Lào Cai sir jos hlôngr yiêz sôr hâur sâu zuôr muôs têx kôngz nuv

Nriêr pâuz, uô yiêz jông đuô website, sir zôngv tas nro cxuô zav sâuv mạng chiê piêr pâuz lok têx hax huv txix têx tsưr ziv uô yiêz no tưz zos yênhx tix lâus Nguyễn Tiến Mạnh Giám đốc Hợp tác xã kôngz nuv Mạnh Hương, xar Gia Phú, huyện Bảo Thắng, tỉnh Lào Cai li luôs hâux lưv uô hâur yênhx hnuz. Khov co, Hợp tác xã têx hax huv chênhr li txir pok lưk hmaz, hmôngr kriêr đax tưz tsik zos tsuv khov tas nro trâu chor jiês piêr pâuz, têx jiês kriz ciêz li ntu đrav ntêx lơưv lok cux muôx nênhs pâuz txos, tiv zix zos hâur ntu muôx caz moz huôv xênhz phiv liv:

“Chor kruô pâuz tâu muôx chôngz đuô thiêz têx hax huv tâu muôs muk đêz đuô viv sâuv mạng internet mak tex jâuv pêz cux tsik siz pâuz, taz sik cux txuôk đros tâu chôngz lênhx fôngx zưs zuôr muôs têx hax huv”.

Zos iz hâur 4 thax tsav qơư xuz thơưx ciês hâur têz qơưk cxiv tsa phần mềm nriêr pâuz têx kôngz nuv txix shông 2017, txos nhiv no Lào Cai tưz muôx zuôr xar 30 kror hax huv tâu cungz mã QR Code. Tsênhv tsênhz puz pov, têx hax huv ngaz tuk, tsơưr lươngv li tsav txênhz đros trâu doanh nghiệp, hợp tác xã li côngz bê tưz tâu gra siêz đuô; thôngx cxix, tsôngv kruô cux tâu sơưv liv ntâu đuô txix hâux lưv no. Tix lâus Nguyễn Thành Trung, Giám đốc Hợp tác xã Sun Gold Lào Cai puz pâuz:

“Pêz uô tso ciês trâu sâuv ntơưr lo chiv têx hax huv thiêz đăngk cir mã mak tsôngv kruô tsuôk zos muôx mêir điện thoại xưz cux zuôr nriêr pâuz tâu têx hax huv co tâu uô kror tưs, uô tâu trâu hnuz tưs thiêz puôk zos têx hax huv jông”.

Hâur shông 2021, thâuv ciêz đrôngs njiz ntâu phiv liv, đros kriz têx qơư paz trâu piêr pâuz muôs têx hax huv; chor nganhx muôx vax huôv tỉnh Lào Cai cux sir jos paz trâu têx doanh nghiệp, hợp tác xã, chuôz zis kinh doanh nriêr tsưr ziv kinh doanh online. Kror xuz thơưx zos paz trâu chor txir khơưz đuz huyện Bắc Hà tâu piêr pâuz thiêz muôs trâu sâuv bưu điện li cxiv luôs Postmat, txos nhiv no tưz muôx 30 kror hax huv tâu muôs trâu sâuv sàn thương mại no.

Lơưr Ủy ban tỉnh Lào Cai li tsưr ziv tưz tso tơưv, shông 2022, 2 hâur lok six ntâu tsưr ziv uô kinh têr sôr zov chênhr zos sir jos cov 100% hax huv OCOP zuôr tâu muôs trâu sâuv têx sàn thương mại điện tử. Hâur co, 50% tsưr têx hax huv co tâu kriz qơư muôs sôr thiêz muôx tài khoản thêv nhiêx, sâu nhiêx điện tử. Zơưv Hà Đức Bình, Giám đốc Tsênhv qơư khuyến công thiêz paz thơưz thương mại tỉnh Lào Cai hêik:

“Uô truôx jông hâux lưv piêr pâuz têx hax huv, qơư uô, doanh nghiệp trâu sâuv tỉnh li sàn thương mại điện tử cux li txuôk đros chor sàn thương mại điện tử sâuv tas nro têz qơưk chiê chor doanh nghiệp cxaz chuôz, paz trâu chor doanh nghiệp chiê muôz têx hax huv muôs trâu sâuv chor sàn co. Sir jos cov muôs tâu Lào Cai têx hax huv muk trâu Châu Âu, Châu Mỹ”.

Txơưv li ntơư, tsênhv tsênhz zok nriêr sâuv chor website cux li têx sàn thương mại điện tử, Lào Cai chor hax huv cux tsênhv muôx tsơưs; ntâu zav hax huv sâu ntơưr lo chiv tsênhv tsik tâu jông thiêz tsênhz mênhx; xor mông nriêr pâuz lok hax huv cux tsênhv tsik tâu cxix cxuô thiêz jông…Phênhv ntâu têx hax huv cux tsuôk tâu muôs lơưr cxôngx nzor lok sik piêr pâuz đhâu hâur mạng xar hôiv…/.

(An Kiên-Lik Thox cxêik nhênhv)

Tây Bắc bax jông cxuô zav chiê cxax yuôx vắc xin phax moz trâu mê nhuôs 5-11 không

Tỉnh Điện Biên tâu muôz 12 cxênhz 200 côngz yuôx vắc xin phax tar moz Covid-19 Modena, chiê cxax uô ntêx trâu chor mê nhuôs muôx 11 shông (tsênhv cơưv lớp 6). Ciês thâuv muôx Bộ y tế li tsưr ziv lok krêz uô jiês cxax yuôx vắc xin phax moz Covid-19 trâu mê nhuôs txix 5-11 shông, nganhx y tế tỉnh Điện Biên tưz cxiv sâu tsưr ziv uô uô cê ntâu njiêz luv lok kriê cxaz tsưr ziv, txux chi, taz por cxax yuôx, bax lênhx nênhs, chuôz zênhx, thôngz xor mông...Thôngx cxix tsưr tsix seiz car, qênhz yuôx, sâu bê chor mê nhuôs txix 5-11 shông ntơưv têx tiv phaz. Txos nhiv no tưz cxiv sâu tâu bê têx mê nhuôs txix 5-11 shông muôx 101 cxênhz 300 lênhx chiê cxax yuôx vắc xin thiêz njuôs xav zoz qơưx yuôx vắc xin xa trâu Bộ y tế.

          Tas nro tỉnh Sơn La nhiv no muôx 185 cxênhz lênhx mê nhuôs txix 5 txos 12 shông txâuk shông chiê cxax yuôx vắc xin phax moz Covid-19. Tỉnh Sơn La tưz jênhv tâu 14 cxênhz 300 côngz yuôx văc xin Moderna, lơưr tsưr ziv, tỉnh zuôr cxax lơưr hov hnuz nhôngs txu grês jux jus; tsov cưv cxax uô ntêx trâu mê nhuôs tsi tâu txưv 12 shông, 11 shông, 10 shông thiêz txu grês lơưr tsưr ziv tâu cungz yuôx vắc xin thiêz qênhx shênhx moz ntơưv tiv phaz. Tỉnh tsưr tsix cxax yuôx vắc xin phax moz Covid-19 ntơưv tas nro 12 huyện, thành phố, hâur co tsov cưv krêz uô hâux lưv cxax yuôx ntơưv têx tsêr cơưv ntơưr, têx qơư y tế xã; chor mê nhuôs tsi muk cơưv ntơưr, zuôr cxax ntơưv qơư cxax yuôx sâuv thax tsav zos UB têx huyện, TP xeir, taz por hâux lưv cxax yuôx thiêz phax tar moz.

Nhạc cắt

Ntơưv tỉnh Lào Cai, chor mê nhuôs nhoz uô nênhx sâuv thax tsav tỉnh Lào Cai txix txâuk 5 shông txos 11 shông 11 luz hlik 29 hnuz xav txix hnuz xênhz txos hnuz cxax yuôx zuôr tâu cxax hâur hli 4 txos hli 6 shông 2022. Têx tiv phaz hâur tỉnh zuôr krêz uô hâux lưv cxax lơưr tsưr ziv txu grês hov hnuz nhôngs jux jus lơưr qênhx shênhx moz thiêz chor yuôx tâu muôz. Mê nhuôs muk cơưv ntơưr zuôr cxax ntơưv tsêr cơưv; mê nhuôs tsi muk cơưv ntơưr zuôr tâu cxax ntơưv têx qơư y tế, tsêr cơưv lok sik tuêv jênh phố, jêx jos. Đhâu qênhz yuôx tso pov, tas nro mê nhuôs txix 5-11 shông zuôr tâu cxax yuôx phax moz Covid-19 nhoz Lào Cai zos 116 cxênhz lênhx, hâur co 99% ntâu lênhx mê nhuôs tsênhv muk cơưv ntơưr ntơưv têx tsêr cơưv. Nhiv no, Lào Cai cux tưz muôx cuiz tênhv muôz 9 cxênhz 200 côngz yuôx Moderna txix Viện vêv xênhz dịch tễ Trung ương muôz. Lơưr tsưr ziv zuôr cxax uô ntêx trâu mê nhuôs 11 shông (tsênhv cơưv lớp 6). Zơưv Trần Xuân Hùng, Phưv giám đốc Tsênhv qơư seiz car moz tỉnh Lào Cai puz pâuz:

          “Lào Cai tưz cxiv sâu bê têx mê nhuôs lơưr yênhx lớp cơưv, yênhx jêx jos, txix co tsưr tsix têx qơư cxax yuôx cov huv đros, jông chiê têx lênhx uô niêv uô txir chox mê nhuôs tuôx cxax. Đros co, gra siêz tsưr ziv, txux chi, muôx cxuô chuôz zênhx trâu cán bộ y tế hâur hâux lưv tsưr tsix cxax yuôx cux xưk li yưr lir têx hâux lưv muôx yưv đhâu thâuv cxax yuôx tưz tâu bax uô jông; zuôr tsưr tsix cxax yuôx ciês trâu thâuv jênhv tâu yuôx vắc xin”./.

(VOVTB-Txâur Vax cxeik nhênhv)