Yên Bái uô ntâu faz tsưr ziv tir thêir thâuv chor nênhs trâu moz Covid-19 chuôz ndê siêz

   Nhiv no txix ntâu tsưr ziv thôngz xor mông, tỉnh Yên Bái tsi so heik kriê tsôngv box zos pov iz chêr cuz sor, nôngk, moz chax pak, lax uô pa, moz iz chêr, gênhs gênhs, nox hâuk tsi hnor kaz…txuv tuôx ciês qơư y tế jê tiv zix chiê tâu njuôs siv thiêz kho moz. Thôngx cxix côngz fur số tôngx Sở y tế thiêz tsênhv qơư seiz car tir thêir moz gênhs tỉnh chiê tsôngv box tâu pâuz thiêz hu tênhv tuôx nus hêik kriê lok têx moz gênhk. Niêv lâuk Nguyễn Thị Nhung, nhoz phưòng Yên Ninh, thành phố Yên Bái puz pâuz:

          "Iz ndis qơư cur nhoz uô nênhx muôx ntâu lênhx nênhs moz viv li cur khênhr zuôr chuôz zênhx lok njuôs siv caz moz, thâuv pov muôx lênhx nênhs muôx têx moz yưv mak hu ciês trâu qơư  y tế phường chiê tâu heik kriê, li ntơưv mak cux tso siêz".

          Tiv nênhs moz Covid-19 chuôz ndê siêz, tỉnh Yên Bái tưz cxiv tsa thiêz chox lok sir zôngv "cxix luôk seiz njuôs, tsoz phưz đas jos chor nênhs trâus moz Covid-19 ntơưv tsêr phưx vưv côngz xưv coar lik, seiz shuôk,tsoz phưz thiêz kho moz trâu nênhs moz tsi muôx moz yưv lok sik muôx moz yưv siz".

         Lơưr co, ntơưv địa chỉ http//cham socsuckhoe.yenbai.gov.vn, thâuv đăng cir xor mông thiêz tâu tos jênhv, tsôngv box uô hâux lưv heik kriê qênhx shênhx đas jos txix têz  luk nus uô ntêx ăd six tas cik niêx hnuz lok sik thâuv muôx xor mông, đas jos muôx têx txơur txar, chiê chor cán bộ ytế ciêr chênhr paz txưv. Đrâuv co cxix luôk tsênhv muôx iz cxiê hâux lưv txơưr li seiz shuôk qênhx shênhx moz, seiz têx ntâuz ntơur heik kriê, tsoz phưz đas jos.

          Zơưv Nguyễn Duy Khiêm, giám đốc tsênhv qơư chuyển đổi số tỉnh Yên Bái puz pâuz: Hâux lưv krêz uô siv cxix luôk seiz njuôs moz trâu nênhs trâus moz Covid-19 chơưv kho ntơưv tsêr nhoz Yên Bái muôx ziz njiêz coaz tsôngv hâur qênhx shênhx nênhs moz Covid-19 chuôz ndê sei têx hnuz jê ntơưv no, cê jông trâu tsôngv box cê txu grês qênhx shênhx nênhs moz chôngz nhoz hâur chuôz zis tsêr kho moz trâu lưx lươngv y tê:

          "Iz hâur têx tsưr ziv zos phần mềm tsuv zôngx ziv sir zôngv, huv đros tsôngv box. Chiê tuôr truôx chêx cuk co tsôngv box tsuv uô trơưk cán bộ y tế li heik kriê, thôngx cxix nriêr pâuz têx xor mông cungz sâuv phần mềm, co zos têx xor mông tsênhz mênhx, taz por sei tiv zix"

          Lơur zơưv Nguyễn Văn Hà, Phưv giám đốc Sở y tế tỉnh Yên Bái: Nhiv no, phênhv ntâu têx lênhx nênhs trâus moz puôr lênhx tsi moz hnhar, tsi muôx moz yưv, uô jông hâux lưv coar lik, seiz shuôk moz hâur tsêr thiêz tâu cán bộ y tế ntơưv trạm lok sik têx tuêv tsoz phưz đas jos nênhs moz Covid-19 ntơưv côngv thôngx. Đros têx lênhx nênhs muôx moz yưv hnhar mak tâu chox lok ntơưv qơư y tế chiê seiz shuôk thiêz coar lik.

          Đros têx lênhx nênhs trâus moz hnhar puôr lênhx tâu kho moz thiêz cêv kuôk ntơưv qơư y tế thax tsav muôx tsêr kho moz njưk, tsêr kho moz đa khoa thax tsav Nghĩa Lộ, tsêr kho moz đa khoa tỉnh thiêz  tsênhv qơư y tế huyện, thị xã, thành phố:

"Nganhx y tế yax six ntâuk grê, thôngz xor mông qênhx shênhx moz ntơưv tiv phaz chiê heik trâu Ban chox kriê tỉnh muôx têx tsưr ziv chox kriê phax tar qênhx shênhx moz sâuv thax tsav. Iz hâux lưv thiêz zos truôx siêz taz por chor yuôx, chuôz zênhx…phax tar moz ntơưv têx tiv phaz".

          Đrâuv yax mông, heik kriê tsôngv box uô jông tsưr ziv 5K, uô jông hâux lưv tso tsês têx huôx tôngv ntơưv têx qơư muôv muôs jix vuv njuôs xav muôx moz cik siêz; txu grês tiv zix hâux lưv chêx chôngk chôngz lênhx nênhs nox hâuk….iz côngz xưv coaz tsôngv thiêz tsênhv tâu tỉnh Yên Bái tsov cưv uô zos sir jos cxax yuôx vắc xin phax moz Covid-19, cxax cxix cxuô taz por têx lênhx nênhs tưz tênhv six hơưv cxax mak tâu cxax cxix cxuô, taz por.

          Xav txos trâu nhiv no,  99 phênhv puô ntâu mê nhuôs txix txâuk 12 txos 18 shông tâu cxax tsơưs tiv zix 1 côngz yuôx, 96 phênhv puô tưz tâu cxax 2 côngz. Đros nênhs 18 shông ntâu, tưz muôx 99 phênhv puô ntâu cxax 2 côngz, hâur co côngz tiv 3 tax 91 phênhv puôk ntâu…đros qênhx shênhx tâu cxax yuôx siêz, nênhs moz hnhar txu grês, chor nênhs moz tuôx chơưv kho trâu tsêr kho moz cux tsươs jux juk. No zos hâux lưv chiê Yên Bái seiz car jông qênhx shênhx moz gênhk, txơưv nênhs moz Covid-19 chuôz ndê siêz./.

TTTB-Txâur Vax cxeik nhênhv