Luz tsêr cơưv ntơưr nhoz ntus đriv Lai Châu

          Dự án Tsêr cơưv phổ thôngz nội trú cxênhx 1 thiêz cxênhx 2 Hua Bum thiêz Dào San zos Công an tỉnh Lai Châu uô tsưr yưv pênhr, tas nro muôx 400 tỷ đeiv ntâu, txâuk trâu 2 cxênhz lênhx shux xênhz cơưv ntơưr. No tsi taz zos côngz tsinhx zaoz zux mak tsênhv tso pov Dảng, têz qơưk li tsov cưv txos hâux lưv txoz cxơưx luz nênhx trâu tsôngv px nhoz ntus đriv, gôngr phênhv hlôngr yiêz côx phax, txiv ngaz nhoz ntus đriv têz qơưk.

          8 six tas cik sơưr nzor, suôz đruôs đror cxuô qơư nhoz tox siêz Hua Bum- qơư tsưr tsix ntênhs krêz côngz 2 dự án. Hâur tul ndêx đeiv tix têz qơưk, yênhx puôk lênhx shux xênhz hnar tsôngs yo mênhx cxưx shir phaz thuôr uô cêr lov jêv. Zơưv Phùng Lòng Chừ, mênhx cxưx Hà Nhì, nhoz jos Chang Chảo Pá shir phaz heik:

          “Nhoz no mak ntâu cêr lok six lax muk lok. Nhiv no tâu Đảng, têz qơưk tsov cưv muôx tsêr cơưv 2 cấp mak mê nhuôk muk cơưv ntơưr zôngx ziv đuô. Cur lok six shir phaz viv mê nhuôk zuôr muôx tênhx qơư cơưv ntơưr jông đuô, muôx cxix cxuô chuôz zênhx cơưv ntơưr thiêz muôx thax tsav qơư uô si. Pox nhuôk lênhx tưs cux shir phaz”.

          Đros tsôngv box têx mênhx cxưx Thái, Hmôngz, Cho, Hà Nhì thiêz Mảng nhoz Hua Bum, txox cêr muk cơưv ntơưr txix nzor tưz lok six phêv liv. Luz nênhx yeiz pluôk uô ntâu lênhx mê nhuôk tsi tâu muk cơưv ntơưr. Viv li, têx luz tsêr cơưv nội trú tâu cxiv uô nhiv no tsi taz paz mê nhuôk muôx qơư cơưv ntơưr, nox nhoz xênhz huôx truôx jông mak tsênhv paz cxơưz muôx tâu luz nênhx tov kaz no jông đuô txix hâux lưv muk cơưv ntơưr.

          Cưk kriê Phạm Thị Yến, cưk kriê tsêr cơưv phổ thôngz mênhx cxưx bán trú cxênhx 1 thiêz cxênhx 2 Hua Bum pheiz kênh:

          “Phênhv ntâu têx mê nhuôk shux xênhz zos têx mê nhuôk tsôngv box mênhx cxưx tsơưs nênhs, chuôz zis lok six txov nhêv. Ntâu lênhx tas cik muk cơưv ntơưr, zar hnuz keix ho muk paz niêv txir muk uô têz. Thâuv muk cơưv nội trú, têx mê nhuôk shux xênhz nhoz ciês hâur tsêr cơưv, tâu cơưv ntơưr jông đuô. Niêv txir cux tso siêz đuô”.

          Tsi taz cưk kriê mak chính quyênx thiêz tsôngv box tiv phaz puôr lênhx lok six njênhs njôngr lok hâux lưv cxiv tsa têx tsêr cơưv yiêz no. Zơưv Nguyễn Đức Hiền, Chủ tịch UB xã Hua Bum puz pâuz, tiv phaz muôx 12 jêx jos, 1 cxênhz 200 ziv chuôz zis đros 5 cxênhz 700 lênhx nênhs. Txơưv tưz jênhv tâu ntâu chính sách paz txưv, taz sik chor ziv chuôz zis pluôk tsênhv tsav muôx nhos 55%.

          “Tsôngv box têx mênhx cxưx xã Hua Bum lok six shir phaz thâuv tâu têz qơưk yưv pênhr cxiv uô tsêr cơưv cxuô cấp. No zos tsôngv box li siêz xar njôngr ntêr lok, gôngr phênhv muôz siêz tsơưr lươngv cơưv ntơưr, huôv tsar thax tsav qơư nhoz. Chính quyênx tiv phaz zuôr sik côngv đros tsưr yưv pênhr thiêz taz viv cxiv uô chiê côngz tsinhx tâu taz por uô trơưk tsưr ziv thiêz muôx tsơưr lươngv”.

          Iz luz tsêr cơưv yiêz, krêz tơưv iz luz nênhx yiêz. Nhoz ntus đriv Hua Bum thiêz Dào San- qơư tox siêz ntus đriv nhoz thax tsav Tây bắc, siêz xar njôngr cxuô lênhx mê nhuôk puôr lênhx tâu muk cơưv ntơưr chiê ndar txos iz luz nênhx vav mênhx jông đuô tsênhv jux jus tâu krêz uô./.

(Khắc Kiên-Txâur Vax cxeik nhênhv)

Lênhx nênhs muôx tsưr ziv jông kriê txux chi nhoz tsêr cơưv nội trú Lào Cai

Xênhz zus shông 1975 ntơưv Thái Bình, iz txix thâuv tâu uô cưk kriê ntơưr lok shông 1996, Nguyễn Thị Thanh Hòa tưz kriê ntơưr nhoz ntâu luz tsêr cơưv nhiêk txơưr nhiêk tsi siz thôngx hâur thax tsav tỉnh Yên Bái kuz-nhiv no zos lào Cai li: Tsêr cơưv 2 cấp cxênhx 2 thiêz cxênhx 3 Trấn Yên 2, Tsêr cơưv Cao đẳng Sư phạm Yên Bái.... Shông 2008, cưk kriê ntơưr Hòa lok kriê txux chi hâur tsêr cơưv Phổ thông Dân tộc nội trú cxênhx 3 tỉnh Yên Bái (nhiv no zos Lào Cai) thiêz nhoz uô hâux lưv, kriê txux chi trâu shux xênhz tox siêz txix thâuv co tax txos nhiv no.

Txix đros đreiv shux xênhz, moz siêz lês uô hâux lưv zok muôz, cưk kriê ntơưr Hòa thâuv tưs tưz sir jos cơưv cxaz, xar tơưv tsưr ziv yiêz thiêz jông chiê kriê trâu têx shux xênhz. Cưk kriê Hòa têx txux chi, tsưr ziv heik sâuv tưz tâu côngk nhav thiêz uô lơưr đêz đar, paz shux xênhz zôngx ziv pâuz, ndo tâu jông đuô li: Iz cxiê tsưr ziv tsưr tsix kriê chiê shux xênhz tsêr cơưv cxênhx 3 nhiêv cơưv jax lịch sử đuô; kriê lok cêr uô nênhx, têx txux chi jông đhâu jax cơưv lịch sử hâur tsêr cơưv dân tộc nội trú; sir zôngv iz cxiê tsưr ziv yiêz lok kriê txux chi trâu shux xênhz cxênhx 3.....; thiêz iz cxiê têx tsưr ziv gra siêz tsơưr lươngv cơưv cxaz txux chi tưr thik cơưv tiêr ntơưr lớp 12 lịch sử ntiêx têz.....

Khov li co, thâuv tưs txos jax lịch sử, shux xênhz cux nhiêv cơưv đuô, lịch sử yênhx jax zov chênhr hâur tsêr cơưv têx jiês sik tưr thik shux xênhz cơưv coz, muôx 96 lênhx shux xênhz tưr thik tâu shux xênhz cơưv tâu txux chi jông cấp tỉnh, cấp têz qơưk jax lịch sử.

“Jax lịch sử lok six zov chênhr hâur zoz zux chính trị, tsưr ziv, siêz xar, cêr uô nênhx. Chênhr zos li heik co, xeir tsênhv njiêz thiêz tsưr ziv kriê huv đros zos lok six zov chênhr. Cur khênhr uô tsi thôngx li lưv lênhx cưk kriê, ntơư zos: Choz hâux lưv trâu shux xênhz nhênhz chơưv uô ntêx, đhâu co li heik trâu cưk kriê ntơưr, hok cưk kriê chiê sơưr đơưk seiz, ntâuk grê thiêz kriê nzir xưz. Tsưr ziv kriê no paz shux xênhz bax cơưv tâu jông đuô”.

Tsi tiêk moz siêz trâu hâux lưv zok muôz, cưk kriê Hòa tsênhv uô ntêx nyuôs hlôngr yiêz tsưr ziv kriê txux chi, qênhz yuôx, ntâuk grê shux xênhz cêr cơưv ntâuz ntơưr. Tsi tas li co, cưk kriê Hòa cux tưz cxaz chuôz têx lớp cơưv cxaz nzir tsưr ziv kriê txux chi cấp tỉnh, cấp Bộ, yênhx lênhx cưk kriê uô ntêx nyuôs uô tâu hâux lưv jông, nthuôr đar têx tsưr ziv co trâu lưv lênhx cưk kriê ntơưr nhoz ntâu luz tsêr cơưv, cơưv shâuv, uô trơưk. Cưk kriê Hòa tsênhv fuô uô tâu tsưr ziv kriê txux chi jông lơưr công nghệ thôngz xor mông, cxơưz cxiz cơưv uô yênhx paz, uô dưv anr, nhênhz chơưv, tâus nriêr têx cêr lịch sử ntơưv qơư. Iz chas ntơư, đros cxiv sâu têx fâu ntơưr kriê shux xênhz hâur thax tsav cêr uô nênhx nhiêv têz qơưk txix lớp 6 txos lớp 12 hur si. Cưk kriê Vũ Hải, thơưx seiz car tsêr cơưv Phổ thông Dân tộc nội trú cxênhx 3 Yên Bái, tỉnh Lào Cai ntâuk grê:

“Cưk kriê Hòa têx sir jos heik sâuv zos moz siêz lus trâu hâux lưv zok muôz. Khov li co, tưz kriê tâu têx tsưr ziv, txux chi jông trâu shux xênhz, paz têx nhuôs shux xênhz thâuv tưs cux moz siêz, sir jos cơưv ntâuz ntơưr. Têx cêr moz siêz, uô jông hâux lưv zok muôz ntơư cux zos đas jos chiê chor cưk kriê ntơưr hluôk thiêz têx lênhx đros uô hâux lưv uô cê cơưv shâuv, uô trơưk”.

Cưk kriê Hòa têx luôs hâux lưv uô heik co thiêz kriê shux xênhz cêr cơưv txux tưz paz ntâu fâuv shux xênhz thax tsav đêz đrôngs truôx siêz, sir jos cơưv ntâuz ntơưr tâu jông. Iz chas kriê cxaz nzir têx txux chi trâu shux xênhz cơưv coz, cưk kriê Hòa tsênhv paz têx lênhx shux xênhz cơưv tsi yuô tâu ntơưr, muôx luz nênhx txov nhêv hur si; paz lưv lênhx shux xênhz txơưr đuô cơưv tâu jông jax lịch sử. Hoàng Thị Tố Uyên, heir nênhs Nùng, shux xênhz lớp 12A1 heik:

“Trơưk li cur mak cưk kriê Hòa lok six siêz jông. Thâuv tưs cux kriê pêz têx shux xênhz tsưr ziv cơưv txux chi li chas cov tâu jông. Thâuv ntêx, cur zos lênhx nhiêv cơưv têx jax xav fax, tsi nhiêv cơưv jax lịch sử, taz sik khov muôx cưk kriê Hòa, nhiv no cur lok six nhiêv cơưv jax lịch sử cơưk. Đhâu 3 shông tâu cơưv cưk kriê Hòa, cur ziv hnuz ziv nhiêv txos zuk têz qơưk thiêz xar nriêr pâuz tsênhz đuô lok têx cêr lịch sử thâuv ntêx. Cur thor uô tsâus ntâu txos cưk kriê Hòa”.

Zos lênhx thơưx seiz car iz paz cưk kriê ntơưr, Chủ tịch Công đoanx tsêr cơưv thâuv ntêx, cưk kriê Hòa thâuv tưs tưz uô ntêx nyuôs, moz siêz lês uô jông têx hâux lưv zok muôz, kriê sơưr đơưk sik thôngx siêz, hlôngr yiêz tsưr ziv kriê txux chi, paz max têx lênhx cưk kriê yiêz tsi yuô tâu sưv hâux lưv. Chênhr moz siêz uô jông hâux lưv thiêz hluz txos têx shux xênhz, tưz paz cưk kriê Nguyễn Thị Thanh Hòa lês uô tâu truôx têx luôs hâux lưv zok muôz hâur zuôr xar 30 shông, yênhx lênhx cưk kriê uô ntêx nyuôs cấp tỉnh. Cưk kriê Hòa tưz muôx 16 shông tâu côngk nhav zos lênhx cưk kriê uô tâu hâux lưv jông ntơưv qơư thiêz cấp tỉnh; tâu tỉnh, Bộ thiêz Thủ tướng muôz ntâu ntơưr kruôs. Shông 2023, cưk kriê Hòa tâu Chủ tịch têz qơưk muôz ntơưr kruôs zos cưk kriê ntơưr uô tâu hâux lưv jông, zos iz hâur 19 lênhx nênhs uô tâu jông cxuô luôs hâux lưv nhoz Lào Cai dưv Đại hội sik tưr nhiêv têz qơưk tas nro têz qơưk jiês tiv 11.

Cưk kriê Hòa heik, cxuô cấp, ngênhx têx ntơưr kruôs zos iz kro jông, côngk nhav têx hâux lưv uô tâu, taz sik shir phaz thiêz jông siêz đuô hur si cux zos tâu đros đreiv, tâu kriê txux chi trâu chor shux xênhz heir nênhs tsơưs, seiz pov têx nhuôs shux xênhz cơưv tâu ntâuz ntơưr thiêz hloz lox, cơưv tiêr txux chi./.

Thừa Xuân-Riê Lâux cxeik, nhênhv