Sêiz car jông tài nguyên khoangr yax ntơưv Sông Mã

Suôz jê zos khoangr yax chênhr nhoz huyện Sông Mã, đros têx qơư kriz uô phênhv ntâu nhoz trơưk tuk đêx Sông Mã. Tas nro huyện nhiv no muôx 30 kror qơư kriz uô suôz jêz tưz tâu Hôiv đồng tỉnh cir, cêv kuôk chiê kriz uô, sir zôngv khoangr yax uô chuôz lov cxiv tsa.

Zơưv Nguyễn Văn Quý-nênhs sêiz car văn phòng ntơưv Sông Mã, Công ty cổ phần paz thơưz yưv pênhr Thành Nam, qơư uô hâux lưv nhoz ntơưv Hà Nội puz pâuz, Công ty tâu Ủy ban tỉnh Sơn La cungz ntơưr tso chêi kriz uô khoangr yax ntơưv 5 kror qơư uô suôz jêz nhoz Sông Mã, đros thax tsav đar muôx 38 héc ta ntâu. Hâur qênhx shênhx kriz uô, công ty tsik so uô huv zos chêi têz qơưk têx cui tênhv:

“Công ty tưz cxiv uô qơư lux, lôngx đhok têx camera ntơưv têx qơưk kriz uô suôz jêz. Nênhs lox tôngv mak tâu kriê cxix cxuô têx txux chi chiê uô hâux lưv hâur côngz ty”.

Pos Lò Thị Bạch, Trưởng phòng Kôngz nuv thiêz Tài nguyên huyện Sông Mã puz pâuz, ntâu shông uô ntêx, qênhx shênhx kriz uô chor suôz jêz tsik zos chêi sâuv thax tsav lok six phiv liv.

Taz sik têx shông jê lok no, chinhr quyền thiêz nganhx muôx vax huôv tưz sik đros kriz uô ntâu tsưr ziv chiê txo grêk tsơưs qênhx shênhx no. Iz hâur têx co zos tsưr tsix chor jiês qênhz yuôx chor tsưr tsix, tiz nênhs kriz uô khoangr yax, tiv zix zos kriz uô suôz jêz sâuv thax tsav:

“Chinhr quyền thax tsav qơư txix tỉnh txos huyện thiêz xar lok six sir jos uô. Hâur ntu kriz uô, thâuv muôx xor mông hêik pâuz kriz uô suôz jêz tsik zos chêi mak huyện zuôr tso ciês nênhs muk qênhz yuôx. Đros co zos muôx hêik kriê trâu Ủy ban cấp xar chiê kriz uô tâu têx hâux lưv sêiz car cov truôx jông đuô”.

Đhâu côngz xưv qênhz yuôx, sêiz kaz, ntâu txuz uô cxâuv tưz tâu nriêr pov thiêz xưv lik ndar six hơưv. Thôngz sâu txix shông 2021 txos nhiv no, txix chor txuz uô cxâuv tâu nriêr pov ndar six hơưv, Ủy ban huyện Sông Mã tưz tso tơưv 12 cuêz tênhv xưv bluô uô cxâuv hành chính trâu 12 kror qơư kriz uô suôz jêz tsik zos chêi, pâuz tsik tsênhz qơư, đros chor nhiêx muôx 220 triệu đêiv ntâu.

Pos Cầm Thị Ngọc Yến, Phưv Chủ tịch Ủy ban huyện Sông Mã puz pâuz, chiê muôx tâu têx chuôz lov cxiv tsa phưx vưv trâu chor côngz trinhx, dưv anr huôv tsar kinh têr-xar hôiv ntơưv huyện thiêz têx thax tsav qơư txơưr hâur tỉnh, ntu zuôr txos, Ủy ban huyện Sông Mã zuôr tror chox kriê têx cơ quan sik côngv đros chor sở, nganhx ntơưv tỉnh hêik kriê, txêik jênhv, seiz shuôk têx ntâuz ntơưr muôz trâu Ủy ban tỉnh cungz ntơưr côngz jênhv nriêr pâuz têx khoangr yax lơưr chêi têz qơưk têx cui tênhv; đros co zos tror chuôz cxaz qênhz yuôx uô lơưr chêi têz qơưk têx cui tênhv hâur huôx tôngv kriz uô khoangr yax ntơưv thax tsav qơư. Đhâu co, chiê pov tâu nzor, tir tar thiêz xưv lik truôx chor nênhs uô cxâuv lok khoangr yax thiêz por vêv tênhv qơư lơưr chêi têz qơưk têx cui tênhv:

“Ủy ban huyện tưz muôx chor ntâuz ntơưr chox kriê chor cơ quan taz viv, chor xar sâuv thax tsav chuôz cxaz qênhz yuôx chiê nzor pov tâu têx uô cxâuv li kriz uô chor khoangr yax tsik zos chêi, thâux xa tsik zos chêi, lok sik thâux ntâu… Đuô li zuôr chuôz cxaz uô pêx xênhv hâux lưv hêik pâuz chor nênhs uô cxâuv chiê xưv lik cov ndar six hơưv”.

Đros muôx chính quyền ntơưv qơư thiêz nganhx muôx vax huôv li têx sir jos, chor tài nguyên khoangr yax ntơưv Sông Mã zuôr tâu kriz uô, sir zôngv huv zos, phưx vưv jông trâu jênhv vưv huôv tsar kinh têr-xar hôiv ntơưv thax tsav qơư./.

Thu Thùy-Lik Thox cxêik nhênhv

Chuôz tsar kinh tế shông 2025

Ntơưv jiês cơưv tiv 8, hnuz 12/11/2024, Côx hội tưz thôngz đhâu Nghị quyết lok tsưr ziv huôv tsar kinh tế xã hội shông 2025 (Nghị quyết sôr 158/2024/QH15), hâur co xav tinhv tsưr ziv chuôz tsar hur si xiv huv hâur têz qơưk shông 2025 tâu nhos 6,5-7%, sir jos muôx nhos 7-7,5%.

Hnuz 27/12/2024, Thủ tướng Chính phủ tưz tso tơưv Côngz tênhv sôr 140/CĐ-TTg lok sir jos cov shông 2025 huôv tsar uô tâu truôx jông chuôz tsar kinh tế. Iz chas ntơư, Thủ tướng heik cxuô bộ, ngênhx, ntơưv qơư cxiv tsa tsưr ziv huôv tsar chiê fuô uô, sir jos shông 2025 chuôz tsar tâu 8%, zos hâur ntu zôngx ziv huôv tsar uô nox mak sir jos uô tâu truôx jông cxuô luôs hâux lưv tso tơưv. Hnuz xiêz 08/01/2025, ntơưv jiês cơưv Chính phủ đros trâu hâur thax tsav qơư thiêz cơưv Chính phủ tsi so hli 12/2024, Thủ tướng Phạm Minh Chính tror heik mênhx, tsuv sir jos cxơưz cxiz huôv tsar truôx tuk kinh tế, phax tir thêir têx nhiêx txiêx trâus pôngz gri, taz por uô tâu jông cxuô luôs hâux lưv tso tơưv, sir jos chuôz tsar tsơưs yax 8%.

Ntơưv jiês cơưv BCH T.Ư Đảng khóa 3 txix zar hnuz kêix 23-24/01, BCH T.Ư Đảng tưz thôngx ziv đros đêx anr cxaz nzir chuôz tsar phênhv sâu tâu shông 2025 txix 8% tror zar sâuv thiêz huôv tsar uô tâu truôx têx hâux lưv tso tơưv hâur ntu 2026-2030. Trơưk li Tổng Bí thư Tô Lâm, co zos hâux lưv tsuv sir jos fuô uô chiê pêz têz qơưk hla đhâu phiv liv, cêr txov, txos shông 2030 zos têz qơưk tsênhv huôv tsar, muôx phênhv sâu tâu truôx, txos shông 2045 yênhx têz qơưk huôv tsar, muôx phênhv sâu siêz.

Hnuz xiêz 05/2/2025, ntơưv jiês cơưv tsi so hli 1/2025, Chính phủ tưz thôngz đhâu Nghị quyết lok chuôz tsar cxuô ngênhx, thax tsav qơư li phênhv sâu tâu taz por chuôz tsar hâur tas nro têz qơưk shông 2025 tax 8% ntâu tror zar sâuv (Nghị quyết sôr 25/NQ-CP). Hâur co, Chính phủ heik cxuô bộ, ngênhx thiêz cxuô thax tsav zênhx max cxiv tsa tsưr ziv chuôz tsar thiêz fuô uô têx hâux lưv, tsưr ziv trơưk li zuk vax huôv chiê uô tâu jông luôs hâux lưv tso tơưv chuôz tsar hâur tas nro têz qơưk shông 2025 tax 8% ntâu tror zar sâuv, uô qơư chuôz jos chiê huôv tsar uô tâu truôx cxuô luôs hâux lưv tso tơưv hâur ntu 2026-2030.

Ntơưv Ủy ban Thường vụ Côx hội jiês cơưv tiv 42, Chính phủ tưz thôngz đhâu Ủy ban Thường vụ Côx hội Đêx anr cxaz nzir lok huôv tsar kinh tế xã hội shông 2025. Ủy ban Thường vụ Côx hội tưz thôngx ziv thôngz đhâu trâu Côx hội qênhz yuôx, cxiv kho tsưr ziv chuôz tsar phênhv sâu tâu shông 2025 ntơưv jiês cơưv tiv 9 txix hnuz 12-19/2/2025 nhiv kruôr đhâu./.

Bích Thủy KT-Riê Lâux cxeik, nhênhv