Điện Biên sir jos huôv tsar qơư ndis uô si, sêiz shuôk têz qơưs yênhx ngênhx kinh têr chênhr

Jông siêz thiêz shir phaz zos kror cxuô lênhx nênhs njiê pov tâu thâuv sêiz txos đêiv đuôz Panorama lox tiv zix Đông Nam Á, piêr pâuz tsênhz txos quân thiêz pêx xênhv pêz têz qơưk li têx sir jos hâur ntu tir ntâuk tros châuz Điện Biên Phủ, tâu sâu chor đuôz tsês trâu ntơưv yôngx 2 Bảo tàng tir ntâuk zênhx Điện Biên Phủ. Kiều Thị Trang, txix thành phố Sơn La, tỉnh Sơn La tuôx hêik pâuz:

“Pov lok six shir phaz thâuv tuôx txos ntơưv no. Chor đuôz ntơưv no paz trâu zuk pâuz tsênhv txos têx cêr pôngz siêz lox mak cxênhx nênhs uô ntêx tưz sir jos tsav txênhz chiê muôx tâu li hnuz no; vav tiêk zuôr tror muôx ntâu jiês tuôx ntơưv no chiê nriêr pâuz tsênhz đuô lok têx xor xưv nto bê tâu cxênhx nênhs uô ntêx tsês chiê lok”.

Iz chas têx kror liv lok du lịch đros muôx 30 di tích cấp têz qơưk thiêz cấp tỉnh, Điện Biên tsênhv zos thax tsav qơư muôx vênhx huôv ntâu mênhx cxưx thiêz muôx ntâu qơư chiê huôv tsar du lịch đrox tsuôs, chiv xênhz thiêz nhoz so, du lịch côngv thôngx.

Chiê piêr pâuz lok têx đrox tsuôs chiv xênhz, vênhx huôv, du lịch, jux juk khav tênhv tâu du lịch Điện Biên, tỉnh tưz tsưr tsix ntâu huôx tôngv đros trâus vênhx huôv jông lok lênhx nênhs, têx chiv xênhz đrox tsuôs ntơưv no. Tsuv hêik zos Ntênhk hôiv Pax lâus tâu tsưr tsix trâu iz đraz hlik hli 3 yênhx shông, đros ntâu huôx tôngv vênhx huôv jông tưz paz zaz zâuv chôngz lênhx nênhs tuôx trâu Điện Biên. Kror shir phaz zos shông nhiv kruôr đhâu, jiês xuz thơưx ciês Điện Biên txêik tok tâu 1 triệu lênhx kruô tuôx ndis shuôk, uô si, paz trâu phênhv sâu txix du lịch tâu muôx 1.700 tiv đêiv, ndê zuôr xar 27% pir li shông 2022.

Lơưr zơưv Nguyễn Minh Phú, Giám đốc Sở Vênhx huôv, Thể thao thiêz Du lịch tỉnh Điện Biên, kror txêik tok tau 1 triệu lênhx kruô du lịch thiêz chor huôx tôngv piêr pâuz tưz tâu kriz uô zuôr zos kror paz trâu nganhx du lịch chuôz ndê jông hâur Shông du lịch têz qơưk-Điện Biên 2024:

“Muôx tâu iz triệu lênhx kruô du lịch tuôx trâu Điện Biên zos iz kror lok six shir phaz txơưv tiêk hâur ntu nhiv kruôr đhâu qơư tsar đrêk yêz za Điện Biên tsuv so chiê kho đuô. Chiê uô tâu li no zos muôx chor hâu nov tsov cưv txos thiêz chox kriê, tas nro cxiv luôs chinhr triv li sir jos, côngv thôngx li jênhv pâuz lok du lịch cux tâu gra siêz đuô”.

Đros tsênhv njiêz “Nto bê Điện Biên Phủ-Nriêr pâuz cxuô kror”, shông no, Điện Biên tâu xêir tsov zos qơư Tsưr tsix Shông Du lịch têz qơưk. No zos kror paz trâu nganhx du lịch Điện Biên huôv tsar, zos yênhx nganhx kinh têr chênhr, paz trâu huôv tsar kinh têr-xar hôiv, paz hlôngr yiêz jông đuô pêx xênhv luz nênhx. Zơưv Lê Thành Đô, Chủ tịch Ủy ban tỉnh Điện Biên puz pâuz:

“Txos six hơưv no, Điện Biên tưz bax tâu chiê txêik tok tsôngv kruô tuôx ndis shuôk, uô si, nriêr pâuz têx qơư jông, 19 mênhx cxưx têx vênhx huôv jông; cux li ndis shuôk, nriêr pâuz lok qơư ntâuk tros châuz Điện Biên Phủ kuôk no 70 shông tror uô ntêx”.

Điện Biên tsênhv sir jos huôv tsar lơưr tex tsưr ziv uô yiêz jông, tsơưr lươngv đros muôz tsôngv kruô du lịch zos chor nênhs tsuv tâu sir jos phưx vưv, chiê uô tâu tsưr ziv zos txêik tok tâu muôx 1,3 triệu lênhx kruô du lịch hâur shông no./.

TTTB-Lik Thox cxêik nhênhv

Sir jos uô hâux lưv jông viv nênhs moz thax tsav txov nhêv

Nhiv kruôr đhâu, khoa chơưv kho têx moz hnhar-phax tar kâus tưx Tsêr kho moz đa khoa tỉnh Yên Bái tsi so lênhk txeik thiêz chơưv kho 5 lênhx nênhs trâul moz hlưz cxa hnhar; hâur co muôx iz lênhx txir nênhx 47 shông nhoz huyện Lục Yên tuôx tsêr kho moz thâuv trâul moz plaz, plaz tsav thiêz ntuôr ntâu. Đhâu zuôr xar iz hlik chơưv kho moz, lênhx nênhs moz no tưz nhoz khênhr jux juk, đas jos truôx tuk. Niêv lâul Hoàng Thị Nhạn, tus txir nênhx moz heik sâuv li pox niêv heik:

“Têx lênhx bác sĩ, cưk yuôx nhoz no lênhx tưs cux sir jos, moz siêz uô hâux lưv tsoz phưz đas jos trâu nênhs moz. Nhiv no bác sĩ cux muôx jông tsưr ziv chơưv kho moz gênhk lơưv. Chor nênhs hâur tsêr, nênhs cxênhz jê cux cxiz tiêk cov chox muk Hà Nội xưz, muôx kênh jiês zuk cux xar ntâu, taz sik chiê siêz thiêz njênhs njôngr trâu chor bác sĩ ntơưv no, lơưr muôx têx zuôr chơưv kho tâu, tus txir zuôr khax jux juk, cur tsưr ziv thiêz siêz xar co tưz muôx tsênhz tiês”.

Thạc sỹ, bác sĩ Lê Đức Thuận, uô hâux lưv hâur Khoa chơưv kho chor nênhs trâul moz hnhar-phax tar kâus tưx, Tsêr kho moz đa khoa tỉnh Yên Bái heik pâuz: Moz hlưz cxa li heik sâuv zos iz zav moz hnhar, zôngx ziv uô ruôr hiêv, tsi jông txos têx plaz hnhur, siêz njưk, muôx têx trâul tuôs. Cux seiz moz hnhar lok sik siz, nưk muôx nưk tsưr ziv chơưv kho huv đros, hâur co moz hnhar mak lok six sei, tsuv chơưv kho zênhx max txix liv nyar tsi so, tso meir paz uô pa....:

“Têx tsưr ziv chơưv kho moz yiêz mak thâuv tưs cux tsuv sir jos cơưv shâuv, gra siêz txux chi uô hâux lưv seiz njuôk shuôs, kho moz; tsi so sik thav, siz kriê lok sâuv tsưr ziv chơưv kho têx moz phiv liv thiêz hmôngr cux lok six jông, muôx chor cưk kriê, têx hloz thênhv siêz paz max”.

Qơư chiê tsêr kho moz đa khoa tỉnh Yên Bái fuô uô ntâu hâux lưv phiv liv, têx tsưr ziv yiêz, hâur co muôx têx moz lok six phiv liv chơưv kho, iz txưv tsuôk tâu seiz njuôk shuôs, kho moz nhoz chor tsêr kho moz lox T.Ư zos hâur 400 ntâu lênhx bác sĩ, cưk yuôx, muôx lok six ntâu bác sĩ hluôk muôx tsưr ziv tưz tâu cơưv cxix cxuô têx txux chi lok sâuv seiz njuôk, kho têx moz phiv liv, iz zav li Thạc sỹ, bác sĩ Trần Thanh An, xênhz shông 1993. Zos iz lênhx bác sĩ hluôk đuô hur si hâur khoa ngoại, taz sik nhiv no, tix lâus tưz muôx ntâu txux chi , tsưr ziv jông chơưv kho tâu têx moz phiv liv:

“Pêz thâuv tưs tưz sir jos cơưv shâuv, zok nriêr têx tsưr ziv jông, cơưv nzir têx yiêz hâur xã hội cux li sâuv ntiêx têz chiê uô lơưr, chơưv kho moz huv đros trâu ntơưv qơư, lênhx nênhs moz....”.

Thạc sỹ, bác sĩ Diêm Sơn, Phưv Giám đốc tsêr kho moz đa khoa tỉnh Yên Bái heik pâuz, tsêr kho moz đa khoa tỉnh Yên Bái nhiv no tsênhv fuô uô 300 ntâu tsưr ziv seiz njuôk shuôs, kho moz li hâur têx tsêr kho moz lox T.Ư chiê chơưv kho moz trâu pêx xênhv, iz zav li fêis kho muôz têx nyar tuôs hâur hlưz hâu, thâuv ntêx zos fêis fuô poz cxa tâuz hâu, taz sik đhâu thâuv muk cơưv tov Nhật Bản lok, chor bác sĩ tưz fêis li heik sâuv mak lơưr yâu ndax kror poz cxa muôx nyar tuôs ntơư chiê gruk têx nyar tuôs lok xưz. Fêis kho li no li tsi yuô uô ruôr hiêv txos têx hlưz hâu, nhiêx txiêx cux tas tsơưs thiêz sei đuô. Iz chas ntơư zos iz cxiê tsưr ziv jông cơưv shâuv tâu saz đrâuv luôs 2 chas têz qơưk lol:

“Luôs hâux lưv kriê cxaz txux chi tsưr ziv uô hâux lưv trâu canr bôv thâuv tưs cux tâu tsêr yuôx moz siêz txos. Iz shông pêz tso xar muôx 20 lênhx nênhs muk cơưv cxaz têx tsưr ziv yuôr trâul lok sâuv seiz njuôk shuôs, kho moz gênhk. Iz shông pêz cux kriê nzir ntâu txux chi, tsưr ziv uô hâux lưv trâu sơưr đơưk. Lar heik zos tso têx lênhx bác sĩ muôx txux chi, tsưr ziv jông thiêz txơưx luk Anh muk cơưv saz đrâuv luôs 2 chas têz qơưk. Iz chas ntơư, iz shông pêz cux kriê nzir têx tsưr ziv seiz njuôk shuôs, kho moz hâur tsêr kho moz trâu yênhx cxênhz lênhx nênhs chiê gra siêz txux chi, tsưr ziv uô hâux lưv”.

Tsêr kho moz đa khoa tỉnh Yên Bái zos iz tsêr kho moz uô tâu hâux lưv jông, muôx 750 luz txax trâu nênhs moz tuôx nhoz, pư kho moz gênhk, zos tsêr kho moz hux jos đros ntâu luz tsêr kho moz hâur T.Ư li: Tsêr kho moz Việt Đsưc, tsêr kho moz Bạch Mai, tsêr kho moz trưx phax, tsêr kho moz xênhz zus nhuôs T.Ư, tsêr kho moz nhuôs zâu T.Ư.... Tsi tas li, tỉnh Yên Bái cux cir ntơưr, uô hâux lưv đros iz cxiê luz tsêr kho moz lox, viv li txux chi tsưr ziv uô nuv tsi so tâu gra siêz thiêz chor bác sĩ, cưk yuôx nhoz saz T.Ư thâuv tưs cux muôz jông six hơưv kriê, paz max lês uô têx hâux lưv seiz njuôk shuôs, kho moz.

Đros thiêz tsưr ziv xar, tsi tiêk uô tâu hâux lưv jông tsoz phưz đas jos, chơưv kho moz gênhk trâu tsôngv pêx xênhv hâur tỉnh, tsêr kho moz đa khoa Yên Bái nhiv no cux tsênhv sir jos hlôngr yiêz, gra siêz txux chi tsưr ziv uô nuv chiê nzor yênhx tsêr kho moz đa khoa thax tsav Tây Bắc uô tâu jông luôs hâux lưv seiz njuôk, kho moz trâu tsôngv lax pêx xênhv lơưr Bộ Y tế cui tinhv hâur ntu zuôr txos./.

Đinh Tuấn-Riê Lâux cxeik, nhênhv