Pox niêv tox siêz Lai Châu vênhv tôngv tsôngv box tsi siz zuôr thâuv tsi tâu txưv shông

Nhiv kruôr muôx 22 shông hnuz nhôngs, taz sik Tẩn Mý Dao, mênhx cxưx Cho, nhoz jos Thà Giàng Chải, xã Tà Ngảo, huyện Sìn Hồ luz njêx muôs tưz lâus chuôk li muôx 40-50 shông hnuz nhôngs. Zuôr txir txix thâuv nhiv kruôr muôx 16 shông, tsênhv cơưv tiv 9, shông no Dao tul tuz hloz tưz muôx 6 shông thiêz tul nhuôk tiv 2 muôx 3 shông. Zuôr txir nzor, hnuz tưs Dao cux đros nưk tul txir cxơưx trâu luz nênhx, khưr uô liêx têz, 2 tul mê nhuôk tsênhv zâu, luz nênhx lok six txov nhêv: "Cur zuôr txir nzor, thâuv nhiv kruôr tâu 16-17 shông hnuz nhôngs. Thâuv co cur tsi tâu txơưx tu mê nhuôk, luz nênhx mak txov nhêv. Nhoz cur luz jos muôx ntâu lênhx nxeik cux zuôr txir nzor. Cur cux heik lơưr tiêk cxoz zuôr txir nzor, txâuk shông mav zuôr thiêx tsi txov nhêv. Thiêz zuôr txir thâuv tsi tâu txâuk shông zuôr lax tu tâu mê nhuôk, mê nhuôk tsi khênhr hloz…"

          Tà Ngảo, huyện Sìn Hồ zos qơư muôx phênhv ntâu tsôngv box mênhx cxưx Hmôngz thiêz Cho nhoz uô nênhx. Hâux lưv siz zuôr thâuv tsi tâu txưv shông, siz zuôr cxênhz jê muôx ntâu nhoz hâur tiv phaz thiêz zos cêr cor cav cxôngx nzor. Tsôngv box xar tiêk, mê nhuôk siz hluz siz nhiêv, tsi muôx nhux, muôx buô chiê txeik mak zuôr nhiêx lok uô lơưr phongz cxưx txơưv tâu lok sik đros nhoz uô cê yênhx niêv txir. Têx lênhx mê nhuôk nhiv kruôr tâu 13-14 shông tưz siz đros lok nhoz uô cê thiêz xênhz zus mê nhuôk. No cux zos qir tiv mak luz nênhx six fênhx nyeiz pluôs nhoz jêx jos no ntâu shông đhâu. Zơưv Shôngx A Binh, Chủ tịch UB xã Tà Ngảo, huyện Sìn Hồ puz pâuz:"Xã Tà Ngảo zos iz hâur têx tiv phaz muôx qênhx shênhx siz zuôr nzor siêz. Txix shông 2017 txos nhiv no, xã cux tưz cxiv tsa tsưr ziv yax mông, tiv zix zos qênhx shênhx siz zuôr nzor thiêz siz zuôr cxênhz jê. Txos nhiv no sâuv thax tsav xã qênhx shênhx no tsi muôx lơưv thiêz. Taz sik no cux zos vênhv thix njuôs xav zuôr chuôz ndê, hli 8/2022 tuz muôx 7 gơưv siz zuôr thâuv tsi tâu txâuk shông. Hâur côngz xưv yax mông, xã cux pheiz côngz tas nro têx đoanx thêv sik côngv đros têx jêx jos, tsưr tsix, chi hội pox niêv nhoz hâur jos krêz uô hâux lưv yax mông, hâur co muôx trâur nuv phax tar siz zuôr nzor đros thiêz mê nhuôk tsi tâu txâuk shông"

          Lơưr Hội liên hiệp pox niêv huyện Sìn Hồ li thôngz sâu, txix shông 2019 txos nhiv no, sâuv thax tsav jos muôs zuôr xar 550 gơưv niêv txir siz zuôr thâuv tsi tâu txâuk shông, hâur co txix hâur shôngk shông txos nhiv no muôx zuôr xar 200 gơưv phênhv ntâu nhoz hov hnuz nhôngs txix 13 txos 17 shông. Chiê phax tar hâux lưv siz zuôr nzor sâuv thax tsav, têx cấp hội sâuv thax tsav tưz thiêz tsênhv chuôz tsar uô côngz xưv yax mông têx luôk hâux lưv tsi tâu uô thiêz trâus txưr hâur Chei siz zuôr thiêz chuôz zis txix ntâu tsưr ziv.

          Pos Chẻo Thị Hà, Chủ tịch Hội liên hiệp pox niêv huyện Sìn Hồ, tỉnh Lai Châu puz pâuz: Chiê phax tar hâux lưv siz zuôr thâuv tsi tâu txâuk shông, Hội tưz krêz đar yênhx lix têx câu lạc bộ li: CLB chuôz zis shir phaz, CLB pox niêv đros thiêz cêr chei; CLB tsi xênhz zus tul nhuôk tiv 3 nhoz têx jêx jos. Têx CLB chêx chôngk yax mông têx chính sách, pháp luật, chiê muôz siêz jênhv pâuz uô trơưk cêr chei trâu hội viên pox niêv. Tiv zix, Hội viên pox niêv nhoz tox siêz tâu heik kriê zaoz zux pháp luật lok jênh số, chuôz zis, têx njiêz luv muôx lênhx coaz txos qênhx shênhx siz zuôr thâuv tsi tâu txâuk shông, siz zuôr cxênhz jê:"Hội cux tưz cxiv tsa ntâuz ntơưr heik kriê lok côngz xưv yax mông, vênhv tôngv krêz uô Nghị quyết lok phax tar siz zuôr thâuv tsi tâu txâuk shông txos têx hội viên pox niêv. Chiê paz têx lênhx uô niêv uô txir muôx mê nhuôk tsi tâu nto 16 shông lok sik 18 shông jênhv pâuz tsênhz lok hâux lưv siz zuôr thâuv tsi tâu txâuk shông thiêz siz zuôr cxênhz jê li têx txux hiêv. Txix co muôz siêz côngv thôngx li jênhv pâuz, txơưx jênhv đros zuk têx mê nhuôk, chiê taz por luz nênhx thiêz txu grês qênhx shênhx siz zuôr thâuv tsi tâu txâuk shông".

          Kror tsuv cxơưx zos, qênhx shênhx siz zuôr thâuv tsi tâu txâuk shông nhoz hâur tsôngv box mênhx cxưx tsơưs nênhs sâuv thax tsav huyện Sìn Hồ tsênhv chuôz ndê, thâuv mak nhiv no têx mê nhuôk nhoz tiv phaz tâu sir zôngv điện thoại muôx mạng xã hội ziv hnuz ziv ntâu./.

Khắc Kiên- Txâur Vax cxeik nhênhv

Tsôngv pox niêv Yên Châu (Sơn La) sir jos “huôv tsar uô nox, hla đhâu cêr pluôs”

Niêv lâul Tsaz Xênhv Muôk, nhoz jok Na Lù, xã Phiêng Khoài, huyện Yên Châu (Sơn La) chuôz zis sir jos khưr uô têx liêx têz taz sik phênhv sâu cux tsi tâu pêk tsơưs; ntâu shông cux zos chuôz zis pluôs hâur jok, hâur xã. Shông 2015, txix têx pênhr txeik Tsêr nhiêx tsênhv chei xã hội thiêz chuôz zis têx nhiêx txiêx cxênhx txuôs tâu, niêv lâul tưz muôz têx liêx têz uô tsi jông kôngz hlôngr chos ntông nox txir muôx grik kinh tế siêz, huv đros trâu ntơưv qơư. Txos nhiv no, chuôz zis li liêx têz đar muôx iz ha ntâu tưz muôx 400 tsoz txir khơưz , 100 tsoz txir lưv tsiz sôngz txi txir tâu sâu đê. Iz chas ntơư, niêv lâul cux chos nzir têx tâux, poz cưk chiê tâu puz 30 ntâu tus buô, yis, nhux thiêz têx keiz ok. Niêv lâul Tsaz shir phaz heik: Txix chuôz zis tsưr ziv huôv tsar uô nox li heik sâuv, hâur 2 shông jê lok no, đhâu yưx tas têx nhiêx txiêx zuôr krâur, ntiêr nênhs đros tu têx ntông nox txir, tsiêx cxu, chuôz zis cux muôx liv 200 tsov đeiv ntâu:“Thâuv ntêx, cur chuôz zis cux lok six txov nhêv cơưk, luz nênhx phênhv ntâu zos khov trâu têx poz cưk, thiêz ziv trâul txov đuô thâuv muôx 2 tus nhuôv. Seiz pov tu zus tsơưs têx tsiêx cxu tsi tâu đaz tsi, muôs lok cux tsi tâu ntâu, cur thiêz cur tus txir tưz sir jos zok nriêr hâu cêr yiêz huôv tsar uô nox chiê hla đhâu cêr pluôs, truôx tuk luz nênhx”.

Đros thiêz têx pênhr 200 tsov đeiv tâu paz max txix tsaz yênhx “paz têx lênhx pox niêv vir ndâuk pluôs huôv tsar uô nox uô hâuk” zos Hội Liên hiệp pox niêv Việt Nam muôz, shông 2019, Hội Liên hiệp pox niêv huyện Yên Châu tưz đros Hội Liên hiệp pox niêv tỉnh Sơn La xeir xã Tú Nang (Yên Châu) fuô uô luôs hâux lưv paz chor pox niêv hâur thax tsav co huôv tsar tu zus nhux sha mê nhuôv. Iz chas ntơư, iz lênhx pox niêv vir ndâuk tâu txeik 15 tsov đeiv tsi zuôr nhiêx nju chiê zuôr nôngz tsiêx cxu lok zus. Chor nhiêx txeik ntơư zuôr tâu thêv hâur 3 luz shông, iz shông thêv 5 tsov đeiv. Cuiv nhiêx zos Hội Liên hiệp pox niêv xã seiz car. Têx lênhx pox niêv hâur paz tâu kêr txeik chor nhiêx heik sâuv tâu kriê lok têx tsưr ziv huôv tsar uô nox, tu zus tsiêx cxu chiê uô thiêz tu tâu têx tsiêx hloz lox jông trơưk siêz xar….. Zos iz hâur têx lênhx nhoz hâur paz pox niêv vir ndâuk sik đros huôv tsar uô nox, tu zus nhux sha mê nhuôv xã Tú Nang, niêv lâul Hoàng Thị Tươi heik:“Chor pênhr no lok six muôx liv trâu têx lênhx pox niêv vir ndâuk muôx luz nênhx txov nhêv li cur. Chor pênhr no cur tưz muôz zuôr nhux lok zus, zuôr sir jos tu cov jông chiê sha mê nhuôv, vav ntâu jux juk tuôx”.

Txos nhiv no, Hội tưz paz sơưr bê kêr Tsêr nhiêx Kôngz thiêz huôv tsar tox siêz, Tsêr nhiêx tsênhv chei xã hội li têx pênhr zuôrx ar 180 tyv đeiv muôz trâu 90 tổ cxênhx txuôs nhiêx txiêx txeik, hu zâuv 2.500 ntâu chuôz zis đros cxaz chuôz. Iz chas co, Hội cux sir jos fuô uô cxiv vênhv tôngv cxiv tsa “tsêr sor siêz” trâu chor pox niêv pluôs, vir ndâuk txov nhêv lok tsêr nhoz, paz lơưr truôx siêz, sir jos khưr huôv tsar uô nox uô hâuk. Pos Quàng Thị Hoa, Chủ tịch Hội Liên hiệp pox niêv huyện Yên Châu (Sơn La) heik pâuz: Txix hâur shôngk shông 2021 txos nhiv no, Hội tưz đros cxuô ngênhx cik txos thiêz Hội Liên hiệp pox niêv thênhv siêz paz max 5 lênhx pox niêv pluôs cxiv kho têx vax tsêr nhoz, paz sik pheiz kênh têx cêr txov chiê lơưr truôx tuk luz nênhx, sir jos hla đhâu cêr pluôs:“Six hơưv zuôr txos, Hội Liên hiệp pox niêv huyện zuôr tror yax kriê, vênhv tôngv chor pox niêv vir ndâuk sik đros paz trâu têx lênhx muôx luz nênhx txov nhêv cux iz zav li huôk njôngr cxuô cấp, cxuô ngênhx cik txos li têx cêr paz chiê sik đros paz chor pox niêv txov nhêv lok tsêr nhoz cxiv kho têx vax tsêr, uô tâu jông luôs hâux lưv zok muôz trơưk li đại hội đại biểu pox niêv huyện tsưr ziv tso tơưv, cux iz zav li uô lơưr Nghị quyết Đại hội Đảng bộ huyện Yên Châu lok paz têx chuôz zis pluôs, txov nhêv uô, kho đuô têx vax tsêr nhoz cov khor truôx”.

 (Trấn Long-Riê Lâux cxeik, nhênhv)