Nam, têx lênhx nênhs Việt Nam nhoz hâur thiêz đrâuv 2 chas têz qơưk, tsôngv pêx xênhv Việt Nam thiêz pêx xênhv nhiêv têz qơưk truôx tuk sâuv ntiêx têz cêr sik thôngx siêz.....

          Iz txưv, Chủ tịch Hồ Chí Minh thâuv tưs tưz heik mênhx txos cêr sik thôngx siêz li pưs txux, zov chênhr. Lâul Hôx cux khav tinhv: “Zôngx ziv iz puôk jiês, tsi muôx pêx xênhv cux uô tsi tâu; phiv liv bâuv tưs taz sik muôx cêr thôngx siêz cux uô tiêr”. Đhâu têx tsênhv tsênhz tir ntâuk tros châuz, tsưx phưv têz qơưk, Chủ tịch Hồ Chí Minh tưz heik li no: “Sik thôngx siêz, sik thôngx siêz, niêv sik thôngx siêz; yênhx côngz, yênhx côngz, niêv yênhx côngz”.

          Uô trơưk thiêz nthuôr đar Chủ tịch Hồ Chí Minh tsưr ziv, hâur cxuô ntu tir ntâuk tros châuz, tsưx phưv qơư nhoz, pêz Đảng thâuv tưs tưz khav tinhv: Sik thôngx siêz zos cêr nênhx jông, zos Đảng tsưr ziv; zos đas jos lox cxơưz paz cách mạng Việt Nam, muôx liv zov chênhr tir ntâuk zênhx tros châuz, cxiv tsa thiêz tsưx phưv têz qơưk”. Txix ntâuk grê tâu huv zos, truôx jông têx luôs hâux lưv tưz uô tâu, cux heik mênhx txos têx uô tsi tâu tsi tiêr, qir tiv, zuôr chênhz zênhv, jiês cơưv T.Ư 8 khóa 13 tưz tso tơưv Nghị quyết sôr 43-NQ/TW, hnuz 24/11/2023, lok “tror uô jông trơưk têx cêr nênhx jông thâuv ntêx, sik thôngx siêz tas nro tsôngv box sơưr đơưk, cxiv tsa pêz têz qơưk ziv hnuz ziv huôv tsar, vav mênhx”.

           Nghị quyết sor 43-NQ/TW tso tơưv hâux lưv chiê tror uô trơưk cêr nênhx jông, sik thôngx siêz tas nro sơưr đơưk, chuôz tsar cxuô lênhx cxuô tus muôx cêr thôngx ziv, cxơưz cxiz nhiêv têz qơưk, sik đros paz côngz đas jos thiêz cxiv tsa têz qơưk ziv hnuz ziv huôv tsar, hlôngr yiêz; paz uô tâu jông têx hâux lưv tso tơưv txos shông 2030 cov Việt Nam zos têz qơưk tsênhv huôv tsar, muôx cxuô tsar zav jông, phênhv sâu tâu ntâu, txos shông 2045 yênhx têz qơưk huôv tsar, muôx phênhv sâu siêz trơưk xã hội chủ nghĩa.

           Nghị quyết 43-NQ/TW cux tso tơưv 7 tsưr ziv tsênhv tsênhz, co zos: Gra siêz cxuô cấp ủy, tsưr tsix đảng, cxix luôs chính trị thiêz pêx xênhv txux chi tsưr ziv jênhv pâuz, txơưx jênhv lok qơư sơưr, tuôr truôx cêr nênhs jông, sik thôngx siêz tas nro tsôngv box sơưr đơưk têx li zov chênhr; tiv 2 zos: Uô tiêr tsưr ziv, tsênhv chei lok sik thôngx siêz tas nro tsôngv box, cxơưz cxiz tsưr ziv, siêz xar huôv tsar têz qơưk; tiv 3 zos: Cxiv tsa, kho đuô Đảng hur jông, truôx njês; chuôz tsar sik thôngx siêz hâur Đảng, uô jông Đảng luôs hâux lưv uô ntêx nyuôs hâur cxiv tsa thiêz tsưx phưv truôx cêr nênhx jông, sik thôngx siêz tas nro tsôngv box; Tiv 4 zos: Gra siêz pưs txux, uô jông têz qơưk têx hâux lưv zok muôz lok tsưx phưv cêr nênhx jông, sik thôngx siêz tas nro tsôngv box; tiv 5 zos: Phuôx huiz jênh tsuv xã hội chủ nghĩa, pêx xênhv txux chi, tsưr ziv jông; tiv 6 zos: Hlôngr yiêz tsênhv njiêz, Mặt trận tổ quốc Việt Nam, têx tsưr tsix chính trị-xã hội tsưr ziv uô hâux lưv, cxơưz tiês uô jông luôs hâux lưv vênhv tôngv tsôngv pêx xênhv, hu zâuv cxuô pênhr jos trâu huôv tsar têz qơưk; tiv 7 zos: Tsưr tsix têx jiês vênhv tôngv, phôngz yaox sik tưr nhiêv têz qơưk huv đros.

           Hâur jax sâu “Sir jos cxiv tsa Đảng truôx jông, têz qơưk Việt Nam huôv tsar, jênh tsuv, côngz fênhx, vav mênhx”, Tổng Bí thư Tô Lâm tror khav tinhv hâux lưv: “Tsuv seiz hloz thiêz sik thôngx siêz truôx hâur Đảng, sik côngv siêz tas nro tsôngv box, Đảng thiêz pêx xênhv muôx cêr thôngx ziv jông”, “Lês uô truôx jông cxuô luôs hâux lưv, pêx xênhv zos chênhr, zos qơư truôx chiê hlôngr yiêz, huôv tsar”; cxuô tsưr ziv, tsênhv chei tsuv qir txix luz nênhx xênhz huôx, pêx xênhv tsưr ziv, siêz xar, uô hâux lưv viv sơưr đơưk,  muôz pêx xênhv cêr tsâu sor, vav mênhx uô qơư khov truôx chiê sir jos....”./.

Bích Thủy-Riê Lâux cxeik, nhênhv