Lok six zuôr trâul têx pênhr jos paz cxiv tsa tsêr cơưv ntơưr ntơưv Mường Tè (Lai Châu)

Têx hnuz hâur shôngk shông cơưv yiêz no, chor cưk kriê thiêz shux xênhz nhoz tsêr cơưv cxênhx nhuôs zâu Vạ Pù, xã Tá Bạ, huyện ntus đriv Mường Tè, tỉnh Lai Châu lok six shir phaz, jông siêz thâuv tâu nhoz kriê thiêz cơưv ntơưr hâur têx tsêr lớp cơưv jông, nhiv kruôr cxiv uô tâu yiêz. Cưk kriê Mào Thị Giang, nhoz tsêr cơưv cxênhx nhuôs zâu Tá Bạ, huyện Mường Tè heik pâuz: “Tsêr cơưv li phiv liv yax zos lok sâuv qơư nhoz uô hâux lưv kriê thiêz cơưv ntơưr, thax tsav no cux lox đar, viv li lok six phiv liv hu zâuv têx shux xênhz tuôx cơưv txux. Cur xar tiêk, tsuv sir jos lês uô luôs hâux lưv kriê txux chi thiêz hu zâuv chor nênhs siêz jông sik đros paz têx tsôngk tril yo, chưx mêv uz no…trâu têx nhuôs chiê hu zâuv tâu tuôx cơưv cxix cxuô đuô. Đhâu thâuv tâu chor nênhs siêz jông đros paz cxiv uô tâu têx qơư nhoz cơưv ntơưr khor jông mak cux zôngx ziv hu zâuv tâu têx nhuôs tuôx cơưv txux thiêz chor nhuôv lơưr cux xar tuôx tsêr cơưv đuô”.

Qơư cơưv cxênhx nhuôs zâu Vạ Pù, xã Tá Bạ, huyện mường Tè (Lai Châu) tâu krêz côngz cxiv uô kuôk no 4 luz hlik ntâu, xav hur si têx nhiêx txiêx uô tas zuôr xar 800 tsov đeiv, muôx tsêr lớp cơưv ntơưr, côngz trênhx uz no, chuôz zênhx phưx vưv têx nhuôs uô si, qơư uô jâuz mor nox….. No zos côngz trênhx têx tsưr tsix lês uô hâux lưv têz qơưk, nhoz tsêr nhiêx têz qơưk Việt Nam chơưv paz trơưk li tsưr ziv txiv ngaz xã hội trâu thax tsav tsôngv box heir nênhs tsơưs txov nhêv. Côngz trênhx tâu uô tiêr, choz trâu uô hâux lưv ndax six hơưv hâur shôngk shông cơưv yiêz, tưz gra ntâu cêr shir phaz, jông siêz trâu têx lênhx cưk kriê thiêz tsôngv box nhoz suôv qơư no, paz tsêr cơưv hu zâuv tâu 26 lênhx shux xênhz nhoz hnuz nhôngk txix 4 shông tuôx cơưv cxix cxuô. Zơưv Lê Anh Tuấn, Phưv Tổng Giám đốc Tsênhv qơư thông tin tín dụng têz qơưk, Tsêr nhiêx têz qơưk Việt Nam heik pâuz: “Hâur têx shông đhâu, pêz chor tsưr tsix lês uô hâux lưv têz qơưk, nhoz Tsêr nhiêx Việt Nam tsi so muôx têx tsaz yênhx truôx tuk xã hội trâu tsôngv pêx xênhv, cux iz zav li trâu chor nhuôs shux xênhz nhoz têx tỉnh tox siêz txov nhêv. Uô tsaz yênhx ntơưv Mường Tè pêz lok six shir phaz, lar heik zos uô tiêr tâu côngz trênhx ndax shông cơưv yiêz, muôz têx qơư jông trâu shux xênhz nhoz cơưv ntơưr. Ntơưv Lai Châu pêz pov tsôngv box lok six txov nhêv, muôx têx tsênhv txov yax nhoz iz cxiê suôv qơư pêz tưz uô thiêz paz max ntơư. Chênhr zos li heik co, hâur ntu zuôr txos pêz zuôr tror uô têx tsaz yênhx txơưr đuô paz thax tsav qơư no”.

Huyện ntus đriv Mường Tè muôx 130 ntâu cêik cêr đriv têz; 10 hâur 14 xã, thị trấn zos thax tsav lok six txov nhêv. Shông cơưv no, tas nro huyện muôx 36 luz tsêr cơưv, 610 lớp, zuôr xar 14.300 lênhx shux xênhz; hâur co muôx 170 ntâu qơư cơưv nhoz têx jêx jok đêz. Tsôngv box nhoz tsi uô cê, tsi yuô tâu muôx txux chi tsưr ziv jênhv pâuz, chor chuôz zis pluôs tsênhv ntâu thiêz muôx 4 heir nênhs tsơưs zos: Cống, Mảng, Si La, La Hủ uô nênhx nhoz. Co zos têx phiv liv lox trâu ngênhx zoz zux ntơưv qơư lês uô luôs hâux lưv kriê txux chi. Zơưv Kiều Hải Nam, Phưv Chủ tịch Uỷ ban huyện Mường Tè heik pâuz: “Cấp uỷ, hâu nov ntơưv qơư cux tsênhv sir jos huiz tôngv têz qơưk têx pênhr paz uô cê chiê yưv pênhr; uô tiêr têx côngz trênhx cov taz por hâux lưv kriê thiêz cơưv ntơưr trâu chor tsêr cơưv. Iz chas ntơư, pêz cux tsênhv cxiz sir jos uô luôs hâux lưv hu zâuv têx tsưr tsix, cơ quan, taz viv, nênhs siêz jông sik đros moz siêz, pheiz kênh, paz max trâu cxuô luz tsêr cơưv hâur thax tsav huyện lok sâuv cxiv tsa côngz trênhx, paz têx chei txơưr đuô trâu chor nhuôs shux xênhz”.

Cux trơưk li zơưv Kiều Hải Nam, nhiv no, huyện tsênhv yuôr ntâu qar tsêr cơưv, qơư nhoz trâu cưk kriê ntơưr thiêz qơư uô jâuz mor nox, qơư trâu shux xênhz nox nhoz hâur tsêr cơưv, cơưv ntơưr tsi tâu muôx txâuk. Hâur têx qơư, côngz trênhx muôx nhiv no, mak muôx 30 ntâu qar tsêr cơưv thiêz yênhx châuv luz tsêr trâu cưk kriê ntơưr nhoz, qơư uô jâuz mor nox….zos lav uô tax, nhoz tax. Mường Tè nhiv no tsênhv sir jos hu zâuv cxuô pênhr jos chiê yưv pênhr paz cxiv uô têx côngz trênhx, tsov cưv uô têx  tsêr cơưv cxênhx nhuôs zâu, lar heik zos chor qơư cơưv hâur jêx jok./.

(Khắc Kiên-Riê Lâux cxeik, nhênhv)

Pêx xênhv tox siêz uô bluô nux ciês sâuv zuk thax tsav qơư nhoz

Têx shông jê lok no, ntâu thax tsav qơư nhoz Yên Bái tưz muôx têx tsưr ziv uô txơưx xar tơưv, sưv jê đros pêx xênhv, nhoz ciês ntơưv cxuô thax tsav qơư chiê muôz Nghị quyết Đại hôiv Đảng cxuô cấp lok uô hâur luz nênhx.

Nhoz huyện pluôs Trạm Tấu tưz uô truôx jông lơưr Tỉnh ủy, Hôiv đôngx tỉnh li tsênhv njiêz têx Nghị quyết, huyện sir jos uô jux juk, huv đros trâu cxuô thax tsav qơư, pêx xênhv têx phongx cxưx, cêr nênhx thiêz txux chi nhoz thax tsav tox siêz, txix co tưz paz trâu lơưr tsik zos hla đhâu cêr pluôs xưz mak jux juk chiê uô bluô nux.

Nhạc cắt

Njiê tix lâus Muôk Xênhv Zax, tsôngv box Hmôngz nhoz jok Khấu Ly, xar Bản Mù, huyện Trạm Tấu txiêr têx jâuz tâux chox lok vâuv kâuz uô zav nox trâu chor nhux, tưv tsênhv tâu cơư chiê tu zus hâur têx tsêr guôx, muôx tsik tsơưs nênhs xar tsik txos hlo. Viv thâuv ntêx no tsôngv box Hmôngz tsuôk sưv đros thiêz cor cav tu zus tsơưs, tuz zus tso yar têx tsiêx cxu xưz.

Tix lâus Muôk zos lênhx nênhs muôx tsưr ziv siêz xar yiêz, thâuv jênhv pâuz tâu tiêk hâux lưv tu zus nhux, tưv sha mê nhuôv thiêz tu zus cơưv hâur têx tsêr guôx jông đuô pir đros tu zus tso yar, tix lâus tưz cuêz tênhv hlôngr yiêz đuô tsưr ziv tu zus chor tsiêx cxu. Tix lâus Muôk cux tâu paz nzir 30 triệu đêiv nhiêx pênhr lơưr Hôiv đôngx tỉnh Yên Bái li Nghị quyết 69.

Nhiv no, hâux lưv tu zus lơưr tsưr ziv cơư hâur têx tsêr guôx, đros trâu tu zus tso yar li no tưz paz trâu tix lâus chuôz zis muôx tâu phênhv sâu 200 triệu đêiv iz shông. Tix lâus Muôk hêik: “Têz qơưk paz li co viv li cur chuôz zis tsuv sir jos khưr huôv tsar uô nox. Thâuv tưs hâur tsêr guôx cux muôx txix 7-10 tuk nhưx tưv. 6 luz hli nhiv kruôr đhâu mak iz hli xav cur oz niêv txir cux sâu tâu muôx 16 triệu đêiv”.

Zơưv Chang Xênhv Zax, Chủ tịch Ủy ban xar Bản Mù, huyện Trạm Tấu puz pâuz, iz chas chor tsưr ziv huôv tsar uô nox tu zus tsiêx cxu li tix lâus Muôk Xênhv Zax chuôz zis, xar tsênhv sir jos hêik pêx xênhv huôv tsar têx tsưr ziv uô nox yiêz hâur uô kôngz nuv, paz muôx tâu kinh têr siêz đuô thâuv ntêx. Zơưv Chang puz pâuz: “Muôx lok six ntâu chuôz zis hla đhâu cêr pluôs txix tu zus tsiêx cxu. Tas nro chor  tsiêx cxu hâur xar tưz muôx 8.000 ntâu tuk, hâur co nhux tưv zos 3.000 tuk”.

Nhạc cắt

Zos huyện tox siêz tsênhv pluôs đros xar muôx 80% zos tsôngv box mênhx cxưx Hmôngz uô nênhx nhoz, ntu đhâu, Trạm Tấu tưz muôx tâu ntâu tsưr ziv uô txơưx xar tơưv, sưv jê đros pêx xênhv, uô truôx jông ntơưv cxuô thax tsav qơư chiê muôz Nghị quyết Đại hôiv Đảng cxuô cấp lok uô hâur luz nênhx. Lơưr co, ciês đhâu thâuv chor Nghị quyết tâu tso tơưv, chor đảng bộ hâur Huyện ủy tưz kriz uô yênhx têx tsaz yênhx, tsưr ziv uô tsênhv tsênhz. Zơưv Thox Xênhv Zax, Bí thư Huyện ủy Trạm Tấu puz pâuz, đhâu xar muôx 2 shông uô lơưr Nghị quyết Đảng bộ tỉnh jiês tiv 19, huyện Trạm Tấu tưz kriz uô txơưx xar tơưv, truôx jông, hlôngr yênhx têx kror huôx tôngv tsênhz tsênhz chiê paz trâu pêx xênhv uô bluô nux ciês sâuv zuk qơư nhoz.

Tsôngv box nhoz tox siêz Trạm Tấu nhiv no tưz tsik zos uô bluô nux trâu zuk chuôz zis xưz mak tsênhv pâuz sik côngv hâur uô nox, sik paz uô nox chiê cxiv tsa chor jêx jok tsâu sor, shir phaz ciês sâuv thax tsav tox siêz nhoz Tây Bắc.

Nhạc cắt

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô đros muôx Tsênhv qơư cxơưz cxiz uô kôngz Têz qơưk đros paz uô./.

(Chia BS-Lik Thox cxêik nhênhv)