Heir nênhs Lự nhoz Lai Châu têx txux chi vênhx huôv jông

Zuôr xar 70 shông, taz sik shông no pos Lò Thị Sọn, heir nênhs Lự nhoz jok Nà Khum, xã Bản Hon, huyện Tam Đường, tỉnh Lai Châu cux tsênhv moz siêz lus uô luôs hâux lưv kriê têx txux chi vênhx huôv trâu cxênhx hluôk. Iz lớp cơưv nhoz têx tsêr vênhx huôv zos kriê têx txux chi sênhr chêr đhiê uô si lov jêv lok sik hu gâux, heik cưr cxiêx đros trâu suôz trax, suôz đruôl đror lov jêv ntưk nhoz cxuô jêx jok:“Thâuv muk uô liêx, uô têz hâur niêx hnuz, pos xar tâu têx txưv cưr cxiêx, suôz gâux jông mak kriê trâu chor tuz nhuôs sênhr chêr, sênhr suôz shâuv heik xưz. Chor nhuôs tsênhv zâu tsi pâuz heik, pos kriê cov lơưr pâuz heik, pâuz sênhr suôz, sênhr chêr. Nhiv no têx nhuôs lơưr tưz pâuz xar lơưr tsưr ziv heik thiêz sênhr chêr. Cur hnuz nhôngs siêz lơưv taz sik cux sir jos đros cxaz chuôz phôngz yaox, nthuôr uô têx txux chi cêr lov jêv”.

Iz chas têx lớp kriê txux chi vênhx huôv, cêr uô lov jêv, cux zuôr tsuv muôx heir nênhs Lự têx tsôngk tril yo hnar cxôngx nzor thiêz. Heir nênhs Lự li tsôngk tril yo zos iz kro jông uô trâu lênhx nênhs seiz nhiêv txos, viv têx chêr tsôngk co tâu chor pox niêv vir ndâuk max mav kriê têx xor liêz njuôz, xơưs uô lok six jông. Lar heik, pox niêv khênhr hnar têx yo njuôz, fuô plaz đros trâu têx hlaz sir par uô khax jav. Niêv lâul Lò Thị Đi, canr bôv vênhx huôv xã Bản Hon, huyện Tam Đường heik pâuz: Niêx hnuz chor pox niêv heir nênhs Lự khênhr hnar têx chêr tsôngk zôngx ziv chiê jông uô hâux lưv muk lol uz no. Hâur têx hnuz ntênhs, hnuz tsiêz lok sik thâuv chuôz zis muôx kruô tuôx mak lênhx pox niêv thiêx hnar chêr tsôngk yo tiêz khax, jông jav. Têx chêr tsôngk no ziv uô trâu têx ntênhs hội, cêr lov jêv yiêz thiêz jông đuô, tsênhv tâu ntơưv qơư cxiv uô đuô, por hưv tsês tsi chiê pôngz plox:“Txos hnuz 30/4 niêx shông, pêz xã zuôr uô ntênhs hội txi nhux tưv, ndo txos nhux tưv côngz đas jos, muôx hur si pêz heir nênhs txux chi xơưs uô pax ntâuz thiêz nthuôr uô têx txux chi cêr lov jêv. Ntênhs hội co pêz por hưv, tuôr tsês jông chiê têx tuz nhuôs pâuz txos chor lâul thâuv ntêx lơưr muôz têx nhux tưv lêix têz. Thâuv uô liêx têz tas mak tsuv txi nhux tưv. Thâuv ntêx zos têx ziv chuôz zis nhiêk uô nhiêk, taz sik nhiv no tas nro sơưr đơưk hâur jok sik côngv đros uô”.

Iz chas ntơư, đhâu 2 shông ntâu uô lơưr, đros trâu por hưv tsês têx txux chi vênhx huôv, Bản Hon tưz txeik tok 30 cxênhz ntâu lênhx kruô tuôx ndis seiz têz qơưk uô si, sâu tâu muôx 5 tyv đeiv ntâu. Zơưv Tao Văn Ín, Phưv Bí thư Đảng ủy xã Bản Hon, huyện Tam Đường heik pâuz:“Đảng ủy xã tror gra siêz canr bôv, đảng viên thiêz tsôngv pêx xênhv li tsưr ziv jênhv pâuz thiêz txơưx jênhv lok por hưv, tuôr tsês zuk heir nênhs têx txux chi cêr nênhx vênhx huôv cxôngx nzor. Pêz zuôr sir jos luôs hâux lưv co chiê muôx tênhx qơư vênhx huôv jông trâu huôv tsar kinh tế huv đros tsôngv pêx xênhv luz nênhx xênhz huôx; uô jông têx lênhx txơưx sênhr suôz, sênhr chêr hu gâux, heik cưr cxiêx, lâul jok, tsar jok, chor txir ndâux txir luk hâux lưv por hưv, tuôr tsês têx txux chi chiê hu zâuv tâu ntâu tus chôngz lênhx hâur thiêz đrâuv luôs 2 chas têz qơưk tuôx ndis shuôs ntux uô si, seiz heir nênhs Lự li txux chi vênhx huôv”.

Hâur côngv thôngx 20 heir nênhs uô nênhx nhoz uô cê hâur thax tsav, Lai Châu muôx 4 heir nênhs muôx jênh sôr tsơưs đuô 10 cxênhz lênhx, co zos heir nênhs Cống, Mảng, Si La thiêz Lự. Hâur ntơư, nênhs Lự ntơưv Lai Châu muôx iz cxênhz ntâu chuôz zis, zuôr xar 7 cxênhz lênhx nênhs, uô nênhx nhoz phênhv ntâu hâur huyện Tam Đường, Sìn Hồ thiêz tsênhv tuôr tsês tâu ntâu têx txux chi cêr nênhx vênhx huôv jông thâuv nzor li: Têx ntênhs hội, txux chi uô tsêr tsar lơưx nhoz, uô pax ntâuz, xơưs tsôngk tril yo hnar, lul heik, txux chi nthuôr uô lov jêv.... Zơưv Trần Mạnh Hùng, Phưv Gáim đốc Sở Vênhx huôv, thêv thao thiêz ju lix Lai Châu heik pâuz:“Nhiv no nênhs Lự têx ntênhs hội tâu tso hâur bê paz max nhiêx txiêx cxiv uô đuô thiêz tsưx phưv tsês tsi chiê pôngz plox. Iz cxiê txux chi vênhx huôv li: Tsôngk tril yo hnar thiêz iz cxiê txux chi, hâux lưv uô thâuv nzor, lul heik....tsênhv tâu ntơưv qơư fuô uô, kriê trâu cxênhx hluôk. Đros trâu têx li heik co, zos paz max trâu chor tuz nxeik hluôk ntuôr uô lov jêv, têx câu lạc bộ vênhx huôv. Tỉnh cux moz siêz cxiv uô têx ntâuz ntơưr chiê kruôs têx lênhx txơưx hu gâux, heik cưr cxiêx, tuôr tâu tsês cêr nênhx vênhx huôv thâuv nzor, tror uô jông luôs hâux lưv kriê côngv thôngx têx txux chi ntơư”./.

                                                Khắc Kiên-Riê Lâux cxeik, nhênhv

Ntênhk hội cà phê tỉnh Sơn La-Kruôk txos cà phê Việt Nam

 Nhoz thax tsav tox siêz faz Bắc, têx têz cà phê txi txir ndư ntơưv xã Chiềng Cọ, đrôngl Sơn La tưz tâu tsôngv px yiz chês huv đros zos têx cà phê zuôr tâu hêik hâur jiês kriz ntênhk hội cà phê tỉnh Sơn La. Uô nênhx Hloz lox nhoz xã Chiềng Cọ, pos Quàng Thị Trang hêik pâuz: “Xã Chiềng Cọ zos qơư kriz ntênh hội tưr thi huôv tsar uô kôngz lôngk coz, pêz chor vir ndâuk hâur jos no, lênhx tưs cux jông siêz, shir phaz lul cxiv kho đuô vax tsêr, têx cêr muk lok hâur jos, yiz têx chês cà phê cov huv đros, jông jav bax trâu hnuz kriz hội tưr thi đê txir cà phê thiêz tok tsôngv kruô tuôx sêiz shuôk”

  Chêix đê txir cà phê shông no, muôx liv jông trâu tsôngv px Sơn La. Lar hêik, iz chas têx cêr shir phaz tâu chêix chiv, chor chuôz zis chos cà phê cux li hâu ntơưv qơư cux shir phaz lul hnuz tưr thi đê txir cà phê. Zơưv Cà Trung Hoà, Phưv Chủ tịch UB xã Chiềng Cọ, đrôngl Sơn La shir phaz lul hêik pâuz: “Tsoz chos cà phê ntơưv xã Chiềng Cọ tưz huôv tsar chos tâu 30 shông lok no, zos tsoz chos tsênhv, tsôngv px muôx phênhv sâu tâu nhiêx txiêx, iz thênhv jux juok txo grêk tâu cêr yêiz pluôs.Pêz cux xar njôngr đhâu hâur jiês kriz ntênhk hội cà Sơn Sơn La, zuôr muôx chôngz lênhx kruô hâur têz qơưs thiêz oz chas têz qơưs pâuz txos cà phê Sơn La chiê cxơưz cxiz tsôngv px ntơưv qơư huôv tsar truôx tsoz chos cà phê trâu hâur ntu zuôr txos”

Thơưx jiês tâu kriz uô trâu tsênhv qơư muôx ar têz chos ntâu tsoz chos cà phê pir li cxuô tsênhv qơư hâur têz qơưs 20 cxênhz ha,tỉnh hội cà phê tỉnh Sơn La zos tsôngv px, HTX, cxuô doanh nghiệp nhoz Sơn La qơư tsiv uô tâu ntâu zav cà phê. Hâur ntơư, muôx cà phê OCOP 3 sao, 4 sao cấp tỉnh thiêz 5 sao cấp têz qơưs.  Zơưv Vương Văn Hải, Chủ tịch Hội cà phê tỉnh Sơn La shir phaz lul hêik pâuz: “Sơn La zos iz hâur têx tỉnh chos ntâu tsoz chos cà phê, tsoz chos yuôx zêx pir li cxuô tỉnh hâur têz qơưs. Lar hêik zos Sơn La chêx chôngk chos, tsiv uô cà phê cov huv đros, cà phê muôx ntâuz ntơưr. Shông no, tỉnh kriz ntênhk hội cà phê jiês xuz thơưx, zos kruôk txos têx lênhx nênhs, doanh nghiệp tsiv uô cà phê thiêz hêik kriê trâu tsôngv kruô oz chas têz qơưs pâuz txos tsoz chos cà phê, cux li tsôngv PX Sơn La têx txux chi, vênhx huôv jông cxôngx nzor”

        Ntênhk hội Cà phê tỉnh Sơn La jiês xuz thơưx tâu kriz uô trâu thâuv 8 six tsâuk ntux hnuz 20/10 shông 2023 trâu ntơưv Quảng trường faz Bắc, đrôngl Sơn La; Hội tưr đê txir cà phê tâu kriz uô trâu ntơưv xã Chiềng Cọ, đrôngl Sơn La; uô tiêr dự án yưv pênhr tsiv uô cà phê trâu ntơưv xã Mường Bon, huyện Mai Sơn; Hội nghị txuôk đros hax huv cà phê...

Txix ntênhk hội hêik lok huôv tsar chos tsoz chos cà phê hâur 30 shông đhâu  nhoz tỉnh Sơn La thiêz hâur ntu huôv tsar txuôk đros cxuô têz qơưs sâuv ntiêx têz, cxơưz cxiz tâu cà phê VN ndar chuôs cà phê sâuv ntiêx têz đros trâu cxuô hêir nênhs nhoz thax tsav faz Bắc têx txux chi, vênhx huôv jông cxôngx nzor, tâu tsôngv kruô đêz, jê pâuz txos./.

                                                              Tsu cxêik nhênhv-Long Hạnh-sVOV Tây Bắc