Shux xênhz pluôs nhoz Điện Biên tâu paz meir tính thiêz sim 4G

5 cxênhz luz meir tính thiêz sim 4G muôz paz trâu shux xênhz muôx luz nênhx txov nhêv hâur thax tsav tỉnh Điện Biên jiês no zos têx meir thiêz sim mak Tsêr nhiêx muôv muôs Bưu điện Liên Việt thiêz Viettel Điện Biên muôz trâu têx shux xênhz lơưr tsaz yênhx “paz sóng thiêz meir tính trâu têx nhuôs shux xênhz” zos Thủ tướng Chính phủ phuôx tôngv. Tas nro chor meir tính thiêz sim tâu muôz puz jiês no puôr lênhx zos têx chuôz zênhx jông, krêz seiz tâu mạng xã hội sei, paz têx nhuôs shux xênhz pluôs hâur thax tsav cơưv ntơưr đhâu hâur meir tính thiêz meir hu xor tôngx cov tâu jông đuô, lar heik zos têx shux xênhz nhoz thax tsav tox siêz đêz đrôngs jux juk cơưv txux chi sưv đros đhâu hâur meir tính, meir hu xor tôngx hâur ntu muôx moz Covid-19 huôv xênhz phiv liv.

Tâu muôz meir tính thiêz sim 4G, Hà Mai Anh, lớp 12C4, cơưv ntơưr trâu tsêr cơưv cxênhx 3 TP Điện Biên Phủ, tỉnh Điện Biên heik: “Cur lok six jông siêz thiêz shir phaz, viv hâur ntu muôx moz gênhk pêz tsuv nhoz hâur tsêr cơưv đhâu sâuv meir hu xor tôngx, luôs hâux lưv cơưv txux chi lok six nhuôz cơưk. Zos six cơưv li co ntêr zuôr uô trâu moz kror muôs, têx meir hu xor tôngx lok cux cuz, sav tsi txâuk trox chiê phưx vưv cơưv ntơưr. Tâu muôz meir tính zuôr jông đuô paz trâu cur cêr cơưv txux, phưx vưv tâu ntêr hâur six hơưv cơưv, viv luz meir lox đuô zuôr zôngx ziv krêz seiz têx mông uz no đuô”.

Txix moz Covid-19 huôv xênhz phiv liv, ntâu qơư Zoz zux nhoz tỉnh Điện Biên tưz tsuv kriê thiêz cơưv ntơưr đhâu hâur meir tính, meir hu xor tôngx.

Zơưv Cù Huy Hoàn, Phưv Giám đốc Sở zoz zux tỉnh Điện Biên heik pâuz: Zos tỉnh ntus đriv, txov nhêv viv li luôs hâux lưv kriê thiêz cơưv ntơưr li heik sâuv ntơưv Điện Biên njiz trâul lok six ntâu phiv liv. Nhoz iz cxiê thax tsav qơư li: Nậm Pồ, Mường Nhé, Điện Biên Đông…., ntâu chuôz zis lơưr zuôr tsi tâuk têx meir tính, meir hu xor tôngx jông trâu chor tuz nhuôs cơưv ntơưr. Trơưk li thôngz sâu, nhiv no tas nro tỉnh tsênhv yuôr 53 cxênhz ntâu lênhx shux xênhz muôx tsi txâuk têx chuôz zênhx phưx vưv cơưv txux chi iz zav li heik sâuv. Iz chas co, tỉnh cux tsênhv muôx iz cxiê thax tsav uô vuôk har toz, tsi muôx sóng internet chiê kriê thiêz cơưv ntơưr trơưk faz tsưr ziv co. Chênhr zos li no, tâu paz 5 cxênhz luz meir tính thiêz sim 4G zuôr txo grêk tsơưs tâu iz phênhv tưs têx phiv liv lok sâuv kriê thiêz cơưv ntơưr đhâu hâur meir tính thiêz meir hu xor tôngx trâu ntâu thax tsav qơư: “Co zos têx huv lok six muôx liv trâu têx tuz nhuôs shux xênhz muôx luz nênhx txov nhêv hâur thax tsav tỉnh Điện Biên thiêz cux zos têx chiê sơưr đơưk muôx vax huôv, chei siz luôs hâur zoz zux, chor nhuôs shux xênhz tsi tâu muk tsêr cơưv, cơưv txux chi viv muôx moz gênhk, taz sik têx nhuôs cux tror tâu muk cơưv ntơưr viv tưz muôx chuôz zênhx thiêz chor cưk kriê ntơưr lok lơưr cux zôngx ziv đuô hâur kriê txux chi txos trâu têx nhuôv shux xênhz”.

Lok sâuv Tsêr nhiêx muôv muôs Bưu điện Liên Việt, zơưv Huỳnh Ngọc Huy, Chủ tịch Hôiv đôngx quản trị heik: Taz viv hâux lưv uô no tsi zos muôz têx chuôz zênhx xưz, tsênhv heik lol sâuv têx cêr hluz thiêz txơưx jênhv paz trâu chor nhuôs shux xênhz, cux iz zav li đros txoz cxơưx trâu cxênhx tuz nhuôs luz nênhx zar tov kaz no cov tsâu sor, vav mênhx. Vav chiê siêz, tsaz yênhx no zuôr nthuôr đêz đar txos trâu cxuô cơ quan, tsưr tsix, lênhx nênhs, doanh nghiệp, têx lênhx nênhs siêz jông txơưr đuô chiê sik đros hu zâuv, fuô uô têx hâux lưv paz max chor nênhs muôx luz nênhx txov nhêv, zuôr trâul tâu sơưr đơưk paz hâur tỉnh Điện Biên heik taz thiêz cxuô thax tsav qơư hâur tas nro têz qơưk heik cxuô chiê sir jos  hla đhâu têx phiv liv hâur ntu muôx moz gênhk. “Meir tính zos iz zav chuôz zênhx phưx vưv cơưv ntơưr hâur ntu nhiv no chiê uô trâu têx tuz nhuôs sưv jê đuô thiêz chor nhuôv muôx vax huôv, chei siz luôs đrok luôs lưv tus txơưr đuô. Chênhr zos li heik co, pêz tsaz yênhx, hâux lưv uô muôz meir tính puz trâu  tỉnh, lok six xar cov têx nhuôv cux jông li luôs lưv tus, muôx txâuk têx zav zov chênhr hâur luz nênhx, phưx vưv cêr xênhz huôx, cơưv txux chi, cxơưz paz đas jos trâu chor nhuôs chiê lơưr cơưv tâu ntâuz ntơưr jông đuô hâur ntu zuôr txos thiêz muôx tâu têx côngz đas jos paz trâu cxiv tsa têz qơưk ziv hnuz ziv huôv tsar”./.

(Vũ Lợi-Riê Lâux cxeik, nhênhv)

Tsi chiê lênhx tưs trâus tso tsês tov kaz

Tưz xar txos tsiêz Tsor shông 2022, Đảng, chinhr phuv, UBTWMTTQ VN tsênhv chox kriê têx bộ, nganhx, têx tỉnh ciêr chênhr qênhz yuôx, pâuz tâu qênhx shênhx têx lênhx nênhs tâu sơưv chính sách, tsôngv box mênhx cxưx tsơưs nênhs muôx luz nênhx txov nhêv, trâus zênhr shar tiv moz Covid-19, njiz phêv liv tiv ntux nas, moz huôv xênhz njuôs xav zuôr trâus yeiz li luz nênhx…chiê ciêr chênhr paz txưv cxur, zav nox thiêz khơưk muôz huv, taz por chuôz zis tưs cux muôx tsiêz nox sor si. Zơưv Ta Rương Lương, Phưv Chủ tịch UB xã Hương Hữu, huyện Nam Đông, tỉnh Thừa Thiên Huế puz pâuz, têx hnuz xar txos tsiêz lok six ntâu tsưr tsix, lênhx nênhs siêz jông tuôx seiz, khơưk muôz huv tsiêz trâu tsôngv box mênhx cxưx Cơ Tu sâuv thax tsav: "Hâux lưv tsoz phưz trâu chuôz zis tâu sơưv cêr chei, ziv chuôz zis pluôs, tiv zix zos chuôz zis tsôngv box mênhx cxưx tsơưs nênhs njiz phêv liv hâur ntu nox tsiêz no, đrâuv phongx lox tongv mak UB huyện tsênhv muôx ntâu phênhv huv, thiêz chinhr phuv cux muôx huv khơưk muôz trâu têx chuôz zis pluôs, chuôz zis txov nhêv".

          Chiê taz por pox nhuôs lênhx tưs cux muôx tsiêz nox shir phaz, đros thiêz chủ tịch têz qơưk thiêz tỉnh Thừa Thiên Huế li phênhv huv, UB huyện Nam Đông cux bax 4,5 tênhr cxur thiêz 200 ntâu phêv huv, iz phênhv 500 cxênhz đeiv khơưk muôz trâu têx ziv chuôz zis pluôs. Zơưv Nguyễn Thanh Bình, Phưv Chủ tịch UB tỉnh Thừa Thiên Huế puz pâuz: Tỉnh lok six tsov cưv paz têx lênhx nênhs tâu sơưv cêr chei, nênhs pluôs thiêz tsôngv box mênhx cxưx tsơưs nênhs chiê pox nhuôs lênhx tưs cux muôx tsiêz nox sor si, shir phaz. "Hâur qênhx shênhx moz huôv xênhz phêv liv, têx ziv chuôz zis tâu sơưv cêr chei, ziv chuôz zis pluôs thiêz tsôngv box têx mênhx cxưx tsơưs nênhs njiz ntâu phêv liv lok zav nox. Pêz cux tưz tsov cưv chiê paz txưv pox nhuôs hâur ntu nox tsiêz. Đrâuv co tỉnh cux tưz chuôz tsar qênhz yuôx têx ziv chuôz zis pluôs, ziv chuôz zis tâu sơưv cêr chei, chuôz zis mênhx cxưx tsơưs nênhs ntơưv A Lưới thiêz Nam Đông thiêz choz jênhv vưv trâu UB huyện A Lưới thiêz Nam Đông ciêr chênhr paz txưv chiê pox nhuôs tos iz luz tsiêz sor si, cxix cxuô"

          Tsiêz no, 53 cxênhz ntâu ziv chuôz zis tsôngv box mênhx cxưx tsơưs nênhs ntơưv 5 huyện tox siêz thiêz 8 xã nhoz têx huyện tiêx đras tỉnh Quảng Ngãi tâu jênhv huv Tsiêz. Iz phênhv tsiv grê 180 cxênhz đeiv muôx trox nox, mix chênhr…No zos chính sách paz txưv iz cxiê hax huv zuôr trâus trâu tsôngv box mênhx cxưx tsơưs nênhs hâur ntu nox tsiêz Tsor shông 2022. Zơưv Nguyễn Thế Nhân, Phưv Tsar Ban mênhx cxưx tỉnh Quảng Nagĩ puz pâuz, iz jiês jiês txos tsiêz, đros têx phênhv huv txix chính sách no, têx tiv phaz, taz viv tsênhv sik côngv tês gra luz tsiêz sor si tuôx trâu tsôngv box thiêz nênhs pluôs tox siêz: "Đrâuv chính sách no, UB MTTQVN cux tưz hu grus paz txưv trâu tas nro têx ziv chuôz zis pluôs sâuv thax tsav tỉnh. Heik côngv thôngx sik côngv tês paz huv tsiêz trâu tsôngv box mênhx cxưx tsơưs nênhs thiêz ziv chuôz zis pluôs, chuôz zis zuôr xar pluôs".

          Bộ trương, chủ nhiệm UB mênhx cxưx Hầu A Lềnh puz pâuz, Tsiêz Tsor shông 2022 muôx têx txơưr pir đros têx shông tov ntêx, viv ntâu ziv chuôz zis muox luz nênhx txov nhêv, côngv đros moz Covid-19 huôv xênhz ziv phêv liv đuô. Đros co shông no cux zos shông uô lơưr ploz tsênhr pluôs yiêz, viv li chor ziv chuôz zis pluôs cux ntâu đuô. "Hâux lưv khơưk muôz huv trâu pox nhuôs hâur ntu nox tsiêz shông no zos hâux lưv lok six muôx ziz njiêz chiê tôngv vênhx, pheiz kênh đros pox nhuôs iz luz tsiêz sor si, shir phaz lơưr trơưk Đảng, chính phuv li chinhz yênhx chox kriê zos tsi chiê lênhx tưs tsi muôx tsiêz nox"

          Ntu no, ntâu lênhx nênhs lox tôngv, ntâu ziv chuôz zis tsôngv box mênhx cxưx tsơưs nênhs nhoz tox siêz tsênhv lok six cxơưx zos uô li chas chiê muôx luz tsiêz sor si thâuv moz tsênhv huôv xênhz phêv liv. Zơưv Lê Văn Thanh, Thứ trưởng Bộ lox tôngv thương binh thiêz xã hội puz pâuz: "Bộ lox tôngv thương binh thiêz xã hội đros UB MTTQVN tưz sik côngv chiê vênhv tôngv Cuiv viv nênhs pluôs đros têx phênhv paz txưv txơưr, chiê uô li chas tsôngv box puôr lênhx muôx huv, txơưv tsi cxuô tas, taz sik cux sir jos cov ntâu lênhx nênhs tâu jênhv huv tiv zix. Đrâuv co, Bộ cux heik têx tiv phaz tsov cưv paz tsôngv box sâuv thax tsav puôr lênhx muôx tsiêz nox, tsi muôx lênhx tưs trâus tso tsês tov kaz. Tsov cưv tiv zix txos nênhs pluôs thiêz têx lênhx nênhs njiz trâus têx phêv liv hâur luz nênhx chiê lơưr muôx tsiêz nox thiêz paz cxuô lênhx nênhs muôx iz luz tsiêz sor si, shir phaz"

          Đros Đảng, chính phuv, Trung ương MTTQVN li tsov cưv thiêz têx bộ, nganhx li chox kriê têx tỉnh, thành tsov cưv uô jông têx chính sách nox nhoz xã hội, tsoz phưz luz nênhx trâu tsôngv box, tiv zix zos têx chuôz zis tâu sơưv cêr chei, nênhx muôx luz nênhx txov nhêv, trâus zênhr shar tiv moz Covid-19. Đhâu co, gôngr phênhv paz pox nhuôs têx mênhx cxưx tsơưs nênhs heik taz thiêz tsôngv box tas nro têz qơưk heik cxuô tâu tos iz luz tsiêz Tsor shông 2022 sor si, taz por; chiê cxuô lênhx nênhs lênhx tưs cux muôx tsiêz nox./.

(VOV4-Txâur Vax cxeik nhênhv)