Hôx phưx kinh têr thax tsav tsôngv box mênhx cxưx tsơưs nênhs đhâu jiês moz Covid-19 huôv xênhz

          Lơưr têx jiês sik seiz lax đhâu nta suôz-xa đuôz, cử tri têx mênhx cxưx ntâu tỉnh tox siêz tsov cưv txos vênhv thix tsiv uô, muôz siêz phênhv sâu trâu tsôngv box thax tsav txov nhêv. Cử tri Tạ Minh Nhất, xã Tân Hương, huyện Yên Bình muôx ziv chênhv:

          "Vênhv thix huôv tsar kinh têr trâu tsôngv box mênhx cxưx, tox siêz mak lơưr cur lok six zuôr trâus Côx hôiv, chính phuv thiêz têx Bộ, nganhx muôx chính sách tsênhz mênhx chiê huôv tsar têx zav tsoz chos hâur har jôngr, tiv zix zos tsoz yuôx njuôz, cê gôngr phênhv car chêx ar tsêz chos, cê muôz hâux lưv uô, muôz siêz phênhv sâu trâu tsôngv box nôngx cxênhz, tox siêz, cê txu grês tsơưs tiv zix qênhx shênhx sik txênhz ar jôngr, ntor luôx jôngr tsi trơưk chei chiê muôx ar tsêz chos".

          Lok hâux lưv seiz car jông hâux lưv muôs tơưv qir zuôv chiê txu grês têx phêv liv trâu tsôngv box, cử tri Vũ Duy Dũng nhoz tỉnh Điện Biên xar li no:

          "Nhiv no, grê qir zuôv chuôz ndê siêz, li đạm chuôz ndê txix 9 cxênhz txos 19 cxênhz, tsôngv box tsêz chos njiz ntâu phêv liv, lơưr tso vax têz tsês tsi chos thiêz; đros hâux lưv tu zus mak grê krâur chuôz ndê 5 jiês lơưv, nênhs tu zus nhiv no tsênhv sâu tsi tâu liv, lơur cux tso tsês tsi tu zus. Pêz lok six xar njôngr têz qơưk nzor muôx têx chính sách huôv tsar uô qir zuôv, krâur tu zus tsiêx cxu hâur têz qơưk, tsi tsuv zuôr saz đrâuv têz qơưk chiê tsiv uô krâur tu zus, li ntơưv thiêx li txu grês tâu grê krâur thiêz nênhs tu zus thiêx li sâu tâu liv chiê tror huôv tsar tu zus".

          Heik lok kinh têr VN tsênhv trâus zênhr shar hnhar tiv moz Covid-19 huôv xênhz, chuôz tsar 2 phênhv puô ntâu shông 2020 thiêz shông 2021 zos 2.6 phênhv puô, teiv plor Phạm Văn Hòa, đoanx Đồng Tháp tso tơưv vênhv thix: 2 shông sir jos chiê hla đhâu cxuô phêv liv, nhiv no tsôngv box ho trâus zênhr shar hnhar tiv grê trox yêz chuôz ndê siêz, uô grê cxuô zav hax huv chuôz ndê lơưr, đros co zos cxuô zav grê txơưr cux sik đros chuôz ndê. No zos ntu tsuv xar tơưv cxaz ntâu tsưr ziv chiê paz nênhs pluôk:

          "Txix nhiv no txos kaz shôngk shông uô lichas chiê sir jos txu grês qênhx shênhx nhiêx txiêx trâus pôngz grê zos muôx qênhx shênhx nhiêx txiêx pôngz grê mak chính phuv tsuv taz por tâu co zos zoz qơưx coaz tsôngv chiê taz por nox nhoz xã hôiv, taz por trâu lênhx nênhs txov nhêv, taz por luz nênhx trâu tsôngv box, tiv zix zos têx lênhx nênhs muôx phênhv sâu kis thiêz taz por trâu lênhx nênhs tsiv uô kinh doanh nhiv no tsênhv njiz trâus têx phêv liv".

          Lơưr têx teiv plor chính phuv, tiv zix tsuv tsov cưv txos nganhx kôngz nuv, iz nganhx muôx pưs txux paz cxơưz têz qơưk huôv tsar hâur ntu njiz trâus têx phêv liv tiv grê qir zuôv, grê krâur tu zus tsiêx cxu thiêz chuôz zênhx kôngz nuv chuôz ndê siêz. Teiv plor Nguyễn Quang Thi, đoanx An Giang cux xar li no, Chính phuv tsuv muôx cxaz têx tsưr ziv chiê kôngz nuv tsênhz tsênhz phuôx huiz tâu pưs txux zos paz cxơưz huôv tsar kinh têr:

          "Thix ziv côx hôiv, Chính phuv tror muôx cơ chế, chính sách huv đros, cxơưz tiês kinh têr tập thể hâur kôngz nuv, chính sách huv đros ar têz, nhiêx sê, txeik pênhr thiêz khoa học công nghệ"

          Đrâuv co, lơưr teiv plor Hồ Thị Kim Ngân, đoanx teiv plor côx hôiv tỉnh Bắc Kạn mak tsuv hlôngr yiêz siêz xar huôv tsar sik côngv têx thax tsav, krêz thôngz pênhr jos trâu huôv tsar thax tsav, hâur co chuôz tsar pheiz cấp, chuôz cxaz tiv phaz li chuv tôngv thiêz muôx txơưx jênhv:

          "Thix ziv côx hôiv, chính phuv seiz shuôk, pheiz cấp vax huôv Hội đồng cấp tỉnh cuiz tênhv hlôngr yiêz tsưr ziv sir zôngv jôngr lâuk, ar chos blêx mênhv chêx tsơưs đuô  hecta thiêz hlôngr tsưr ziv sir zôngv jôngr phax phưv, jôngr đặc dụng tsơưs đuô  hecta chiê jông krêz uô têx ntâuz ntơưr yưv pênhr"

          Ntâu tsưr ziv car chêx têx phêv liv, krêz thôngz pênhr jos chiê huôv tsar KTXH tưz tâu têx teiv plor Côx hôiv gôngr côngv sâuv Tsêr côx hôiv têx hnuz đhâu. Têx teiv plor côx hôiv cux xưk li cử tri thax tsav txov nhêv njênhs njôngr têx phêv liv zuôr tâu car chêx txos qơư, têx quyết sách jông đuô zuôr gôngr phênhv cxơưz tiês hôx phưx, ngaz tul tsiv uô, taz por nox nhoz xã hôiv, uô zênhx liv têx tsưr ziv jênhv vưv huôv tsar KTXH shông no./.

VOV4- Txâur Vax cxeik nhênhv