Sơn La tsov cưv txos hâux lưv kriê txux chi trâu  shux xênh Lào

Đhâu 5 hli cơưv, chor shux xênh tuôx txix têx tỉnh faz Bắc (Têz qơưk Lào) tưz sưv đros trâu tênhv qơư yiêz nhoz tỉnh Sơn La. Têx phiv liv njiz trâus thâuv cơưv luk Tsoz tsiz, sik thav pêv, lok sik xênhz huôx jux juk tâu khưx phưx txix chor cưk kriê ntơưr li têx sir jos, đros têx tsưr ziv uô txơưx xar tơưv li: Tsưr ziv “oz lênhx fôngx zưs Việt-Lào” (iz lênhx shux xênhz Việt Nam paz trâu iz lênhx shux xênhz Lào); cơưv thiêz hêik luk tsoz tsiz đhâu suôz gâux; ndis shuôk chor qơư di tích lịch sử, têx qơư jông jav; muk ndis shuôk ciêz zuôr hax huv uz no… Niêv tix Chên Ny Ma Lay Sản tuôx txix tỉnh Xiêng Khoảng, têz qơưk Lào tsênhv cơưv luk Tsoz tsiz ntơưv Tsêr cơưv cao đảng Sơn La hêik pâuz:

“Uô ntêx zuôr tuôx trâu Việt Nam, cur lok six cxơưx viv tsik pâuz luz nênhx thiêz cơưv ntơưr shor jông li chak. Tuôx txos trâu Sơn La tâu chor cưk kriê ntơưr tsov cưv txos, đhâu xar muôx 5 hli cơưv luk Tsoz tsiz, cur tưz mnôngs tâu, pâuz hêik, nhênhv thiêz sâu tâu lơưv. Chor cưk kriê ntơưr tưz muôx ntâu tsưr ziv chiê pêz cơưv tâu chor jax cơưv jông đuô…”

Txix têx sir jos thiêz txơưx jênhv, chor canr bôv, cưk kriê ntơưr Tsêr cơưv Cao đẳng Sơn La tưz hlôngr yiêz đuô tsưr ziv, sir zôngv công nghệ thôngz mông hâur kriê luk Tsoz tsiz trâu chor nênhs saz đrâuv têz qơưk thiêz kriê cơưv hâux lưv uô; cơưv nzir luk lok tsuôk chiê zôngx ziv đuô hâur kriê ntơưr, thav luk, paz trâu chor shux xênhz Lào. Iz chas co, tsêr cơưv cux tsưr tsix ntâu zav huôx tôngv hâur oz têz qơưk chor hnuz ntênhk lox chiê chor shux xênhz Lào thiêz shux xênhz Việt Nam sik njiz, sik thav, nriêr pâuz, cơưv nzir txux chi.

Zơưv Nguyễn Xuân Thắng, Phưv Hiệu trưởng Tsêr cơưv Cao đẳng Sơn La puz pâuz: txix shông 2001 txos nhiv no, Tsêr cơưv Cao đẳng Sơn La tưz tsưr tsix 20 khóa thox cxov luk Tsoz tsiz thiêz hâux lưv uô trâu zuôr xar 3.000 lênhx shux xênhz chor tỉnh Bắc Lào:

“Tsêr cơưv cux tưz kriz uô ntâu tsênhv chêi paz trâu chor shux xênhz saz đrâuv têz qơưk li paz lok nhiêx txiêx cơưv ntơưr txix chor nhiêx txiêx têz qơưk tỉnh taz por huv đros thiêz txâuk. Iz chas co zos chiê nhoz hâur ký túc xá tsik tas nhiêx txiêx, paz nhiêx đêx thiêz nhiêx tênhv iz hli 3 yiv thôngx đêx thiêz 15 sor tênhv iz lênhx nênhs; thêv nhiêx bảo hiểm y têr cxix cxuô, chiê chor shux xênhz njuôk shuôk moz gênhs zos muôx zoz qơưx…”

Tas nro chor shux xênhz Lào thâuv tuôx cơưv ntơưr ntơưv Sơn La, ciês thâuv tuôx txos ntơưv thax tsav qơư, chor nênhs tsik tâu pâuz luk Tsoz tsiz mak zuôr tâu kriê luk Tsoz tsiz iz shông. Đhâu co mak li chiê cơưv hâux lưv uô đros cxuô lênhx shux xênhz lơưr tsaz yênhx đăngk cir cơưv ntơưv tsêr cơưv li: Đại học Tây Bắc, Cao đẳng Sơn La,  Cao đẳng Y Sơn La, tsêr cơưv Trung cấp Vênhx huôv Nghệ thuật thiêz Du lịch Sơn La…

Tix lâus Chon Ny Phu Thon, tuôx txix tỉnh Xay Nhạ Bu Ly, têz qơưk Lào hêik pâuz:

“Cur xêir tsov tuôx cơưv ntơưv Sơn La viv đhâu nriêr pâuz mak pâuz tâu Tsêr cơưv Cao đẳng Sơn La muôx ntâu shông kriê luk Tsoz tsiz trâu chor shux xênhz Lào thiêz Tsêr cơưv Đại học Tây Bắc kriê kror hâux lưv cur xar cơưv zos Công nghệ thôngz mông. Cur zuôr sir jos cơưv chiê ntu tov ntêx no zuôr tror muk cxiv tsa têz qơưk Lào”.

Uô lơưr ntâuz ntơưr cir jênhv nhoz tỉnh Sơn La thiêz têx tỉnh Bắc Lào, txix shông 1969 txos nhiv no, tỉnh Sơn La tưz thox cxov trâu chor tỉnh Bắc Lào yênhx cxênhz lênhx canr bôv, shux xênhz ntơưv têx qơư zoz zux sâuv thax tsav. Thôngz sâu txix shông 2015 txos nhiv no, tưz muôx zuôr xar 3.000 lênhx shux xênhz Lào tuôx cơưv ntơưr ntơưv tỉnh Sơn La; 2.100 ntâu lênhx nênhs hâur chor no tưz cơưv tiêr tsaz yênhx thiêz tror muk têz qơưk chiê uô hâux lưv; chor tsênhv yuôr mak tsênhv tror tâu cơưv nzir ntơưv têx tsêr cơưv Cao đẳng, Đại học sâuv thax tsav. Đrâuv chor no mak tsênhv muôx 600 ntâu canr bôv nhoz têx tỉnh Bắc Lào tâu kriê luk Tsoz tsiz chiê tror muk zuk têz qơưk uô hâux lưv.

Zơưv Nguyễn Văn Chiến, Giám đốc Sở Ngoại vụ tỉnh Sơn La puz pâuz: chôngz lênhx shux xênhz zos chor nênhs tâu xêir tsov chiê nhoz hâur têz qơưk Lào li bôv mêir têz qơưk thiêz canr bôv, công chức, viên chức tâu xav chiê uô chor nênhs lênhx tov, sêiz car. Kror co puz pov têz qơưk Lào muôx njênhs siêz trâu Sơn La; thiêz cux hêik tơưv tâu têx cêr sik côngv jông lok zoz zux hêik taz thiêz coangz siv cik côngv cxix cxuô nhoz tỉnh Sơn La đros chor tỉnh Bắc Lào hêik cxuô:

“Hâux lưv sik côngv thox cxov chor shux xênhz trâu têx tỉnh Bắc Lào tâu Sơn La lok six tsov cưv txos. Chor shux xênhz tỉnh Sơn La txêik tok tuôx cơưv ntơưr puôr lênhx chuôz ndê lơưr yênhx shông. Shông cơưv 2022-2023, Sơn La tưz cxiv tsa tsưr ziv zuôr xêir zuôr 405 lênhx shux xênhz chor tỉnh Bắc Lào. Pêz cux tưz hêik trâu Ủy ban tỉnh chos kriê chor sở zoz zux tror hlôngr yiêz, sêiz car, gra siêz tsơưr lươngv thox cxov trâu chor shux xênhz Lào”.

Chôngz lênhx shux xênhz Lào cơưv tiêr tsaz yênhx cơưv txux chi tror muk têz qơưk tưz phuôx huiz tâu đas jos, txux chi tsưr ziv uô hâux lưv, zos yênhx chor nênhs muôx tsơưr lươngv, txux chi jông paz phênhv trâu têz qơưk Lào li huôv tsar./.

(Lê Hạnh-Lik Thox cxêik nhênhv)

8 tsov cưv tuôr jông đas jos cheix ntux sor

Hâuk ntâu đêx

Yar ntux cuz sor uô iz chêr lok hưk ntâu, muôx tsi txâuk đêx hâur chêr, viv li tsuv hâuk ntâu đêx chuôz cxaz trâu luz chêr.

Hlôngr yiêz tsưr ziv nox hâuk

Jav tsi nox têx zav nox uô iz chêr cuz vâuv thiêx lax xâuk tâu. Nox têx zav nox uô lax zuk luz chêr, tiv zix zos txir ntông, jâuz muôx ntâu đêx. Tsuv hâuk cxaz nzir mê njik cuô njêr chiê muôx tsơưr khoáng thâuv lok hưk ntâu. Taz sik, hâux lưv no cux tsi zuôr trâus viv hâur têx pluôk nox niêx hnuz tưz muôx txâuk njêr.

Jav tsi muk têx qơư muôx yar ntux cuz sor

Tsuv nriêr têx qơư muôx nzôngr nzông chiê đreiv yar ntux. Zos tsuv zuôr trâus muk ntơưv qơư yar ntux cuz sor mak tsi cxoz muk tir ntux yar ntêr, tsuv plênhr yuôx phax tar yar ntux cuz sor, ntông mov, hnhar yo ntêr tês…Tiv zix zos jav yar ntux thâuv 11 six tar su txos 3 six zar hnuz keix, viv no zos ntu yar ntux cuz sor tiv zix.

Tsov cưv txos hâux lưv shâuv thiv thao

Tsi cxoz shâuv thiv thao ntêr thâuv yar ntux cuz sor. Hlôngr co mak tsuv muk đhiê tâus cêr, muk tơư thâuv hnuz zuôr xar tuôx lok six hnuz pôngz. Shâuv jux jus chiê shưv đros qơư muôx yar ntux cuz sor.

Hnar tsôngs yo nhiêk

Hnar têx tsôngs yo nhiês, lax nziês. Tsov cưv xeir têx zav ntâuz huv đros thiêz por vêv tâu tơưr greix txix yar ntux cuz sor. Tsi hnar tsôngs yo đuz, tuôz viv têx tsôngs yo no ziv uô iz chêr cuz đuô. Ntông mov đar, xeir têx zav mov muôx kror cov lax khiêv. Chox tsov iêr đuz chiê por vêv kror muôk.

Qêz suô tsêr nhoz hur đu

Tsuv krêz kror trôngx, kror trei thâuv jêx tưv đrâuv jôngr bâuv li jêx tưv hâur tsêr. Kror trei zuôr paz muôx tâu khôngz qiv lax chuô nziês đuô lok hâur tsêr.

Tsuv tsov cưv, tsoz phưz jông trâu mê nhuôs zâu thiêz nênhs lâuk

Mê nhuôk tsi tâu muôx 4 shông, nênhs muôx hnuz nhôngs siêz đuô 65 shông, nênhs muôx cir hnhar, lok sik nênhs muôx moz gênhs thâuv qiv hơưv txơưr txar.

        Thâuv uô si đrâuv jôngr muôx yar ntux cuz sor mê nhuôs lok hưk ntâu, tsuv yax six nzuôr chêr chiê tuôr jông vêv xênhz. Tsuv nzuôr đêx lax khiêv, tsi nzuôr ciês thâuv nhiv kruôr muk yar ntux cuz sor lok thiêz thâuv lok hưk, zôngx ziv uô mê nhuôk trâus moz.

        Cheix ntux cuz sor mê nhuôs zôngx ziv muôx moz gênhs, uô iz chêr trâus pôngz đêx, cuz sor. Viv li, tsuv puz mê nhuôk hâuk ntâu đêx, nox cxaz txir ntông chuôz cxaz vitamin. Tsuv txiêr trâu tês trâu tơư hur si, heik mê nhuôk nzuôr tês uô ntêx thâuv nox hâuk, tsi chiê muôx nhuôk nox ntâu têx zav nox tâu uô txiêk, đêx txiêk./.

Bích Thủy- Txâur Vax cxeik nhênhv