Têx uô tâu jông hâur huôv tsar doanh nghiệp nhoz Lào Cai

Đhâu 3 shông phax tar moz gênhk, ntâu doanh nghiệp hâur ngênhx zuôr muôs hax huv, uô ntâuz ntơưr muk lol đhâu luôs 2 chas thax tsav thiêz ju lix nhoz Lào Cai tsênhv huôv tsar uô tâu jông.

Txơưv nhiv kruôr uô luôs hâux lưv uô lax luôv paz max dịch vụ zuôr muôs têx kôngz muk lol đhâu têz qơưk, taz sik Công ty muôv muôs CTH Lào Cai tưz uô tâu jông têx hâux lưv heik sâuv. Tix lâus Bùi Mạnh Cường, Giám đốc Công ty muôv muôs CTH Lào Cai heik pâuz: “Pêz yênhx lix doanh nghiệp chiê paz max chor doanh nghiệp uô ntâuz ntơưr muk lol đhâu têz qơưk, taz por muôs tâu têx xiv huv trâu saz Trung Quốc. Pêz vav chiê siêz, Việt Nam thiêz Trung Quốc hâux lưv zuôr muôs hax huv zuôr uô tâu trơưk tsưr ziv xar, paz doanh nghiệp muôx ntâu six hơưv huôv tsar uô nox”.

3 luz hlik hâur shôngk shông txix hli 1-3, Lào Cai muôx 193 doanh nghiệp đas cir yênhx lix yiêz, xav hur si têx pênhr đas cir zos iz cxênhz tyv đeiv ntâu, tsar ndê zuôr xar 29% pir li shông uô ntêx. Muôx 27 dưv anr yưv pênhr hâur têz qơưk, xav hur si pênhr tas xar muôx 7 cxênhz tyv đeiv tâu yưv pênhr trâu hâur Lào Cai. Têx li heik co muôx têx tsênhv zuôr tsar ndê thâuv tỉnh Lào Cai tsưr ziv tưz tâu Thủ tướng Chính phủ thôngx ziv, cir ntơưr. Zơưv Nguyễn Huy Long, Chủ tịch Hiệp hội Doanh nghiệp tỉnh Lào Cai heik: “Txix njuôk hov co, pêz muôx tsưr ziv sir zôngv ar. Txix qơư tsiv uô uô lax luôv, chor doanh nghiệp mê zuôr tâu yênhx lix. Thâuv yưv pênhr muôx qơư, muôx ar zuôr muôx pênhr hâur tỉnh tsưr ziv njuôk hov. Chor doanh nghiệp tsiv uô lax luôv muôx qơư huôv tsar uô nox”.

Xav txos nhiv no, Lào cai muôx zuôr xar 7 cxênhz doanh nghiệp tâu muôz ntơưr côngk nhav yưv pênhr, xav hur si têx pênhr dadss cir tas muôx 91 cxênhz ntâu tyv đeiv. Nhiv no, zuôr xar 4 cxênhz doanh nghiệp tsênhv uô đreiv têx luôs hâux lưv. Tỉnh sir jos cov iz shông yênhx lix yiêz 800 doanh nghiệp, hâur co chor doanh nghiệp uô tâu hâux lưv tsav 60%. Zơưv Trịnh Xuân Trường, Chủ tịch Ủy ban tỉnh Lào Cai heik: “Pêz sir jos cxiv tsa têx lênhx doanh nhân muôx txux chi, tsưr ziv, cê paz jông trâu doanh nghiệp, trâu tỉnh; txix ntơư muôz pênhr jos, krêz uô têx muôx jông thôngz đhâu kinh tế trôngx đriv, công nghiệp, ju lix”.

Đros têx tsênhv chei hu zâuv, tỉnh Lào Cai cux sir jos đros đơưk têx phiv liv trâu doanh nghiệp tưz yưv pênhr trâu hâur thax tsav, lar heik zos lok sâuv zuôr ar luôv plas, tênhx qơư, têx chuôz zênhx phưx vưv tsiv uô công nghiệp. Tiv zix zos têx chei hu zâuv chor dưv anr lox chiê nthuôr đar, uô tâu jông Lào Cai li pưs txux, qơư sơưr hâur muôv muôs thiêz sik đros luôs 2 chas thax tsav sâuv ntiêx têz huôv tsar uô nox./.

                 CTV Trung Kiên-Xuân Anh-Riê Lâux cxeik, nhênhv

Pox niêv tox siêz Yên Bái sir jos huôv tsar cêr uô nox

Ndaz ndơưv niêv pas đêx Thác Bà, niêv lâuk Đồng Thị Hiền nhoz thị trấn Yên Bình, huyện Yên Bình, tỉnh Yên Bái tưz sơưr yênhx lix HTX tsiv uô xiv huv kôngz nuv Tây Bắc Hiền Vinh, muôs têx zav njês uô kruôr li njês rô, mương, chày, njês rúi nto bê...

          Chiê tuôv zênhv zoz qơưx sir zôngv cux xưk li muôz hâux lưv uô yax six trâu lênhx nênhs hâur HTX, niêv lâuk Hiền tưz truôx siêz yưv pênhr cxix luôk dây chuyền tsiv uô yiêz muôx qơư kra kruôr, meir kưr xiv huv, tuv por coar zav nox...Têx xiv huv zos HTX tsiv uô thâuv tưs cux kaz jông, tsi muôx tsơưr por coaz, tâu côngz jênhv taz por vêv xênhz zav nox, muôx mã vạch nriêr pâuz hâur pâus qơư tsiv uô thiêz tâu côngz jênhv xiv huv OCOP, viv li tâu chôngz lênhx nênhs njênhs njôngr sir zôngv. Niêv lâuk Hiền pheiz kênh: “Qir thơưx xiv huv njês pas Thác Bà tsi tâu muôx ntâu lênhx nênhs pâuz txos; hâux lưv sâu zuôr xiv huv mak njiz ntâu phêv liv. Đros hâux lưv yax mông lok xiv huv pêz tưz chox tâu têx xiv huv no muk têx qơư muôv muôs zav nox hur thiêz têx qơư muôv muôs hâur thiêz đrâuv tỉnh”.

          Huôv tsar cêr uô nox yênhx côngz đros trâur nuv kinh têr sik côngv, niêv lâuk Lương Thị Liên nhoz jos Hương Lý, xã Đại Đồng, huyện Yên Bình, tỉnh Yên Bái puz pâuz, niêv lâuk tưz jênhv tâu têx cấp hội pox niêv li paz max lox hâur hâux lưv uô têx chính sách paz txưv, txeik pênhr tsov cưv, têx tsa zyênhx kriê cxaz, hlôngr yiêz KHKT...Nhiv no trâur nuv uô nôngz zuz, sik côngv đros tu zus buô zuôr greix, muôv muôs qir zuôv, chuôz zênhx uô kôngz nuv tso lok trâu niêv lâuk phênhv sâu yênhx puôk tsov đeiv iz shông. “Chiê huôv tsar kinh têr tsuv muôx pênhr, cur cux tâu têx cấp, têx nganhx tsov cưv, tiv zix zos hội pox niêv cux tưz paz cur tâu txeik pênhr chiê huôv tsar kinh têr”.

          Chiê paz pox niêv huôv tsar cêr uô nox, têx shôngk đhâu, Hội pox niêv huyện Yên Bình tưz heik cấp ủy, chính quyênx tiv phaz paz pox niêv cxaz chuôz têx lớp kriê cxaz choz KHKT li chos zuz têx zav tsoz chos jôngr nuv, chos thiêz tsoz phưz txir lưs jôngr lơưr ploz tsênhr VietGap...

          Krêz uô muôx chêx cuk Đề án “paz pox niêv huôv tsar cêr uô nox ntu 2017-2025” ntu đhâu, Hội liên hiệp pox niêv tỉnh Yên Bái tưz chox kriê têx cấp hội hâur tỉnh cxơưz tiês côngz xưv yax mông, vênhv tôngv, paz pox niêv huôv tsar cêr uô nox sâuv tiv phaz; cxơưz cxiz pox niêv huôv tsar têx trâur nuv tsêz chos, tu zus, muôv muôs, jix vuv muôv muôs...Thôngx cxix tsov cưv, paz txưv txos pox niêv pluôs, pox niêv tsi muôx txir sir jos huôv tsar kinh têr, huôv tsar kinh têr chuôz zis.

          Chêx cuk zos txos nhiv no, tưz muôx yênhx cxênhz lênhx pox niêv sâuv thax tsav tâu paz txưv thiêz huôv tsar yênhx côngz, paz têx pox niêv nhoz no tso siêz, sir jos huôv tsar uô nox, hla đhâu cêr pluôs, sir jos uô bluô nux./.

Đinh Tuấn-Txâur Vax cxeik nhênhv