Chuôz cxaz phax, tar ntux no, paz trâu chor shux xênhz tox siêz Yên Bái muôx jông đas jos

Tsêr cơưv nhuôs zâu Bông Sen, xar Túc Đán, huyện Trạm Tấu muôx 5 qơư tsêr cơưv, đros muôx 12 hov lớp cơưv thiêz 400 ntâu lênhx shux xênhz, phênhv ntâuz zos têx tuz nhuôs tsôngv box Hmôngz. Hâur chor no, tsuôk muôx 200 lênhx shux xênhz zos nênhs tsuv nhoz hâur tsêr cơưv ntơưr niêv txir zus mor; chor shux xênhz txơưr thâuv xa mê nhuôv tuôx tsêr cơưv mak niêv txir gra mor txix ntơưv tsêr tuôx chiê chor mê nhuôv nox su ntơưv stêr cơưv ntơưr. Chiê paz trâu chor shux xênhz muôx jông đas jos hâur jiês ntux no xuz thơưx chêix ntux no shông no, tsêr cơưv tưz hêik shux xênhz niêv txir muôz trâu chor nhuôv hnar cov txâuk sor thâuv tuôx tsêr lớp cơưv ntơưr; đros co zos muôx nzir têx zav nox thiêz tsưr tsix râuz đêx sor trâu chor mê nhuôv sir zôngv… Đros chor tsêr cơưv tsik tsưr tsix uô jâuz mor trâu shux xênhz nox ntơưv tsêr cơưv, tsêr cơưv cux hêik shux xênhz niêv txir tsov cưv đuô txos pluôs nox trâu zuk têx tuz nhuôs. Cưk kriê Lê Thị Bích Lan, Hiệu trưởng tsêr cơưv ntơưr puz pâuz:“Tsêr cơưv tsik so hêik chor cưk kriê ntơưr hêik trâu shux xênhz niêv txir tsov cưv txos chor nhuôs li tsôngk yo thiêz nox hâuk. Lok yo sor mak tsêr cơưv cux tưz muôx chor nênhs siêz jông đros paz trâu chor nhuôs. Đros chor nhuôs nhoz têx tsêr cơưv ntơưv jêx jok tsuv gra mor tuôx nox, chiê chor nhuôs muôx tâu jâuz mor sor nox, chor cưk kriê ntơưr tưz hêik shux xênhz niêv txir gra đros mì tôm lok sik jâuz tuôx ntơưv tsêr cơưv, thâuv txos pluôs nox chor cưk kriê ntơưr mav li uô trâu chor nhuôs nox cov sor”.

Ntơưv huyện Văn Yên, shông cơưv no muôx 33 cxênhz ntâu lênhx shux xênhz cơưv ntơưr ntơưv 65 luz tsêr cơưv đros muôx 1.000 ntâu lớp cơưv. Đros xor mông hêik pâuz muôx ntux no, thôngz đhâu ntâu tsưr ziv nus, hêik pâuz, chor tsêr cơưv ntơưr sâuv thax tsav tưz hêik shux xênhz thiêz shux xênhz niêv txir sir jos cxaz nzir têx tsơưr pưr trâu chor nhuôs hâur chor pluôs nox thiêz hnar cov sor uô ntêx thâuv zuôr tuôx cơưv ntơưr. Cưk kriê ntơưr Tạ Hoàng Vinh, Hiệu trưởng Tsêr cơưv Phôv thông mênhx cxưx niêv txir zus mor Cxênhx iz Phong Dụ Thượng, huyện Văn Yên (Yên Bái) puz pâuz: txix ciês thâuv hâur chêix ntux no, tsêr cơưv tưz kriz uô têx tsưr ziv phax, tar ntux no trâu chor shux xênhz, tiv zix zos 500 lênhx shux xênhz têx tuz nhuôs cxuô mênhx cxưx Cho, Hmôngz, Tày… nox, nhoz ciês ntơưv tsêr cơưv ntơưr:“Tsêr cơưv ntơưr tưz bax pav trưz, yo sor trâu chor nhuôs. Lok nox hâuk mak chox kriê tsêr cơưv ntơưr tsik so uô têx zav nox cov sor trâu chor nhuôs nox cov muôx jông đas jos. Đros chor nhuôs tsik nhoz hâur tsêr cơưv ntơưr niêv txir zus mor, mak cov cưk kriê ntơưr hêik chor shux xênhz thiêz shux xênhz niêv txir chiê chor nhuôs hnar cov txâuk sor thâuv tuôx cơưv ntơưr”.

Shông cơưv no, tas nro tỉnh Yên Bái muôx 442 tsêr cơưv nhuôs zâu thiêz zoz zux phôv thôngz, đros muôx 230 cxênhz ntâu lênhx shux xênhz. Hâur co, muôx iz đraz chor shux xênhz no nox nhoz hâur tsêr cơưv ntơưr. Lơưr zơưv Đào Anh Tuấn, Phưv Giám đốc Sở Zoz zux tỉnh Yên Bái, thâuv hêik pâuz zuôr muôx ntux no truz ntêr hnuz, jêx tưv grêk kik, sik txơưr ntâu nhoz đruôz hnuz thiêz hmo ntux, nganhx zoz zux tỉnh tưz muôx ntâuz ntơưr xa trâu chinhr quyền cxuô thax tsav qơư, chor phòng zoz zux thiêz têx tsêr cơưv ntơưr lok hâux lưv tsưr tsix kriê thiêz cơưv ntơưr; đros co, chuôz cxaz kriz uô têx tsưr ziv phax, tar ntux no, paz trâu chor shux xênhz muôx đas jos jông hâur têx hnuz ntux no jêx tưv grêk kik:“Pêz tsêx trung trâu qênhz shuôk đuô têx tsưr ziv, tiv zix zos ntơưv chor tsêr cơưv nhoz tox siêz, tsênhv yuôr ntâu txov nhêv thiêz chor tsêr cơưv nhoz ntơưv têx qơưk tâu njuôk xav zuôr muôx jêx tưv grêk kik đuô 10 tưv. Lơưr co chor tsêr cơưv ntơưr sik côngv đros cấp ủy, chinhr quyền ntơưv qơư, shux xênhz niêv txir bax cov txâuk pav, tsôngk yo sor thiêz cxuô kror paz trâu chor shux xênhz thâuv muôx ntux chênhr, no njiv”.

Đros phax tar ntux no trâu chor shux xênhz, cấp ủy, chinhr quyền thax tsav qơư thiêz nganhx zoz zux Yên Bái cux sir jos qênhz yuôx, sêiz kaz ngaz tuk zav nox, paz muôx txâuk tsơưr pưr hâur têx pluôs nox trâu chor shux xênhz ntơưv têx tsêr cơưv niêv txir zus mor, nội trú sâuv thax tsav./.

                                                        Thừa Xuân-Lik Thox cxêik nhênhv

Muôx txâuk yuôx, tsênhv qơư y tế Krông Búk muôx ntâu tus chôngz lênhx nênhs moz tuôx seiz njuôk shuôs, kho moz gênhk

Tsênhv nhoz chơưv kho moz hnhur lâul ntơưv khoa nội hâur Tsênhv qơư y tế huyện Krông Búk, niêv lâul H’Pốc M’jao nhoz jok Adrơng Prong, xã Cư Pơng heik pâuz, no zos jiês tiv 2 hâur shông no niêv lâul tsuv tuôx nhoz tsêr kho moz. Hur si 2 jiês niêv lâul puôr lênhx lok six tso siêz thâuv tâu chor bác sỹ, cưk yuôx nhoz no moz siêz txos, uô jông hâux lưv seiz njuôk shuôs moz:“Bác sỹ, cưk yuôx lơưr moz siêz tsoz phưz nênhs moz. Nhoz chơưv kho moz gênhk ntơưv no tsi trâul cxơưx ntâu. Nhiv no cur tus moz tưz nhoz khênhr lok six ntâu lơưv”.

Nhoz jê iz saz niêv lâul H’Pốc luz txax pư kho moz gênhk, tix lâus Y Thế Niê, nhoz jok Ea Brơ, xã Cư Pơng, huyện Krông Búk, tsênhv nhoz kho moz njưk. Tix lâus tưz trâul moz xar muôx iz hlik, xuz thơưx mak tuôx nhoz ntơưv tsêr kho moz hâur thị xã Buôn Hồ, đhâu ntơư li thor tuôx hâur tsênhv qơư y tế Krông Búk. Đhâu 4 hnuz nhoz kho moz gênhk, tix lâus tus moz tưz jông mê njik:“Nhoz no mak kror tưs cux hur si, bác sĩ lok six moz siêz chơưv kho moz trâu pêz, yuôx cux muôx cxix cxuô đuô pir li nhoz hâur tsêr kho moz Buôn Hồ. Nhiv no cur tus moz tưz jông lơưv, muôx têx cax ntus zuôr tâu tơưv tsêr yuôx”.

Trơưk li bác sĩ Y Păm Ayun, thơưx seiz car khoa nội, tsênhv qơư y tế Krông Búk, 2 luz hlik jê lok no, thâuv tsênhv qơư tưz uô tiêr têx luôs hâux lưv, ntâuz ntơưr đấu thầu yuôx, ziv hnuz ziv muôx ntâu tus chôngz lênhx nênhs moz tuôx seiz njuôk shuôs, kho moz gênhk:“Txix hli 4 txos hli 7 mak muôx tsi txâuk têx yuôx kho moz gênhk, ntâu lênhx nênhs tuôx seiz njuôk shuôs moz tsi muôx yuôx, lơưr tưz muk trâu lưv qơư txơưr đuô. Taz sik txix hli 9, hli 10 muôx ntâu yuôx lơưv, nênhs moz cux tror tuôx lok six chôngz. Pir li hâux lưv tso tơưv hâur shôngk shông đros thiêz tsưr ziv Sở y tế choz, nhiv kruôr đhâu muôx iz cxiê hnuz nênhs moz tuôx seiz njuôk shuôs moz tsar ndê lok six chôngz lênhx. Fênhx yax lơưr muôz trâu pêz 25 luz txax trâu nênhs moz tuôx nhoz pư xưz, taz sik muôx kênh hnuz pêz txeik tok muôx 27-28 lênhx nênhs moz”.

Nhoz thax tsav faz Bắc tỉnh Đắk Lắk, xav kror đruôz đraz niêx shông, Tsênhv qơư y tế Krông Búk txeik tok thiêz chơưv kho moz gênhk trâu nhos 5.700 lênhx nênhs moz Thâuv ntu muôx moz Covid-19 huôv xênhz, Tsênhv qơư tâu xeir uô qơư chiê chơưv kho moz trâu 3.500 ntâu lênhx nênhs tâu xav trâul moz Covid-19  nhoz têx huyện li: Krông Búk, Buôn Hồ, Krông Năng thiêz Ea Hleo. Đhâu thâuv tsi muôx moz huôv xênhz, cux xưk li ntâu qơư y tế hâur thax tsav, tsênhv qơư cux njiz trâul phiv viv muôx tsi txâuk yuôx thiêz têx chuôz zênhx seiz njuôk shuôs kho moz. Taz sik, đros thiêz têx sir jos, hâur hli 9 nhiv kruôr đhâu, Krông Búk tưz uô tâu jông luôs hâux lưv bax zuôr têx yuôx, chuôz zênhx seiz njuôk shuôs, kho moz, zos iz hâur tsơưs qơư ntơưv Đắk Lắk đơưk uô tâu têx phiv liv lok sâuv muôx tsi txâuk yuôx thiêz chuôz zênhx phưx vưv seiz njuôk shuôs kho moz gênhk. Zơưv Trần Thuận, Giám đốc Tsênhv qơư y tế huyện Krông Búk heik pâuz:“Tsênhv qơư cux tso tơưv iz tsưr ziv, tiv iz zos phênhz đuô lênhx nênhs lês uô hâux lưv, tiv 2 zos uô li chas cov muôx txâuk yuôx, chuôz zênhx seiz njuôk shuôs, kho moz trâu tsôngv pêx xênhv, tiv 3 zos muôx têx tổ muk uô hâux lưv trâu cxuô xã, jêx jok, txix co fuô uô uô cê đros têx luôs hâux lưv li: Hâur tsênhv qơư tưz muôx txâuk yuôx, chuôz zênhx chiê tsoz phưz đas jos trâu tsôngv pêx xênhv hâur thax tsav, pêx xênhv jux juk ziv hnuz ziv muôx ntâu tus chôngz lênhx tuôx seiz njuôk shuôs, kho moz xưz”.

Đros trâu tập thể canr bôv, y bác sỹ têx sir jos, khưx phưx têx phiv liv, chor shông jê lok no, Tsênhv qơư y tế huyện Krông Búk luôs hâux lưv seiz njuôk shuôs, kho moz ziv hnuz ziv uô tâu jông, chor nênhs moz tsuv xa muk chơưv kho trâu têx tsêr kho moz lox txo grêk tsơưs, iz hnuz tsar ndê chôngz jux juk nênhs moz tuôx seiz njuôk shuôs têx moz gênhk. Tsênhv qơư tsiv nhos zos qơư trâu tsôngv pêx xênhv cxuô heir nênhs hâur thax tsav njênhs njôngr thiêz tso siêz tuôx seiz njuôk shuôs đas jos./.

                                           VOVTN-Riê Lâux cxeik, nhênhv