Tsưr ziv por vêv cà phê Sơn La cov tsik trâus ntux têz ruôr hiêv

Zơưv Lò Văn Long ziv chuôz zis nhoz jok Hôm, xar Chiềng Cọ, thành phố Sơn La li 1 héc ta ntâu cà phê tưz trâus hiêv tiv jiês ntux no chênhr, no njiv đros muôx tê lok thâuv hâur hlik hli oz nhiv kruôr đhâu. Kuôk no 4 shông, zơưv chuôz zis cux zos iz hâur yênhx puô chuôz zis nhoz Sơn La muôx thax tsav cà phê trâus tuôs, trâus hiêv ntâu tiv lok tê, tsuv muôz txiêr thiêz tror tu đuô tas nro thax tsav têz cà phê. Nhiv kruôr tror sâu tâu tsik tâu ntêr mak nhiv no vax têz cà phê ho tror trâus tê lok uô hiêv txos, zơưv Long puz pâuz:“Shông tưs trâus tê lok uô hiêv li no mak chuôz zis pôngz siêz hênhr taz sik tsik pâuz uô li chak hlo. Vav tiêk muôx têx zav tsoz chos tưs chos shơư lok sik hlôngr chos têx zav tsoz chos tưs mak cxuô cấp, cxuô nganhx zuôr paz trâu chuôz zis chiê chos shơư lok sik hlôngr trâu chor cà phê no”.

Lơưr tix lâus Quàng Văn Bun, tsar jok Hôm, xar Chiềng Cọ, thành phố Sơn La, no zos jiês tiv 3 pox nhuôs hâur jok chor cà phê trâu tê uô hiêv txos:“Pox nhuôs hâur jok chor cà phê thiêz txir khơưz đuz zos tsoz chos chênhr. Cà phê njiz trâus phiv liv tiv ntux lok tê tưz uô hiêv trâu pox nhuôs lok six ntâu. Nhiv no pêz đros canr bôv tsênhv qênhz shuôk, kriê trâu pox nhuôs txiêr têx ntông cà phê cov tsik uô phiv liv txos hâur pâuk”

Jiês ntux lok tê nhiv kruôr đhâu tưz uô hiêv txos ntâu ziv chuôz zis nhoz xar Chiềng Cọ, thành phố Sơn La li 10 ntâu héc ta cà phê. Hâur co, 3 héc ta ntâu trâus hiêv tas muôx 70% ntâu tsuv muôz txiêr por tsês, tsênhv yuôr mak trâus hiêv txix 30-70% chor cà phê trâus tuôs blôngx tas. Chor têz cà phê trâus hiêv phênhv ntâu nhoz trâu têx qơư kik, vuôk har, puôr lênhx muôx 20 shông tror sâur. Zơưv Cà Trung Hòa, Phưv Chủ tịch Ủy ban xar Chiềng Cọ, thành phố Sơn La puz pâuz:“Đros chor chuôz zis muôx cà phê trâus hiêv, xar tsênhv yênhx lix chor tôv côngz xưv muk qênhz yuôx uô ntâuz ntơưr chiê paz trâu pox nhuôs trơưk têz qơưk têx cui tênhv”.

Tỉnh Sơn La nhiv no zos qơư muôx thax tsav chos cà phê ntâu tiv zix faz Bắc đros muôx 20.000 héc ta; hâur co thành phố Sơn La muôx zuôr xar 5.000 héc ta. Chos cà phê zos yênhx châuv cxênhx chuôz zis hâur tỉnh li tsưr ziv uô nox chênhr. Taz sik, txix shông 1999 txos nhiv no, nênhs chos cà phê ntơưv Sơn La tưz ntâu jiês njiz phiv liv tiv ntux lok tê uô hiêv txos, uô trâu yênhx cxênhz héc ta cà phê tsuv tâu muôz txiêr por tsês.

Đros tsưr ziv khưx phưx uô ntêx zos txiêr chês thiêz chor cà phê trâus hiêv tsơưs, trâus tuôs blôngx; tsuv sêi đrơưk txiêr por tsês têx thax tsav trâus hiêv hnhar; chor cơ quan uô hâux lưv no nhiv no tsênhv sir jos yax kriê, kruôz kriê trâu nênhs chos cà phê uô têx tsưr ziv por vêv tsoz chos cov tsik trâus chor jiês ntux no, ntux lok tê tsênhv zuôr muôx nzir uô hiêv txos. Pos Trần Thị Nga, Tsênhv qơư Dịch vụ Kôngz nuv thành phố Sơn La hêik:“Đros chor thax tsav tsik so trâus hiêv mak pêz kriê trâu pox nhuôs đrâuv tsoz phưz mak tsuv chos nzir têx zav tsoz chos chiê thêir vor cov cà phê tsik trâus tê uô hiêv txos. Têx shông njuôk xav muôx ntux no chênhr, no njiv thiêz lok tê mak tsuv vâuv xuô blêx, hlơưr trâu têx qơưk tsik so muôx ntux lok tê uô hiêv txos”.

Chiê txo grêk tsơưs têx trâus hiêv, chor shông jê lok no, cxuô cấp, cxuô nganhx thiêz cxuô thax tsav qơư nhoz Sơn La tưz sir jos hêik pêx xênhv muôz chor zuz nôngz cà phê yiêz li THA1, TN 1, TN 6,  TN 7, TN 9…muôx tsơưr lươngv siêz, tir tar ntâu ntux têz uô hiêv chox lok chos hlôngr trâu chor zuz nôngz kuz. Ntâu ziv chuôz zis, HTX sir zôngv tsưr ziv no tưz paz muôx tâu ntâu kror jông. Zơưv Nguyễn Thành Công, Phưv Chủ tịch Ủy ban tỉnh Sơn La puz pâuz:“Tỉnh tsêx trung qênhz shuôk, ntâuk gri đuô tas nro cxuô thax tsav chos cà phê, txix co tror chos cà phê txix têx zuz nôngz yiêz, tiv zix zos chor cà phê tsơưr lươngv siêz thiêz cà phê kaz nhoz Sơn La; thôngx cxix, sik côngv chor chuôz zis, pêx xênhv, HTX chiê chos lơưr ploz tsênhr”.

Têx tsưr ziv por vêv tsoz cà phê tsuv tâu kriz uô ndar six hơưv, bax uô lơưr tsưr ziv “Phax jông đuô chơưv kho”, chiê nênhs chos cà phê tsik yuô cxơưx thâuv muôx ntux lok tê; thôngx cxix, huôv tsar chor thax tsav chos truôx đrênhk, gra siêz tsơưr lươngv, tsiv gri trâu tsoz cà  phê Sơn La./.

                                                                 Lê Hạnh-Lik Thox cxêik nhênhv