Têx ziv chuôz zis pluôk nhoz ntus đriv Lai Châu li cêr shir phaz hâur têx luz tsêr yiêz

          Hâur luz tsêr yiêz nhiv kruôr cxiv uô tiêr, pos Tẩn U Mẩy, 60 shông, mênhx cxưx Cho, nhoz jos Phăng Sô Lin, xã Phăng Sô Lin, huyện Sìn Hồ (Lai Châu) lok six jông siêz. Pos oz niêv tuz tsi tâu muôx jiês tưs car xar zuôr muôx tâu iz hnuz tâu nhoz hâur luz tsêr yiêz jông li no. Pos puz pâuz, pos zuôr txir thâuv tsênhv lok six hluôk. Tul nhuôv hloz tâu xênhz zus lok tsi jông li têx mê nhuôk txơưr, xênhz tsi tâu hor ntâu pos tul txir ho tuôs. Txix thâuv co pos oz niêv tuz nhoz uô nênhx tsuôk khov txos uô liêx têz, nhoz hâur luz tsêr grênhz tưz trâus puôk tsuôx ntâu...Jê ntơưv no, pos chuôz zis tâu paz 40 tsov đeiv txix tsaz yênhx têz qơưk li qơư tsov txos lok txu grês cêr pluôk truôx vênhs chiê uô tsêr nhoz; côngv đros pox nhuôk hâur jos paz hnuz côngz, viv li luz tsêr yiêz tâu cxiv uô tiêr:

          “Chuôz zis nhoz hâur luz tsêr lav uô ntêr lok no, nhiv no tâu cán bộ tsov cưv uô luz tsêr nhoz jông đuô, luz nênhx truôx tul đuô, uô tsâus ntâu txos cán bộ. Kinh têr chuôz zis tsênhv txov nhêv, nhiv no chos mê njik poz cưk cux txâuk nox lơưv. Cur niêv cur txir cux tsi muôx tul tsi puz viv li tsuôk uô têz thiêz oz niêv tuz nhiv no luz nênhx cux tsi khưr li thâuv ntêx thiêz”

          Cux xưk li pos Mẩy chuôz zis, đhâu zuôr xar 10 shông cxiv tsa chuôz thênhx, jiês xuz thơưx 4 lênhx nênhs hâur tix lâuk Zax A Sở chuôz zis nhoz jos Nà Kế 1, xã Hồng Thu tâu nhoz hâur luz tsêr yiêz jông. Luz tsêr đar 70 yiv ndis, tâu uô txix phênhv paz txưv 50 tsov đeiv txix Tsaz yênhx têz qơưk cxuô tsêr lav uô, tsêr xơư nas thiêz nhiêx txiêx tix lâuk oz niêv txir txeik cxaz cưr tix nênhx tsa, tưz paz tix lâuk muôx cxaz đas jos chiê ngaz tul luz nênhx:

          “Thâuv ntêx cur chuôz zis sir jos uô tâu luz tsêr mê chiê nhoz. Nhiv no tâu têz qơư paz iz phênhv, chuôz zis uô tâu luz tsêr đar đuô chiê nhoz, lok six jông siêz, oz niêv txir nhiv no tsuôk zuôr cxơưx uô nox thiêz txơưv tâu”.

          Lơưr thôngz sâu txix chính quyênx huyện Sìn Hồ, shông 2025, tiv phaz tsênhv yuôr zuôr xar 1 cxênhz 800 ziv chuôz zis nhoz uô nênhx hâur têx luz tsêr lav uô, tsêr xơư nas; hâur co muôx zuôr xar 1 cxênhz 200 ziv zuôr trâus cxiv uô đuô tsêr yiêz tsuv tâu paz 60 tsov đeiv iz ziv, zuôr xar 600 ziv chuôz zis muôx zoz qơưx kho đuô tsêr nhoz, đros phênhv paz 30 tsov đeiv iz ziv.

          Zơưv Bùi Văn Tuấn, Phưv bí thư Thường trực Huyện ủy Sìn Hồ, tỉnh Lai Châu puz pâuz, chiê nzor uô tiêr tsưr ziv cxuôv tsêr lav uô, tsêr xơư nas trâu ziv chuôz zis pluôk sâuv thax tsav, đrâuv chor nhiêx txiêx têz qơưk paz lơưr cui tênhv, huyện cux muôz nhiêx txiêx thiêz hu lơưs têx tsưr tsix, lênhx nênhs siêz jông sik côngv tês poaz chiê tsôngv box pluôk muôx tsêr nhoz truôx jông đuô.

          “Huyện zuôr sir jos chêx chôngk têx phênhv pênhr chiê cxuôv por tsês tsêr lav uô, tsêr xơư nas. Qir thơưx têx tuêv seiz car li Ban chox kriê cux sik côngv đros cấp ủy, chính quyênx têx tiv phaz, têx phongx, ban muôx txơưx jênhv huyện qir jos uô hâur hli 1, hli 2 thiêz nhiv no cux tưz muôx chêx cuk. HUyện tưz chêx chôngk têx pênhr jos cux xưk li thix ziv đros tỉnh chiê muôx tsưr ziv tsênhz mênhx uô lơưr yênhx luz hluk, yênhx quý...”

          Têx luz tsêr yiêz jông, truôx khor zos ntâu ziv chuôz zis tsôngv box pluôk, chuôz zis zuôr xar pluôk li têx siêz xar njôngr jux jus tâu uô tiêr, tso pov Đảng, têz qơưk li tsov cưv thiêz tsôngv box tox siêz Lai Châu li têx sir jos hâur luz nênhx chiê hla đhâu cêr pluôk./.

(Khắc Kiên-Txâur Vax cxeik nhênhv)