Tênhv tênhz tik txos hêir nênhs Cho jêx jos

          Tơưk tênhz pov cêr lul ziv njiê pov tsênhz tix lâuk Triệu Tiến Thọ mênhx cxưx Cho nhoz jos Ngàn Chả li njêx muôk shir phaz cơưk. Tso Đeix trơưk six hơưv tso Tsaz yênhx luk Cho nhoz Đeix nta suôz Việt Nam, tix lâuk Thọ puz pâuz: Txix thâuv nox tsiêz txos nhiv no, tênhv tênhz têz qơưk tưz tik txos jêx jos, sđ muôx tênhv tênhz tơưk pov cêr lul:

          “Thâuv ntêx tsi tâu muôx tênhv tênhz mak chuôz zênhx xênhz huôx njiz ntâu phêv liv, ntâu jiês nox mor viv tsâus ntux cux njiê tsi pov jâuz mor, tsâus ntux mê nhuôk tsi muôx tênhv tênhz chiê cơưv ntơưr viv li cur tsuv zuôr ắc quy lok tso tênhv chiê luz nênhx txu grês phênhv tưs têx phêv liv. Nhiv no muôx tênhv tênhz lơưv mak luz nênhx jông đuô lok six ntâu”.

          2, 3 luz hlik tov ntêx, tsôngv box Ngàn Chả tsuôk tơưk tênhz trox a lok sik tênhz ắc quy mê thâuv hmo ntux, chuôz zis tưs bluô nux đuô mak zuôr tâu luz meir tso tênhv đêx cux tso tâu 2,3 luz tênhz lok sik tso tâu nzuôv thâuv txos cheix ntux sor. Thâuv tênhv tênhz tik lok txos jêx jos, mê nhuôk tâu uô si lov jêv hâur qar puôv tênhz tơưk pov cêr lul, suôz gâux, meir jov, meir cơư đroz cxuô qơư….Tix lâuk Dương Trung Điện, tsôngv box jos Ngàn Chả puz pâuz:

          “ Jông thêv, muôx tênhv tênhz tơưk pov cêr, uô mor, râuz đêx, sav trox điện thoại cux zôngv tênhv tênhz uô. Thâuv ntêx mak zôngv luz meir tso tênhv mê tsuôk txâuk chiê tơưk pov cêr xưz. Nhiv no muôx tênhv tênhz luz nênhx jông đuô lok six ntâu, thâuv xar tơưk mak tơưk, tsi txov nhêv li thâuv ntêx thiêz”.

          Zơưv Đặng Đình Đức, Chủ tịch UB xã Bính Xá puz pâuz, cxix luôk tênhv tênhz têz qơưk tik lok txos jos Ngàn Chả hâur shôngk shông 2023. Muôx tênhv tênhz tơưk pov cêr lul, pox nhuôk muôx cxaz têx jông đuô chiê huôv tsar uô kôngz nuv, cxuôv yeiz thiv pluôk:

          “ Tsôngv box lok six shir phaz. Muôx tênhv tênhz hâux lưv thôngz xor mông hâur chinhr quyênx thiêz tsôngv box cux zôngx ziv đuô, pox nhuôk zuôr tâu chuôz zênhx jông lok phưx vưv luz nênhx xênhz huôx. Ntu zuôr txos pêz zuôr chêx chôngk heik kriê pox nhuôk tror huôv tsar chos jôngr, huôv tsar tu zus cux xưk li iz cxiê jix vuv li kho đuô têx zav meir…”

          Uô dự án cungz tênhv tênhz nôngx cxênhz txix tênhv tênhz têz qơưk tỉnh Lạng Sơn, ntu 2015-2020, yưv pênhr ntu shông 2022, jos Ngàn Chả, xã Bính Xá, huyện Đình Lập, tỉnh Lạng Sơn zos iz hâur têx jêx jos lơưr kaz ciês tâu tik tênhv tênhz sâuv thax tsav. Zơưv Phạm Ngọc Minh, giám đốc Công ty tênhv jos Lạng Sơn puz pâuz:

          “Pêz cux xav tênhv hâux lưv yưv pênhr, cxiv tsa cxix luôk tênhv tênhz chiê cungz tênhv trâu tsôngv pox nhuôk tsi tâu muôx tênhv zos iz jênhv vưv coaz tsôngv. Thâuv krêz uô cux njiz iz cxiê phêv liv taz sik pêz cux sir jos hla đhâu têx phêv liv co chiê tik tênhv trâu tsôngv box”.

          Muôx tênhv tênhz, luz nênhx nhoz Ngàn Chả, iz hâur têx jêx jos txov nhêv tiv zix nhoz xã ntus đriv Bính Xá, huyện Đình Lập, tỉnh Lạng Sơn tưz muôx ntâu hlôngr yiêz jông. Tsôngv box tâu zôngv têx khoa học công nghệ yiêz hâur tsiv uô kôngz nuv, krêz đar muôv muôs jix vưv chiê hlôngr yiêz luz nênhx, gôngr phênhv cxiv tsa nôngx cxênhz yiêz thiêz huôv tsar KTXH tiv phaz./.

(Duy Thái-Txâur Vax cxeik nhênhv)