Uô tâu jông txix tsưr ziv ngaz tuk nhoz Tô Mậu (Yên Bái)

Ntu cêr ndê tox Thắm ntêr xar muôx 2 cêik cêr nhoz txox cêr 171, muk đhâu oz luz jok Trung Tâm thiêz Làng Mường xar Tô Mậu, huyện Lục Yên (Yên Bái) oz saz ntus cêr muôx têx har phaz, shôngz ntông tsâuk nti, tsik muôx nênhs nhoz, đros tsik yuô pov cêr trâu thâuv hmo ntux, viv li thâuv ntêx no tsik so muôx yưv ntâu txuz huôz nox; chor nênhs muôx zênhk zax zênhz txix ntâu qơư tuôx nhoz gâuv ntơưv no; chor hluôk nênhs siz ntâuk; muôx yưv txiêz nanv zoz thôngz… qênhx shênhx hêik co uô trâu lênhx tưs muk lok đhâu ntơưv no cux cxơưx, tiv zix zos thâuv hmo ntux.

Txix tsênhv tsênhz no, thâuv chor công an chính quy tâu chiê lok uô hâux lưv ntơưv thax tsav, Công an xar Tô Mậu tưz hêik trâu Đảng ủy, chinhr quyền xar kriz uô tsưr ziv “Tênhz tơưl pov cêr ngaz tuk”. Ciês thâuv tâu kriz uô, tsưr ziv no tưz tâu pêx xênhv thôngx ziv đros thiêz sik côngv nhiêx txiêx chiê paz uô. Viv li, tsuôk iz ntu lur, xar muôx 2 cêik cêr ndê tox Thắm tưz muôx tâu chor tênhz chiê tơưl chis pov cêr. Txix co, pêx xênhv muk lok tso siêz đuô; qênhx shênhx muôx chôngz nênhs tuôx nhoz ntơưv ntu cêr no tưz grêk tsơưs ntâu.

Thiếu tá Nguyễn Tuyên Hoàng, Trưởng Công an xar Tô Mậu puz pâuz, tsưr ziv “Tênhz tơưl chis pov cêr ngaz tuk” nhiv no tưz tâu kriz uô hâur tas nro chor jêx jok, chor ntu cêr muk lok trâu têx jok thiêz tas nro ntu cêr lox muk đhâu thax tsav xar, đros muôx 360 luz tênhz tơưk cov pov cêr:

“Thâuv kriz uô tsưr ziv “Tênhz tơưl pov cêr ngaz tuk” mak tâu pêx xênhv lok six thôngx ziv đros. Tưz tsik zos pêx xênhv nhoz Tô Mậu xưz, mak pêx xênhv Lục Yên thâuv muk đhâu ntu cêr ndê tox Thắm puôr lênhx lok six nyêi, thâuv muôx chor tênhz tơưl pov cêr mak sơưr đơưk lok six jông siêz, shir phaz. Hâur thax tsav ntu cêr ndê tox co, đrâuv muôx tênhz tơưl pov cêr mak lưx lươngv Công an cux muôx fiêx hêik kriê, sâu công an xar tuk xor tôngx chiê muôx yưv têx phiv liv mak pêx xênhv zuôr hu tâu ciês trâu côngz an. Chiê uô tâu jông, lưx lươngv công an xar tưz sik côngv đros pox nhuôs oz jok Làng Mương thiêz Trung Tâm sik đros uô txix shông 2020 txos nhiv no”.

Tror uô lơưr tsưr ziv “Tênhz tơưl pov cêr ngaz tuk”, têx hli kaz shông 2023, Công an xar Tô Mậu tror hêik trâu chính quyền kriz uô tsưr ziv “Camera ngaz tuk”. Tsuôk hâur muôx iz hli, Ủy ban Mặt trận têz qơưk xar tưz hêik chor tsưr tsix, tiz nênhs paz tâu xar muôx 200 triệu đêiv. Chor nhiêx no tưz tâu zôngv chiê lôngx đhok 50 luz camera, tsênhv njiêz zos ntơưv thax tsav cêr ndê tox Thắm, chor cêr siz yuôv hâur xar, trơưk txox cêr 171 thiêz cxiv tsa iz tsênhv qơư sêiz car ciês ntơưv Công an xar qơư uô hâux lưv.

Xav txix thâuv muôz lok sir zôngv txos nhiv no, chor Camera tưz paz trâu Công an xar xav jênhv, xưv lik ntâu txuz hâux lưv zov chênhr li: pov tâu chor nênhs uô cxâuv chêi zoz thôngz, 03 txuz hluôk nênhs uô ruôr hiêv txos ngaz tuk; 02 txuz tuz saz tuz nhiês; 03 txuz uô tsik hur tênhv qơư; 4 lênhx nênhs zok tsik tâu cêr muk tsêr cux tâu xav jênhv chiê chox tror lok trâu ntơưv qơư nhoz, hâur co muôx 3 txuz chor nhuôv zâu muk zuôv cêr muôx 300 ntâu cêik cêr txix Hà Giang tuôx trâu ntơưv thax tsav qơư. Thiếu tá Nguyễn Tuyên Hoàng, Trưởng Công an xar Tô Mậu, huyện Lục yên (Yên Bái) hêik pâuz nzir:

“Piz txix qênhx shênhx tsênhv tsênhz ntơưv thax tsav cux zos lơưr Công an huyện Lục Yên li tsưr ziv thâuv ntêx no, Công an xar tưz hêik trâu Đảng ủy, chính quyền ntơưv qơư cxiv tsa tsưr ziv “Camera ngaz tuk”. Txix thâuv tâu kriz uô tưz paz trâu lưx lươngv Công an xar uô tâu jông đuô qênhx shênhx ngaz tuk ntơưv thax tsav qơư. Chor txuz hâux lưv thâuv ntêx no uô phiv liv trâu lưx lươngv Công an xar mak nhiv no đhâu chor Camera ngaz tuk tưz paz trâu lưx lươngv công an xar xav jênhv, xưv lik tâu truôx jông. Chor nênhs fêv cux tsik car uô cxâuv chêi têz qơưk, paz trâu qênhx shênhx ngaz tuk ntơưv thax tsav qơư tâu uô jông đuô”.

Chủ tịch Ủy ban xar Tô Mậu, huyện Lục Yên, tỉnh Yên Bái Lương Văn Khiên puz pâuz: txix thâuv lưx lươngv công an chính quy tâu chiê lok ntơưv thax tsav, tiv zix zos đhâu kriz uô oz tsưr ziv “Tênhz tơưl pov cêr ngaz tuk” thiêz “Camera ngaz tuk”, qênhx shênhx ngaz tuk ntơưv thax tsav tưz tâu kriz uô lok six jông, ntu cêr ndê tox Thắm tsik zos kror qơư trâu chor nênhs fêv nhoz gâuv lơưv.

Hâur ntu sir jos huôv tsar, sir zôngv khoa học, công nghệ, hlôngr yiêz sôr lơưr Bôv Chinhr triv li Nghị quyết 57 li nhiv no, ntu zuôr txos, xar zuôr tror sir zôngv khoa học công nghệ, hlôngr yiêz sôr trâu kriz uô chor jênhv vưv, hâur co muôx uô cov tâu jông ngaz tuk sâuv thax tsav:

“Ntu zuôr txos, xar chiê Công an xar qênhz shuôk têx qơư nhiv no tsênhv đrêiv ntâu, têx qơư tsuv cxaz nzir chiê tror hêik chor tsưr tsix, tiz nênhs paz trâu xar lôngx đhok nzir camera cov uô tâu jông ngaz tuk sâuv thax tsav; paz trâu lưx lươngv công an xar nriêr pâuz thiêz uô tâu jông đuô hâux lưv tuôr truôx qênhx shênhx ngaz tuk sâuv thax tsav qơư”./.

Trịnh Xuân-Lik Thox cxêik nhênhv

Kriz uô đêz đar phôngz yaox thor hla đhâu chuôz zis pluôs nhoz ntus đriv Lai Châu

“Chuôz zis tsi tok txos têz qơưk têx tsênhv chei paz, viv tsênhv yuôr ntâu chuôz zis lơưr tsênhv txov nhêv đuô zuk chuôz zis”.

“Zuk tsênhv hluôk, tsênhv muôx đas jos uô nox, tsuv sir jos khưr thiêz cur tưz tưx uô ntơưr thor hla đhâu chuôz zis pluôs, chiê luôs lưv chuôz zis txov nhêv đuô tâu têz qơưk paz”.

Co zos 2 hâur ntâu chuôz zis nhoz huyện ntus đriv Phong Thổ, tỉnh Lai Châu tưz sâu ntơưr thor hla đhâu chuôz zis pluôs hâur shông 2024. Nhiv no, tsôngv pêx xênhv têx cêr siz hluz siz paz sik đros hla đhâu phiv liv, cêr txov tưz tâu kriz uô đêz đar nhoz cxuô jêx jok thax tsav tsôngv box heir nênhs tsơưs nhoz thax tsav qơư no.

Tix lâus Phàn Diếu Hồ, heir nênhs Cho, nhoz jok Nậm Lúng, xã Bản Lang, huyện Phong Thổ chuôz zis muôx 6 lênhx nênhs, taz sik tsuôk muôx 2 lênhs khưr uô nox, ntâu shông lok no chuôz zis luz nênhx phênhv ntâu zos khov trâu 5 cxênhz ntâu xưv phaz liêx tsêz chos blêx iz chiv. Txix tsaz yênhx pênhr paz huôv tsar kinh tế xã hội thax tsav tsôngv box heir nênhs tsơưs thiêz tox siêz, tix lâus 2 niêv txir tưz muôz têx liêx têz hlôngr chos txir lưk hmaz lok zos txir lok tsuôk thiêz tu zus mur zuôr jiz, txix thâuv co lok chuôz zis phênhv sâu tâu ziv hnuz ziv tsar ndê jux juk. Txơưv sâu tsi tâu ntâu pês tsơưs, taz sik tix lâus 2 niêv txir tưz uô ntơưr hla đhâu chuôz zis pluôs.

“Thâuv ntêx cur chuôz zis zos ziv chuôz zis pluôs hâur xã tâu 4 shông. Shông 2024, chuôz zis tưz uô ntơưr thor hla đhâu chuôz zis pluôs, chiê têx chuôz zis txov nhêv đuô tâu têz qơưk paz”.

Xuz thơưx tsuôk iz cxiê chuôz zis hâur xã Bản Lang xưz, taz sik phôngz yaox uô ntơưr thor hla đhâu chuôz zis pluôs nhiv no tưz muôx nhoz ntâu xã hâur huyện. Iz zav li ntơưv xã tox siêz, ntus đriv Sin Suối Hồ, suôv qơư phênhv ntâu tsôngv box Hmôngz thiêz Cho uô nênhx nhoz, zos thax tsav txov nhêv đuô hur si hâur tỉnh, taz sik khov hâu nov ntơưv qơư têx sir jos, hâur shông 2024 tưz muôx 30 ntâu chuôz zis tưx uô ntơưr thor hla đhâu chuôz zis pluôs, txo grêk têx ziv chuôz zis pluôs hâur xã yuôr 40% ntâu. Zơưv Lôngx Xênhv Shôngx, Phưv Chủ tịch Ủy ban xã Sin Suối Hồ heik pâuz:

“Têx chuôz zis txov nhêv hâur thax tsav tưx uô ntơưr thor hla đhâu chuôz zis pluôs tưz uô trâu lưv chuôz zis txơưr đuô hâur jok, hâur xã cơưv shâuv thiêz uô trơưk. Txix ntơư, têz qơưk zuôr muôx nzir pênhr paz trâu têx chuôz zis txơưr đuô thiêz zos đas jos cxơưz chor chuôz zis tưz hla đhâu chuôz zis pluôs sir jos huôv tsar uô nox uô hnar, muôx luz nênhx tsâu sor, vav mênhx”.

Tỉnh ntus đriv Lai Châu tâu pâuz txos zos iz hâur têx tỉnh pluôs yax hâur tas nro têz qơưk, chor chuôz zis pluôs tsênhv yuôr 20% ntâu. Thâuv ntêx, ntâu chuôz zis pêx xênhv tsênhv six tok txos têz qơưk paz. Khov cấp ủy, hâu nov thiêz têx tsưr tsix đoanx thêv sir jos fuô uô luôs hâux lưv yax kriê, vênhv tôngv thiêz uô jông têx tsênhv chei txo grêk cêr pluôs, viv li pêx xênhv tưz jux juk gra siêz tsưr ziv jênhv pâuz, sir jos huôv tsar uô nox, hla đhâu yeiz pluôs.

Thôngz sâu hâur shông 2024, tas nro tỉnh muôx 4 cxênhz ntâu chuôz zis hla đhâu chuôz zis pluôs, hâur co muôx zuôr xar 500 chuôz zis tưx uô ntơưr thor hla đhâu chuôz zis pluôs. Huyện ntus đriv Phong Thổ tror zos thax tsav qơư uô ntêx nyuôs uô tâu jông luôs hâux lưv txo grêk cêr pluôs thiêz muôx ntâu lênhx pêx xênhv tưx uô ntơưr thor hla đhâu chuôz zis pluôs. Pos Mai Thị Hồng Sim, Phưv Chủ tịch Ủy ban huyện Phong Thổ heik pâuz, shông 2025 no, huyện sir jos txo grêk txix 4-5% chuôz zis pluôs, chiê têx ziv chuôz zis pluôs txo grêk tsơưs yuôr 27%.

“Chiê pêx xênhv hla đhâu cêr pluôs truôx, tsôngv box muôx luz nênhx truôx tuk, huyện zuôr nzaz nzơưv têz qơưk têx tsaz yênhx, huôv tsar kinh tế xã hội thax tsav tsôngv box heir nênhs tsơưs thiêz tox siêz; tsaz yênhx huôv tsar kinh tế xã hội txo grêk cêr pluôs truôx thiêz cxiv tsa jêx jok yiêz. Iz chas ntơư, huyện zuôr sir jos fuô uô têx tsaz yênhx paz pêx xênhv huôv tsar uô nox, uô bluô nux chiê muôx luz nênhx hlôngr yiêz, vav mênhx”./.

Khắc Kiên-Riê Lâux cxeik, nhênhv