Thav txos lênhx nênhs muk sâu xor xưv trâu têx jêx jos

13 shông ntâu uô hâux lưv sâu xor xưv nhoz Đeix nta suôz- xa đuôz huyện Mù Cang Chải (nhiv no zos Tsênhv qơư vênhx huôv thiêz thôngz xor mông huyện), Lù x zax tsênhv niêx hnuz cxiv sâu têx xor xưv, jax sâu muôx tsơưr lươngv phưx vưv têx tsaz yênhx nta suôz nhoz taz viv cux xưk li sik côngv đros Đeix nta suôz, xa đuôz Yên Bái, pov tsir Yên Bái thiêz têx chiz coaz pov tsir Trung ương.

    A Lù li têx xor xưv, jax sâu zôngx ziv to tâuz, khênhr ndar lok têx lênhx nênhs iz siêz viv tsôngv pox nhuôs mênhx cxưx tsơưs nênhs li: bác sĩ: cưk kriê, cán bộ vênhv tôngv, têx lênhx nênhs uô côngz xưv cxiz kôngz nhoz cxuô tsênhv qơư, muôx ntâu njiêz luv tâu A Lù nriêr pâuz thiêz tso mông, taz sik đros tix lâuk, têx jax sâu lok ntux nas, tox poz nhoz tox siêz zos têx mak tix lâuk thâuv tưs cux xar lok six ntâu uô li chas chiê khưx phưx. A Lù pheiz kênh, chiv nhênhv ndo tiv zix zos lok shông 2012, thâuv muôx txuz poz kror ar sâuv xã La Pán Tẩn uô ntâu lênhx nênhs tuôs. Thâuv muk uô hâux lưv ntơưv xã, txos zar hnuz keix cux tsi tâu nox tul tsi cux zênhx max tror lok huyện chiê sâu xor xưv thôngz mông; thâuv tsênhv muk sâuv cêr, poz jêz thiêz ar tsi so poz lok hâur cêr. Tsênhv khiêr muk đreiv ho pov têx dân quân cưr têx lênhx nênhs trâus tuôs tơưv lok, tix lâuk ho đhiê muk tơưk tênhz paz max, thâuv co tsi pâuz nyei ciês tul tsi...Lơưr A Lù, thâuv thôngz xor mông lok ntux nas, tox poz, tix lâuk tsi taz zos huyện li lênhx nênhs sâu xor xưv mak tsênhv zos lok six ntâu chiz coaz pov tsir tỉnh, Trung ương li iz lênhx cộng tác viên:“Chuôz zênhx uô côngz xưv muôx tsi txâuk, hâux lưv muk lok njiz ntâu phêv liv. Txơưv phêv liv li ntơưv taz sik cur thâuv tưs cux sir jos thôngz xor mông muôx lênhx coaz txos ntux nas sei tiv zix”.

    13 shông ntâu uô côngz xưv nhoz tox siêz Trạm Tấu, Lộc Chầm- nênhs sâu xor xưv Tsênhv qơư thôngz xor mông thiêz vênhx huôv huyện tâu pâuz txos zos lênhx nênhs ndo yênhx jêx jos, yênhx thax tsav qơư tik bê Hmôngz lok six lax ndo. Tix lâuk pheiz kênh, chiv nhênhv tix lâuk ndo tiv zix zos shông 2011, thâuv huyện Trạm Tấu uô tsưr ziv vênhv tôngv tsôngv box Hmôngz tso nênhs tuôs trâu hâur hux txiêk, tix lâuk thiêz fôngx zưs li phóng sự tsuv pôngz txos 7 hnuz muk quay phênhv ntâu têx tsưr ziv tsưr tsix ntênhs tuôs. Phóng sự đhâu co tsi taz tâu ntâus grê siêz mak tsênhv paz uô hlôngr yiêz tsôngv box tox siê zli jênhv pâuz lok hâux lưv nox yôngz, hâux lưv tsưr tsix uô đaz kruô:         “Chiê ciêr chênhr thôngz xor mông txos tsôngv fôngx zưs mnôngs đeix, tiv zix zos têx xor mông lok ntux nas mak pêz tsuv zôngv cxuô tsưr ziv uô. Ntâu hâux lưv thâuv thôngz sâu tâu ntơưv tiv phaz tsi tâu lok txos chiz coaz chiê cxiv sâu mak pêz nhênhv đhâu điện thoại xa trâu têx lênhx nênhs biên tập uô ntêx chiê thôngz xor mông cov sei tiv zix. Cur thâuv tưs cux xar tiêk, tưz uô hâux lưv no mak tsuv uô cov jông jênhv vưv tâu choz”.

          Txix thâuv têx Đeix nta suôz-xa đuôz huyện yênhx Tsênhv qơư vênhx huôv thiêz thôngz xor mông, đrâuv jênhv vưv sâu xor xưv, têx lênhx nênhs sâu xor xưv tsênhv cxaz chuôz ntâu hâux lưv li vênhx huôv, vênhx ziv, thôngz xor mông....Sir jos cxơưz tiês uô têx jênhv vưv txơưr tâu choz, têx lênhx nênhs sâu xor xưv thâuv tưs cux chuv tôngv muôx tsưr ziv uô thâuv muôx luôk hâux lưv tưs, truôx siêz gra chuôz zênhx, meir muk thax tsav chiê sâu xor xưv. Nênhs sâu xor xưv Mỹ Vân, tsênhv qơư thôngz xor mông thiêz vênhx huôv huyện Văn Yên puz pâuz:“Cur cux xưk li têx lênhx pox niêv sâu xor xưv txơưr nhoz tsênhv qơư muôx mê nhuôk tsênhv zâu, taz sik thâuv muôx hâux lưv tsuv ciêr chênhr muk thôngz xor mông mak pêz puôr lênhx truôx siêz sơưr cêr muk uô cov jông”.

          Iz lênhx nênhs sâu xor xưv Tsênhv qơư vênhx huôv thiêz thôngz xor mông huyện fênhx yax mak tsuv uô ntâu hâux lưv li: cê uô nênhs sâu xor xưv, cê uô quay phim, cê zos biên tập viên, phát thanh viên....uô ntâu hâux lưv li ntơưv, taz sik lơưr li têx theox chênhv uô hâux lưv cux tsênhv yuôr ntâu phêv liv. Txơưv phêv liv li ntơư, taz sik lênhx tưs cux lok six moz siêz đros thiêz zuk li hâux lưv uô. Txix co cungz yênhx cxênhz xor mông muôx tsiv grê iz shông, tsi taz tuôv zênhv tâu zoz qơưx côngz xưv mak tsênhv zos têx cộng tác viên txơưx, moz siêz đros hâux lưv uô nhoz têx chiz coaz pov tsir lox. Zơưv Đỗ Tuấn Anh, Tsar chiz coaz thông tấn xã Việt Nam nhoz Yên Bái pheiz kênh:“Iz shông, têx cộng tác viên zos nênhs sâu xor xưv nhoz têx huyện xa lok trâu pêz mak lok six muôx tsiv grê, hâur co muôx têx xor mông mak tsuôk zos lênhx nênhs lok six moz siêz đros hâux lưv uô, muk txos ciês tiv phaz, đros tsôngv box nox nhoz thiêx li muôx tâu têx xor mông co”.

          Thôngz xor mông lok jêx jos tox siêz li luz nênhx txos qơư thax tsav qơư hâur tas nro têz qơưk, no zos txơưx jênhv, zos nênhs sâu xor xưv nhoz tiv phaz li kror txưv haox. Đros co, jông siêz tiv zix zos lơưr tâu pox nhuôs thiêz fôngx zưs hu đros luz bê “lênhx nênhs muk sâu xor xưv trâu têx jêx jos”./.

                                                                  Đinh Tuấn-Txâur Vax cxeik nhênhv

Quảng Ninh: Muôx tsi txâuk yuôx vắc xin, ntâu lênhx nhuôs zâu tsi tâu cxax yuôx phax phôngz moz gênhk

Zuôr xar 2 luz hlik lol no, qơư y tế xã Đồng Đạc, huyện Ba Chẽ, tỉnh Quảng Ninh muôx tsi txâuk yuôx vắc xin chiê cxax phax phôngz moz trâu têx nhuôs zâu. Uô ntêx co, Đồng Đạc muôx 50 lênhx nhuôs zâu txos cheix cxax yuôx vắc xin phax phôngz moz hâur hli 4, taz sik qơư y tế tsuôk yuôr muôx 25 côngz yuôx xưz. Bác sỹ Nguyễn Thị Thắng, Thơưx seiz car qơư y tế xã Đồng Đạc heik pâuz:“No zos têx muôx tsi txâuk yuôx cxax phax phôngz moz heik cxuô. Xav txos hli 6 no, muôx 50 lênhx nhuôs zâu tsuv cxax yuôx phax phôngz moz gênhk, taz sik nhiv no cux tsi tâu muôx yuôx thiêz tsi tâu pov li chas shor txos thâuv tưs li muôx yuôx”.

Chor yuôx vắc xin cxax phax phôngz moz gênhk chiê chor nhuôs zâu tsi trâul tâu têx moz riêz nênhs, zos: Moz njưx txiês, moz hnôngk hơưz poz, moz tuôs têk tuôs tơư, moz njưk, moz hlưz hâu…..tiv nưk muôx nưk iz zav caz moz uô huôv moz. Co zos têx yuôx zov chênhr thiêz chor nhuôs zâu tsuv tâu cxax cov txâuk 3 côngz vắc xin 5 hâur 1 uô ntêx thâuv tsi tâu muôx iz shông thiêz cxax nzir côngz tiv 4 đhâu 9 luz hlik, hok chor yuôx vắc xin DPT zuôr tâu cxax nzir trâu thâuv mê nhuôv muôx iz shông ntâu chiê phax tir thêir tâu jông moz gênhk. Zơưv Đoàn Ngọc Thanh-Giám đốc Tsênhv qơư y tế huyện Ba Chẽ heik cxơưx li no:“Pêz cux heik, phênhz lok têx muôx tsi txâuk yuôx viv têz qơưk tsi muôx tuôx. Thiêz cux heik trâu tsôngv pêx xênhv, tsuv chox mê nhuôv muk cxax ntơưv têx qơư cxax tas nhiêx, taz sik viv luz nênhx txov nhêv, sơưr đơưk cux tsi yuô chox têx nhuôs muk cxax yuôx phax phôngz moz. Zos muôx tsi txâuk yuôx vắc xin li no ntêr, zuôr uô tsi jông txos hâux lưv cxax phax phôngz moz gênhk heik cxuô, hâur co muôx têx moz txơưx siz cik thiêz zôngx ziv muôx ntâu tus chôngz lênhx trâul moz li thâuv ntêx”.

Lơưr Tsênhv qơư qênhz njuôk shuôs moz gênhk tỉnh Quảng Ninh, ntơưv qơư tsênhv muôx tsi txâuk ntâu yuôx vắc xin 5 hâur 1, xav muôx nhos 2-3 cxênhz côngz thiêx txâuk, hok chor yuôx vắc xin DPT mak nhiv no tưz tas lơưv, têx yuôx cxax phax phôngz moz txơưr đuô cux yuôr lok six tsơưs, njuôk xav hâur 2, 3 luz hlik cux zuôr tas, tsi muôx yuôx cxax, zos tsi tâu côngz nzir. Zơưv Vũ Quyết Thắng, Phưv Giám đốc Tsênhv qơư qênhz njuôk shuôs moz gênhk tỉnh Quảng Ninh heik pâuz: Phênhv ntâu chor yuôx vắc xin tâu zuôr saz đrâuv luôs 2 chas têz qơưk lol viv li tsuv pôngz ntâu six hơưv, uô ntâu ntâuz ntơưr:“Đhâu 3 shông phax tar moz, njiz trâul ntâu phiv liv viv li uô tuôr thênhv hâux lưv côngz yuôx vắc xin kênhz đuô pir li tsưr ziv tso tơưv. Pêz cux tưz heik trâu Bộ Y tế thiêz Chính phủ, cov sir jos chox kriê chiê nzor muôx yuôx vắc xin cxax trâu têx nhuôs zâu”.

Vắc xin cxax phax phôngz moz đêz đar zos têx yuôx nhoz hâur têz qơưk tsaz yênhx, heik lol Đảng, têz qơưk cêr moz siêz thiêz muôx liv lox trâu xã hội  thâuv taz por têx hâux lưv tso tơưv tưz cir ntơưr chos luk trâu chor tsưr tsix ntiêx têz, iz chas ntơư gra siêz tsơưr lươngv hâux lưv cxax yuôx phax phôngz moz gênhk. Chiê đơưk têx heik co, nhiv kruôr đhâu Phưv Thủ tướng Trần Hồng Hà heik Bộ Y tế zênhx max khưx phưx têx uô tsi tâu tsi tiêr, phiv liv cik txos zuôr yuôx vắc xin hâur tsaz yênhx cxax yuôx phax phôngz moz đêz đar thiêz txơưv li chas lok cux sir jos cov nzor muôx vắc xin chiê cxax trâu chor nhuôs zâu./.

                                                                                VOVMT-Riê Lâux cxeik, nhênhv