Uô jông luôs hâux lưv seiz car muôs hax huv hâur ciêz đrôngs nhoz tox siêz Sơn La hâur têx hnuz kaz shông

Hâur têx hnuz kaz shôngk shông, zuôr muôs, fax thâux hax huv muk lol ntơưv huyện tox siêz Thuận Châu thiêz huyện Quỳnh Nhai lov jêv đuô thâuv ntâu lênhx tuz luôv thâux xa têx hax huv phưx vưv tsiêz têz qơưk 2023. Tâu têx lênhx uô hâux lưv seiz car ciêz đrôngs sôr 05, Cục seiz car tênhx qơư tỉnh Sơn La yax kriê, qênhz shuôs tsi so, phênhv ntâu chor tuz luôv zuôr muôs huv puôr lênhx uô jông trơưk chei têz qơưk cui tinhv; cxuô zav hax huv uz no puôr lênhx tsi tâu tas hax sir zôngv, muôx cxix cxuô ntâuz ntơưr, pâuz tsênhz qơư. Niêv lâul Vũ Thị Hương, tsưr qơư muôs huv Hương Vững nhoz jok 2, thị trấn Thuận Châu, huyện Thuận Châu heik: “Hâur six hơưv tsiêz no, khênhr muôx chôngz kruô zuôr txos têx hax huv uz no, cur cux zuôr ntâu zav huv đuô; ntâu qơư tsiv uô hax huv, zuôr muôs huv uz no lơưr cux tuôx muôs ntâu, taz sik cur tsuv xeir têx qơư tưs pâuz tsênhz qơư li têx huv, lok sik công ty, taz viv uô têx hax huv kaz thiêz jông, muôx cxix cxuô ntơưr lo chiv, hax sir zôngv ….chiê taz por tsơưr lươngv phưx vưv tsôngv box sơưr đơưk”.

Taz sik, liv zôngv tox trôngz hâur pêk phiv liv muk lol, đros trâu khênhr muôx ntâu tus chôngz lênhx zuôr txos têx hax huv uz no hâur six hơưv kaz shôngk shông, ntâu lênhx tuz luôv cux nhiês zuôr muôs têx huv chuôr, huv tsi jông, tsi pâuz tsênhz qơư….

Đhâu qênhz yuôx, xưv bluô uô cxâuv, txix hâur shôngk shông txos nhiv no, chor nênhs uô hâux lưv seiz car ciêz đrôngs sôr 05 tưz qênhz yuôx 220 ntâu jiês, xưv bluô 160 txuz, xav hur si têx nhiêx bluô tâu muôx nhos 480 tsov đeiv ntâu. Zơưv Đào Vũ Hoàng, Phưv thơưx seiz car ciêz đrôngs sôr 05, Cục seiz car tênhx qơư tỉnh Sơn La heik pâuz: Têx hax huv chuôr, hax huv tsi jông hâur ntu no khênhr zos: Zênhz gaz ntơưr, tsôngk tril yo, chơưr zuôr saz đrâuv lok, fov ntơưr, nduôr thax…..đros chor tuz luôv tsưr ziv txơưx jêik, nhiês zuôr muôs têx huv ntơư chiê lưv lươngv muôx vax huôv qênhz pov tsi tâu: “Thax tsav Thuận Châu muôx 29 xã, iz thị trấn, hâur co 6 xã txov nhêv tox siêz, chiê phưx vưv tsôngv pêx xênhv nhoz chor xã tox siêz đêz đrôngs, têx lênhx uô hâux lưv seiz car ciêz đrôngs sôr 05 tưz sir jos uô luôs hâux lưv qênhz yuôx, xưv bluô têx qơư, lênhx nênhs uô cxâuv lok sâuv zuôr muôs têx huv chuôr, huv tsi jông hâur ciêz đrôngs thiêz têx mông heik pâuz lok chor tuz luôv zuôr muôs têx hax huv heik sâuv li tsưr ziv nziêk đas chiê kriê trâu pêx xênhv, paz sơưr đơưk muôx tsiêz nox truôx tuk, lov jêv”.

Uô lơưr jiês qênhz yuôx phax tir thêir têx hax huv chuôr, hax huv tsi jông uô ntêx, hâur thiêz đhâu tsiêz têz qơưk, Cục seiz car tênhx qơư tỉnh Sơn La sir jos đros cxuô lưv lươngv muôx vax huôv uô hâux lưv qênhz yuôx, qênhz shuôs tênhx qơư, zênhx max qênhz pov thiêz xưv bluô ntov jông chor nênhs tsiv uô, zuôr muôs têx huv chuôr, huv tsi jông, huv txưr…..

Zơưv Nguyễn Viết Thông, Phưv Cục tsar Cục seiz car tênhx qơư tỉnh Sơn La heik pâuz: Fuô uô têx hâux lưv seiz car ciêz đrôngs txix hnuz 15/11, đhâu 2 ciêz, Cục seiz car ciêz đrôngs tưz qênhz yuôx zuôr xar 100 jiês, xưv bluô 60 ntâu txuz uô cxâuv, xav hur si têx nhiêx bluô tâu muôx nhos 500 ntâu tsov đeiv; đros trâu têx li heik co tưz tso tơưv ntâuz ntơưr sôr 557, lok sâuv tror qênhz yuôx têx qơư zuôr muôs huv nhoz tox siêz đêz đrôngs, ciêz lox, ciêz tox siêz, paz pêx xênhv sơưr đơưk muôx iz luz tsiêz nox truôx tuk, sor si: “Cục seiz car tênhx qơư tưz chuôz tsar qênhz yuôx, xưv bluô ntov jông têx lênhx nênhs fax thâux, zuôr muôs fov ntơưr cxuô zav; tsưr tsix seiz kaz truôx têx nuv zuôr muôs trox yêz, trox uz no tsi chiê muôx yưv qênhx shênhx bax zuôr ntâu têx hax huv, tsar ndê gri tsi trơưk chei chiê paz taz por truôx tênhx qơư, phưx vưv zoz qơưx tsiêz trâu tsôngv lax pêx xênhv, lar heik zos têx lênhx pêx xênhv nhoz tox siêz đêz đrôngs”./.

                               (Trấn Long-Riê Lâux cxeik, nhênhv)

46 tỷ đeiv ntâu tưz tâu huiz tôngv trâu Tsaz yênhx khơưk muôz ntơưr BHXH, ntơưr BHYT txos nênhs muôx luz nênhx txov nhêv

Lơưr thôngz sâu, tas nro tsiv grê ntơưr BHXH, BYT tưz huiz tôngv tâu hâur tas nro têz qơưk trâu tsaz yênhx khơưk muôz zos 46 tỷ đeiv ntâu. Hâur co, ntơưv Trung ương zpss 25 tỷ đeiv ntâu; nganhx BHXH Việt Nam zuôr xar 4 tỷ đeiv; chor tsênhv yuôr zos huiz tôngv txix têx tiv phaz.

          Lơưr lênhs tov BHXH Việt Nam, Tsaz yênhx zos iz huôx tôngv xã hội, reik đros uô qơư tsov txos BHXH, BHYT tas nro tsôngv box tưz tâu tso tơưv ntơưv Trung ương li Nghị quyết, phuôx huiz cêr chax chês vênhx huôv mênhx cxưx jông, huiz tôngv công chức, viên chức thiêz nênhs lox tôngv hâur nganhx BHXH Việt Nam li sik côngv pheiz kênh đros nênhs muôx luz nênhx txov nhêv. Đrâuv co, Tsaz yênhx cux xar njôngr huiz tôngv tâu côngv thôngx xã hội thiêz têx doanh nghiệp li đas jos, paz têx lênhx nênhs muôx luz nênhx txov nhêv tsi tâu muôx ntơưr BHXH, BHYT, nênhs moz BHYT pluôk tâu cxaz chuôz lok nox nhoz xã hội, đhâu co krêz đar chính sách BHXH, BHYT li têx kror jông hâur côngv thôngv xã hội.

          Lênhx nênhs tâu khơưk muôz ntơưr BHXH, BHYT zos tsôngv box mênhx cxưx tsơưs nênhs zos têx lênhx nênhs tsi tâu tâu nhiêx txiêx têz qơưk gôngr paz, paz gôngr BHYT thâuv krêz uô Thủ tướng Chính phuv li Cuiz tênhv 861 hnuz xiêz 4/6/2021; lênhx nênhs tsi tâu muôx ntơưr BHYT zos lênhx nênhs “hla đhâu cêr pluôk” thâuv seiz shuôk lơưr CHính phuv li Nghị định 07 hnuz 27/1/2021; nênhs zos ziv chuôz zis pluôk tsi tâu cxaz chuôz BHXH, nênhs zos ziv chuôz zis zuôr xar pluôk, nênhs muôx luz nênhx chungz fênhx cxaz chuôz BHYT thiêz nênhs muôx luz nênhx txov nhêv txơưr.

          Ntơưv tỉnh Điện Biên, xav txos tas hli 9 shông 2022 tưz muôx 612 cxênhz ntâu lênhx nênhs cxaz chuôz BHXH, BHYT, BH tsi muôx hâux lưv uô. Taz sik, zos tỉnh tox siêz, ntus đriv, tsôngv box luz nênhx njiz ntâu phêv liv, chor ziv chuôz zis pluôk tsênhv siêz, ntâu ziv chuôz zis, tiv zix zos têx ziv chuôz zis pluôk thiêz zuôr xar pluôk tsi muôx têx theox chênhv cxaz chuôz BHXH. Viv li, BHXH tỉnh tso tơưv qơư tsov txos hâur shông 2022 zuôr khơưk muôz zuôr xar 800 fâu ntơưr BHXH thiêz ntơưr BHYT trâu lênhx nênhs muôx luz nênhx txov nhêv sâuv thax tsav.

          Chiê muôx pênhr jos uô tsưr ziv no, đrâuv tso tơưv tsưr ziv uô tsaz yênhx “Khơưk muôz ntơưr BHXH, ntơưr BHYT trâu lênhx nênhs muôx luz nênhx txov nhêv shông 2022 thiêz gra luz Tsiêz sor si txos tsôngv box pluôk- Tsiêz Mir shông”. BHXH tỉnh Điện Biên cux thôngz xor mông txos têx doanh nghiệp, lênhx nênhs siêz jông đăng cir cxaz chuôz gôngr côngv nhiêx txiêx khơưk muôz ntơưr BHXH, BHYT trâu nênhs muôx luz nênhx txov nhêv sâuv thax tsav.

          Đrâuv co, iz cán bộ, viên chức, nênhs lox tôngv hâur nganhx BHXH tỉnh cux cxaz chuôz gôngr txix nhiêx shar, phênhv sâu trâu Cuiv khơưk muôz ntơưr BHXH, BHYT trâu nênhs pluôk./.

(Thu Thùy-Txâur Vax cxeik nhênhv)