Luz nênhx jux jus ngaz tul nhoz qơư muôx đêx nas cuôr yôngz đhâu Tà Mung

Jos Nậm Pắt, xã Tà Mung, qơư trâus ruôr hiêv hnhar đhâu jiês đêx cuôr yôngz hâur tas cik hnuz xiêz 6/8, tsôngv pox nhuôk nhoz no li luz nênhx tsênhv jus jus tror tâu ngaz tul. Txơưv tsi ruôr hiêv lok lênhx nênhs, taz sik ntơưv jos mak muôx 20 ntâu luz tsêr trâus poz vâu tas hur si lok sik trâus đêx cuôr yôngz, ntâu tsêr trâus zênhr shar tiv trâus đêx ar cxuz lok hâur tsêr tas.

          Tâu xênhz zus thiêz hloz lox ntơưv jos taz sik no zos jiês xuz thơưx tix lâuk Lý A Chu, tsôngv box nhoz jos Nậm Pắt pov muôx đêx cuôr yôngz lox li ntơưv. Tix lâuk Chu puz pâuz, tsuôk hâur tsi tâu txos 1 six hơưv, tul đêx Nậm Cha ntưs đhâu jos zênhx nyiêz hur, txơưv đax yur tiv têx môngr ar, đêx cuôr yôngz lok, cuôr tas cxuô zav. Ruôr hiêv lok chuôz zênhx chuôz tas lok six ntâu, cêr muk lok hâur jos trâus puôk tsuôx muk tsi tâu hor ntưs viv li ntu xuz thơưx pox nhuôk tsuv sik đros paz max chiê khưx phưx têx trâus ruôr hiêv: “Jiês xuz thơưx txix thâuv nhoz uô nênhx ntơưv no thiêx li pov đêx cuôr yôngz lox thiêz riêz nênhs li ntơưv. Txos nhiv no cur chuôz zis tưz khưx phưx tâu, taz sik chuôz zis nhoz buôk cur chuôz zis mak tsi tâu khưx phưx viv nênhs hloz muk uô hâux lưv đêz tsi muôx lênhx tưs khưx phưx. Pox nhuôk tsênhv chêx chôngk paz têx chuôz zis co nzor ngaz tul luz nênhx”.

          Hâur jiês đêx cuôr yôngz nhiv kruôr đhâu, xã Tà Mung, huyện Than Uyên zos tiv phaz muôx têx ruôr hiêv lox tiv zix lok lênhx nênhs thâuv muôx 3 lênhx nênhs tuôs thiêz 2 lênhx trâus plox mông, 70 ntâu luz tsêr trâus đêx cuôr yôngz lok sik trâus zênhr shar. Pox nhuôk li ntâu mênhv chêx blêx, kôngz lôngk trâus ar, môngr jêz siz vôngz tas, đêx cuôr yôngz hôx phưx tsi tâu.

          Zơưv Phùng Tiến Hưng, Chủ tịch UB xã Tà Mung, huyện Than Uyên puz pâuz: thâuv muôx đêx nas cuôr yôngz đhâu, xã tưz seiz car tâu zuôr xar 20 ziv chuôz zis, đros 100 ntâu lênhx nênhs nhoz 3 jos Nậm Mở, Đán Tọ thiêz Nậm Pắt njuôs xav zuôr muôx tox poz, tsi taz por. Đrâuv chox kriê têx lưx lươngv ntơưv qơư paz tsôngv box khưx phưx têx trâus ruôr hiêv, UB xã tưz heik lưx lươngv paz têx ziv chuôz zis nhoz qơư njuôs xav muôx tox poz txar muk nhoz qơư taz por đuô: “Txix qênhx shênhx qiv hơưv txơưr txar ntâu hâur têx hnuz đhâu, sâuv thax tsav tưz trâus ruôr hiêv lok lênhx nênhs, tsêr nhoz, chuôz zênhx chuôz tas. UB xã, Ban chỉ huiz phax tar ntux nas thiêz nriêr chơưv nanv xã tưz tsưr tsix seiz jor thơưk hnuz thơưk hmo ntơưv xã thiêz têx qơư njuôs xav muôx tox poz siêz. Thôngx cxix UB xã tsưr tsix txar tsôngv box muk nhoz qơư taz por đuô”.

          Xã Tà Mung cux zos tiv phaz trâus ruôr hiêv hnhar tiv zix lok zaoz thôngz, thâuv cêr txuôk tsênhv qơư xã muôx yênhx châuv qơư trâus xưz poz, uô zaoz thôngz muk lok tsi tâu. Têx cêr txix tsênhv qơư xã muk têx jos Nậm Mở, Đán Tọ, Nậm Pắt, Tà Mung muk lok tsi tâu. Txos hnuz 12/8, cêr muk tsênhv qơư xã thiêz têx cêr muk têx jêx jos thiêx tâu khưx phưx lav muk tâu đhâu. Txix co côngz xưv paz txưv pox nhuôk nhoz têx jêx jos thiêz thâux hax huv chơưv paz muk têx jêx jos thiêx tâu uô zôngx ziv đuô. Zơưv Phùng Tiến Hưng, Chủ tịch UB xã Tà Mung puz pâuz cxaz: “UB xã tưz tsưr tsix seiz nus, tôngv vênhx têx chuôz zis muôx nênhs tuôs thiêz trâus saz thiêz têx ziv chuôz zis tsuv txar qơư nhoz yiêz. Nhiv no ntơưv Ub xã, Ban chỉ huiz phax tar ntux nas thiêz nriêr chơưv nanv xã tưz heik lưx lươngv yax six yax mông, vênhv tôngv tsôngv box muôz siêz tsưv ziv thiêz chuv tôngv hâur côngz xưv phax tar ntux nas, tiv zix zos nhoz thax tsav riêz nênhs”.

          Zaoz thôngz muk lok tâu đhâu, txix co hâux lưv paz txưv khưx phưx cux xưk li huiz tôngv txix xã hội paz thâux tâu zav nox muk txos tsôngv box thax tsav đêx nas cuôr yôngz Tà Mung. Luz nênhx tror jux jus tâu ngaz tul đros têx ziv chuôz zis trâus ruôr hiêv lok lênhx nênhs thiêz chuôz zênhx chuôz tas hâur jiês đêx cuôr yôngz nhiv kruôr đhâu./.

Khắc Kiên-Txâur Vax cxeik nhênhv