Yên Bái: Lênhx pox niêv Bí thư Chi bộ cơưv shâuv uô lơưr hloz hôx txix têx hâux lưv zâu

Jok Phú Sơn, xar Yên Phú, huyện Văn Yên (Yên Bái) muôx 260 ziv chuôz zis, hâur co muôx 80% ntâu chor chuôz zis lơưr đạo Công giáo.

Têx shông đhâu, uô Bí thư Chi bộ, tsar Ban mặt trận jok, niêv tix Đỗ Thị Năm (xênhz shông 1988) tưz sir jos yax kriê, hêik pox nhuôs ntơưv qơư nhoz uô truôx jông lơưr Đảng, Têz qơưk têx cêr chêi, thax tsav qơư li têx cui tênhv thiêz têx phongz yaox, cxiv vênhv tôngv zos Mặt trận Têz qơưk cxuô cấp tso tơưv, tiv zix zos cxiv vênhv tôngv Tas nro pêx xênhv sik côngv siêz cxiv tsa jêx jok yiêz, đô thị vav mênhx. Khov co, pox nhuôs hâur jok njênhs njôngr trâu Đảng li lênhx tov, sik côngv mênhx cxưx, tôn giáo, sir jos uô nênhx jông. Niêv tix Năm phêiz kênhz, muôx têx kror hâux lưv tsuôk hêik iz jiês xưz pox nhuôs sơưr đơưk tưz thôngx ziv uô trơưk ciês; taz sik cux muôx têx kror hâux lưv, têx jiês tsuv sir jos hêik kriê thiêz zuk tsuv zos nênhs uô ntêx hlo mak pox nhuôs sơưr đơưk thiêx thôngx ziv đros uô:“Tas nro chor jênhv vưv ntơưv thax tsav qơư cux li txix thênhv siêz choz zok zuk thiêz chuôz zis tsuv zos nênhs uô uô ntêx hlo, đhâu co thiêx hêik yênhx lênhx nênhs, hêik tập thêv thôngx ziv đros uô. Chor chuôz zis tưs txov nhêv mak muk txos ciês trâu vax tsêr chiê hêik, viv li cxuô kror hâux lưv puôr lênhx tâu sơưr đơưk thôngx ziv đros uô”.

Uô cxiv tsa jêx jok yiêz ntơưv thax tsav qơư, niêv tix Đỗ Thị Năm tưz sik côngv tsưr tsix tâu 75 jiês cơưv jêx jok đros muôx 3 cxênhx ntâu lênhx nênhs cxaz chuôz. Đhâu co hêik pêx xênhv muôz muôx 2.800 thiêr ndis ar, 800 ntâu hnuz côngz thiêz xar muôx 100 triệu đêiv cxiv tsa tsêr vênhx huôv jêx jok; cxiv tsa tâu 1,5 cêik cêr cưk tso đêx ntưk muk ntơưv qơư pêx xênhv nhoz… Txos nhiv no, 100% cêr muk lok hâur jêx jok tưz tâu uô txix bê tông thiêz muôx tênhz tơưl pov cêr thâuv hmo ntux; 94% chor chuôz zis hâur jok muôx vax tsêr khor truôx; phênhv sâu xav lênhx nênhs tâu muôx 45 triệu đêiv iz lênhx nênhs iz shông thiêz 65% chor chuôz zis hâur jok zos chuôz zis muôx thiêz bluô nux. Iz chas co, hâur 5 shông, jok Phú Sơn tưz cxiv tsa tâu 5 luz tsêr “Niêv côngv siêz”, 6 ziv chuôz zis uô ntơưr thor tơưv đhâu chuôz zis pluôs.

Xav jênhv por vêv tênhv qơư, paz muôx qơư njuôz hur jông zos kror hâux lưv zov chênhr hâur cxiv tsa jêx jok yiêz, niêv tix Năm đros zos Bí thư chi bộ, Tsar Ban Côngz xưv Mặt trận jok tưz yax kriê, hêik pêx xênhv xưv lik jông têx vuôz tsuôz; yênhx lix tôv sâu têx vuôz tsuôz muk txos trâu qơư hlơưr, phâuk por tsês cov por vêv tâu tênhv qơư. Txix co, yênhx shông jok Phú Sơn puôr lênhx tâu kruôk zos jok vênhx huôv thiêz 95% chor chuôz zis tâu côngz jênhv zos chuôz zis vênhx huôv. Đros muôx txơưx jênhv siêz hâur uô côngz xưv, muôx côngz bê hâur côngv thôngx, niêv tix Đỗ Thị Năm tsik so tâu pêx xênhv nhiêv txos, njênhs njôngr. Zơưv Nguyễn Xuân Lợi, nhoz hâur jok puz pâuz:“Cur pov niêv tix Năm zos Bí thư chi bộ tsênhv lok six hluôk, taz sik sir jos, txơưx xar tơưv, car xar, car uô thiêz car hlôngr yiêz, iz zav li xar muôx chủ trương txar nja vax, muôz ar chiê kriz uô cêr, niêv tix tưz muk trâu yênhx ziv chuôz zis chiê hêik sơưr đơưk cov pâuz tâu tsênhz, viv li pox nhuôs hâur jok puôr lênhx muôz ar, txar faz nja vax thiêz cxaz chuôz uô cêr, txix co jêx jok tưz muôx tâu txox cêr lox đar jông xưv lik nhiv no”.

Khov trâu kror liv muôx ntơưv huyện, xar, ziv chuôz zis tưz uô qơư sâu zuôr, uô têx cuêv fix, paz muôx hâux lưv uô tsik so trâu 20 lox tôngv ntơưv thax tsav qơư thiêz paz muôx tâu phênhv sâu trâu chuôz zis 1,5 tiv đêiv ntâu iz shông. Zơưv Đỗ Văn Thành, Bí thư Đảng ủy xar Yên Phú, huyện Văn Yên, tỉnh Yên Bái puz pâuz:“Đros Đỗ Thị Năm no zos iz ziv chuôz zis chiê chor chuôz zis txơưr cơưv shâuv thiêz uô trơưk chiê huôv tsar kinh têr ziv chuôz zis. Hâur côngz xưv mak tsik so uô tiêr tâu jông têx jênhv vưv Đảng ủy xar choz, cux xưk li uô jông têx phongz yaox huyện tso tơưv txos chi bộ. No tsênhv tsênhz zos iz lênhx nênhs chiê tas nro chor đảng viên hâur Đảng bôv cơưv shâuv thiêz uô trơưk”.

Txix zuk têx sir jos, chor phongz yaox, chor cxiv vênhv tôngv ntơưv Phú Sơn, xar Yên phú ziv hnuz ziv tâu uô jông thiêz tsênhz mênhx đuô. Nhiv kruôr no, niêv tix tâu muôz ntơưr kruôk viv tưz uô tâu jông hâur Côngz xưv Mặt trận ntu 2017-2022 zos Ủy ban Mặt trận têz qơưk tỉnh Yên Bái khơưk muôz./.

Đinh Tuấn-Lik Thox cxêik nhênhv

Têx lênhx nênhs tâu BHXH thêv nhiêx iz jiês shông 2023

Lơưr cui tênhv nhiv no, nênhs lox tôngv gôngr BHXH mak xar ro BHXH iz jiês zos têx lênhx nênhs li đrav kaz

-Txâuk shông tâu sơưv nhiêx shar lơưr cuiv tênhv mak tsi tâu gôngr BHXH txâuk 20 shông lok sik lươr cui tênhv ntơưv khoản 3 Grê 54 Chei BHCH mak tsi tâu txâuk 15 shông gôngr BHXH thiêz tsi tror cxaz chuôz BHXH txưv zênhv.

-Đhâu 1 shông so hâux lưv uô mak tsi tâu txâuk 20 shông gôngr BHXH thiêz tsi tror gôngr BHXH;

-Muk saz đrâuv têz qơưk nhoz uô nênhx;

-Nênhs trâus iz hâur têx zav moz kho tsi tâu li moz trưx phax, tuôs chêr, moz siêz, moz HIV tưz hlôngr trâu ntu moz AIDS thiêz têx zav moz txơưr lơưr Bộ y tế li cui tênhv.

-Nênhs lox tôngv thâuv so hâux lưv uô ntêx six hơưv cui tênhv, tsi tror uô bộ đội, so hâux lưv uô mak tsi txâuk theox chênhv chiê sơưv nhiêx shar so lâuk:

+Sĩ quan, quân nhân chuyên nghiệp quân đội nhân dân; sĩ quan, hạ sĩ quan nghiệp vụ, sĩ quan, hạ sĩ quan chuyên môn kỹ thuạt công an nhân dân; nênhs uô côngz xưv cơ yếu sơưv nhiêx shar li quân nhân;

+Hạ sĩ quan, chiến sĩ quân đội nhân dân, hạ sĩ quan, chiến sĩ công an phưx vưv muôx six hơưv; học viên quân đội, công an, cơ yếu tsênhv cơưv ntơưr tâu sơưv nhiêx txiêx xênhz huôx.

Li ntơưv, zos nênhs lox tôngv zos iz hâur têx lênhx nênhs jông li heik sâuv mak tâu car chêx uô ntâuz ntơưr ro BHXH iz jiês.

Pok zos tsuôk tâu ro 50% nhiêx BHXH iz jiês?

No zos njiêz luv tâu heik hâur dự thảo Chei BHXH tsênhv tâu sâu zuôr ziv chênhv thiêz tsi tâu tâu uô.

          Lơưr co, đhâu 12 luz hlik tsi zos lênhx nênhs cxaz chuôz BHXH zuôr trâus, tsi cxaz chuôz BHXH txưv zênhv thiêz muôx six hơưv gôngr BHXH tsi tâu txâuk 20 shông mak nênhs lox tôngv muôx zoz qơưx mak tâu car chêx iz phênhv taz sik tsi ntâu đuô 50% tas nro six hơưv tưz gôngr lok Cuiv so lâuk thiêz paz nênhs cxênhz jê thâuv tâu tas siv nênhx.

          Six hơưv gôngr BHXH tsênhv yuôr tâu khơưk tsês chiê nênhs lox tôngv sơưv chế độ BHXH thâuv txâuk shông so lâuk.

          Li ntơưv, đros tsưr ziv no nênhs lox tôngv tsuôk tâu ro 50% nhiêx BHXH iz jiês zos tsi tâu txâu shông so lâuk, chor nhiêx txiêx tsênhv yuôr tos txos thâuv txâuk shông so lâuk.

          So tsi uô hâux lưv tâu hor ntâu six hơưv mak tâu ro BHXH iz jiês?

          Lơưr Nghị quyết 93 shông 2015 Côx hôiv khóa 13, nênhs lox tôngv so tsi uô hâux lưv 1 shông thiêz tsi tror cxaz chuôz BHXH txưv zênhv mak zuôr tâu ro BHXH iz jiês.

          Tiv zix, nênhs lox tôngv zuôr tâu ro BHXH 1 jiês ciês thâuv so tsi uô hâux lưv zos iz hâur têx lênhx nênhs xưk li đrav kaz:

-Txâuk shông sơưv nhiêx so lâuk taz sik tsi tâu txâuk 20 shông gôngr BHXH.

-Lox tôngv pox niêv zos cán bộ, công chức xã lok sik nênhs huôx tôngv tsi chuyên trách nhoz cấp xã txix txâuk hnuz nhôngs so lâuk mak tsi tâu gôngr txâuk 15 shông BHXH thiêz tsi tror cxaz chuôz BHXH txưv zênhv.

-Nênhs muk saz đrâuv têz qơưk chiê nhoz uô nênhx.

-Nênhs tsênhv trâus iz hâur têx zav moz lax kho tâu jông moz li moz trưx phax, tuôs chêr, moz siêz, moz kruô njưk, moz HIV tưz hlôngr trâu moz AIDS thiêz têx zav moz txơưr lơưr Bộ y tế li heik kriê.

-Bộ đội, công an so hâux lưv uô ntêx cui tênhv, tas six hơưv phưx vưv tâu tso tror lok tsêr, so hâux lưv tsi tâu txâuk theox chênhv sơưv nhiêx shar./.

Thu Thùy-Txâur Vax cxeik nhênhv