Tsêr jông siêz sor siêz nênhs La Hủ

          Thâuv têz qơưk li têx phênhv pênhr paz txưv txix têx chính sách trâu tsôngv box La Hủ niêx shông tsuôk muôx li ntơư, mak shông 2020 thành ủy TP Hồ Chí Minh thiêz Bộ công an, tỉnh Lai Châu tưz muôx Đề án 245 paz txưv ziv chuôz zis txov nhêv lok tsêr nhoz ntơưv huyện Mường Tè, hâur co muôx tsôngv box La Hủ. No cux zos iz hâur têx njiêz luv uô Đề án tuôr tsês thiêz huôv tsar truôx vênhs mênhx cxưx La Hủ nhoz xã Mường Tè, Thu Lũm, Tá Bạ, Pa Ủ, Bum Tở, Pa Vệ Sủ. Ciês thâuv Đề án tâu krêz uô, lưx lươngv pênhz phax đros têx lưx lươngv txơưr ntơưv tiv phaz tưz qir tês uô côngz xưv paz tsôngv box thiêz tsuôk zuôr xar 3 luz hlik, 1 cxênhz ntâu luz tsêr tâu cxiv uô yiêz, kho đuô chiê choz trâu tsôngv box. Niêx shông cán bộ, chiến sĩ pênhz phax txix têx taz viv hâur tỉnh tưz sơưr cêr muk tiv phaz chiê sik côngv đros lưx lươngv têx zênhx pênhz phax krêz uô hâux lưv cxiv uô tsêr nhoz paz tsôngv box.

          Tsi tâu muôx 3 luz hlik, 200 ntâu luz tsêr jông siêz đar txix 35 txos 40 yiv ndis đros 3 ploz tsênhr truôx jông, trơưk tsôngv box La Hủ li siêz xar njôngr tâu cxiv uô tiêr. Txix co, tsôngv box ntơưv têx jêx jos nênhs La Hủ muôx cxaz tsêr nhoz sor si chiê lok, tsi tsuv cxơưx thâuv muôx ntux nas, chuô lox li thâuv ntêx thiêz. Zơưv Phản Phu Lô, kuz Bí thư Đảng ủy xã Pa Ủ, huyện Mường Tè pheiz kênh: "Zênhx pênhz phax tưz đros cấp ủy, chính quyênx uô trâu xã Pa ủ ziv hnuz ziv huôv tsar lok tsưr tsix chinhr trị, vênhx huôv xã hội, huôv tsar kinh têr, por vêv txiv ngaz côx phax thiêz tiv zix zos taz por thax tsav ntus đriv. Cán bộ tưz heik kriê pox nhuôs tu zus, tsêz chos. Nhiv no pox nhuôs tsênhv uô Trung ương, tỉnh, huyện li têx tsaz yênhx, dự án chiê đros tsôngv box cxaz chuôz huôv tsar KTXT. Đrâuv co, Zênhx pênhz phax xã Pa Ủ tưz đros cấp ủy, chính quyênx por vêv truôx, huôv tsar uô đề án mênhx cxưx La Hủ".

          Đhâu ntâu sir jos khưr uô, têx luz tsêr yiêz tưz tâu uô tiêr, choz trâu tsôngv box lok nhoz trơưk li luk bộ đội tưz heik trâu pox nhuôs thâuv muk vênhv tôngv pox nhuôs txar lok nhoz qơư kis. Nhoz hâur luz tsêr yiêz, zơưv Thàng Mý Sè, nhoz jos Mu Chi, xã Pa Ủ jông siêz heik: "Nênhs La Hủ pêz luz nênhx lok six txov nhêv, muôx tsi txâuk nox, phênhv ntâu zos muk khơưz vơưk kok ntông lok nox. Tâu Đảng, têz qơưk tsov cưv, bộ đội pênhz phax tưz vênhv tôngv pêz lok nhoz uô yênhx jêx jos. Nhiv no jos lox jông, muôx tsêr jông nhoz. Bộ đội tuôx paz heik kriê tsưr ziv chos blêx, sâu blêx, tsoz phưz thiêz zuôv qir li chas, paz heik tsênhz mênhx. Viv li nhiv no tsôngv box luz nênhx tâu muôz siêz, jêx jos tsâu sor".

          Têx hâux lưv uô tâu tsênhv tsênhz co tsênhv muôx nhoz huyện ntus đriv Mường Tè, qơư mak ntu đrav ntêx muôx yênhx cxênhz ziv chuôz zis tsôngv box La Hủ nhoz uô nênhx hâur têx luz tsêr fênhz suôz, tsêr zôngv blôngx ntông uô. Nhiv no muôx tsêr jông nhoz lơưv, têx siêz xar njôngr tưz tâu uô tiêr viv li txix nênhs lâuk txos têx mê nhuôs lênhx tưs cux shir phaz. Têx luz tsêr tâu cxiv uô txix têx lênhx tuz lênhv pênhz phax thiêz têx lưx lươngv muôx txơưx jênhv tiv phaz li siêz jông, tưz pheiz kênh phênhv tưs têx phêv liv đros tsôngv box.

          Pos Phản Ly Xơ, nhoz jos Tá Bạ, xã Tá Bạ cux xưk li ntâu lênhx tsôngv box nênhs La Hủ nhoz têx xã ntus đriv Mường Tè lok six shir phaz heik: "Nhiv no mak lok six jông siêz, muôx tâu luz tsêr truôx jông tsi txov nhêv li thâuv ntêx thiêz. Trur tsêr tsi đax mak tsi tsuv muk zok har jôngr li ntu đrav ntêx, tsi trâus yeiz thiêz. Bộ đội pênhz phax heik tiêk muôx tsêr nhoz lơưv tsuv uô lơưr bộ đội zuôr tul buô, tuk nhux lok tu zus, thiêz tsuv chos blêx thiêz".

          Tsôngv box La Hủ nhoz Mường Tè, tỉnh Lai Châu nhiv no lênhx tưs cux puôr lênhx njênhs njôngr bộ đội, chính quyênx li têx luôk hâux lưv uô. Pox nhuôs tsênhv đros chính quyênx sik côngv siêz cxiv tsa luz nênhx ziv hnuz ziv tsâu sor đuô nhoz tiv phaz./.

(Khắc Kiên-Txâur Vax cxeik nhênhv)

Uô bluô nux txix chos txir tuôz ziz thiêz txir lưk jôngr hâur têx ar têz cxaz

          Hâur iz luz hli đhâu lok no, zơưv Nguyễn Trí Vinh chuôz zis nhoz jos Nà Cang, Xã Hát Lót, huyện Mai Sơn, tỉnh Sơn La, tsuôk cêv 1-2 hnuz tưz muôx txir lưk jôngr thiêz txir tuôz ziz muôs trâu tsôngv tuz luôv ciêz đrôngl. Zơưv Nguyễn Trí vinh cux shir phaz lul, shông no txơưv muôx caz moz Covid-19 uô phiv liv, taz sik tâu hâu nov ntơưv qơư đros trâu zơưv Vinh chuôz zis sir tas tsưr ziv đas jos uô thiêz chiv txir lưk jông shông no sâu tâu muôx 12 cxênhz luz, grê nhiêx muôs 10-12 cxênhz iz luz; đuô li txir tuôz ziz sâu tâu muôx 5 tấn, grê muôs 25 cxênhz đêiv nhiêx iz chiêz, zos chưx tas têx nhiêx ntiêr, côngk đas jos uô, zơưv Vinh chuôz zis cux sâu tâu ntâu nhiêx chox lok sir zôngv: “Muôs tâu tus grê truôx tuk, tuz luôv ciêz đrôngl cux nhiêv zuôr cơưs, lơưr tsuôk zos hu xor tôngx tuôx, zuk mav ntiêr yêz thâux xa muk trâu oz chas tỉnh li Bắc Giang, Bắc Ninh, Quảng Ninh, tuôz ziz mak tsuôk zos muôs trâu tỉnh Quảng Ninh”.

          Shông 1976, zơưv Vinh đros nưk chuôz zis yêik txix qơư nhoz Yên Sơn, Hoài Đức, Hà Tây (Nhiv no zos Hà Nội, yêik tuôx muk nhoz trâu jos Nà Cang, thâuv ntơư cux njiz trâus ntâu phiv liv. Txix têx cêr txov nhêv no, zơưv Vinh chuôz zis tưz ntâu faz tsưr ziv, shor zuôr chos zav tsoz chos tưs thiêx hla trâu cêr txov nhêv. Uô ntêx, zơưv chuôz zis chuôz piz chos poz cưk, chos caz tsiz, taz sik ar cux tsuôs jux juk, sâu tsik tâu nju kôngz. Đhâu ntơư, zơưv Vinh thiêx uô siêz truôx bo hlôngr chos tsoz chos txir tuôz ziz thiêz txir lưk jôngr. Đhâu chos siv oz pêz shông, chor txir ntơưr nziv chos trâu têx ar têz cxaz thiêz muôs tâu grê. Txix ntơư, zơưv Vinh thiêx li muk kir txêik pênhr nhiêx nhiêx têz qơưs lok zuôr txir yênhx puô tsoz chos txir lưk jôngr thiêz txir tuôz ziz chox lok chos trơưk đrêiv tsưr ziv kriê, txi txir ndư, muôs tâu grê. Xav iz shông zos chưx têx nhiêx ntiêr, côngk đas jos uô cux sâu tâu 400 ntâu triệu iz shông. “Kror zov chênhr zos zuk tsuv muôx six hơưv hnuz nhôngs uô thiêz tsuv  gruôs tu, zuk muk ntâu thax tsav qơư cux cơưv shâuv tâu tsưr ziv huôv tsar cêr uô nox”

          Têx tsưr ziv chos tsoz chos txir tuôz ziz shơư txir lưk jôngr, zos tsôngv px hâur thax tsav xar cơưv shâuv tsưr ziv chos, zơưv Nguyễn Trí Vinh shir phaz lul kriê. Pir li zơưv Nguyễn Trí Sơn nhoz côngv jos, hâur ntâu shông đhâu tưz tâu zơưv Vinh kriê cxuô faz tsưr ziv chos thiêz tsưx phưv tsoz chos txir lưk jôngr, txir tuôz ziz, txir mo môngk, txir lưv tsiz: “Thâuv chos thiêz tu têx txir ntông ntơư, zos njz trâus têx phiv liv tưs mak muk ciês tiv zơưv Vinh tsêr chiê zơưv Vinh kriê thiêz txix thâuv chos chor txir ntông ntơư muôs trâu tuz luôv txos trâu nhiv no, cur chuôz zis tưz bluô nux jux juk”

          Trơưk li zơưv Vinh njuôk xav, hâur ntu zuôr txos no, nưk chuôz zis tsênhv zuôr kriz đar ar têz chos txir cxuô zav tsoz chos ntông nox txir cov muôx chôngz lênhx ntâu tus tuz luôv tuôx zuôr txos thiêz tsênhv zuôr chos iz cxiê zav txir ntông txơưr sêz pok huv đros thax tsav qơư ntơư, zos huv đros mak tsênhv zuôr chos ntâu. “Hâur ntu zuôr txos no, tsuv chos cov tâu truôx 1h ntông txi txir tu tsưx phưv cov tâu zos đrêiv tsưr ziv kriê. Thiêz nhiv no mak cur tsênhv xar chos nzir tsoz chos txir ntông cuô mik đros trâu uô zuz muôs”./

Tsu cxêik nhênhv-Bích Thuy Tây Bắc