Điện Biên sir jos hlôngr yiêz sôr, txos trâu huôv tsar tâu truôx jông

Zơưv Vũ Anh Dũng, Giám đốc Sở Khoa học thiêz Công nghệ tỉnh Điện Biên puz pâuz, kriz uô Đề anr hlôngr yiêz sôr ntu 2021-2025, tsưr ziv uô txos shông 2030, Ủy ban tỉnh tưz muôz lo sir zôngv chor camera sêiz kaz sâuv thax tsav tas nro tỉnh. No zos tsưr ziv kriz uô jông, paz gra siêz cxuô kror hâur chinhr quyền cxuô cấp li hâux lưv sêiz car nhoz ntâu kror hâux lưv, txix ngaz tuk, zoz thôngz txos huôv tsar kinh têr-xar hôiv:

“Hâux lưv muôz chor camera sêiz kaz lok sir zôngv tưz tsik zos paz trâu chor cơ quan têz qơưk uô tâu jông côngz xưv sêiz car phưx vưv trâu côngz xưv tsav txênhz, phax tar chor nênhs fêv, paz tuôr truôx ngaz tuk mak tsênhv paz uô trâu chor nênhs tsar yêz uô jông lơưr ngaz tuk zoz thôngz, chor đuôz cxêik tâu txix chor camera tâu tsês chiê, xưv lik paz uô jông đuô hâux lưv sêiz car nhoz ntâu kror li ngaz tuk, zoz thôngz txos trâu chor huôx tôngv kinh têr xar hôiv”.

Kriz uô lơưr Chinhr phuv li Đề anr 06 lok huôv tsar dữ liệu pêx xênhv, định danh thiêz xav jênhv đhâu điện tử tưz paz uô tâu jông ntâu kror đuô. Txos nhiv no, Điện Biên tưz uô tiêr 100% hâux lưv lok dữ liệu pêx xênhv, nhoz hâur chor 19 taz viv xuz thơưx hâur tas nro têz qơưk uô tiêr luôs hâux lưv uô ntơưr căn cước công dân uô ntêx tsưr ziv tso tơưv 64 hnuz. Đuô li, tỉnh cux zos iz hâur 29 thax tsav qơư xuz thơưx ciês uô tiêr 100% tsưr ziv txêik jênhv thiêz kriz uô tài khoản định danh điện tử, nzor đuô tsưr ziv tso tơưv 89 hnuz. Thượng tá Chu Mạnh Cường, Phưv Trưởng phòng Cảnh sát Sêiz car hành chính lok Ngaz tuk xar hôiv, Công an tỉnh Điện Biên puz pâuz, chiê uô tâu li hêik tas sâur, công an tsuv uô hâux lưv yênhx hnuz hmo, chiê uô tau sâu jênhv thiêz cập nhật têx dữ liệu:

“Pêz xav jênhv uô cov tas têx hâux lưv tsik muôx six hơưv so. Muôx têx ntu chor công an ntơưv thax tsav qơư, chor nênhs uô ntơưr căn cước tsuv uô hâux lưv yênhx hnuz hmo chiê uô cov tâu jông luôs hâux lưv Bôv Công an choz, oz zos uô cov tâu cxix cxuô chor căn cước công dân chiê paz trâu pêx xênhv uô tâu jông lơưr têx qênhx liv”.

Zơưv Lý Thanh Tiềm, Bí thư Huyện ủy Nậm Pồ puz pâuz, chinhr quyền huyện xav jênhv tsưr ziv cxiv tsa chinhr quyền sôr, hlôngr yiêz côngz xưv lênhx tov, chox kriê thiêz sêiz car. Nhiv no, cxiv luôs sêiz car ntâuz ntơưr thiêz choz zok trực tuyến tưz tâu kriz uô txix cấp huyện txos cấp xar. 100% chor cơ quan, taz viv thiêz ủy ban xar sir zôngv chữ cir sôr, hok 100% têx ntâuz ntơưr hành chinhs txâuk chiê uô txix dịch vuv công trực tuyến nhoz thênhv 3 thiêz 4:

“Ủy ban huyện, ủy ban xar chor jiês cơưv thiêz Ủy ban huyện li lênhx tov sêiz car puôr lênhx tâu uô têx ntâuz ntơưr sôr thiêz tsik kriz cơưv txix ntâuz ntơưr thiêz pêz tưz chuôz cxaz uô chor jênhv vưv đơưk kho, uô têx ntâuz ntơưr hành chính sâuv tênhv qơư sôr thiêz zuôr txos no zuôr kriz uô trực tuyến têx ntâuz ntơưr hành chính sâuv tênhv qơư sôr”.

Zơưv Nguyễn Hoàng Hiệp, Phưv Giám đốc Sở Vênhx huôv, Thể thao thiêz Du lịch tỉnh Điện Biên hêik pâuz, nhiv no taz viv tưz kriz uô “Cổng thôngz mông du lịch txơưx njê”, chiê tsôngv kruô nriêr pâuz têx xor mông lok têx qơư xar muk ndis sêiz, zuôr ntơưr ndis sêiz, tsêr kruô nhoz so, nox hâuk tâu zôngx ziv đuô. Chor di tích cux tsênhv jux juk tâu uô lơưr sôr hóa chiê tsôngv kruô zôngx ziv nriêr pâuz lok têx qơưk xar muk ndis sêiz. Ntơưv têx qơưk di tích lịch sử, đros muôx têx bảng mã QR tưz tâu kriz uô, pêx xênhv thiêz kruô du lịch tuôx ndis sêiz zuôr sir zôngv tâu điện thoại kriz sêiz đhâu mã QR, chiê paz nriêr pâuz nzir lok zuk li têx huôx tôngv du lịch:

“Hâur ntu đhâu, uô lơưr Trung ương thiêz tỉnh Điện Biên li ntâu chủ trương lok hlôngr yiêz sôr hâur hâux lưv du lịch, nhiv no nganhx vênhx huôv thể thao thiêz du lịch tsênhv kriz uô ntâu tsaz yênhx tsưr ziv hlôngr yiêz sôr trâu hâux lưv du lịch. Nhiv no pêz tsênhv muôx oz dưv anr, iz zos dưv anr lok cxiv luôs sêiz car chor qơư di tích, cxuô kror hâur bảo tàng. Oz zos sir jos hlôngr yiêz jông đuô cxuô qơư hâur bảo tàng ntâuk zênhx Điện Biên Phủ. Đros co zos sir jos uô têx huôx tôngv piêr kriê du lịch sâuv chor nền tảng sôr thiêz vav tiêk tas nro chor cơ quan, ban, nganhx, đoanx thêv, tiv zix zos cxênhx hluôk zuôr gôngr côngv ntâu đuô trâu tỉnh li hâux lưv piêr pâuz lok du lịch”.

Nhiv no 100% cơ quan têz qơưk sâuv thax tsav tỉnh Điện Biên tưz kriz uô xa, txêik jênhv têx ntâuz ntơưr đhâu điện tử muôx chữ cir sôr, tax tâu muôx 98%. 75% ntâu têx ntâuz ntơưr hành chính tâu uô đhâu trực tuyến, paz cxênhx txuôs six hơưv thiêz nhiêx txiêx trâu pêx xênhv thiêz doanh nghiệp. Tas nro tỉnh muôx 35 doanh nghiệp huôx tôngv hâur hâux lưv công nghệ thôngz xor mông, điện tử-viễn thông, hâur co muôx 11 doanh nghiệp huôv tsar nền tảng sôr, paz tâu truôx jông trâu ntu hlôngr yiêz sôr hâur thax tsav kinh têr tư nhân./.

Vũ Lợi-Lik Thox cxêik nhênhv

Bác sĩ Nguyễn Mạnh Chiến- Lênhx cưk yuôx sir tas đas jos, tsưr ziv chơưv kho moz gênhk

          Hnuz tưs bác sĩ chuyên khoa II Nguyễn Mạnh Chiến, tsar khoa Ngoại- tsêr kho moz đa khoa tỉnh Yên Bái cux qir uô hâux lưv txix đros têx bác sĩ txơưr muk seiz nus nênhs moz tsênhv kho moz  ntơưv khoa, đhâu co seiz njuôs moz chiê muôx tsưr ziv kho moz jông tiv zix trâu nênhs moz, tiv zix zos têx lênhx nênhs muôx moz hnhar. Bác sĩ Chiến pheiz kênh:

          “Zos iz lênhx tsar khoa cux zos iz hâur têx cán bộ muôx hnuz nhôngs tiv zix hâur khoa, cur yax six zos lênhx nênhs uô ntêx nyuôk sir jos sik côngv têx lênhx nênhs txơưr hâur khoa. Tiv zix, zos yax six đros lơưr seiz njuôs, nhênhz chơưv, seiz shuôk têx lênhx nênhs trâus moz hnhar taz por nênhs moz tâu kho jông moz sei”.

          Yuôr siêz nhiêv đros thiêz khoa ngoại, hâur ntu uô côngz xưv, bác sĩ Nguyễn Mạnh Chiến thâuv tưs cux sir jos cơưv shâuv thiêz chuv tôngv nhênhz chơưv têx tsưr ziv yiêz, kỹ thuật yiêz hâur kho moz, tiv zix zos fuô moz tsơưs uô nênhs moz trâus moz tiv zix thiêz jông moz sei. Hâur 1 cxênhz 500 jiês fuô moz hâur shông 2024, muôx 1 cxênhz ntâu jiês zos fuô nội soi thiêz 30% ntâu zôngv kỹ thuật yiêz uô li: txiêr siêz, trâuv, txiêr moz plaz...Bác sĩ Nguyễn Mạnh Chiến puz pâuz:

          “Thâuv ntêx zos fuô moz zâu pir li fuô tsiz, fuô ntêr xar muôx iz ntok, nhiv no pêz fuô nội soi; lok sik fuô tuô poz jêz ciês hâur tsiz, fuô kho moz plaz hnhur...thâuv ntêx puôr lênhx fuô lox, nhiv no fuô nội soi mak nênhs moz cux tsi zuôr nhoz tsêr kho moz ntêr thiêz”

          Đrâuv têx kỹ thuật yiêz, bác sĩ Chiến đros chor y bác sĩ hâur khoa tưz hlôngr yiêz tsưr ziv tsoz phưz nênhs moz đhâu thâuv fuô moz, paz nênhs moz jông moz sei li: tsuôk cxax 1 côngz yuôx kháng sinh, hlôngr trâu 5 txos 7 hnuz li thâuv ntêx; tsi zuôr krưr kror cxaz đhâu thâuv fuô moz đhâu 24 txos 48 six hơưv, tâu nox hâuk nzor đuô...

          Niêv lâuk Bùi Thị Thúy nhoz xã Thanh Lương, thị xã Nghĩa Lộ (Yên Bái) tsênhv tsoz phưz lênhx nênhs hâur chuôz zis kho moz ntơưv khoa ngoại tsêr kho moz đa khoa tỉnh Yên Bái pheiz kênh:

          “ Cur niêv tuôx no fuô moz jiês xuz thơưx. Six hơưv cur niêv nhoz no kho moz cur pov têx bác sĩ, điều dưỡng lok six jông siêz, tso tơưv tsưr ziv kho moz jông tiv zix trâu nênhs moz. Nhiv no cur lok six tso siêz, cur niêv tưz jông moz ntâu. Hlôngr njêx muôk trâu cur chuôz zis uô tsâus ntâu txos tas nro têx bác sĩ heik cxuô thiêz bác sĩ hâur khoa heik taz”.

          Tsêr kho moz đa khoa tỉnh Yên Bái zos tsêr kho moz hov 1, đros muôx 750 txax trâu nênhs moz. Khov tâu yưv pênhr bax chuôz zênhx cxuô zav txix Trung ương thiêz tỉnh, đros tas nro têx y bác sĩ li sir jos, nhiv no tsêr kho moz tưz uô tâu 13 cxênhz 600 kỹ thuật, hâur co muôx 257 kỹ thuật hla đhâu tuyến. Ntâu kỹ thuật yiêz tưz tâu tsêr kho moz uô jông li: fuô xâur nyar, fuô moz chax kâuv, chơưv kho moz cxuô zav... txix co nênhs moz tsuv xa muk tsêr kho moz lox đuô txu grês txix 4% ntâu shông 2018 grês yuôr 2% ntâu lok shông 2024.

          Lơưr bác sĩ Trịnh Thị Thu Hoài, Phưv giám đốc tsêr kho moz, chêx cuk co muôx tâu zos khov ntâu txos têx y bác sĩ khoa ngoại; hâur co muôx bác sĩ Nguyễn Mạnh Chiến.

          “ Bác sĩ Nguyễn Mạnh Chiến zos iz lênhx bác sĩ muôx chuyên môn txơưx, muôx ntâu chênhz zênhv, tưz zôngv ntâu kỹ thuật yiêz lok kho moz hâur tsêr kho moz tỉnh...Đros têx hlôngr yiêz li co tưz jênhv tâu nênhs moz li siêz njênhs, thôngx cxix gôngr phênhv lok six lox lok cxiv tsa iz tsêr kho moz zôngv kỹ thuật yiêz lok chơưv kho moz”.

          Đros 30 shông ntâu uô hâux lưv, hâur co muôx 20 shông ntâu uô hâux lưv hâur khoa ngoại, bác sĩ Nguyễn Mạnh Chiến tưz tax tâu ntâu yênhx tix muôx tsiv grê tâu khơưk kruôk. Đros bác sĩ Chiến, phênhv huv muôx tsiv grê tiv zix zos pov nênhs moz jông moz thiêz tâu muk tsêr, tsi muôx yưv luôk hâux lưv tsi jông tưs thâuv seiz njuôs thiêz kho moz trâu nênhs moz, tâu nênhs moz njênhs njôngr txos./.

(Trịnh Xuân-Txâur Vax cxeik nhênhv)