Sơn La ndar txos têx xiv huv OCOP

           Têx njik yuôx zêx lâuk tưz chos tâu yênhx puôk shông ntơưv Tà Xùa đros Công ty TNHH Yuôx zêx thiêz xiv huv nto bê faz Bắc li tsưr ziv tsiv uô, huyện Bắc Yên, tỉnh Sơn La zos xiv huv yiêz cxaz chuôz OCOP Sơn La thiêz njik yuôx zêx tâu côngz jênhv tax tâu OCOP  shông 2022. Thôngx cxix, yênhx iz hâur têx xiv huv tsênhv tâu Sơn La ndar txos cxiv tsa bê xiv huv OCOP jông. Pos Nguyễn Thị Thắm, giám đốc Công ty TNHH yuôx zêx thiêz xiv huv nto bê Tây Bắc pheiz kênh:

          “Yuôx zêx zos zav yuôx thâuv tsiv uô tsi zôngv công nghệ, têx zav meir mak tsuôk khov txos qiv hơưv nhoz Tà Xùa, viv li yuôx muôx têx kaz txơưr....Cxaz chuôz OCOP pêz xar njôngr ntâu lênhx nênhs Việt Nam, thiêz lênhx nênhs sâuv ntiêx têz pâuz txos zav yuôx zêx no, yuôx tsi uô lênhx nênhs tsi xar tsâus jos, nênhs lâuk, mê nhuôk cux hâuk tâu”.

          Cux tâu njuôs xav cxiv tsa xiv huv OCOP zos Công ty TNHH MTV yưv pênhr cxiv tsa Thành Long, huyện Mai Sơn (Sơn La) li Cao Sâm Ngọc Linh. Shông 2009, zơưv Nguyễn Chí Long, Giám đốc Công ty tưz chos yênhx côngz zav yuôx tsiv grê no hâur têx har jôngr lâuk nhoz jos Sam Ta, xã Chiềng Chung, huyện Mai Sơn. Txos nhiv no, công ty tưz muôx 3 xiv huv OCOP uô txix sâm Ngọc Linh. Zơưv Nguyễn Chí Long, giám đốc công ty puz pâuz:

          “ Nriêr pâuz ntơưv Kon Tum, Quảng Nam cur pov lơưr chos lok six ntâu thiêz muôx tâu xiv huv jông, viv li cur xar Sơn La cux muôx qiv hơưv huv đros, uô chas tsôngv box nênhs Ê Đê chos tâu mak nênhs Hmôngz, nênhs Thái ho chos tsi tâu. Txix co, cur truôx siêz chox nôngz lok chos thiêz txos nhiv no tưz chos tâu yênhx côngz”.

          Lơưr têx taz viv heik kriê li ntâuk grê, Sơn La muôx ntâu xiv huv jông chiê huôv tsar yênhx têx xiv huv OCOP cấp têz qơưk. Pos Lê Thị Thêm, Giám đốc Công ty TNHH yưv pênhr Hoàng Anh, tỉnh Quảng Ninh pheiz kênh:

          “ Tỉnh Sơn La nhiv no muôx 1 xiv huv OCOP jông zos cà phê Bích Thao. Cur pov Sơn La tsuv đăng cir xiv huv OCOP txix 5-6 xiv huv jông thiêz, viv têx xiv huv puôr lênhx jông, tuôv zênhv tâu thax tsav chos, tsêr meir tsiv uô”.

          Txos nhiv no tas nro têz qơưk nhiv kruôr muôx 20 xiv huv OCOP jông. Hâux lưv no tso pov no tsi zos hâux lưv uô zôngx ziv đros têx tiv phaz. Tỉnh Sơn La tưz tso tơưv tsưr ziv tsênhz mênhx, ndar txos cxiv tsa thiêz ntâuk grê têx xiv huv; thôngx cxix paz chiê têx xiv huv cxaz chuôz OCOP, sir jos muôx txix 2-5 xiv huv OCOP jông hâur ntu 2021-2025. Zơưv Nguyễn Thành Công, Phưv chủ tịch UB tỉnh Sơn La puz pâuz:

          “Shông 2023 tỉnh Sơn La sir jos muôx 50 xiv huv OCOP ndê muk; zoz qơưx zos xiv huv jông, tâu ntâuk grê siêz đuô shông tov ntêx chiê chuôz ndê cấp, cxiv tsa têx xiv huv jông tax ploz tsênhr têz qơưk li Sâm Ngọc Linh, Yuôx zêx tưz tax giải siêz nhoz têx niêv ciêz Châu Âu”.

          Sơn La cux tso tơưv tsưr ziv têx xiv huv tâu xeir, njuôs xav chuôz ndê tsênhz tsênhz tâu muôz siêz lok tsơưr lươngv, tsiv grê, đas jos tơưv txênhz; trơưk chinhz yênhx tsaz yênhx OCOP, gôngr phênhv cxơưz tiês huôv tsar kinh têr nôngx cxênhz, phuôx huiz têx muôx jông ntơưv qơư, hlôngr yiêz siêz xar, tsưr ziv uô muôz siêz phênhv sâu thiêz hlôngr yiêz luz nênhx trâu tsôngv box./.

(Lê Hạnh-Txâur Vax cxeik nhênhv)

Bax tsưr ziv phax tar hluôr tơưk cuz jôngr hâur cheix ntux kruôr nhoz tox siêz

Mù Cang Chải

Huyện Mù Cang Chải nhiv no muôx zuôr xar 83 cxênhz ha ar har jôngr; hâur co xar muôx 59 cxênhz ha jôngr chiv xênhz đrox tsuôs, 19 cxênhz ha jôngr lâul, zuôr xar 30 cxênhz ha jôngr phax phưv…njuôz vor trôngx câuv har tax 67%.

Xav tinhv luôs hâux lưv seiz car, tsưx phưv jôngr zos hâux lưv zov chênhr, hâur ntu đhâu, huyện tưz chox kriê têx ngênhx muôx vax huôv thiêz tsôngv pêx cxuô thax tsav qơư uô lơưr jông hâux lưv seiz car, tsưx phưv thiêz huôv tsar jôngr. Lar heik zos phax cuz tuô cuz jôngr hâur cheix ntux kruôr thâuv tưs tưz tâu moz siêz txos, uô jông, viv li ntâu shông siz lơưr liês hâur thax tsav tsi muôx hluôr tơưk txeik cuz jôngr hlo.

Hâur cheix ntux kruôr shông no, huyện qênhz shuôs đuô hur si 14 ban chox kriê phax cuz tuô cuz jôngr cxuô cấp đros thiêz 400 ntâu lênhx nênhs; yênhx lix 100 paz nênhs uô ntêx nyuôs lês uô hâux lưv seiz car, tsưx phư jôngr. Iz chas ntơư sir jos yax kriê chei têz qơưk lol sâuv seiz car, tsưx phưv jôngr txos trâu tsôngv lax pêx xênhv pâuz. Zơưv Thênhz Xênhv Shôngx, Phưv Hạt tsar, Hạt yuôx jôngr huyện Mù Cang Chải heik pâuz:“Pêz tưz qênhz shuôs đuô hur tiz si têx  Ban seiz car phax tar cuz tox cuz jôngr hâur xã thiêz tas nro têx paz nênhs uô ntêx nyuôs lês uô luôs hâux lưv phax cuz tuô cuz nhoz cxuô jêx jok. Ntơưv têx jok nhiv no uô iz qơư seiz shuôs hluôr tơưk nhoz têx thax tsav zôngx ziv muôx hluôr tơưk txeik cuz jôngr, phênhz 2 chuôz zis seiz jor iz hnuz iz hmo”.

Xã Chế Cu Nha zos xã muôx ntâu jôngr ntông, 5 cxênhz ntâu ha. Zơưv Shôngx Thành Công, Chủ tịch Ủy ban xã heik pâuz: Niêx shông, chor chuôz zis seiz car, tsưx phưv jôngr hâur xã tâu têx nhiêx har jôngr 2 tyv đeiv ntâu, đhâu ntơư pêx xênhv moz siêz tu, tsưx phưv têx jôngr ntông đuô. Chênhr viv li, hâur xã tưz ntâu shông tsi muôx hluôr tơưk txeik cuz jôngr; ntor luôx uô ruôr hiêv jôngr, nav ar har jôngr uô liêx têz cux tsi muôx yưv:“Pêz tưz cơưv jêx jok chiê tsôngv niêv txir cưr tix nênhx tsa sơưr đơưk cir ntơưr chos luk uô jông hâux lưv tsưx phưv, cux iz zav li phax cuz tuô cuz jôngr hâur cheix ntux kruôr 2022-2023. Lar heik zos pêz cux xav tinhv têx paz uô luôs hâux lưv phax cuz tuô cuz hâur jêx jok zos chor nênhs uô ntêx nyuôs, pêz cơưv thiêz yax kriê trâu tsôngv niêv txir lax pêx xênhv thâuv pov hluôr tơưk zôngx ziv txeik cuz jôngr nhoz suôv qơư tưs mak heik chor nênhs co pâuz chiê lơưr zênhx max phax tir their, tuô hluôr tơưk tsi chiê txeik cuz xuz jôngr xuz tsuôs”.

Uô ntêx thâuv zuôr txos cheix ntux kruôr, huyện Mù Cang Chải cux tưz chox kriê cxuô ngênhx, taz viv muôx vax huôv thiêz têx thax tsav qơư cir ntơưr chos luk lol tsưx phưv jôngr, phax tar cuz tox cuz jôngr txos yênhx ziv chuôz zis; tso canr bôv muk ntơưv qơư kriê tsôngv niêv txir lax pêx xênhv luôx cêr cêv hluôr tơưk thiêz uô qơư seiz jor têx jôngr ntông nhoz chor qơư zôngx ziv muôx hluôr tơưk txeik cuz. Iz chas co, cơưv shâuv têx tsưr ziv lok phax tar cuz tox cuz jôngr chiê bax phax thâuv tưs muôx yưv têx tsi jông, uô hluôr tơưk txeik cuz jôngr ntơư. Zơưv Nguyễn Anh Phương, Phưv Giám đốc Ban seiz car jôngr phax phưv huyện Mù Cang Chải heik pâuz:“Taz viv tưz buôk ti nhênhz chơưv trâu chor xã cxiv tsa tsưr ziv qênhz shuôs, seiz jor, tsưx phưv jông têx jôngr ntông, thax tsav zôngx ziv muôx hluôr tơưk txeik cuz, ntus jôngr….hâur cheix ntux kruôr gis”.

Bax thiêz muôx têx tsưr ziv tsênhv tsênhz, huyện Mù Cang Chải tror sir jos uô jông luôs hâux lưv phax tar cuz tox cuz jôngr hâur cheix ntux kruôr gis. Txix ntơư, seiz car, tsưx phưv jông chor jôngr ntông muôx nhiv no, sir jos cov têx shôngz ntông njuôz vor tox câuv har hâur thax tsav huyện ndê muôx 70% lok shông 2025./.

                                                          VOVTB-Riê Lâux cxeik, nhênhv