Hluôk nênhs Sơn La uô ntêx nyuôs paz uô tsêr nhoz trâu têx chuôz zis pluôs, chuôz zis

txov nhêv

Pos Lường Thị Hiên nhoz xã Chiềng Đen, TP Sơn La chuôz zis iz ziv txov nhêv, viv muôx tsi txâuk ar uô nox, tsuv nhoz hâur luz tsêr đaz tuôs, kâus kêz jik tsi truôx khor; lar heik kuôk no 2, 3 shông uô ntêx, pos tus txir trâus moz hnhar, ziv uô chuôz zis trâus txov đuô.

Sik pheiz kênh têx phiv liv, cêr txov đros chuôz zis, thành đoanx Sơn La tưz paz chuôz zis 35 tsov đeiv, 40 hnuz côngz lox tôngv uô tsêr thiêz cxiv tsa têx côngz trênhx txơưr đuô. Luz tsêr cấp IV vor kuôr hlâu, luôv xi măng, puô vuôk đu lus, khor truôx tưz tâu choz trâu pos chuôz zis nhiv kruôr đhâu tưz paz pos Hiên chuôz zis truôx tuk luz nênhx, tso siêz huôv tsar uô nox uô hnar chiê hla đhâu cêr pluôs. Pos Lường Thị Hiên shir phaz heik:

“Tâu đoanx hluôk nênhs paz uô tsêr nhoz, cur chuôz zis jông siêz hênhr. Nhiv no zuôr sir jos khưr uô nox chiê têx tuz nhuôs tâu muk cơưv ntâuz ntơưr thiêz zuôr yuôx kho moz trâu tus txir”.

Ntơưv jok Kết Hay, xã Phiêng Pằn, huyện Mai Sơn, tix lâus Lò Văn Pín lok six jông siêz thiêz shir phaz hênhr thâuv tâu paz 60 tsov đeiv chiê cxiv uô vax tsêr nhoz. Tix lâus chuôz zis zos iz chuôz zis txov nhêv, thâuv ntêx, tix lâus đros pox niêv, mê nhuôv uô nênhx nhoz hâur luz tsêr đaz tuôs, tsi truôx khor. Têx cêr paz heik sâuv tsi tiêk paz lok chuôz zênhx, luz nênhx, tsênhv zos nhiêx txiêx, zos cêr cxơưz jos chiê chuôz zis hla đhâu phiv liv, cêr txov, lar heik zos thâuv đoanx hluôk nênhs hâur jok, hâur xã paz hnuz côngz đas jos chiê uô tâu vax tsêr nhoz. Tix lâus Pín heik:

“Cur chuôz zis txix thâuv ntêx txos nhiv no lok six txov nhêv cơưk, tsi muôx vax tsêr truôx khor nhoz. Tâu Đảng, têz qơưk moz siêz txos, paz uô tsêr nhoz, cur uô tsâus lok six ntâu. Chuôz zis shir phaz hênhr”.

Trơưk li niêv lâul Cầm Huyền Trang, Bí Thư tỉnh đoanx Sơn La, uô jông hluôk nênhs cêr uô ntêx nyuôs hâur cxuô luôs hâux lưv, paz uô tsêr nhoz trâu têx chuôz zis pluôs, chuôz zis txov nhêv hâur thax tsav, Tỉnh đoanx Sơn La tưz bax hux jos đros cxuô cơ quan, taz viv cik txos chiê qênhz shuôs chor chuôz zis txov nhêv trơưk cui tinhv; tsi so fuô uô cê ntâu hâux lưv paz uô tsêr nhoz trâu têx chuôz zis li heik sâuv thôngz đhâu đoanx têx phôngz yaox, tsaz yênhx lox li: Cheix ntux no, ntux yiêz uô têx hâux lưv jông siêz, luz 3 hlik uô têx hâux lưv jông paz chor chuôz zis txov nhêv nhoz ntus đriv.... Chênhr viv li, txix ciês hâur shôngk shông txos nhiv no, cxuô cấp bộ đoanx tưz cxiv uô yiêz thiêz paz kho đuô zuôr xar 100 luz tsêr, đros thiêz 700 hnuz côngz, xav hur si tas muôx 3 tyv đeiv ntâu nhiêx:

“Nhiv no pêz tsênhv tror uô đreiv têx luôs hâux lưv heik sâuv, yênhx lix yiêz têx paz hluôk nênhs uô hâux lưv jông siêz chiê paz lês uô têx hâux lưv qênhz yuôx chor chuôz zis zuôr trâus tâu paz, cux li sik đros paz hnuz côngz lox tôngv, njêik yêv têx đra, chuôz zênhx, khơưz kuô tsêr....chiê cxiv uô tsêr nhoz trâu têx chuôz zis pluôs, chuôz zis txov nhêv”.

Txix têx luôs hâux lưv uô siz paz, txos trâu tsôngv box thax tsav tox siêz đêz đrôngs cêr shir phaz, jông siêz, hluôk nênhs Sơn La tưz thiêz tsênhv uô tâu jông têx hâux lưv ntêx nyuôs hâur cxuô cêr nuv, paz sik pheiz kênh phiv liv, cêr txov đros pêx xênhv, lar heik zos ntơưv thax tsav txov nhêv, tox siêz đêz đrôngs./.

Trấn Long-Riê Lâux cxeik, nhênhv   

Yên Bái tsik chiê muôx yưv têx phiv liv txos hâux lưv uô thâuv kho đuô, ntov jông bôv mêir

Ntơưv Ủy ban phường Yên Thịnh, thành phố Yên Bái, chor canr bôv, công chức txơưv xar ntâu txos hâux lưv kho đuô, ntov jông tsưr tsix, taz sik tsik zos li mak chiê muôx yưv phiv liv txos têx hâux lưv uô. Hâu nov thiêz công chức phường cux sir jos uô tâu truôx jông têx hâux lưv. Niêv tix Nguyễn Thị Hồng Nga nhoz tôv 8, phường Yên Thịnh, thành phố Yên Bái puz pâuz:

“Cur muk hêik Ủy ban phường cov paz đơưk tu siz txênhz ar mak cur pov hâu nov phường đros chor ban, nganhx tưz uô jông hêik kriê trâu pêz chiê cur kror hâux lưv tâu uô tiêr thiêz đơưk tu cov tâu nzor tiv zix”.

Ntơưv xar Chấn Thịnh, huyện Văn Chấn têx hnuz no, hâu nov xar puôr lênhx tuôx dưv jêx jok chor jiês cơưv, nriêr pâuz ciês qênhx shênhx, chox kriê kriz uô 18 luz tsêr trâu chor chuôz zis pluôs thiêz zuôr xar pluôs, sir jos txos tas hli 6 tsuv uô cov tiêr.

Pos Phạm Thị Là nhoz jok Ao Lay, xar Chấn Thịnh, huyện Văn Chấn puz pâuz:

“Têz qơưk sir jos paz trâu pêx xênhv, pêz lok six shir phaz, xar thiêz chor nênhs sêiz car jêx jok cux tuôx nriêr pâuz chor ziv chuôz zis txov nhêv chiê paz trâu lơưr”.

Zơưv Hà Đình Kiên, Chủ tịch Ủy ban xar Chấn Thịnh, huyện Văn chấn puz pâuz, tiv iz cxiê ziv chuôz zis pluôs tsik muôx nênhs uô lox tôngv, xar tưz txo canr bôv sik côngv đros jêx jok bax têx chuôz lov, chuôz tav, njuôk xav, huiz tôngv pênhr jos chiê paz trâu chor ziv chuôz zis no uô cov sêi cxiv tsa tsêr nhoz, hlôngr trâu chor tsêr đaz tuôs lav nhoz thâuv ntêx:

“Ban chox kriê tưz tso chor nênhs hâur Ban đros jêx jok thiêz cxiv luôs chinhr triv đros uô, côngv đros chor cưr tix nênhs tsa sơưr đơưk chiê tsêx trung uô tsêr”.

Chor canr bôv, công chức zos chor nênhs tsuv chiê so hâux lưv lơưr qênhx shênhx kho đuô, ntov jông bôv mêir cux sir jos uô jông têx jênhv vưv, txơưx jênhv tâu choz đros siêz xar phưx vưv cov tâu jông tiv zix paz trâu pêx xênhv. Zơưv Đỗ Chí Thành, Chủ tịch Ủy ban xar Bình Thuận, huyện Văn Chấn hêik pâuz:

“Tsưr ziv kho đuô, ntov jông zos iz tsưr ziv lox, tâu kriz uô txix Trung ương txos thax tsav qơư, paz jông trâu mênhx cxưx li ntu hlôngr yiêz thiêz huôv tsar. Ủy ban xar cux tưz hêik tas nro chor canr bôv, công chức truôx siêz uô hâux lưv, oz zos sir jos uô jông têx hâux lưv tâu choz thiêz txos nhiv no têx chủ trương, đề anr puôr lênhx tâu uô jông, huv tsưr ziv tso tơưv”.

Đros txơưx jênhv chinhr triv siêz tiv zix, cxuô cấp ủy, chinhr quyền nhoz tỉnh Yên Bái tsênhv kriz uô jông cxuô luôs hâux lưv, sir jos uô cov tiêr tâu jông têx hâux lưv tâu choz, paz trâu chor cơ quan, tsưr tsix kriz uô tâu jông tsik so cxuô kror hâux lưv, tsik chiê muôx yưv têx phiv liv txos chinhr quyền, pêx xênhv thiêz doanh nghiệp li têx huôx tôngv./.

Tuấn Xuân-Lik Thox cxêik nhênhv