Sir jos huôv tsar têz qơưk txix siêz xar txos kriz uô tsênhv tsênhz

           Lơưr Bôv Chinhr triv njuôk xav, tsưr ziv cxuô zos: “Txos shông 2030-chiv nhênhv 100 shông yênhx lix Đảng, pêz têz qơưk zos têz qơưk tsênhv huôv tsar muôx côngz nghiệp yiêz jông, phênhv sâu xav luz đraz siêz. Txos shông 2045, chiv nhênhv 100 shông yênhx lix têz qơưk, zos yênhx luz têz qơưk huôv tsar, muôx phênhv sâu siêz”.

           Iz chas co, dưv thảo cux tso tơưv 5 kror zov chênhr, hâur co hêik mênhx: Truôx đrênhk thiêz uô txơưx xar tơưv chủ nghĩa Mác-Lênin, tư tưởng Hồ Chí Minh; uô truôx tsưr ziv tiêx tuk mênhx cxưx đros trâu chủ nghĩa xar hôiv; muôz pêx xênhv uô tsênhv njiêz, kror chênhr hâur huôv tsar.

           Têx tsưr ziv lox no tưz tâu chôngz canr bôv, đảng viên ntơưv Lai Châu moz siêz txos, hêik pâuz têx ziv chênhv lơưr txơưx jênhv siêz. Pos Đào Thị Thanh Nhàn, Phưv trưởng Ban thường trực Ban Tuyên Giáo thiêz Dân Vận tỉnh ủy Lai Châu puz pâuz: “Hâur 5 luôs hâux lưv chox kriê, cur moz siêz txos tsênhv njiêz tiv 5, co zos “sir jos cxiv tsa, kho đuô Đảng thiêz cxiv luôs chinhr triv hur jông, hênhr lok cxuô kror”. Tsênhv tsênhz tsênhv njiêz no tưz thiêz tsênhv tâu kriz uô jông, taz sik iz chas co cux tsênhv yuôr ntâu kror phiv liv, uô tsik tâu jông. Viv li xav jênhv tsênhz njiêz no hâur chox kriê dư thảo hêik pâuz chinhr triv lơưr cur mak zos kror huv đros”.

             Cux lơưr pos Nhàn, đhâu zuôr đảng viên ziv chênhv trâu dưv thảo hêik pâuz Chinhr triv muôz trâu Đại hôiv đại biểu tas nro têz qơưk jiês tiv 14 puz pov, đảng viên ntơưv Lai Châu lok six moz siêz txos huôv tsar sêi, truôx đrênhk, khov trâu khoa học, công nghệ, hlôngr yiêz xar tơưv thiêz huôv tsar pênhr jos lênhx nênhs Việt Nam. No chênhr zos kror paz trâu têx tỉnh tox siêz li Lai Châu tơưv đhâu têx phiv liv, huôv tsar tâu huv đros têz qơưk: “Nghị quyết Đại hôiv Đảng bôv tỉnh Lai Châu, six cxiv 2025-2030 tưz uô jông lơưr Trung ương tsưr ziv chox kriê, luôs hâux lưv huôv tsar, huv đros trâu cxuô kror muôx nhoz iz tỉnh tox siêz, ntus đriv. Đại hôiv cux tưz xav jênhv 3 kror kriz uô, 4 jênhv vưv tsênhv njiêz, 5 tsưr ziv chox kriê thiêz 6 kror tsưr ziv uô. Lơưr cur no chênhr zos tỉnh têx tsưr ziv huôv tsar lox tsuv tsêx trung hâur six cxiv 2025-2030, chiê đros tas nro têz qơưk hla trâu ntu huôv tsar yiêz, mênhx cxưx li ntu hlôngr yiêz thiêz huôv tsar”.

            Zos hluôk nênhs, uô côngz xưv ntơưv Tsêr kho moz Đa khoa tỉnh Lai Châu, ntu đhâu đảng viên Vùi Thế Mạnh cux li chôngz lênhx đảng viên uô côngz xưv ntơưv no lok six shir phaz đros Đảng têx hlôngr yiêz thiêz moz siêz txos têx tsênhv chêi paz trâu tox siêz: “Cur lok six shir phaz thâuv pov Đảng sir jos uô jông dân chuv, mnôngs njôngr têx ziv chênhv txix ntơưv thax tsav qơư. Đhâu nhênhz chơưv, cur pov tsưr ziv cxiv tsa Đảng, huôv tsar têz qơưk hâur ntu yiez mak Đảng tso tơưv ntơưv Đại hôiv jiês no lok six tsênhz mênhx, cur vav tiêk Đảng zuôr tror muôx têx tsênhv chêi jông đuô, paz trâu tsôngv box nhoz tox siez luz nênhx; paz tâu jông trau zoz zux, y têr thiêz huôv tsar kinh têr đros tuôr tsês tâu jông têx vênhx huôv mênhx cxưx”.

              Canr bôv, đảng viên ntơưv Lai Châu têx ziv chênhv đrâuv paz gôngr côngv trâu dưv thảo văn kiện Đại hôiv 14, tsênhv zos hêik txos txơưx jênhv, siêz njênhs thiêz vav njôngr txos tas nro Đảng, tas nro pêx xênhv li hâux lưv huôv tsar têz qơưk./.

Khắc Kiên-Lik Thox cxêik nhênhv

Tix lâuk Thêir x Thox sir jos hla đhâu phêv liv uô bluô nux, khơưk muôz nhux đas trâu nênhs pluôk huôv tsar uô nox

          Muk txos xã Trung Lý, txơưv lênhx tưs cux pâuz tix lâuk Thêir x Thox chuôz zis, viv tix lâuk zos chuôz zis bluô nux tiv zix nhoz jos Tà Cóm. Tix lâuk cux zos lênhx nênhs truôx siêz muoz nôngz nhux đas trâu têx ziv chuôz zis txov nhêv hâur jos chiê huôv tsar kinh têr, sir jos hla đhâu cêr pluôk.

          Chiê tuôx txos hâur jos, txix tsênhv qơư xã Trung Lý tsuv muk đhâu zuôr xar 50 cei cêr har jôngr. Tix lâuk Thái chuôz zis muôx 4 qar tsêr, nhoz sâuv nta trôngz đar muôx nhos 100 yiv ndis, tâu luôv vuôs luôx txeix jông. Tix lâuk Thái heik, thâuv ntêx tix lâuk chuôz zis lok six txov nhêv, nhoz uô nênhx ntơưv huyện Bắc Yên (kuz), tỉnh Sơn La. Shông 1991, tas nto chuôz zis muôx (11 lênhx nênhs, muôx pos zơưs, tix lâuk oz niêv txir thiêz 7 cưr tix nuk muôs) tuôx nhoz ntơưv jos Tà Cóm. “Thâuv nhiv kruôr tuôx ntơưv no, jos Tà Cóm tsi muôx ar tsêz chos. Tix lâuk chuôz zis krêz phaz thiêx muôx mê njik ar chos blêx taz sik tsi txâuk nox, phênhv ntâu zos nox têx jâuz đê pêv har jôngr. Ntu co tix lâuk chuôz zis lok six txov nhêv, chênhr viv li, tix lâuk li 7 cưr tix nuk muôs tsi muôx lênhx tưs tâu muk cơưv ntơưr”, tix lâuk Thái thav txos ntu đrav ntêx.

          Thâuv zuôr pox niêv, tix lâuk oz niêv txir xênhz tâu 7 tul mê nhuôv. Txos shông 2006, zơưv tâu pox nhuôk bo xeir uô tsar jos. Pov chuôz zis, jêx jos txov nhêv li ntơưv, zơưv thâuv tưs cux xar njôngr uô li chas chiê hla đhâu cêr pluôk. Shông 2010, zơưv truôx siêz txeik 15 tsov đeiv txix zênhx hangx Chính sách xã hội chiê zuôr nhux đas sha nhuôk. Nhiv no tưz ndê txos 52 tul nhux đas thiêz 20 tul nhux tưv. Chiê uô jông hâux lưv tu zus thiêz truôx tul phênhv sâu phưx vưv luz nênhx, zơưv tưz xeir tu zus nhux sha nhuôk sik côngv zus nhux zuôr greix. Tsov lơưr niêv ciêz li zoz qơưx mak tix lâuk Thái muôx tsưr ziv tu zus đhâu yênhx shông. Đrâuv tu zus, tix lâuk tsênhv jênhv yênhv châuv hecta ar jôngr chiê chos shôngz ntông. “Qir thơưx huôv tsar uô cux njiz ntâu phêv liv. Shôngz ntông kênhz tâu sâu, tsiêx tu zus tsi so rtâus tuôs uô tix lâuk yuôr ntâu nux grê. Jênhv pov tu zus nhux tưv nhux đas pêv har jôngr paz chox lok chêx cuk siêz, tix lâuk tror kir txeik nhiêx txiêx chiê yưv pênhr uô”, tix lâuk Thái heik.

          Shông 2015, tix lâuk txeik cxaz 30 tsov đeiv thiêz chiê khơưz pas tu zus njês. Jux jus, tsiêx tu zus, tsoz chos qir tso lok phênhv sâu, tix lâuk thêv tas nux grê trâu zênhx hangx thiêz muôx pênhr tror huôv tsar uô nox. Txos shông 2017, jênhv pov chuôz zis tưz hla đhâu cêr pluôk, tix lâuk Thái muk pêv xã thor tsi nhoz hâur chor ziv chuôz zis pluôk thiêz. Txix tsuôk muôx 2,3 tul nhux tưv nhux đas tu zus, txos shông 2021, tix lâuk chuôz zis tưz muôx 70 ntâu tul. Njês hâur pas ziv hnuz ziv ntâu, shôngz ntông ziv hnuz ziv đar đros muôx 3 hecta shôngz, 10 hecta ntâu ntông xoan, iz shông tso lok phênhv sâu yênhx puôk tsov đeiv. Tsi taz txơưx huôv tsar uô nox, tix lâuk Thái tsênhv paz max têx chuôz zis pluôk hâur jos txix khơưk muôz nhux đas uô nôngz trâu lơưr. Tix lâuk Thái pheiz kênh, txix shông 2018 txos nhiv no, thâuv pov cov đhâu hâur xã, tix lâuk tưz khơưk muôz trâu yênhx châuv ziv chuôz zis txov nhêv tiv zix hâur jos iz ziv iz tul nhux chiê huôv tsar tu zus. Zos hâux lưv huôv tsar uô nox njiz ntâu môngr jông, tix lâuk zuôr tror paz ntâu lênhx nênhs đuô hâur jos chiê nzor hla đhâu cêr pluôk.

          Txix shông 2022 txos nhiv no, đrâuv hâux lưv huôv tsar kinh têr chuôz zis, tix lâuk tsênhv yax mông trâu pox nhuôk cxuôv por tsês têx cêr uô nênhx pôngz kaz, hlôngr yiêz tsưr ziv, siêz xar....chiê muôz siêz tsơưr lươngv luz nênhx.

          Zos iz lênhx đảng viên, hội viên nôngx mênhx xênhz huôx hâur chi hội nôngx mênhx jos Tà Cóm, tix lâuk Thái đros têx hội viên txơưr thâuv tưs cux sik côngv siêz, sik đros huôv tsar kinh têr chuôz zis, cxiv tsa jêx jos ntus đriv truôx tul, tsâu sor. Tix lâuk Thái cux uô ntêx nyuôk hâur jos thiêz xã li têx huôx tôngv. Đros bí thư chi bộ, tsar jos li pưs txux, tix lâuk yax six chuv tôngv paz têx ziv chuôz zis pluôk sir jos truôx tul luz nênhx, paz tuz nhuôk muk cơưv ntơưr, vênhv tôngv têx chuôz zis muôx nênhs muôx zênhs zax zênhz muk chiv zênhs zax zênhz chêx chôngk...tiv zix zos ntu shux xênhz so cheix so sor, tix lâuk khênhr đros tsêr cơưv thiêz chính quyênx tiv phaz muk txos yênhx ziv chuôz zis vênhv tôngv niêv txir tso mê nhuôk muk cơưv ntơưr.

          Têx shôngk đhâu, tix lâuk Thái thâuv tưs cux uô ntêx nyuôk hâur côngz xưv cxuôv cêr yeiz pluôk, paz pox nhuôk hâur jos huôv tsar uô nox, tix lâuk tsi taz uô ntêx nyuôk mak tsênhv zos đeiv iêr chi cax lul lok siêz sir jos hla đhâu têx phêv liv thiêz txơưx huôv tsar uô nox. Tix lâuk tưz paz jos txix muôx 112 ziv chuôz zis (100% chuôz zis pluôk, zuôr xar pluôk) txos nhiv no tsuôk yuôr 11 ziv chuôz zis pluôk. Viv li, tix lâuk tâu jênhv ntâu ntơưr kruôk thiêz tax bê chuôz zis txơưx huôv tsar uô nox thiêz zos iz lênhx nênhs jông tâu khơưk kruôk ntơưv Đại hội tưr thik nhiêv têz nhiêv qơư tỉnh Thanh Hóa ntu 2015-2020.

          Phênhv “Nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN thax tsav Tây Bắc uô. Đros muôx Tsênhv qơư cxiz kôngz têz qơưk paz txưv./.

Lầu Chia-Txâur Vax cxeik nhênhv