Hluôk nênhs Lai Châu sir jos huôv tsar uô nox hâur

ntu hlôngr yiêz

          Đhâu iz ntu ntêr nriêr pâuz yênhx tưv sâuv mạng thiêz sâuv pov tsir, đeix, shông 2023, tix lâuk Zax A Tsưr, mênhx cxưx Hmôngz nhoz xã ntus đriv Dào San, huyện Phong Thổ tưz truôx siêz hlôngr tas nro 5 cxênhz yiv ndis liêx kêz nteir chos blêx iz chiv chiê chos dâu tây. Khov gruôs uô hâux lưv, tsoz chos huv đros qiv hơưv, ar têz, dâu tây hloz lox jông; zuôr xar 2 shôngk no tso lok phênhv sâu siêz zuôr xar 10 jiês pir đros thâuv ntêx. Hâux lưv xar tơưv tsưr ziv huôv tsar uô nox ciês sâu zuk têz qơưk tưz paz tix lâuk chuôz zis tsi taz hla đhâu cêr pluôk mak tsênhv sir jos yênhx chuôz zis bluô nux nhoz tiv phaz. Tix lâuk Zax A Tsưr pheiz kênh:

          “Thâuv ntêx cur chor liêx phênhv ntâu chos blêx iz chiv, phênhv sâu tsi tâu hor ntâu, viv li cur cơưv shâuv tsưr ziv chos dâu tây. Tsoz dâu tây lok six huv đros qiv hơưv nhoz no, cur chos phênhv ntâu tsi zôngv qir hóa học mak zuôv mê njik qir guôx thiêz uô ar siêz chiê chos, viv li lok six hur. Txos cheix dâu tây tơưs pax mak cur zus cxaz mur chiê zuôr jiz thiêz”

          Ntơưv xã ntus đriv Bản Lang, huyện Phong Thổ, jênhv pov muôx ntâu txir tsơưz nhoz tiv phaz, shông 2024, chor đoàn viên, hluôk nênhs hâur xã tưz gôngr pênhr nhiêx zuôr meir, công nghệ, yênhx lix Tuêv sik hux jos hluôk nênhs Bản Lang chiê huôv tsar cêr uô nox. Khov uô jông hâux lưv heik kriê thiêz muôx tsưr tsix đoanx paz txưv, iz shông ntâu no, xiv huv tsơưz kra kruôr zos Tuêv sik hux jos uô tưz tâu muôs txos ntâu siêu thị hâur têz qơưk, muôz hâux lưv uô thiêz phênhv sâu truôx tul trâu yênhx châuv ziv chuôz zis đoàn viên, hluôk nênhs.

          Tix lâuk Zax A Phong, Bí thư đoàn xã Bản Lang, huyện Phong Thổ puz pâuz: Tuêv sik hux jos hluôk nênhs Bản Lang zos đoàn viên, hluôk nênhs li trâur nuv huôv tsar uô nox yênhx côngz xuz thơưx sâuv thax tsav. Tuêv sik hux jos li huôx tôngv tsi taz paz pox nhuôk nôngx mênhx muôs tâu tsơưz, mak tsênhv krêz tơưv phongz yaox hluôk nênhs huôv tsar cêr uô nox ntơưv tiv phaz.

          “Thâuv tsơưz sâuv thax tsav chos ntâu thiêz hâux lưv muôs tsơưz njiz ntâu phêv liv mak têx đoàn viên hluok nênhs sâuv thax tsav tưz truôx siêz yênhx lix paz hluôk nênhs thiêz yênhx lix trâur nuv uô tsơưz kra kruôr. Tiv iz zos chiê por coar tâu ntêr đuô thiêz tiv oz zos zôngx ziv muôs sâu sâuv têx niêv ciêz hâur têz qơưk”.

          Ntâu shông no, njiêz luv paz hluôk nênhs huôv tsar uô nox tâu xav tênhv zos ploz tsênhr ntâuk grê chêx cuk tưr thik hâur têx tsưr tsix đoanx thiêz phongz yaox hluôk nênhs nhoz Lai Châu. Shông 2024, Tuêv heik kriê hluôk nênhs huôv tsar uô nox tỉnh đoàn Lai Châu tưz heik kriê trâu 2 cxênhz ntâu lênhx đoàn viên, hluôk nênhs huôv tsar cêr uô nox. Ntâu paz Group tâu yênhx lix ntơưv têx xã, phường, thị trấn, yênhx diễn đàn sik côngv têx đoàn viên, hluôk nênhs jông, paz hluôk nênhs truôx siêz huôv tsar kinh têr.

          Tsi taz paz heik kriê trâu hluôk nênhs sâuv thax tsav huôv tsar uô nox, têx shông đhâu, têx tsưr tsix đoanx nhoz Lai Câhu tưz paz đoàn viên, hluôk nênhs zos tsưr têx trâur nuv tâu txeik pênhr paz txưv thiêz pênhr tsov cưv. Tsênhz mênhx, txos nhiv no têx cấp đoàn nhoz tiv phaz tưz paz 40 dự án hluôk nênhs huôv tsar uô nox, đros 1,25 tỷ đeiv txix Cuiv têz qơưk kênh hluôk nênhs TW Đoàn thiêz tỉnh đoàn li pênhr paz hluôk nênhs huôv tsar uô nox. Đrâuv co, têx tsưr tsix Đoàn cux sơưr txeik pênhr trâu têx tsưr tsix, lênhx nênhs đoàn viên chiê huôv tsar uô nox 960 tỷ đeiv ntâu txix Zênhx hangx chính sách xã hội, paz chiê têx trâur nuv hlôngr yiêz kỹ thuật, muôx pênhr huôx tôngv. Tix lâuk Nguyễn Mạnh Cường, Giám đốc HTX tsiv uô cuz thaz kok kriêr Ngọc Cường, xã Bình Lư, huyện Tam Đường pheiz kênh:

          “Viv hluôk nênhs huôv tsar uô nox phêv liv lok pênhr nhiêx, viv li thâuv tâu txeik pênhr mak xar njôngr uô li chas cov hlôngr yiêz zuk li tsơưr lươngv xiv huv. Jiês nhiv kruôr đhâu cur txeik tỉnh đoàn pênhr chiê uô qơư kra kruôr. Cur lok six uô tsâus ntâu tỉnh đoàn li têx tsov cưv, paz max chiê cur muk Thái Nguyên cơưv shâuv hlôngr yiêz zuk li qơư kra kruôr xiv huv”

          Ntơưv Lai Châu nhiv no muôx 200 ntâu trâur nuv đoàn viên, hluôk nênhs uô kinh têr tsiv grê txix 100 tsov đeiv ndê muk, nhoz têx vênhv thix li tsiv uô kôngz, jôngr, đêx nuv, cxiv tsa thiêz muôv muôs jix vuv ju lix. Têx trâur nuv phênhv ntâu zos muôx njik lox thiêz zâu, tas nro tsiv grê hax huv jix vuv txix 100 tsov đeiv txos 1 tỷ đeiv iz shông, chox lok liv zix txix 50 txos 200 tsov đeiv iz shông. Niêv lâuk Bế Thị Bằng, Phưv bí thư Tỉnh đoàn Lai Châu puz pâuz: Chiê paz đoàn viên, hluôk nênhs sâuv thax tsav huôv tsar uô nox muôx chêx cuk, tỉnh đoàn Lai Châu tưz cir thôngx ziv sik hux jos đros ntâu tập đoàn, công ty, doanh nghiệp, HTX chiê yênhx lix thax tsav tsiv uô hax huv chêx chôngk. Txos nhiv no, hluôk nênhs sâuv thax tsav tưz uô tsưr 45/204 xiv huv OCOP jông. Ntâu trâur nuv, xiv huv zos hluôk nênhs uô tsưr tưz tax Trung ương, tiv phaz li giải siêz hâur vênhv thix huôv tsar uô nox zos; muôx niêv ciêz truôx tul hâur thiêz saz đrâuv têz qơưk:

          “Ban thường vụ Tỉnh đoàn zuôr tror krêz uô tsaz yênhx paz txưv hluôk nênhs huôv tsar uô nox; uô jông côngz xưv yax mông, chuôz cxaz đas jos chiê đoàn viên, hluôk nênhs huôv tsar uô nox. Sir jos cir têx tsaz yênhx sik côngv chiê paz hluôk nênhs sir jos uô tiêr hâux lưv yênhx lix Cuiv paz txưv hluôk nênhs huôv tsar uô nox. Đhâu co sir zôngv jông tỉnh li têx tsov cưv chiê paz hluôk nênhs tror huôv tsar”./.

(Khắc Kiên-Txâur Vax cxeik nhênhv)

Têx tsưr ziv phax tar tơưs cuz hâur chuôz zis

Tsi so qênhz yuôx shuôs têx chuôz zênhx tênhv, tsi chiê muôx yưv têx tơưs cuz li uz li no viv xor tênhv tsi jông lok sik sir zôngv tâu ntêr trâus puôk tsuôx; qênhz yuôx, đhok kho têx qơư tuô tênhv, pheiz tênhv sir zôngv huv đros, lar heik zos têx chuôz zênhx sir zôngv ntâu tênhv li: Meir nzuôx chuô, meir râuz đêx, tuv txiêk....

Tsi sir zôngv ntâu chuôz zênhx tênhv uô cê thiêx tsi uô xor tênhv cuz hnhiêz. Phênhz chuôz zênhx tênhv nhiêk zôngv nhiêk iz txox cor tênhv chiê taz por truôx tuk tênhv; thâuv đhok uô nzir chuôz zênhx tênhv zôngv ntâu tênhv, tsuv xeir têx xor tênhv lox, huv đros. Tsi sir zôngv ntâu zav chuôz zênhx tênhv njiê trâu iz qơư.

Tsi tâu chiv chir chaz, txuôk xor tênhv tsi trơưk cui tinhv, txar jav tsi chaz xor tênhv đhâu sâuv têx vuôk, kênhz vor tsêr, đhâu plas tsêr lok sik faz nja, chuôz zênhx zôngx ziv txeik cuz. Thâuv sir zôngv meir luôv tril yo, kror chuz tênhv tsuv muôx nênhs seiz jor.

Tsi bax, tsi khơưk têx trox yêz, trox tơưk, têx zav zôngx ziv tơưs cuz, txeik cuz tsês trâu hâur tsêr; zos zov chênhr mak tsuv bax tsês tsơưs xưz, thiêz nưk tso nưk iz kro đêz, tsi tso shơư lưv zav chuôz zênhx txơưr đuô.

Yêz ô tô, yêz meir thiêz têx chuôz zênhx zôngv trox yêz, trox uz no  zôngx ziv tơưs cuz, txeik cuz nhoz hâur tsêr, sơưr đơưk tsuv muôz tso đêz, tsi nhoz jê hluôr tơưk, qơư uô jâuz mor nox. Têx chuôz zênhx, hưx trâu trox tsuv muôx hâu vor ntov. Tsi tâu tso yêz ô tô trâu hâur tsêr, thiêx tsi tsư trox, phax tir thêir yêz tưx txeik chis cuz.

Tsơưs sir zôngv têx ntông, zak zưr, ntơưr zôngx ziv txeik cuz lo faz nja tsêr, thêir qơư nhoz, qơư pư thiêx tsi trâus txeik cuz hnhiêz; tsi tâu zôngv thênh trâur ntê hâur têx qơư ntov.

Uô têx qơư txi côngv, hlơưr shaz hlơưr ntơưr huv đros, tsi zôngv têx chuôz zênhx zôngx ziv txeik cuz uô. Tênhz tơưk, tơưz yuôv shaz tsuv tso khor, tênhz truôx thiêz nhoz kuôk đêz têx zav zôngx ziv txeik cuz, tsi tâu tso ntâu têx shaz ntơưr trâu ntơưv qơư txi côngv co. Tsuôk tâu tơưk tênhz, tơưk tsưv chiêz, hlơưr shaz thâuv muôx nênhs lâul nhoz tsêr seiz shuôs. Thiêz thâuv hlơưr shaz ntơưr tsuv seiz shuôs njôngr, tsi chiê chuô yuôz têx hluôr shaz, ntơưr txeik cuz trâu lưv zav chuôz zênhx uz no txơưr đuô./.

Bích Thủy KT-Riê Lâux cxeik, nhênhv