Phax tir tar zax zênhz nhoz huyện ntus đriv Sốp Cộp

Fuô uô tỉnh Sơn La luôs hâux lưv tso tơưv zos “hlôngr yiêz, cxiv tsa xã, phường, thị trấn tsi muôx zax zênhz, ntu 2023-2025, uô ndar txos shông 2030, huyện Sốp Cộp tưz cxiv tsa  tsưr ziv fuô uô ntơưv 4 xã zos Sốp Cộp, Nậm Lạnh, Dồm Cang, Púng Bánh. Iz chas uô hlôngr yiêz têx jok phiv liv lok zax zênhz yênhx jok tsi muôx cuz nxor lok zax zênhz ntơưv 14 luz jos nhoz 4 xã; tsưx phưv truôx 143 hâur 208 taz viv tsi muôx zax zênhz.

Iz chas ntơư, huyện Sốp Cộp tưz quyết tinhv yênhx lix 5 tổ côngz xưv lês uô hâux lưv co, zos têx lênhx ủy viên Ban Thường vụ huyện ủy uô thơưx chox car. Ủy ban cxuô xã yênhx lix têx tổ côngz xưv seiz car jêx jok. Zơưv Lò Văn Thái, Chủ tịch Ủy ban xã Dồm Cang, huyện Sốp Cộp heik pâuz:“Ban chox kriê xã phênhz côngz 6 tổ côngz xưv yax kriê, vênhv tôngv chor jok hâur thax tsav xã thiêz chox kriê Ủy ban Mặt trận Tổ quốc, têx đoanx thêv, tsưr tsix chính trị xã hội đros yax kriê thiêz cơưv jêx jok lol phax tar zax zênhz, têx uô tsi truôx tuk  xã hội txos tsôngv lax pêx xênhv”.

Hâur sik hux jos sâuv ntiêx têz lok phax tar zax zênhz, Công an huyện, chor Zênhx pênhz phax tưz bax hux jos, cơưv giao ban tsi so trơưk cui tinhv lok phax tar zax zênhz đros lưv lươngv 3 huyện Mường Ét, Mường Son, tỉnh Hủa Phăn thiêz huyện Phôn Thoong, tỉnh Luông Pha Băng, têz qơưk Lol Tsuôk lês car uô đreiv têx hâux lưv co chiê siz chuôs njiz, sik thav, sik paz uô nuv phax tir thêir chor nênhs uô cxâuv chei têz qơưk, lar heik zos têx lênhx nênhs fêv muk lol đhâu têz qơưk, nênhs zuôr muôs uô luôv zax zênhz tsi trơưk chei đhâu ntus đriv…. Thiếu tá Quàng Văn việt, Phưv Zênhx tsar Zênhx Pênhz phax Nậm Lạnh, Sốp Cộp heik:“Hâur ntu đhâu taz viv cux tsi so qênhz shuôs thax tsav, muk lol ndis shuôs têx qơư khênhr muôx nênhs zuôr muôs zax zênhz. Lar heik, taz viv tưz tso têx đoanx côngz xưv yax kriê, vênhv tôngv pêx xênhv nhoz thax tsav ntus đriv lok phax tar zax zênhz, tso pêx xênhv cir ntơưr chos luk tsi tror uô tsoz zênhz, chos têx tsoz chos muôx tsơưr zax zênhz. Tiv zix, taz viv tưz tso nênhs muk qênhz yuôx, qênhz shuôs têx qơư muôx cêr đhâu đriv têz, chor cêr mê lus muk lol đhâu, txix ntơư phax tir thêir txo grêk tsơưs lênhx nênhs zuôr muôs, uô luôv zax zênhz đhâu ntus đriv”.

Zos lưv lươngv chênhr phax tar têx lênhx nênhs zuôr muôs zax zênhz, Công an huyện Sốp Cộp tưz zênhx max qênhz pov, ruôr por tsês ntâu txuz đros ntâu lênhx nênhs cik txos sir zôngv, zuôr muôs, thâux gra zax zênhz tsi trơưk chei. Hâur 03 luz hlik hâur shôngk shông 2023, Công an huyện tưz seiz car, hux jos  đros chor lưv lươngv muôx vax huôv qênhz pov, ntêk tâu 23 txuz, 27 lênhx nênhs zuôr muôs, uô luôv zax zênhz; têx chuôz zênhx sâu tâu muôx 914 njiêr yuôx shơư zênhz, 19 cir ntâu txir zênhz thiêz mê njik têx zênhz đơưz. Thượng tá Phạm Văn Tâm, Phưv Tsar Công an huyện Sốp Cộp, tỉnh Sơn La heik pâuz:“Công an huyện uô jông lơưr tsưr ziv qênhz yuôx: Pâuz tsênhz lênhx nênhs, pâuz tsênhz qơư, sir jos uô nuv phax tir thêir chiê choz hâux lưv tsênhv tsênhz trâu yênhx lênhx nênhs hâur tổ côngz xưv huyện hux jos đros xã chiê fuô uô luôs hâux lưv co. Iz chas ntơư, công an xã fuô uô têx faz tsưr ziv, taz por 100% jêx jok thiêz 100% chuôz zis pêx xênhv tâu cir ntơưr chos luk uô trơưk”.

Txơưv tsênhv yuôr ntâu phiv liv hâur phax tar zax zênhz, taz sik đros thiêz fuô uô jông têx hâux lưv zok muôz “hlôngr yiêz, cxiv tsa xã, phường, thị trấn hâur thax tsav tỉnh Sơn La tsi muôx zax zênhz, ntu 2023-2025, uô ndar txos shông 2030”, huyện Sốp Cộp tưz sir jos uô jông luôs hâux lưv phax tar zax zênhz; lar heik zos paz trâu pêx xênhv sâuv thax tsav ntus đriv, muôx luz nênhx truôx tuk, tsâu sor./.

                                                             (CTVVOVTB-Riê Lâux cxeik, nhênhv)

Kriê kỹ thuật chos tsoz chos tsax njuôz trâu pêx xênhv 2 xar Chiềng On, Chiềng Tương, huyện Yên Châu (Sơn La)

Ntơưv jiês hêik kriê, hlôngr njêx muôs chinhr quyền ntơưv qơư thiêz chor pêx xênhv cxaz chuôz dưv anr nhoz 2 xar tưz tâu hêik kriê têx tsưr ziv txix bax ar, chor qir zuôv, tsưr ziv zuôv qir thiêz tsưr ziv chos tsoz tsax njuôz.

Lơưr co, hâur ntu bax ar, tsax njuôz zos zav nhiêv ar nông, taz sik zuôr trâus tuôs sêi zos ar trâus đêx ngaz. Viv li, pox nhuôs tâu hêik kriê cov chos ntơưv têx qơư muôx đêx zôngx ziv ntưk muk, tsik trâus đêx ngaz; six hơưv chos zos txix hli 4-6; lok sik txix hli 8-10.

Lok qir zuôv, zuôr tsuv tso qir uô ntêx thâuv zuôr chos thiêz zuôv nzir hâur shông xuz thơưx, shông tiv 2… têx zav qir zuôv li: Qir guôx, qir vi sinh, Supe Lân, Đạm ure, Kaly clorua…

Zơưv Ziêk Xênhv Shôngx, Chủ tịch Ủy ban xar Chiềng On puz pâuz, Chiềng On thiêz Chiềng Tương puôr lênhx zos xar ntus đriv tsênhv txov nhêv, chor chuôz zis pluôs tsênhv yuôr chôngz. Viv li, nov hâu thiêz pox nhuôs hâur xar vav tiêk dưv anr huôv tsar tsoz tsax njuôz zuôr paz muôx tâu tsưr ziv uô nox yiêz, paz trâu pêx xênhv gra siêz phênhv sâu, txo grêk cêr yêiz pluôs.

Đrâuv Chiềng On thiêz Chiềng Tương, tsaz yênhx huôv tsar tsoz tsax njuôz (Nhoz hâur Dưv anr “Txo grêk cêr pluôs thôngz đhâu uô kôngz nuv thiêz thương mại thax tsav ntus đriv Việt Nam-Lào” zos Cuiv paz trâu Sik côngv Mê Công-Lan Thương paz” cux tâu kriz uô ntơưv 2 xar  Phiêng Khoài thiêz Lóng Phiêng, huyện Yên Châu (Sơn La). Dưv anr li tsưr ziv zos paz trâu pêx xênhv hlôngr yiêz tsưr ziv uô nox, paz chiê chos têx zav tsoz chos muôx tsiv gri kinh têr siêz hlôngr trâu chor poz cưk, kok ntông, paz muôx yưv tsưr ziv uô nox sik côngv, đros trâu muôx qơư sâu zuôr muôs têx hax huv thâuv sâu tâu cov truôx đrênhk, paz muôx hâux lưv uô thiêz muôx nzir phênhv sâu, hlôngr yiêz luz nênhx trâu pox nhuôs hâur thax tsav uô Dưv anr./.

                                                                 Thu Thùy-Lik Thox cxêik nhênhv