Tsôngv box Hmôngz nhoz  Sa Pa li cêr chêi đaz kruôk nox Tsiêz

(Nhạc nền sáo rộn ràng…)

Bax trâu jiês Tsiêz, chor pos, chor niêv tsôngv box Hmôngz nhoz Sa Pa tsênhv sir jos chiê uô cov tiêr chor tsôngk yo yiêz thiêz zuôr cxuô zav lok trâu chuôz zis nox tsiêz. Chor txir nênhx mak kho đuô thiêz qêz suô cxuô zav iz ndis têx vax tsêr, bax tơưl trâur hâur chor hnuz tsiêz, tuô buô, tuô kêiz chiê bax uô tsiêz nox thiêz chiê bưk pos zơưs hâur hmo pêz châus tsiêz.

Piz txix zar hnuz kêix hnuz 30 tsiêz, tsưr tsêr zuôr muk txiêr pêz tuk shôngz đros pêz tsưv shaz chiê qêz nkơưz thiêz qêz tsêr cov hur đu đros siêz xar châuv têx kror tsik jông muk, txêik tok iz shông yiêz sơưr đơưk muôx đas jos jông, tsik muôx moz gênhs, khưr tâu nox tâu hnar, uô nênhx nhoz shir phaz. Qêz tas tsưr tsês zuôr gra pêz tuk shôngz co đros trâu têx vuôz tsuôz chox muk por tsêr trâu ntơưv ntu cêr siz yuôv pêz txos saz hnuz pôngz. Qêz tsêr tas tsưr tsêr zuôr muk đrav zuk chuôz zis têx liêx têz chiê hu plis kôngz, plis lông lok đros chuôz zis nox tsiêz. Zơưv Lồng Xênhv Muôk, nhoz tôv 3, phường Hàm Rồng, thị xar Sa Pa puz pâuz:

Băng tiếng Mông

Hu plis kôngz plis lông lok txos mak bax tuôr nduôr chiê bưk pos zơưs. Đaz nduôr xuz thơưx ciês zuôr tâu puôz yênhx iz luz nduôr lox tso trâu hâur luz vaz txơưz trâu pêv xưv caz. Bax iz ntiv cxur cxok shaz thiêz iz luz tênhz tơưl pov cêr hâur 3 hnuz hmo thiêz trâu tsuv mor chiê bưk pos zơưs, hu pos zơưs lok đros zuk chuôz zis nox tsiêz. Bưk tas mav hu zâuv cưr tix nênhx tsa sơưr đơưk tuôx đros zuk nox tsiêz thiêz sik phôngv têx lo luk jông…

Tix lâus Dinh Xênhv Hav, nhoz tổ 3, phường Hàm Rồng, thiv xar Sa Pa, tỉnh Lào Cai hêik pâuz:

Băng tiếng Mông

Tsôngv box Hmông nhoz phường Hàm Rồng, thiv xar Sa Pa tsik txi xưv caz mak lơưr zuôr hlôngr đuô đêiv ntơưr xưv caz yiêz ciês thâuv tuôr tâu luz nduôr lox tso trâu pêv xưv caz co. Trơưk zơưv Lồng Xênhv Muôk, nhoz tôv 3, phường Hàm Rồng, thiv xar Sa Pa hêik mak tsôngv box Hmôngz nhoz Phường Hàm Rồng zuôr chêir Tsiêz txix hnuz xiêz iz txos hnuz xiêz pêz. Têis cik hnuz xiêz 3 tsiêz tror uô iz tsuv mor chiê bưk pos zơưs iz jâus nzir thiêz xa pox zơưs tror muk mak thiêx li xâuk tsiêz thiêz cxuô lênhx nênhs hâur chuôz zis thiêx tâu hnar tsôngk yo yiêz muk uô si, côngv cêr lov mjêv hâur têx hnuz tsiêz. Zơưv Lồng Xênhv Muôk puz pâuz nzir:

Băng tiếng Mông

(Nhạc sáo rộn ràng đón năm mới)

Cux xưk li tsôngv box cxuô mênhx cxưx hâur tas nro têz qơưk. Tsiêz zos iz jiês muôx gri đros tsôngv box Hmôngz nhoz no. No zos jiês chiê cxuô lênhx nênhs hâur chuôz zis nhoz so, sik njiz, sik thav, sik phôngv côngz trâu iz shông yiêz muôx đas jos, tsik muôx moz gênhs, uô nênhx nhoz shir phaz thiêz khưr huôv tsar uô nox tâu trơưk li siêz xar./.

(Lik Thox cxiv sâu thiêz cxêik nhênhv)

Tsôngv box Thái Tây Bắc li phongz cxưx hu plis Tsiêz

          Nền nhạc Thái...

          Uô ntêx thâuv “uô nênhz seiz tsêr-kho tsêr hâur shông yiêz”, tsưr tsêr zuôr gra pênhz laz muk hu txir nênhz tuôx uô nênhz trâu chuôz zis. Uô ntêx thâuv hu (lơưr nênhx Thái li tsưr ziv seiz lix mak 10 hnuz uô ntêx thâuv uô nênhz), tsưr tsêr zuôr muôz pênhz laz, iz tês blôngx njê, iz luz los chav, iz yeik greix tso trâu sâuv thax caz pos zơưs chiê hu pos zơưs lok đros tuz nhuôk uô nênhz seiz tsêr hâur shôngk shông yiêz, thôngx cxix hu pos zơưs lok đros tuz nhuôk nox tsiêz.

          Txos hnuz uô nênhz, pox nhuôk uô greix buô txix ciês thâuv sơưr nzor, tul buô lox lok sik zâu mak khov txos chuôz zis bax. Nênhs tuôx paz chuôz zis uô hâux lưv phênhv ntâu zos tuz nhuôk hâur xênhv nênhs, txơưx uô hâux lưv. Tul buô thâuv hâu siêr tso trâu sâuv trôngx, đrâuv buô tsênhv muôx 1 tul keiz hâu siêr, mor blâuv, chơưr, 1 fax greix cxiêz, 1 poz greix krưr cxiêz, 1 tul njês cxiêz...têx zav nox, txir ntông, njuôs, thax nduôr....Hâur co zuôr trâus muôx njuôs kâuz uô đros plaz hnhur buô chiê txir nênhz hu tsưr tsêr li pos zơưs. Zơưv Vì Văn Liêm nhoz jos Nhả Say, xã Nặm Măn, huyện Sông Mã tỉnh Sơn La puz pâuz: “Têx lênhx nênhs tuôx paz txir nênhz uô nênhz khênhr zos txir nênhx thiêz txơưx lok phongz cxưx, seiz đrơưv, muôx txơưx jênhv đros hâux lưv, đros chuôz zis. Txơưx trâu mor thiêz txơưx paz txir nênhz uô hâux lưv txos thâuv uô tiêr”.

          Trôngx mor bax uô tâu, txir nênhz zuôr hu pos zơưs lok đros tuz nhuôk nox. Txir nênhz tuôr fâu ntơưr sâu têx lênhx nênhs tưz tâu tas siv nênhx hâur xênhv nênhs lok nox tsiêz, hu tas, tsưr tsêr ho trâu iz trôngx mor txơưr gra muk txi kror chuz. Tsôngv box Thái xar tiêk no zos qơư têx pos zơưs tâu tas siv nênhx nhoz jor hluôr tơưs trâu tuz nhuôk, phôngv jông trâu chor tuz nhuôk tsi chiê muôx hluôr tơưs trâus cuz.

          Tsưr tsêr cux uô trôngx mor txi côngv pos zơưs, têx lênhx tưz tâu tas siv nênhx txix nzor ndê tsi tâus nteir thiêz txi côngv đaz xênhz têz xênhz qơư paz seiz nhux, seiz tưv, thiêz têx tsiêx cxu, thor pos zơus phôngv jông trâu tuz nhuôk tu zus tâu tsiêx cxu hloz lox sei. Zơưv Lò Văn Hiến, nhoz jos Mường Pịa, xã Chiềng Hoa, huyện Mường La puz pâuz cxaz: “Uô nênhz seiz tsêr nhoz têx xênhv nênhs lox, txir nênhz zuôr zâuv pos zơưs lok đros tuz nhuôk nox tsiêz, xar njôngr pos zơưs iz shông yiêz muôx jông đas jos, uô tâu kôngz tâu lông. Têx xênhv nênhs mê đrâuv hu pos zơưs lok nox tsiêz mak tsênhv txi côngv đaz xênhz têz xênhz qơư”

          Txir nênhz hu tas hâur kaz tsêr lơưx cux zos thâuv pox nhuôk tsưr tsix uô nênhz seiz tsêr, txi côngv pos zơưs, niêv txir li têx côngz lox. Tiv 2 zos jiês chiê chor nhuôv nxeik muk zuôr txir đêz gra nduôr blâuv, thax nduôr, txir ntông lok txi côngv pos zơưs niêv txir. Pox nhuôk xar tiêk xar uô tâu nox tâu hâuk mak tsuv coangz xênhz txos zuk pos zơưs, niêv txir, chiê pos zơưs niêv txir phôngv côngz jông trâu tuz nhuôk”.

          Nền nhạc Thái....

          Uô nênhz seiz tsêr zos phongz cxưx muôx txix nzor thiêz tâu tsôngv box Thái tuôr tsês đhâu ntâu cxênhx nênhs lok no. No cux zos jiês chiê tuz nhuôk nhoz đêz tror lok đros chuôz zis nox tsiêz, txi côngv pos zơưs tưz phôngv trâu tuz nhuôk muôx iz luz nênhx jông li nhiv no, phôngv trâu shông yiêz muôx jông đas jos, uô tâu nox tâu hnhar, luz nênhx thâuv tưs cux tsâu sor, ngaz tul./.

(Lường Hạnh-Txâur Vax cxeik nhênhv)

Tsôngv box Cho Tuyển nox tsiêz li chak?

Nhạc nền Dao….

Tsôngv box Cho Tuyển nox tsiêz mak phênhv ntênhk zuôr tâu tsưr tsix hâur 2 hnuz zos hnuz 30 tsiêz thiêz hnuz xiêz 1 tsiêz.

Hâur yênhx chuôz zis tsôngv box Cho Tuyển muôx oz luz thax đaz, iz luz chiê txi côngv pox côngz zơưv côngz, iz luz chiê txi côngv đaz vax đaz tsêr, sêiz car hâux lưv uô nox, cux xưk li chor nênhs hâur chuôz zis li đas jos. Cxuô zav tâu tsưr tsêr bax lok six jông thiêz cxix cxuô.

Thâuv têis cik sơưr nzor hnuz 30 tsiêz, tsôngv box Cho Tuyển zuôr uô tsuv mor chiê txi côngv pox côngz zơưv côngz muôx nduôr blêx, chơưr, grêix chiê hu pos zơưs lok đros nox tsiêz.

Thâuv têis cik hnuz xiêz 1, kêiz piz kuô tsis xuz thơưx hâur shông yiêz, tsưr tsêr zuôr uô tsuv mor hu đaz vax tsêr, xênhz têz xênhz qơư lok nox tsiêz, têx zav muôx zos yuôx zêx, nduôr, txir ntông, nduôr thax, luz thax đaz no mak tsik chiê cxuô zav muôx trox trâu sâuv no. Zos chuôz zis tưs tưz muôx nênhs uô ntênhk cấp sắc mak zuôr muôx nzir oz pêz đêiv kriêr nhôngk thiêz jâuz njuôz tso trâu sâuv thax đaz, đhâu co tsưr tsêr thor đaz vax, đaz tsêr, xênhz têz xênhz qơư lok đros chuôz zis nox tsiêz, paz trâu chuôz zis iz shông yiêz muôx đas jos, uô ntâu nox, sâu tâu kôngz lôngk ntâu. Lơưr co, chor chuôz zis tsôngv box Cho Tuyển zuôr lo têx ntơưr liêz trâu cxuô zav iz ndis vax tsêr chiê hêik trâu sơưr đơưk thiêz cxuô zav pâuz tiêk iz chêix ntux yiêz tưz tror lok txos. Cux hâur têis cik hnuz xiêz 1 tsiêz, thâuv thor kriz kror trôngx, tsưr tsêr zuôr muôz iz luz nduôr blêx đêi trâu kror trôngx saz lâux, đros co zos cxok iz tuk shôngz txâuk chiê txơưz iz khoz yuôx zêx thiêz cxok shaz trâu đrâuv jôngr. Niêv tix Chảo Yên nhoz jok Ngám Xá, xar Nậm Chạc, huyện Bát Xát, tỉnh Lào Cai puz pâuz: Uô li no zos chiê txi côngv trâu chor đaz tsik muôx qơư nhoz cov tsik yêiz plaz, tsik uô phiv liv txos chor nênhs tsênhv uô nênhx nhoz: “Tsôngv box Cho Tuyển xar tiêk pox côngz zơưv côngz tưz tâu txi côngv trâu hâur tsêr lơưv mak luz nduôr đrâuv jôngr zos chiê txi côngv trâu chor đaz tsik muôx qơư nhoz, tsik muôx lênhx tưs txi côngv, chiê lơưr muôx tâu iz luz tsiêz tsâu sor. No zos iz kror vênhx huôv, phongx cxưx lok six jông”.

Tsôngv box Cho Tuyển muôx phongx cxưx zuôr đêx trâu têis cik sơưr nzor hnuz xiêz iz tsiêz. Yênhx chuôz zis tsuv uô ntênhk thor. Tsôngv box Cho Tuyển tsuv muôx shaz, muôx ntơưr thor đaz đêx chiê sir zôngv đêx cov iz shông muôx tâu hmôngr jông, no cux zos jiês chiê uô tsâus txos đaz đêx, cux xưk li thor muôx đas jos trâu chor nênhs hâur chuôz zis. Tix lâus Đặng Quyết Tiến nhoz jok I Nhai Tẻn, xar Kim Sơn, huyện Bảo Yên, tỉnh Lào Cai puz pâuz: “Thâuv hmo 30 thiêz têis cik xiêz iz tsiêz, lênhx txir nênhx Cho hâur chuôz zis zuôr muôz oz kror têik lox siz luôs trâu đêx lok lux. Thâuv lux chor đêx chê thâuv shông yiêz hnhar đuô mak shông co muôx ntux yar ntux nas huv đros, uô tâu nox tâu hnar. Đhâu thâuv thor đêx tas mak tsưr tsêr zuôr râuz đêx tsâu yuôx zêx thiêz muôz txi côngv pox côngz zơưv côngz thor paz trâu chuôz zis muôx luz nênhx tsâu sor, shir phaz”.

Tsôngv box Cho Tuyển txơưv nhoz kror tưs puôr lênhx muôx iz luz tsêr trâu sơưr đơưk hâur jêx jok txi côngv, qơư uô tsêr txi côngv no zos nhoz jê har jôngr lâul lok sik qơư muôx têx ntông lox hâur jok. Đhâu txi côngv pox côngz zơưv côngz tas mak yênhx chuôz zis zuôr chiê iz lênhx nênhs bax cxuô zav muôx chơưr, grêix, nduôr thax muk côngv đros cxuô chuôz zis hâur jêx jok txi côngv ntơưv jêx jok kror qơư txi côngv no. Cux hâur hnuz no, cxuô lênhx nênhs zuôr gra têx zuz ntông đros chiê thâuv txi côngv tas mak chos ntông, por vêv jôngr. Tix lâus Đặng Quyết Tiến puz pâuz nzir: “Txi côngv jêx jok zos iz phênhv tsuv muôx hâur tsôngv box Cho Tuyển luz nênhx chiê thor iz shông muôx ntux yar ntux nas huv đros, kôngz lôngk jông. Thâuv têis cik hnuz xiêz iz tsiêz yênhx shông, iz chuôz zis zuôr chiê iz lênhx nênhs gra đros iz poz shaz ntơưr, chơưr, grêix chiê muk đros pox nhuôs hâur jêx jok txiv côngv…Thâuv txi côngv tas mak sơưr đơưk zuôr tror lok kho đuô têx chêi hâur jêx jok chiê paz muôx tâu sik côngv truôx jông hâur côngv thôngx đuô”.

Nền nhạc Dao…

Tsôngv box Cho Tuyển nhoz Lào Cai li phongx cxưx nox tsiêz tâu tuôr tsês chiê thiêz phuôx huiz đhâu cxuô cxênhx nênhs. No zos jiês chiê têx tuz nhuôs lok đros chuôz zis nox tsiêz cov muôx tâu luz nênhx lov jêv, shir phaz thiêz sik hluz, sik paz đuô./.

(Chẻo Thu-Lik Thox cxêik nhênhv)